CC BY
0
ТЕОРИЯ ЛИТЕРАТУРЫ
THE THEORY OF LITERATURE
НАУЧНАЯ СТАТЬЯ
УДК 821.352.3.09 ББК 83.3(2=602.2)6 А 95
DOI: 10.53598/2410-3489-2023-4-327-39-44
ЖАНР РОМАНА В АДЫГЕЙСКОЙ ЛИТЕРАТУРЕ КОНЦА ХХ - НАЧАЛА XXI ВЕКОВ (Адыгэ романыр я 1990-рэ — 2000-рэ илъэсхэм лъэпкъ литературэм зэрэхэуцуагъэр)
(Рецензирована)
Джульета Аминовна АХМЕТОВА
Адыгейский государственный университет, Майкоп, Россия ahmetova.juljeta@yandex.ru
Аннотация. Статья посвящена адыгейской романистике конца ХХ — начала ХХ! веков, ее важнейшим проблемам, основным направлениям, наиболее интересным явлениям. Исследуется важный этап в истории национального романа, научного обобщения опыта адыгейских писателей в этой области литературного творчества. Раскрываются характерные черты и тенденции развития современного адыгейского романа, констатируется влияние времени и социальных, нравственных и эстетических проблем. Для романа 90-х годов ХХ в. и начала ХХ1 в. характерны демократизм и гуманизм художественного творчества, ускорение в нем трансформационных процессов, отражающих перемену идеологических ориентиров и переоценку устоявшихся художественных ценностей. Отмечается смелое новаторство авторов, многообразие в романе стилевых решений, сопрягающих элементы разных художественных систем (реализм, модернизм, постмодернизм) и создающих новые модификации эпических жанров (мифоэпический, полифункциональный, философский роман в русле магического реализма).
Ключевые слова: адыгейская литература, роман, типология, историческая романистика обновление эпических жанров, мифопоэтика.
Для цитирования: Ахметова Д. А. Жанр романа в адыгейской литературе конца ХХ — начала ХХ1 веков (Адыгэ романыр я 1990-рэ — 2000-рэилъэсхэм лъэпкъ литературэм зэрэхэуцуагъэр) // Вестник Адыгейского государственного университета. Сер.: Филология и искусствоведение, 2023. Вып. 4 (327). С. 39-44. DOI: 10.53598/2410-3489-2023-4-327-39-44.
ORIGINAL RESEARCH PAPER
GENRE OF THE NOVEL IN ADYGHE LITERATURE OF THE LATE 20TH — EARLY 21ST CENTURIES
Dzhulyeta A. AKHMETOVA
Adyghe State University, Maikop, Russia, ahmetova.juljeta@yandex.ru
Abstract. The article aims to study Adyghe novelistic literature of the late 20th — early 21st centuries, its important issues, main directions, and most interesting features. It examines an important stage in the history of the national novel, the scientific synthesis of the experience of Adyghe writers
in this field of literature. The characteristic features and trends of the contemporary Adyghe novel are revealed, as well as the influence of time and social, moral, and aesthetic problems. The novels of the 1990s and the beginning of the 21st century are characterized by the democratization and humanism of artistic creativity, the acceleration of transformative processes reflecting the change in ideological orientations and reassessment of established artistic values. The authors' bold innovation, the diversity of stylistic solutions in the novel combining elements of different artistic systems (realism, modernism, postmodernism), and the creation of new modifications of epic genres (mytho-epic, polyfunctional, philosophical novel in the realm of magical realism) are noted.
Keywords: Adyghe literature, novel, typology, historical fiction, renewal of epic genres, mythopoetics.
For citation: Akhmetova Dzh. A. Genre of the novel in Adyghe literature of the late 20th — early 21st centuries // Bulletin of Adyghe State University, Ser.: Philology and Art Criticisms, 2023. No.4 (327). P. 39-44. DOI: 10.53598/2410-3489-2023-4-327-39-44.
