CC BY
17Ученые записки Таврического национального университета им. В. И. Вернадского Серия «Филология. Социальные коммуникации». Том 24 (63). № 3. 2011 г. С. 115-118.
УДК - 398 (=512.145): 008
МАГИЧЕСКОЕ ЧИСЛО 3 В КРЫМСКОТАТАРСКОМ ФОЛЬКЛОРЕ
Кокиева А.
Таврический национальный университет им. В.И. Вернадского, г. Симферополь, Украина E-mail: crimeantatarphilology@hotmail.com
В статье рассматривается магическое число 3 в крымскотатарском фольклоре. Все коды культуры предопределяют метрически-эталонную сферу мировоззрения. Сегодня при чтении фольклорных произведений понимание этого пласта осложняется. Всё это создаёт предпосылки для исследования основного значения культурного пространства.
Ключевые слова: крымскотатарский фольклор, магические числа культурное пространство, код культуры, символ.
Къырымтатар фольклор эсерлеринде къулланылгъан ракъамларнынъ сырлары. («Учь» ракъамынынъ бедиий вазифелери).
Айдынлатылгъан меселенинъ муимлиги къырымтатар фольклорында ишле-тильген 3 ракъамы насыл маналар анълаткъанынен багълыдыр. Бу мевзунынъ къы-рымтатар фольклорында аля даа огренильмегени исе тедкъикъатымызнынъ муим-лигини къайд этмеге давет эте ве аппробатив бир талиль олгъаныны косьтере.
Мевзунынъ сонъки теткъикъатларда талиль олунувы. Къырымтатар фольклор эсерлеринде къулланылгъан ракъамларнынъ сырлары («учь» ракъамынынъ бедиий вазифелери) къырымтатар фольклористикасында огренильмеди. Дигер халкъларнынъ фольклорында «учь» ракъамынынъ къулланылувыны теткъикъ эткен Бородин А.И.[1], Богораз В.Г. [2], Давидова О.А. [4] , Durbilmez Bayram [5], Джура-ев М. [6], Жуковская Н.Л. [7], Иванов В.В., Топоров В Н. [8], Кенесбаев С. [9], Косвен О.М. [10], Красных В.В. [11], Никифоров А.И, [15], Огибенин Б.Г.[16], Пропп В.Я. [17], Хроленко А.Т. [18], фольклоршынасларнынъ ишлерини къайд этмек ер-лидир.
Тедкъикъатымызнынъ эсас макъсады - фольклор эсерлеринде къулла-нылгъан «учь» ракъамынынъ тарихий-мифологик ве поэтик вазифелерини тайинле-мектен ибареттир. Алып баргъан теткъикъатымыз къырымтатар эдебияты кафедра-сында тайинленген мевзунен сыкъ багълыдыр. Къырымтатар фольклор эсерлеринде чешит-тюрлю ракъамлар (сайылар) ишлетильмекте. Фольклор эсерлеринде къулланылгъан ракъамларнынъ тарихий эсаслары ве поэтик табиатына коре: аньаневий ве тылсымлы ракъамлар чешитинден ибареттир. [10,с.15]. Ракъамлар вастасынен ай-тылмагъа истенильген медений кодларнынъ сатыр асты маналарынынъ тайинленю-ви медениет коду анълайышыны муджессемлей. Медениет коду исе тарифленген мундериджесине коре: соматик, феза, вакъыт, предмет, биоморф ве рухий медениет кодларына такъсимлене. [10, с. 232-233].
Къадимий девирлерден берли халкъымызнынъ анъында кодлаштырылып, муд-жессемленген сёзлер, ибарелер миллетнинъ медений вариети сайылмакътадыр. Бу
медений вариет асырлар теренлигинден бизим кунюмизге халкъ агъыз яратыджы-лыгъы ве эдебий абиделер вастасынен келип еткендир. Бу медений вариет эр бир та-рихий девирде миллетнинъ фаний дюньясындаки медений къыйметлерини тайинлев вазифесини эда этип кельмекте ве медений код анълайышыны такъдим этмектелер.
