CC BY
0А.С. Айвазовнынъ миллий тасиль меселелерине дестеги (1910-нджы сенелери)
Исмаил Керим
Февзи Якубов адына Къырым муэндислик
ве педагогика университети;
Татарстан Джумхуриети Илимлер Акдемиясы
Ш.Марджани адына Тарих институты
Анълатма. 1914 сенеси, И Гаспринскийнинъ вефатындан сонъ, «Терджиман» газетасынынъ баш мухаррири вазифесинде 1917 сенесине къадар А.С. Айвазов булунгъан эди. Тамам онынъ оньдерлигинде ве незаретинде газетанынъ сахифеле-ринде мектеп ве медреселернинъ исляхи (реформалары) меселелери иле багълы кениш ве кескин муляхазалар, мунакъашалар кечирильди. Ишбу макъаледе тамам шу эснас инджеден тедкъикъ этилип, муаллимлер джемиетининъ, нихает, бир фи-кирге келип, эсасен, башлангъыч мектеплер ичюн тевсие этильген дерсликлер ве къулланмалар косьтерильмекте. Айрыджа эхэмиет бериле ки, бу мунакъашалар далгъаланып, къоюрып, ахыры-сонъу, 1917 сенесининъ кузюнде Багъчасарайда «Зынджырлы»нынъ темелинде Менгли Герай адына 2 факультетли институт ачылмасына кетире. Ве бу институтнынъ биринджи мезунлары 1920 сенеси ди-пломларыны алмагъа муваффакъ олалар.
Анахтар сёзлер: А.С. Айвазов, XX асырнынъ башы, мектеп исляхлары, Меньли Герай институты
И. Гаспринскийнинъ заманларындан башлап Къырымда окъув меселелерине (илля ки, башлангъыч мектепке) зиялыларымыз эр вакъыт айрыджа дикъкъат айырып, матбуатта чешит фикирлер, тюшюнджелер, керекли ми-саллер ве теджрибелер нешир этмекте эдилер. Табий, 1914 сенесининъ ку-
ЛИТЕРАТУРА И ЯЗЫК
УДК 93+37.014.3(477.75)
DOI: 10.22378/kio.2024.1.144-151
зюнден («Терджиман»да А.С. Айвазовнынъ баш мухаррирлиги девринде) де бойле муляхаза ве дискуссиялар токътамадан кечмекте. Эм А.С. Айва-зов бу меселеде фикир пайлашмаларыны, тартышмаларны чешит усуллар-ле дестеклий ве оларнынъ сербест ве гурь олмасына ёл ача. Яни И. Гасп-ринскийнинъ: «Джехалете къаршы къалем мухаребеси ачылмалы!» шиары алтында фааль иш, динамик бир ёнелиш курюклий эди.
Бу бир тарафтан, экинджи тарафтан исе, чар мемурлары башлангъыч миллий мектеплердеки окъув эснасыны шиддетли ёкълама, денет (контроль) алтында туткъанындан, миллий тасиль эснасы истенильгени дере-джеде илерилемей, аксине дургъунлаштырыла. Клерикал, дин дерслери окъув программаларынынъ эсасыны тешкиль этелер. Гъает керекли фен-лер (эсап, джогърафия, тарих, хэндесе эсаслары (основы геометрии) ре-сим, музыка, улькебильгиси ве дигерлери) къатыен ясакъ этильмекте. Чар режимининъ бутюн Русие боюнджа къаиделерине коре, бу ве бойле дюньявий фенлерни огренеджек талебелер рус мектеплерине авушмакъ кереклер. Табий, русча бильмегенлеринден себеп, татар балачыкълары анда барамайлар.
Бу меселени даа азбучукъ ве гузельдже айдынлатмакъ ичюн бир-эки мисаллер кетирмеге иджап олуныр.
1914 сенеси миллий мектеплерде тефтиш меселеси «Терджиман»да бойле хаберде ачыкълана: «Багъчасарай хаберлери. Ишбу куньлерде шехримизе Акъмесджит уезди маариф инспекторы келерек, базы махалле иптидаий (башлангъыч) мусульман мектеплерини бакъуп кезмиш. Мектеплерде окъунан китаплары тефтиш итмиш...» [1]. Яни джихан савашы къызгъынлашмасы, чар укюмети янгъынгъа огърамасы, савашта бинълер-дже къырымтатар аскерлери къараманджа савашкъаны ве эляк олгъанла-рына бакъмадан, къырымтатар мектеплерининъ тефтиши, контроли ич де токътамай.