Пэублэр. Адыгэ романыр лъэпкъым итхыбзэ къыдэк1уагъ, тхыгъэ литературэм къыдэхъугъ. Илъэс т1ок1ипл1рэ тфырэ хъугъэу мы жанрэр адыгэ литературэм елэ-жьы. Романыр лъэпкъым къыугупшысыгъэу щымытыгъэми, шэпхъэ гъэнэфагъэхэм икъежьап1э атехыгъагъ. Адыгэ романым 1ор1уати ык1и мифологическэ ш1эжьи хэлъ, лъэпкъ гупшысак1эр къыхэщы.
Ш1эныгъэ 1офш1агъэхэу ык1и ек1ол1эк1э-ш1ык1эхэу гъэфедагъэхэр. Я 1990-2000-рэ илъэсхэм адыгэ литературэм изэгъэш1эн чъэпхъыгъэ ек1ол1ак1эхэр къыфагъотхэзэ ш1эныгъэлэжьхэм я1офш1агъэхэр атхыгъэх. Непи ти1эубытып1эх Щэш1э Казбек, Цуамыкъо Тыркубый, Лъэпц1эрышэ Хъалидэ, Мамый Руслъан, Е.П. Шибинскаям, Пэнэшъу Уцужьыкъо, Пэрэныкъо Къутас янаучнэ тхылъ тхыгъэхэр.
Ек1ол1эк1э-ш1ык1э зэхэфык1эу гъэфедагъэхэр — къэтхыхьан, къыхэгъэщын, зэгъэпшэн-зэпэгъэуцун методхэр.
ТегущыХэн-зэхэфыныр. Охътэ ш1ук1аерэ, я 1970-рэ илъэсхэм нэс романыр К1эращэм къыхигъэщыгъэ лъэужым (итрадицие Е. П. Шибинскаям итермин) тетэу гъэпсыгъагъэ» [1: 77]. Я 1970 —1990-рэ илъэсхэм «джырэ романк1э» ты-заджэрэр агъэнэфагъэу литературэм иш1эныгъэлэжьхэм алъытэ. Мамый Руслъан зэри1орэмк1э, я 1990-рэ илъэсхэм къащегъэжьагъэу я 2000-рэм яублап1э нэс адыгэ литературэм ияпл1энэрэ 1ахьэу, «джырэ литературэк1э» заджэхэрэм романык1эм ишъуаши щыуцугъ» [2:250].
Мы илъэсхэм ш1эныгъэлэжьхэр литературэм пкъырыплъыхьэхэзэ, зэхъок1ныгъэхэу хэхъухьэхэрэм ягугъу къаш1ы, уахътэм дэгъоу къыхьырэм зыдебгъэштэныр зэрэна-фэр къа1о. Профессорэу Щэш1э Казбек изыгупшысхэм ащыщ: «Щы1эныгъэм 1офыгъо инхэр щэк1ох. Ащ писательхэм пшъэрылъ инхэр къафеш1ых — к1эрык1эу, — шъып-къэм илъагъо тетэу — тищы1эныгъэ гъогу икъоу къэдгъэлъэгъонымк1э амалэу ти1эхэм непэ заубгъугъ: шъыпкъэм ухэмышыпыхьэу къэбгъэлъэгъон фитыныгъэ щы1э хъугъэ. Ащ къик1рэп тхыгъэ тхылъхэр к1этхык1ыжьыгъэнэу. Тхылъык1эхэм ятхыгъо лъэхъанэ къихьагъ» [3: 286].
Щы1а щымы1а романыр, непэрэ мафэм фэгъэхьыгъэу роман ти1эп — мыщ фэдэ гупшысэхэр ш1эныгъэлэжьхэм къа1эты. Литературоведэу Лъэпц1эрышэ Хъалидэ мырэущтэу ытхыгъ: «Тарихъым фэгъэхьыгъэ прозэр хэбгъэк1ымэ, сэ лъэпкъ литературэм дагъоу фэсш1ырэр — тыгъосэрэ щы1ак1эм, Совет хабзэм ып1угъэ-ылэжьыгъэ адыгэм джы къызынэсыгъэм къызэратегущы1эрэр, лъэхъа-ным диштэу зызэрэзэблимыхъурэр, непэ псэурэ ц1ыфым ипсихологие къызэри-мыубытырэр ары» [4].