Халкъ агъыз иджадынынъ бедиетлигини мукеммеллештирген ракъам ремзлери (симгъалары) муайен структуралы-семантик ве поэтик вазифелерини беджерелер. Поэтик формулалар теркибинде тургъунлашып къалгъан ракъамлар бедиий метинде аньаневий шекильде ишлетилелер. [10, с. 25]. Халкъымызнынъ башына тюшкен сюргюнлик фаджиасы тесиринден миллетимизнинъ медений кодуны сакълап кель-ген ибарелердеки маналар баба-деделеримиз къуйгъан маналардан эп узакълашып , бизге асыл ве ич де анълашылмагъан бир медений пластны тешкиль эттилер.
Белли фольклошынаслар Никифоров А.И. [15], Пропп В.Я. [17] да аньаневий учьлюкнинъ сырыны тапув заруриетини къайд этмектелер. А.И.Бородин [1], Давидова О.А. [4], Хроленко А.Т. [18, 13-131] киби алимлер къадимий къабилелерде са-юв системасы тек «учь» ракъамы иле косьтерильгени ве «учь» сонъки ракъам вазифесини беджергенини тайинлейлер. В.Г.Богоразнынъ [2, 32] язгъанына коре, «Учь-лик къадимий саюв системасынынъ сонъки ве оны бешлик эсап усулындан айырып тургъан бир ракъамдыр. А.И.Никифоров [15,270], О.М. Косвен [10], В.Я. Пропп [17, 96] киби алимлер де бу гипотезаны къувветлейлер.В.В.Иванов ве В.Н. Топоровлар [8, 36,81 ] къадимий славянларнынъ диний мифологик системасында учь ракъамы-нынъ семантик эсасы алемнинъ вертикали учьке болюнювине багълы олгъанынен исбатлайлар. В.Г. Огибенин [16], 13 ве Н.Л. Жуковскаялар [7,97] учь ракъамынынъ мифологик тасавурлар иле багълы олгъаныны космик модельнинъ трихотомик структурасыынъ эврими мисалинен исбатлайлар.
Къырымтатар масалларында аньаневий учьлюкнинъ генезиси къадимий инсан-ларнынъ дюньябакъышы иле багълы олгъаны учь ёл мотиви, учь башлы сималар ве сюжет элементлерининъ учь дефа текрарланувы киби магик учьлюк иле багълы му-реккеп семантик конструкциялар сечиле. Алемнинъ учьке болюнюви акъкъындаки тасавурлар эсасында пейда олгъан учьлюк структурасы къадимий тюрк мифология-сында универсаль космик модель оларакъ къуллангъан. Кок-Ер-Ер асты учьлюги ильки мифлерде тасвирленип, къараманларнынъ фаалиетини озюнде муджессемле-ген эпик мекян ареалыдыр. Къадимий тюрк мифологиясында Кок - Танърылар -яхшы рухлар мекяны, Ер - инсанлар дияры, Ер асты - явуз кучьлер, олюлер алеми сыфатында тасавур этильген. Мифтеки трихотомик, яни учь алем мотиви къырыма-тар масалларындаки эпик мекян анълайышынынъ тизилишине эсас олгъан.
Къырымтатар масалларында учь сайысы пек чокъ къулланылмакътадыр. Месе-ля «учь кунь муллет», «четтен учь адам кетирмек», «учь юз акъча мирас», «тойнынъ учюнджи куню», «учь йыл гъурбетликте булунмакъ», «юкъудан учь кунь сонъра уянмакъ», «къуш кимнинъ башына учь кере къонса, о кишини хан сайланмасы», «падишанынъ учь огълу», «учь башлы дев», «сачларынынъ уджуны учь айыры джепке сакъламакъ», «мейданны учь сыра шеклинде къушатмакъ», «учюнджи джу-ма», «учь кунь гизлемек», «хасталангъан сонъ, учь кунь кечкен сонъ ольмек», киби келимелер масалларда къулланылгъаныны къайд эте билемиз.