Бильгенимиз киби, А.С. Айвазовнынъ кендиси де яшлыгъында Алуп-када оджалыкъ япкъанда, бойле олайларны башындан кечиргендир. 1930 сенеси Акъмесджитте хапста булундыгъы заман, язгъан къыскъа терджи-ме-и-халында дей ки, оджалыгъым эснасында талебелерге эсап, джогъра-фия, татар тилининъ сарфы ве дигер фенлерни гизли шекильде окъута эдим... 1902 сенеси Ялтадан инспектор келип, пек серт бир тавурнен манъа: «Къурандан гъайры даа башкъа фенлерни кечирсенъиз, сизге нисбетен шиддетли чарелер кореджекмиз!» деген эди [2, с. 15].
Бу аз олгъаны киби, умумен мектеплерден гъайры, оджаларнынъ озьлерини де такъип этип эвлерини, иш ерлерини тинтмек, ясакъ эдебият-ны араштырмакъ арекетлери мисаллери архивлерде толып таша. Жандарма идаресининъ къылыкъларыны бугуньгедже сакълангъан материаллар бутюн инджеликлеринен айдынлатмакъталар. Меселя, 1912 сенеси февраль
22-де Ор-Къапудаки муаллимлерден Абдулла эфенди Аджыбекировнынъ иш одасыны тинтип чешит эльязма ве атта о ерде булунгъан тюркче га-зетлерни ве оларнынъ мундериджесини тефтиш эткенлер. Ама джеза бери-леджек бир шей буламагъанларындан, якъасыны быракъкъанлар. Бу вакъиа акъкъында полковник фон Плато Таврия губернаторына махсус язылы ха-бер берген эди [3, с. 95].
Къырымтатар башлангъыч мектеплери боюнджа зиялыларымызнынъ фикирлешмелерине келиндже, зиялыларымыз арасында мектеп меселеле-риндеки мунакъашалар девамында шу арада Москвада окъугъан «исту-дент» Джафер Сейдамет 1914 сенесининъ сонъунда («Терджиман». - 1914. - № 262, 263) мектеплернинъ алыны тюзетмекчюн энъ эввеля дерсликлер-нинъ тилини ве аслында къулланылгъан земаневий имляны да тюзетмек керек олгъаныны анълата. Ама Тавдаир мектебинде чалышкъан теджрибе-ли муаллим С.А. Таракъчызаде бу фикирге къаиль олмадан: «Эввеля им-лямы керек, муаллимми?» суалини берип: «Мукътедир (икътидарлы, бе-джерикли) муаллим ише ярамаян бир китаптан истифаде итменинъ (фай-даланманынъ) ёлуны гузель булур. Факъат икътидарсыз бир муаллим, элине не къадар енъи имля ве ачыкъ лисан иле язылан бир китап верильсе, бир файда чыкъмаз!» деп джеваплана [4].
С.А. Таракъчызаде эм де пек меракълы, ве бугуньде де айрыджа дикъкъат чеккен, бойле фикирлер де юрюте. Яни яз татиллеринде меркезде (Акъмесджитте) муаллимлерге махсус эки айлыкъ бильги юксельтме кур-слары ачып тиль, имля, методика, тербие ве дигер керекли дерслер ве лек-циялар кечирип, ерли оджаларнынъ бильги ве теджрибелерини арттырмакъ меселесини огге сюре.
Азбучукъ илерисини алып сёйлемели ки, акъикъатен, аслында 1912 се-несинден башлап инкъиляп девримлерине къадар Акъмесджитте виляет земствосы тарафындан къырымтатар оджалары ичюн бильги юксельтме курслары ачылып, мешхур алимлер А.Н. Самойлович, А.Е. Крымский ки-билери бу курсларда дерс берген эдилер. Ве бильгенимиз киби, бу кур-сларда кечирген лекцияларыны ве тиль теджрибелерини топлап А.Н. Самойлович 1916 сенеси бир де къырымтатарджа грамматика кита-быны нешир этти [5].