Я 1990-рэ илъэсхэм адыгэ литературэм ч1ып1э шъхьа1э тарихъ романым щиу-бытыгъ. Ушъхьагъу фэхъугъэхэм ащыщ илъэс пчъагъэм лъэпкъым игумэк1 шъхьаи-хыгъэу къатхын, къа1он амылъэк1эу зэрэщытыгъэр. Я 1990-рэ илъэсхэм шъхьафит гущы1эр хэгъэгум илъ зэхъум, апэу адыгэ литературэм зызфигъэзагъэр тарихъыр
ары. Адыгэ хъишъэм щыщ къэбархэми, 1оры1уатэми ацыпэ аубытзэ, тхак1охэм ро-манхэр къыхаутыгъэх.
Тарихъ романым укъытегущы1эн хъумэ, апэу зигугъу къэпш1ымэ хъущ-тыр Мэщбэш1э Исхьакъ. Тхак1ом уахътэу тызыхэтыр ыгъэфеди, роман пчъагъэ къыдигъэк1ыгъ: «Мыжъошъхьал» (1994), «Хъан-Джэрый» (1999), «Рэдэд» (2000), «Адэгэхэр» (2003) зыфи1охэрэр. Апэрэ романит1ум къагъэлъагъо-рэр я XIX л1эш1эгъум адыгэхэм ящы1эк1э-псэук1. Урыс-Кавказ заом къафи-хьыгъэ тхьамык1эгъошхом лъэпкъыр къызэрелыгъэр. Романэу «Рэдэдк1э» зэджа-гъэм къегъэлъагъо охътэ чыжьэу я Х-рэ л1эш1эгъум ык1эм — я Х1-рэ л1эш1эгъум икъежьап1э касогхэр, меотхэр, зиххэр яшъхьафитыныгъэ къаухъумэным зэрэфэ-банэщтыгъэхэр, пщэу Рэдэдэ адыгэ лъэпкъыр зык1ыныгъэм рищэл1эным иакъыл-рэ ык1уач1эрэ фигъэзагъ, ык1эм ыпсэ фитыгъ. «Адыгэхэр» зыфи1орэм — я XVI-рэ л1эш1эгъум лъэпкъыр ищы1эныгъэ хэгъэгу ш1ык1э-гъэпсык1эм тегъэхьэгъэныр, ащ пэрыохъу фэхъурэ к1уач1эхэр къыздик1хэрэр къыгъэлъэгъоным фэгъэхьыгъ. Адыгэхэмк1э мэхьанэшхо зи1э гухэлъэу (идееу) — зык1ыныгъэм фэк1оныр — пк1энчъэ зэрэхъурэр Мэщбэш1э Исхьакъ (зэрэтхэк1о ц1эры1ом дак1оу политикэм ча-нэу хэлажьэ) изэфэхьысыжьхэм ахэтэлъагъо.
Урыс-Кавказ заом, я ХХ-рэ л1эш1эгъум ия 60-рэ илъэсхэм бжъэдыгъу къуаджэ-хэу псыч1эгъ хъугъэхэм яхьыл1агъ Бэгъ Нурбый ироман-поэмэу «Мэш1оч1э мык1уас» зыфи1орэр. Къы1этрэ темэхэр уахътэк1э зэпэчыжьэхэми, ахэр адыгэ щы1ак1эмк1э тхьамык1эгъошхоу зэрэщытхэр усак1ом к1игъэтхъэу т1ури роман-поэмэм къыщызэ-дитыгъэх.
