CC BY
30Аджимамбетова Гульнара Шаибовна, Кадырова Фатиме Куртосмановна1 E-mail: edrudem@mail.ru
Ачыкълама. Макъаледе, умумен фииль сёз чешити ве айрыджа эмотив фииллер акъкъында япылгъан теткъикъатлар акъкъында малюмат бериле. Къырымтатар тилинде эмотив фииллер система оларакъ огренильмеди, ве тильшынаслыкъта актуаль проблема оларакъ сайыла. Ишимизде къырымтатар тилинде эмотив алыны бильдирген фииллерни ачыкъламагъа ве талиль этмеге тырыштыкъ.
Анахтар сёзлер: фииль, эмотив фииллер, дуйгъу фииллери, лексик-семантик группасы, семантик аляметлери.
Эмотив фииллернинъ семантикасы ве шу джумледен эмоция алыны характеризлеген фииллер Л.М. Васильев, И.А. Исаев, Ф.А. Ганиев, РК. Иштанованынъ ишлеринде огренильген. Четэль алимлер арасында Дуглас Байбер ве Карин Сандстр киби алимлерни къайд этмек мумкюн.
Тюркий тиллернинъ, шу джумледен къырымтатар тилинде фииллернинъ огренилюви XIX асырнынъ сонъларында XX асырнынъ башларында башлана. Умумен фииллер, оларнынъ лексик-семантик группалары акъкъында, шу сырада эмотив фииллери акъкъында малюмат белли алимлернинъ ишлеринде тампмакъ мумкюн. Мында С.Р Рзаев «Семантические разряды глаголов в современном азербайджанском языке» [Рзаев, 1970], Кулиев Г.К. «Лексико-семантическое развитие глаголов речи в тюркских языках» [Кулиев, 1982] ве ил. Къырымтатар тилинде фииллер акъкъында малюматны А.М. Меметов, РА. Берберова, Э.И. Ресутованынъ ишлеринде коребилемиз.
Э.И. Ресутова «Муреккеп фииллерде
Къырымтатар тилинде эмотив фииллернинъ семантик чешитлери
УДК 811.512.14533
ярдымджы фииллернинъ ролю ве оларнынъ таснифи» деген макъалесинде меракълы малюматларны косьтере. Муэллиф ярдымджы фииллерни учь группагъа боле:
1. Фииль япыджы аффикслер киби грамматик мана ифаделеген, исимден фиильни мейдангъа кетирген ярдымджы сёзлер (асыл ярдымджы сёзлер): тедавий этмек, акс олмакъ, джевап бермек ве иляхре.
2. Муреккеп фииллерде баш сёзге иш-арекетнинъ тарзыны косьтерген ярдымджы сёзлер (дередже ярдымджы сёзлер): язып алмакъ, сызып ташламакъ, излеп кельмек ве иляхре.
3. Модаль мананы ташыгъан ярдымджы фииллер (модаль ярдымджы фииллер): чалыша билир, алмакъ керек, хатырлап оламады ве иляхре [Ресутова, 2004, с. 119— 120].
РА. Берберова «Къырымтатар ве рус тиллеринде чифт фииль ве зарфларнынъ базы бир хусусиетлери» макъалесинде пек чокъ меракълы ве тедкъикъ этильмеген малюматларны такъдим эте [Берберова, 2005, с. 56].
А.М. Меметов «Земаневий къырымтатар тили» дерслигинде фииллернинъ бутюн категориялары акъкъында малюмат бере. Дерслигинде мейиль, дередже, заман, фиильнинъ мусбет ве менфий шекиллери, къалыджы ве кечиджи фииллер акъкъында
1 Аджимамбетова Гульнара Шаибовна,
к.филол.н., доц. кафедры крымскотатарского и турецкого языкознания ГБОУВО РК КИПУ им. Февзи Якубова; Кадырова Фатиме Куртосмановна, студент факультета истории, искусств и крымскотатарского языка и литературы ГБОУВО РК КИПУ им. Февзи Якубова (Симферополь, Крым)
малюмат алмакъ мумкюн [Меметов, 1999].
Тюркий тиллеринде фииллер мевзусы терен огренильди, ильмий ишлер язылды. Лякин кунь-куньден тазе ве чокъ меракълы фикирлернинъ пейда олмасы ве янъы ильмий ишлернинъ тедкъикъ этилюви козьде тутула [Серебренников, 1963; Ганиев, 1993].
Айры дикъкъаткъа Э.Р. Тенишевнинъ тюркий тиллернинъ къыяслама
грамматикасы ляйыкъ. Грамматикада фииль акъкъында чокъ малюмат алмакъ мумкюн. Э.Р Тенишев дикъкъатыны фииллернинъ заман категориясына айыра: кечкен, шимдики, келеджек заманлары акъкъында ве перфект акъкъында толу малюмат кетирип, мисаллернен исбатлай [Тенишев, 1984].