Шу арада башлангъыч мектеп тасилинен багълы мунакъашаларгъа къошулгъан муаллимлерден даа бириси - Меметариф Челебиевдир. О, къысмен Джафер Сейдаметнинъ фикрине къошуларакъ, земаневий (о за-мандаки) китапларнынъ тили гъает муреккеп олып, арапча-фарсидже алынма сёзлер ве изафет конструкциялары иле толып-ташкъаныны анъла-та. Буларнынъ джумлеси талебелер ичюн «кечильмееджек Чатыр-Дагъ» киби олып, оларнынъ димагъларыны ёрмакъталар. Яни М. Челебиев гузель язы тилинен язылгъан китаплар ве гузель муаллимлерге буюк ихтиядж
oлгъaныны aйтa. Ве энъ ибретли бир дерслик oлaрaкъ Яxья Нaджи Бaй-6уртлынынъ «Элифбе»сини кoсьтeрe [6].
Ве, axыры, o зaмaнлaры бaшлaнгьыч сыныфлaрынынъ тaсили бoю-нджa кечирильген мyнaкьaшa ве дискyссиялaрнынъ aрaлыкь бир нетидже-си oлaрaкъ умумий тoплaшyвдa 6утюн Кьырымнынъ миллий мектеплерин-де кьyллaнылaджaкь бoйлe сырa дерсликлер тевсие oлyнa:
Биринджи сене: Элифбе. Хoджa-и-сyбьян (И. ^с^инский); Элифбе (Яxья Бaйбyртлы); Элифбе (Юсуф Зия).
Экинджи сене: Axлякь дерслери (Ибрaим Ильмий); Meбдe /бaшлaнгьыч/ ильм-и-xaл /диний турмуш кьaидeлeрини aньлaткьaн кшип/ (Maмyт Meсyт); Хэсaп меселелери (Умер Caми); Myxтaсaр /кьыскьaр-тылгьaн/ ильм-и-xan (Meмeт Meсyт); Кьyрaн мaaльтeджвид /Кьyрaнны yсyлынa бaгьлы oлaрaкь oкьyмa ильми/.
Учюнджи сене: Myaллим-и-сaрф /грaммaтикa/ ^мет Рaсим); Ma-люмaт-ы-диниe (A. Ирфaн); Axлякь рисaлeси (Aлиe Нaзимa); Чoджyкълaрa aркьaдaш. Биринджи (Умер Caми); Ильм-и-xaл кебир /буюк/ (Maмyт Me-сут); Хэсaп меселелери (Умер Caми); Кьaвaид лисaн-и-тюркий /тюркий тиллернинь къaидeлeри/ (Aбдyлькъaдыр); Усyл-и-иншa (Maмyт Фyaт).
Дёрдюнджи сене: Хoджa-и-сyбьян. 4-нджи кьысым (И. ^с^инский); Тaлим-и-вaлидaн /aнa тербиеси/ (Aлиe Нaзимa); Хифз-и-сиxxaт xoджaсы /сaгълыкъ сaкълaв бильгиси/; Тaриx-и-ислям (Aли Ceидий); Тaлим-и-фaрс (Maмyт Meсyт); Теджвид эль джедит /яньы теджвид/ Maмyт Рeфaт.
Бу китaплaрнынь джумлеси Бaгьчaсaрaйдa нешир этильгенинден, тa-бий, бyлyнмaсы къoлaй эди. Krnan муэллифлерининь (чoкъyсы диний кьы-смы) тюрк муэллифлери тaрaфындaн aзырлaнгъaн oлсa, Кьырым муэллиф-леринден И. ^с^инский, Я.Н. Бaйбyртлы, Умер Caми, Maмyт Рeфaтлaр кoрюнмeктe.
Бу ерчикте aйрыджa къoшмaлы ки, A.C. Aйвaзoв мyнaкъaшaд-жылaрнынъ язылaрыны нешир этеркен, ич бир джумлесине, келимесине тoкъyнмaй, «рeдaктирлeмeй». Шунынь ичюн бугуньде биз, юз йыл кечсе де, o зaмaнки oджaлaрынынъ тилини, дoгъгъaн рeгиoнлaрыны, тойлерини къoлaй-къoлaй aйырa билемиз.