Адыгэ романхэр шъошэ зэфэшъхьафхэм арэуцо нахь мыш1эми, лъэпкъым ита-рихъ къа1уатэрэр. Лъэцэр Вячеслав ироманхэу урысыбзэк1э къыдэк1ыгъэхэр «Южный крест», «Бархатный сезон», «Лавина» зыфи1охэрэр зыщытхыгъэ уахътэм укъыпкъырык1мэ синхроннэу щытых. Блэк1ыгъэ я ХХ-рэ л1эш1эгъум ия 90-рэ илъэсхэр криминалым зыкъи1этыгъагъ, а иъэсипш1ым ик1эух дэжь романхэри къыздэк1ыгъэхэр. Пэнэшъу Сэфэр итхылъэу «Бэджэхъ» зыфи1орэм къыгъэлъагъорэр охътэ зэблэк1ыр ары. Тхак1охэм зы уахът къагъэлъагъорэр, т1уми пш1ошъ агъэхъу, ау ятхык1э, ягупшысак1э зэрэзэфэшъхьафым фэдэу произведениехэри зэфэдэхэп. Пэнэшъу Сэфэр ироман реализмэм дак1оу художественнэу зэгъэзэфагъэу щыт. Лъэцэр Вячеслав тхак1о хъуным ыпэк1э милицием хэтыгъ, подполковникэу къулъыкъур ыухыгъ. Адыгэ литературэм Лъэцэрым ытхыгъэхэр бгъэш1эгъон икъоу къыщыхэб-гъэщынхэ плъэк1ыщт. Романхэм фактологиер къябэк1ы, геройхэр щы1эныгъэм къы-хэхыгъэ шъыпкъэх, тш1эжьхэри нахьыб, произведениехэр гъэш1эгъоных. Ащ фэдэ литературэр, ш1эныгъэм зэригъэунэфырэмк1э, ц1ыф жъугъэхэм апай (массовая литература) зыфэп1ощтым игъунапкъэ итых.
Постмодернизмэм епхыгъ тилитературэ изэхъок1ыныгъэ горэхэр: роман к1эк1ыр (Къуекъо Налбый и «Къушъхьэ ябг», и «Щымы1эжьхэм ясэнабжъ», Цуекъо Юныс «Щэмыохъу»). Тарихъым, лъэпкъш1эныгъэм, философием япхыгъэ 1офыгъохэр, ахэм къапкъырык1ырэ гупшысэ къутамэхэр зы романым зэдыхэтынхэ елъэк1ы. Къуекъо Налбый ипроизведениехэм философиер ак1ы1у къэхъу, романым итекстрэ ежь тхак1омрэ зэпэзырызэу уяплъын плъэк1ыщт ык1и тхыгъэм к1оч1эшхо и1. Цуекъо Юныс ироманхэр тарихъым къыхэхыгъэ сюжетхэмк1э зэхэщагъэх, нэмык1 произ-ведениехэм къахэхыгъэ цитатэхэм, гущы1эм пае, «Щэмыохъум» бэрэ тащы1ок1э. Постмодернизмэм изынэшэнэ шъхьа1эхэм ащыщ, ыпэк1э щы1эгъэ литературэр гъэ-федэгъэныр, игугъу непэрэ произведением къыщыш1ыгъэныр. Гущы1эм пае, Цуекъо Юныс ыгъэфедагъэх Юрий Тыняновым ироманэу «Смерть Вазир-Мухтара» зыфи1орэм къыхэхыгъэу: «Иноземная, барабанная музыка имен была превосходна и слишком щедра...» зыфи1орэр, Трахъо Рэмэзан итхылъэу «Черкесы» зыфи1оу,
я 1956-рэ илъэсым Мюнхен кьыщыдэ^ыгьэм къыхэхыгъэ пычыгьоу, урыс солда-тэу Фидур ехьыл1агъэр. Мыщ фэдэ щысэу къэпхьын плъэк1ыщтыр мак1эп. Романым хэхъытагъэх ц1ыф хьалэмэтхэу щы1эгъэ шъыпкъэхэу Пушкиным, Хъан-Джэрыем яобразхэу ежь кьыугупшысыгьэхэр къызэбэк1хэрэр. Тегьэкощык1ыгьэхэу, художе-ственнэ къэг^элъэг^уак1эр нахь къегьэлъэшык1ыгьэу, тхак1ор ахэм зэрафыщытыр зэримыушъэфырэр романым лъэшэу къыхэщы.