116
МАГИЧЕСКОЕ ЧИСЛО 3 В КРЫМСКОТАТАРСКОМ ФОЛЬКЛОРЕ
«Эдиге», Къопланды Батыр», Кёр огълу», «Къозукюрпеч» къырымтатар дес-танларында расткельген «эвленмек ичюн учь шарт къоймакъ», «Учь батыр», «учь кере тёвбе этмек,» Учь унь учь гедже тойнынъ девам этилюви», «учь къуюнынъ су-вуны ичмек»., «Эвнинъ огюнде учь кере долашып къапы тюбюнде излерини къал-дырмакъ», «учь аршын къалынлыкъта бир шей», Учь йигитнинъ бир къаледе яша-масы» киби учь ракъамы къулланылгъан ибарелер сечмек мумкюн. Дестанларда учь ракъамы эсернинъ композициясыны бельгилеген муимден муим элементлердендир. Олар эсернинъ башындан сонъуна къадар сюжетни озюне бойсундырып келе-лер.Шунынъ ичюн де аньаневий учьлик эпик дестанларнынъ поэтик структарасыны муим компонетлеринден бири оларакъ эсаплана.
Нетиджелер. Бойледже, «учь» ракъамы къырымтатар фольклор эсерлеринде белли бир мерасимлернинъ теркибинде ишлетильгенини ве «учь» иле багълы поэтик формулаларда халкъымызнынъ дюньябакъышларында шекилленген къадимий тарихий-этнографик хусусиетлер акс олунгъаныны ве «учьлюк» аньанелери чокъу-сы урф-адетлер ве мерасимлер иле алякъадар мотивлер ве левхаларда къулланылгъ-аныны сечемиз. «Учь» ракъамынынъ къулланылувы мифологик тюшюнджелер тер-кибине киритилип, фольклор метинлеринде эпик чокълукъны анълатаракъ, озюнде тылсымлы ремзлерни муджессемлегенини айыра билемиз.
Теткъикъ олунгъан меселенинъ келеджекте къыйметли тарафлары
Къырымтатар фольклор эсерлеринде ракъамларнынъ тарихий эсаслары ве бе-диий алемини огренюв меселеси, тефеккюр муджизелери оларакъ сайылгъаны себе-бинден, къадимий мифологик тасавурларнынъ эмиетини терен анъламагъа ёл ача-лар. Къадимий девирлерде яшагъан миллетлернинъ дюньябакъышынынъ поэтик табиатыны тедкъикъ этильмесине кениш имкяниетлер ярата билелер.Аньаневий ремзлер тарзында халкънынъ анъына синъип къалгъан, ве, куньделик яшайышта мерасим ве адетлеримизнинъ сырлы алемине сефер къылмагъа муит яраткъан ракъ-амлар, халкъ акъыл-идракининъ аньаневий инджеликлерини темелли огренмеге хызмет этелер.
Къулланылгъан эдебият:
1. Бородин А.И. Число и мистика / Бородин А.И. - Донецк, - 1975. - 239с.
2. Богораз В.Г. Христианство в свете этнографии / Богораз В.Г. - Л., - 1928 . -146с.
3. Bozcigit. Dobruca tatar masallari. Birinci kitap / Mahmut Enver., Nedret Mahmut. - Bucuresti - 1988 - 262 s.
4. Давидова О.А. Числительные в русских пословицах и поговорках /Давидова О.А. // Специфика фольклорной лексики и фразеологии. - Курск, 1978. -123с.
5.Durbilmez Bayram. Qirim türk anlatilarinda sayi simqeliqi / Durbilmez Bay ram // Milli folklor uluslararasi Kültür Arastirmalari Dergisi - 2007. - №76., s.177- 190.