A.C. Aйвaзoвнынъ xaрaктeриндeки aдaлeтсeвeрлик чизгилери яшлы-гъындaн тaмыр aтып шекилленгени ве гурьлешкени aятынынъ дeвaмындa бинь-бир тюрлю oлaйлaрдa aксини тaпмaкътaдыр. Иште, бaшлaнгьыч мектеп ве a^bi^^ мектеп ве медреселернинь oкъyв эснaсы сaгьлaм-лaштырылмaсынeн бaгьлы мyнaкъaшaлaр вaкътындa дa aйдынлaнгьaныны торемиз. «Зынджырлы»дa тaсиль дeвaмындa тeртип-низaм тaлaплaры oр-тaгъa къoюлыркeн, A.C. Aйвaзoв чoкъ xaкълы oлaрaкъ oджaлaрнынъ мaaшы ве мaaшны вaкътындa ве aдaлeтли суретте берильмесини къaйгьы-рa. Эм де «Зынджырлы»нынь кендисине бaгълы вaкъыф тoпрaкълaрындaн
алгъан малий (финанс) варедатны ве онынъ насыл масраф олунгъаныны мытлакъ сечильген бир комиссияда бакъылып эр вакъыт газетте илян этильмесини ве халкънынъ даимий незаретинде олмасыны озь чыкъышла-рында талап эте [7].
Юкъарыдаки малюматлардан корюнгени киби, А.С. Айвазов теджри-бели бир оджа ве гъает истидатлы журналист сыфатында 1910-нджы се-нелерининъ девамында сонъ дередже актуаль олгъан тасиль меселелерине тутуна. Бу меселе боюнджа кечирильген мунакъашаларнынъ пек тюзгюн, мантыкълы ве узманлыкъ эсасында, компетентли оларакъ идаре этип, баш мухаррир вазифесинде «Терджиман» этрафында мутехассысларны, биль-гинлерни джельп эте. Бунынъ нетиджеси оларакъ Къырым муаллимлери бири-бирине якъынлашма, фикир пайлашма, теджрибе арттырма ёлуна ми-нип тасиль эснасында гъает муим, керекли ве зарур исляхлар кечирмек ичюн огърашалар. Иште, бу кениш, макъсаткярлы арекетлернинъ джиддий нетиджеси сыфатында 1917 сенесининъ кузюнде «Зынджырлы» медресеси Менъли Герай институтына чевриле. 1920 сенесининъ кузюнде исе, ишбу институт биринджи мезунларгъа дипломлар берип Къырымда юксек дере-джели миллий тасильнинъ онеми ве файдасыны амельде косьтере.
КЪУЛЛАНЫЛГЪАН ЭДЕБИЯТ
1. Мухбир. Багъчасарай хаберлери // Терджиман. 1914. № 234. Ноябрь 16.
2. Последняя рукопись Сабри Айвазова. Дело партии «Милли фирка». Серия: рассекреченная память. Т. 1. Составители Валякин А.В., Хаяли Р.И. Симферополь: Доля, 2009. 352 с.
3. Кричинский А. Очерки русской политики на окраинах. К истории религиозных притеснений крымских татар. Баку, 1919. Пагинация с.1-58; с.1-295.
4. Таракъчызаде С.А. Ялынъыз имля иле лисан дегиль! // Терджиман. 1915. № 12. Январь 16.
5. Самойлович А.Н. Опыт краткой крымскотатарской грамматики. Петроград, 1916. 104 с.
6. Челебиев М. Мектеп меселеси // Терджиман. 1915. № 28. Февраль 6.
7. Бадракълы Я. Идарее мектюп // Терджиман. 1915. № 46. Февраль 27.
Муэллиф акъкъында малюмат: Керим Исмаил Асаногълу - филология фенлери докторы, профессор, Февзи Якубов адына Къырым муэндислик ве педагогика университети янындаки Къырымтатар филологиясы, тарихи ве къырым этносларынынъ медениети ильмий-тедкъикъат институтынынъ мудири (295015, Учебный аралыгъы, 8, Акъмесджит, Русие Федерациясы); Татарстан Джумхуриети Илимлер Академиясы Ш.Марджани адына Тарих институтынынъ Къырымдаки ильмий меркезининъ етекчи ильмий хадими (420111, Батурина сокъагъы, 7, Къазан, Русие Федерациясы); alimes@mail.ru
Роль А.С. Айвазова в процессе реформ начальных школ в Крыму (1910-е годы)
Исмаил Керимов
Крымский инженерно-педагогический
университет имени Февзи Якубова;
Институт истории им. Ш. Марджани АН РТ
Аннотация. После кончины И. Гаспринского в 1914 году газету «Терджи-ман» возглавил известный крымскотатарский писатель и публицист А.С. Айвазов. Под его руководством в газете была развёрнута широкая дискуссия, связанная с реформами в области национального образования в начальных классах Крыма. В статье делается попытка исследования процессов реформ в образовании на родном языке, показывается ряд учебников и учебных пособий, рекомендованных общим собранием муаллимов (учителей) для использования в образовательном процессе в начальных школах. Обращается внимание на то, что именно эти дискуссии позже приобрели национальный масштаб и привели к созданию в 1917 году в Бахчисарае Института Менгли Гирея, первые выпускники которого, получив дипломы в 1920 году, влились в состав национальных педагогических кадров Крыма.