Романыр жанрэхэмк1э зэрэзэтеутыгьэн ылъэк1ыщтым ек1ол1эк1э зэфэшьхьаф-хэр и1эх. Лъэпц1эрышэ Хъалидэ я 1970-рэ илъэсхэм къащегьэжьагьэу адыгэ романым жанрэ шъуашэхэу и1эхэрэр кьыхигьэщыгьэх. Ш1эныгъэлэжьым 1эубытып1э ыш1ыгьэ принципхэр зэпхыгъэхэр: темэр, гьэпсык1э-зэхэлъык1эр, тхак1ом мурадэу ыгьэуцурэр ык1и нэмык1хэм. Романыр зыфэгьэхьыгьэ жанрэ льэпкьыр кьыхэбгьэ-щыным фэш1, — ш1эныгьэлэжьым зэригьэунэфрэмк1э, — анахьэу уна1э зытебгьэ-тын фаер кьебэк1ырэ типологие нэшанэр ары. Литературоведым кьыхигьэщыгь: социальнэ-психологическэ роман ык1и унэгьо-льэпкь роман (Мэщбэш1э Исхьакь и «Нэфшьэгьо льагьохэр», «Ш1у ш1и псым хадз», Еутых Аскэр идилогиеу «Хьурышьо пш1ык1ут1у»), «колхознэ» роман зыфи1орэм, хельытэ ыпэк1э зигугьу кьыш^гьэу Еутыхым идилогиеу «Хьурышьо пш1ык1ут1ури», Кэстэнэ Дмитрий ироманэу «Псыгу1ан», К1эрэщэ Тембот ироманэу «Типшьашьэхэр», Пэнэшьу Сэфэр ироманэу «Шьоу дыдж»; тарихь романыр (Мэщбэш1э Исхьакь ироманхэу «Бзыикьо зау», «Мыжьошьхьал», «Хьан-Джэрый», «Рэдэд», «Адыгэхэр», К1эрэщэ Тембот ироманэу «Шыу закьу»); тарихь-революционнэ романыр (Мэщбэш1э Исхьакь ироманхэу «Нэфшьэгьо льагьохэр», «Гощэунай», Льэустэн Юсыф ироманэу «Пшьашьэ-мэ янэфыль», Еутых Аскэр ироманхэу «Баржа», «Бычья кровь», «Мыжьоф кухь»); роман-биографиер (Мэщбэш1э Исхьакь ироманхэу «Гощэунай», «Хьан-Джэрый»; Кэстэнэ Дмитрий ироманэу «Шэуджэн Мос»), «военнэ» романыр (Мэщбэш1э Исхьакь ироманхэу «Агьаерэм ежэжьхэрэп», «Ильэс фыртынхэр», Льэустэн Юсыф ироманхэу «Кьушьхьэр кьэнэфы», «Насып нал», Пэнэшьу Сэфэр ироманэу «Хьа-дырыхэ гьогу»), автобиографическэ романыр (Мэщбэш1э Исхьакь ироманэу «Щагу хьурай»), мемуарнэ романыр (Льэустэн Юсыф ироманэу «Джары икьэхьук1э»); новеллистическэ романыр (К1эрэщэ Тембот ироманэу «Насыпым игьогу», Цуекьо Юныс ироманэу «Кьэзгьэзэжьырэ шыухэр», Мэщбэш1э Исхьакь и «Кьок1ып1эмрэ кьохьап1эмрэ»), философскэ романыр (Цуекьо Юныс и «Гьуч1 Тыгьужьым итау-рыхь», «Щэмыохьу»; Кьуекьо Налбый и «Кьушьхьэ ябг», и «Щымы1эжьхэм ясэ-набжь») [5: 37].