6. Джураев М. Магические числа в узбекских народных сказках / Джураев М. -Ташкент: «Фан», -1991. - 153с.
7. Жуковская Н.Л. Формы проявления культа природы в пантионе и ритуалах ламаизма / Жуковская Н.Л. // Религия и мифология народов Восточной и Южной Азии. М., -1970. - С. 113.
8. Иванов В.В., Топоров В.Н. Славянские языковые моделирующие семиотические системы / В.В. Иванов, В.Н .Топоров. - М. - Л., - 1969. - С. 36, 81.
10. Кенесбаев С. Жета, уш, тогыз, кырык пен байланысты угымдер / Кенесбаев С. // Известия АН КазССР. Серия филологическая. № 4 (29). - 1946.
11. Косвен О.М. Ибтидоий маданият тарихидан очерклар / Косвен О.М. Тошкент, - 1960 й. - 153с.
117
12. Красных В.В.Этнопсихолингвистика и лингвокультурология. - Москва: «Гнозис».- 2002. -284с. - ISBN 5-94244-009-3.
13 Къырымтатар эфсанелери.- Акъмесджит: Таврия нешрияты, 2004. - 340с. ; Къырымтатар эфса-нелери - С. 4-73. - ISBN 966-572-512-2.
14. Къырымтатар эфсанелери. - Акъмесджит: Таврия нешрияты, 2004. - 340с.; Къырымтатар дес-танлары. - С. 243-336. - ISBN 966 - 572- 512- 2.
15. Къырымтатар масаллары. 2-инджи ишленильген нешир/ [Тертип эткенлер: К.Джаманакълы, А.Усеин]. - Симферополь: КъДжИ «Къырымокъувпеднешир» нешрияты, 2008. - 384с. - ISBN 978-966354-200-3.
16. Никифоров А.И. Структура чукотской сказки как явление примитивного мышления / Никифоров А.И. // Советский фольклор. №2-3. - М., 1936. - С.269.
17. Огибенин Б.Г. Структура мифологических текстов «Рыгведи» (ведийская космогония) /Огибенин Б.Г. - М., - 1968. - С. 13.
18. Пропп В.Я. Фольклор и действительность / Пропп В.Я. - М., -1976. - С.96
19. Хроленко А.Т. Поэтическая фразеология русской народной лирической песни / Хроленко А.Т. - Воронеж. - 1981. С. 130-131.
20. Эдиге бий. Дестан. // Йылдыз, 1989, №4 - С. 96 - 120.
Коюева А. Мапчне число 3 у кримськотатарському фольклорi / А. Коюева // Вчеш записки Тавршського национального ушверситету iM. В. I. Вернадського. Серш «Фшологш. Соцiальнi комунь каци». - 2011. - Т. 24 (63), № 3. - С. 115-118.
У статп розглядаеться мапчне число 3 у кримськотатарському фольклора yci коди культури по-казують метрическi-еталонну сферу свiтогляду. Сьогодт при читаннi фольклорних творiв розумшня цього шару ускладнюеться. Все це створюе передумови для дослiдження основного значення культурного простору.
Ключовi слова: кримськотатарський фольклор, магiчнi числа, культурний простр, код культури, символ.
Kokiyeva A. Magic number 3 in Crimean Tatars folklore / A. Kokiyeva // Scientific Notes of Taurida V. I. Vernadsky National University. - Series: Philology. Social communications. - 2011. - Vol. 24 (63), No 3. - P. 115-118.
In the article examined magic number 3 Crimean Tatars folklore. All of codes of culture and spiritual predetermine the metrical-standard sphere of world view. Today at reading of folk-lore works understanding of this layer is complicated. All of it creates pre-conditions for research of basic value of cultural space.
Keywords: Crimean Tatars folklore, magic numbers are cultural space, code of culture, character.
Поступила в редакцию 01.09.2011 г.
118