Ключевые слова: А.С. Айвазов, начало XX века, школьные реформы, Институт Менгли Гирея
Для цитирования: Керимов И.А. А.С. Айвазовнынъ миллий тасиль меселелерине дестеги (1910-нджы сенелери) [Роль А.С. Айвазова в процессе реформ начальных школ в Крыму (1910-е годы)] // Крымское историческое обозрение. 2024. Т. 11, № 1. С. 144-151. DOI: 10.22378/kio.2024.1.144-151
Сведения об авторе: Керимов Исмаил Асанович - доктор филологических наук, профессор, директор Научно-исследовательского института крымскотатарской филологии, истории и культуры этносов Крыма, Крымский инженерно-педагогический университет им. Февзи Якубова (295015, Учебный пер., 8, Симферополь, Российская Федерация); ведущий научный сотрудник Крымского научного центра, Институт истории им. Ш. Марджани АН РТ (420111, ул. Батурина, 7, Казань, Российская Федерация); alimes@mail.ru
Role of A.S. Aivazov in the Process of Primary Schools Reform in Crimea (1910s)
Ismail Kerimov
Fevzi Yakubov Crimean Engineering and Pedagogical University;
Marjani Institute of History of the Tatarstan Academy of Sciences
Abstract. After the death of I. Gasprinsky in 1914, the newspaper "Terdzhiman" was headed by the famous Crimean Tatar writer and publicist A.S. Aivazov. Under his leadership, a broad discussion was launched in the newspaper related to reforms in the field of national education in the primary grades of Crimea. The article makes an attempt to study the processes of reforms in education in the native language, showing a number of textbooks and teaching aids recommended by the general meeting of muallims (teachers) for use in the educational process in primary schools. Attention is drawn to the fact that it was these discussions that later acquired a national scale and led to the creation of the Mengli Giray Institute in Bakhchisaray in 1917, the first graduates of which, having received diplomas in 1920, joined the national teaching staff of Crimea.
Keywords: A.S. Aivazov, beginning of the 20th century, school reforms, Mengli Giray Institute
For citation: Kerimov I.A. Role of A.S. Aivazov in the Process of Primary Schools Reform in Crimea (1910s). Krymskoe istoricheskoe obozrenie=Crimean Historical Review. 2024, vol. 11, no. 1, pp. 144-151. DOI: 10.22378/kio.2024.1.144-151 (In Crimean Tatar)
REFERENCES
1. The Bakhchisarai news. Terdzhiman=Translator. 1914, no. 234, November, 16. (In Crimean Tatar)
2. The last manuscript of Sabri Aivazov. The case of the "Milli-Firka". Series: Declassified memory. Vol. 1. Compiled by Valyakin A.V., Khayali R. I. Simferopol: Dolya, 2009, 352 p. (In Russian)
3. Krichinskiy A. Essays on Russian politics on the outskirts. On the history of religious oppression of the Crimean Tatars. Baku, 1919, Paginatsiya, pp. 1-58; pp.1-295. (In Russian)
4. Tarakchyzade S.A. Not only spelling and language. Terdzhiman=Translator,
1915, no. 12, January 16. (In Crimean Tatar)
5. Samoylovich A. N. Experience of a brief Crimean Tatar grammar. Petrograd,
1916. p. 104. (In Russian)
6. Chelebiev M. School question. Terdzhiman=Translator, 1915, no. 28, February, 6. (In Crimean Tatar)
7. Badrak"ly Ya. Board letter. Terdzhiman=Translator, 1915. No 46, February, 27. (In Crimean Tatar)
About the author: Ismail A. Kerimov - Dr. Sci. (Philology), Professor, Director of the Scientific Research Institute of the Crimean philology, history and culture of the Crimean ethnos, Fevzi Yakubov Crimean Engineering and Pedagogical University (8, Uchednyy lane, Simferopol 295015, Russian Federation); Leading Researcher of the Crimean Scientific Center, Marjani Institute of History of the Tatarstan Academy of Sciences (7, Baturin Str., Kazan 420111, Russian Federation); alimes@mail.ru