Пэнэшьу Уцужьыкьо зэрэльитэрэмк1э: «Я ХХ-рэ л1эш1эгьум искусствэм кьыхи-хыгьэ гьогухэм, философие кьебэк1ыным, 1ор1уатэм ык1и мифым художественнэ гупшысак1эр агьэпсыгь, стилистикэр, поэтикэр, романым ижанрак1эхэр литерату-рэм кьыхэхьагьэх. Еутых Аскэр, Мэщбэш1э Исхьакь, Кьуекьо Налбый, К1эшьэкьо Алим ык1и нэмык1хэм ятворчествэ хэтэльагьох» [6: 77].
Кьэ1огьэн фаер литературэ жанрэм ихабзэхэр кьыхэбгьэщыныр псынк1эгьо 1офэп, ащ кьыхэк1эу жанрэ гощынри (классификациер) гьунэпкьэ гьэнэфагьэ-хэм арыубытагьэп. Адыгэ тхак1о пэпчь тхэк1э нэшэнэ хэушьхьафы^ыгьэ и1, ащ кьыпкьрык1хэзэ нахьыбэмк1э литературэ ш1эныгьэлэжьхэм адыгэ романистикэр куп-купэу агощы. Тхьагьэзит Юрэ адыгэ романым игощынк1э льэныкьуит1у кьы-дельытэ: 1) льэпкьым итарихь ш1эныгьэ эпическэу кьыз1эк1эгьэхьагьэныр, мыщ дэжьым шьхьа1эу кьанэрэр Шолоховым итрадиций; 2) философиер прозэм хэльэу (лирикэ-психологическэ роман) [7: 191]. Тхьагьэзитым итеорие тэ тик1эхэ рома-нистикэ етхьыл1эмэ, мыщ фэдэ сурэт тэльэгьу: апэрэмк1э, эпикэ-повествователь-нэ (обьективный) романк1э тызаджэрэрэм хэхьах Еутых Аскэр ироманхэу «Баржа», «Бычья кровь», Мэщбэш1э Исхьакь ироманхэу «Мыжьошьхьал», «Хьан-Джэрый»,
«Рэдэд», «Адыгэхэр», ят1онэрэ купэу лирэ-эпическэ стиль зинэшэнэ шъхьа1эу къыхэдгъэщырэм ащыщых — Бэгъ Нурбый и «Мэш1оч1э мык1уас», Пэнэшъу Сэфэр и «У1эгъэжъ», Кощбэе Пщымаф и «Дышъэ тас», Хъурымэ Хъусен и «Ш1улъэгъу нэп1эхъ».
Ш1эныгъэлэжьэу Пэрэныкъо Къутас неомифологизмэм рихьыл1эзэ, адыгэ роман-хэм ящэнэрэ купыр къахегъэщы. Ащ зэрилъытэрэмк1э, а купым лъэныкъуит1у щы-зэдэлажьэ: зымк1э мифымрэ 1оры1уатэмрэ зэгъусэу зы гъэш1ыгъэ (явление) агъэпсы, адрэмк1э — тызэсэгъэ шапхъэхэм ит романыр. Мы лъэныкъуит1ур зыщызэхэхьэгъэ тхыгъэм мифопоэтическэ шъошэ гъэнэфагъэ егъоты. Мифопоэтикэм жанр шъошэ зэфэшъхьафхэр къетых: роман-притчэр («Гъуч1 Тыгъужъым итаурыхъ»), роман-мифыр («Каменный век», философиемрэ мифологиемрэ зыхэт романыр «Къушъ-хьэ ябг»), тарихъымрэ мифымрэ зэдыхэтхэу «Щымы1эжьхэм ясэнабжъ» [8: 106]. Ш1эныгъэлэжьым итеорие тыкъыпкъырык1мэ, романым эпосымрэ мифымрэ ык1и эпосымрэ 1оры1уатэмрэ зыщызэдыхэтхэм «синтетизм» зыфа1орэр зы лъэныкъо къыхэдгъэщын тлъэк1ыщт. Мыщ фэдэ художественнэ тхыгъэхэм япхьыл1эмэ хъунэу тэлъытэ: Къуекъо Налбый ироманхэу «Къушъхьэ ябг», «Щымы1эжьхэм ясэнабжъ», Цуекъо Юныс и «Гъуч1 Тыгъужъым итаурыхъ», и «Щэмыохъу».
Непэрэ романым инэшанэхэу къыхагъэщхэрэмэ ащыщых «Тхэк1о ныбжьык1эхэр къыхэзгъэщыхэрэ нэшанэхэм ащыщых — ц1ыф зэфщытык1эхэр, ц1ыфым ыгу ихъык1хэрэр, тхылъеджэр къэгъэлъэгъогъэ хъугъэ-ш1агъэм ыпчэгу ит шъыпкъэу къыщигъэхъуныр» [9:13].
Зэфэхьысыжьыр. Непэрэ адыгэ литературэм сыдэущтэу романыр хэуцора, аужрэ илъэсипш1ым къыхаутыгъэхэм ащыщхэр: «Болэтыкъо Джамболэт», «Лъэ-тегъэуцу» (Бахъукъо Ерэджыб), «Зигъо мыхъугъэ къыпц1эхэр», «Къушъхьэтхым тет унэр» (Кощбэе Пщымаф), «Лъыш1эжь», «Л1акъом итамыгъ» (Цуекъо Юныс), «Джа-сус», «Рафыгъэхэр» (Мэщбэш1э Исхьакъ), «Мэлышъо зытелъэшъогъэ тыгъужъ» (Пэнэшъу Сэфэр), «Тиурам тыгъэр къыщыкъок1ы» (Хъурмэ Хъусен), «Аужрэ оркъ» (Гъук1эл1 Нурбый), «Шыухэр» (Чатао Инал), «Аужрэ оркъ» (Гъук1эл1 Нурбый), «Ш1умрэ емрэ яныбжьыкъу» (Къат Теуцожь), «Ошъогуит1ум азыфагу» (Гут1э Са-нят). Шъыпкъэ, ш1эныгъэлэжьым зыфи1орэр «Непэрэ романым 1офыгъо шъхьа1эу и1эхэм ащыщ ц1ыфыр зыщыщым, дунаим зык1ытетым афэгъэхьыгъэ гупшысэхэм зэрагъэгумэк1хэрэр къыгъэлъэгъоныр» [10: 144]. Джырэ дунаим хъугъэ-ш1эгъэ ин-хэр щызэутэк1ых, ахэм гупшысак1эхэр къыздахьых. Адыгэ романым уахътэм инэ-шанэхэр, ц1ыфыр щы1эк1ак1эм зэрэхэуцорэр къызэ1уехых.
Нафэ къызэрэхъугъэмк1э, адыгэ литературэш1эныгъэм лъэпкъ романыр зэхефы, уцук1эу фэхъугъэр, нэшэнак1эу къыздиштэхэрэр, гъэпсык1эу и1эхэр къыхегъэщых. Ыпэк1э романым ехьыл1эгъэ ш1эныгъэу зэрагъэу1угъэр ылъапсэу ш1эныгъэлэжь пэпчъ еплъык1эхэр лъегъэк1уатэх. Тэри джырэ адыгэ романым къыздиштэгъэ нэшэнак1эхэр къыхэдгъэщыным тытелэжьыхьэ.
Примечания:
1. Шибинская Е. П. Традиции Т. Керашева и современный адыгейский роман // История адыгейской литературы: в 3 т. Майкоп, 2002. Т. 2. С. 77.
2. Мамый Р. Лъэпкъым игумэк1 — литературэм и1оф // Проблемы адыгейской литературы и фольклора: сб. ст. / Адыг. Респ. ин-т гуманит. исслед. им. Т. М. Керашева. Майкоп, 2005. Вып. I0. С. 250.
3. Щэш1э К. Шъыпкъэныгъэм илъагъохэр. Мыекъуапэ: Краснодарскэ тхылъ тедзап1эм и Адыгэ отделение, 1989. С. 286.
4. Лъэпц1эрышэ Хъалид Пшъэрылъ шъхьа1 // Адыгэ макъ. 1998. 1он. и 25.
5. Тлепцерше Х. Г. Типология современного адыгейского романа // Критерий — взыскательность. Проблемы адыгейского романа и повести. Майкоп : Адыг. респ. кн. изд-во, 2008. С. 37-38
6. Панеш У. М., Ашинова Ю. А. Об эволюции жанровых форм 60-80 гг. ХХ века (на материале адыгских литератур) // Вестник Адыгейского государственного университета. Сер.: Филология и искусствоведение. Майкоп, 2021. Вып. 4 (287). С. 72-78.
7. Тхагазитов Ю. М. Эволюция художественного сознания адыгов: опыт теоретической истории: эпос, литература, роман. Нальчик, 1996. С. 191
8. Паранук, К. Н. Мифопоэтика и художественный образ мира в современном адыгском романе. Майкоп, 2006. С. 106.
9. Timmer N. Do You Feel It Too? The post-postmodern Syndrome. Amsterdam; New York, 2010. 385 р.
10. Гримова О. А. Кризис личностной идентичности в классической и неклассической прозе // Вестник Адыгейского государственного университета. Сер.: Филология и искусствоведение. Майкоп, 2021. Вып. 1 (272). С. 139-145.
References:
1. Shibinskaya E.P. Traditions of T. Kerashev and the modern Adyghe novel // History of Adyghe literature: in 3 vol. Maikop, 2002. Vol. 2. P. 77.
2. Mamy R. The experience of the people is a matter of literature // Problems of Adyghe literature and folklore: coll. of art. /Adyghe Rep. Institute of Humanitarian research named after T.M. Kerashev. Maikop, 2005. Iss. I0. P. 250.
3. Shazzo K. True paths. Maikop: Adyge department of Krasnodar Publishing house, 1989. P. 286.
4. Tleptsershe Khalid. The main task // Adyghemak.1998.
5. Tleptsershe Kh.G. Typology of the modern Adyghe novel // Criterion — exactingness. Problems of the Adyghe novel and stories. Maikop: Adyghe Rep. Publishing house, 2008. P. 37-38.
6. Panesh U.M., Ashinova Yu. A. On the evolution of genre forms of the novel of 1960-1980s. of the XX century (based on Adyghe literature) // Bulletin of the Adyghe State University. Ser.: Philology and the Arts. Maikop, 2021. Iss. 4 (287). P. 72-78.
7. Tkhagazitov Yu. M. Evolution of the artistic consciousness of the Circassians: experience of theoretical history: epic, literature, novel. Nalchik, 1996. P. 191
8. Paranuk K.N. Mythopoetics and artistic image of the world in the modern Adyghe novel. Maikop, 2006. P. 106.
9. Timmer N. Do You Feel It Too? The post-postmodern Syndrome. Amsterdam; New York, 2010. 385 pp.
10. Grimova O.A. The crisis of personal identity in classical and non-classical prose // Bulletin of the Adyghe State University. Ser.: Philology and the Arts. Maikop, 2021. Vol. 1 (272). P. 139145.
Статья поступила в редакцию 11.09.2023; одобрена после рецензирования 15.10.2023; принята к публикации 20. 12.2023.
The paper was submitted 11.09.2023; approved after reviewing 15.10.2023; accepted for publication 20.12.2023.
© Д. А. Ахметова, 2023