Ишимизде эмотив фииллерни огренемиз. Нисбетенэмотивалыныбильдиргенфииллер мевзусы акъкъында сёз юрсеткенде, «эмотив» сёзюни ачыкъламагъа керек.
«Эмотивлер» анъламында
айткъанларнынъ (адресант) эмоцияларыны ифаделенюви ве / я да динълегенлерге (адресат) эмоциональ тесир ичюн айырылгъан лексемалар анълатыла. Бир де бир эмоцияларнынъ ифаделенюви ичюн къабул эткен тюрлю лексемаларны эмотив фииллерге айырмакъ мумкюн.
Эмотивлер - тильнинъ я да нутукънынъ бирлемлери - эмотив мананынъ ташыгъанлары олып келелер. Олар тек шейни адландырмакъ ичюн дегиль де, онынъ эмоциональ мунасебетини адландырмакъ ичюн къулланылалар [Шаховский, 1983, с. 43].
Эмотив фииллерге кельгенде, олар эмоциональ алыны бильдирген фииллер арекетини анълаткъан фииллернинъ группасына кирип, психик арекетини анълаткъан фииллернинъ сырасына кирелер. Фииллернинъ семантикасы иле огърашкъан белли алим Л.М. Васильев бу сой группаны (яни эмотив фииллерини) 10 чешитке боле: олардан еди чешити ис саанен багълы фииллер (дуйгъу фииллери, истек фииллери, алгъы фииллери, дикъкъат фииллери, психологик (эмоциональ) алыны анълаткъан фииллер, эмоциональ къасеветини анълаткъан фииллер, эмоциональ мунасебетини анълаткъан
фииллер), къалгъанлары исе фикир ве фикир этюв саанен багълы (фикир этюв, бильги ве эс, яни зеин) [Васильев, 1981, с. 70].
Сонъра исе И.А. Исаева юкъарыдаки алимнинъ ишлерине эсасланып, ис-дуйгъу фииллер группасында беш семантик подгруппаны къайд эте:
1. Эмоциональ алыны анълаткъан фииллер;
2. Эмоциональ алынынъ пейда олувыны анълаткъан фииллер;
3. Эмоциональ мунасебетини анълаткъан фииллер;
4. Эмоциональ тесирини анълаткъан фииллер;
5. Дуйгъуларнынъ ички косьтерювини ифаде эткен фииллер [Исаева, 2008].
Д.Г. Тумашева ве Ф.А. Ганиев эмотив фииллерни вазиет (ал) фииллернинъ теркибине кирсетелер.
Дуглас Байбернинъ фикирине коре фииллернинъ бойле ЛСГ когнитив ве эмоциональ маналарыны ифаделеген фииллер де кире. Олар чешит мунасебетлерни ве истеклерни, дуйгъу ве нутукъ алыны бильдирелер [Douglas, 1999].
«Дуйгъу» фииллернинъ ЛСГ-да 11 лексик-семантик подгруппаны къайд этмек мумкюн (А.Г. Шарифуллинанынъ таснифи эсасында):
1. Севги фииллери.
2. Нефрет фииллери
3. Къуванч ве кейф фииллери
4. Теляш ве асрет фииллери
5. Тааджип фииллери
6. Къоркъу фииллери
7. Рухландырув ве айранлыкъ фииллери
8. Шубе, утанув фииллери
9. Тынч ве сакинлик фииллери
10. Джан агъырув ве хорлукъ фииллери
11. Бир де бир дуйгъуны кечирген киби маналарыны анълаткъан фииллер [Шарифуллина, 2013, с. 125].
Къырымтатар тилине кельгенде, шуны къайд этмек керек ки, эмотив алыны бильдирген фииллер меселесинен багълы малюмат аз, олар тафсилятлы шекильде огренильмеди, олгъан назарий малюматларгъа эсасланып, къырымтатар тилинде эмотив фииллерни чешит тарафлама талиль этмеге тырыштыкъ.
Бойледже, къырымтатар тилинде дигер тюркий тиллердеки киби, фиильнинъ ролю тек арекет бильдирген хусусиети иле бутюнлей ачыкъланмаз. Тедкъикъатчылар нутукъ фииллерни, эмек фииллерни ве дигер фииллерни айыралар.
Яни, умумий олгъан «эмотив ал» семантик алямети бу фииллерни айры группада бирлештире. Бу группагъа кирген фииллер субъект тарафындан арекетни дегиль де, дуйгъуны бильдирелер.
Къырымтатар тилинде эмотив алыны бильдирген фииллер бир ве чокъ маналы ола билелер. Бир маналы фииллер, меселя: «ачувланмакъ» - ачув дуйгъусыны ис этмек, бир шейге ачувланмакъ; «кедерленмек» -кедер дуйгъусыны ис этмек, гъам-къасевет чекмек. Чокъманалы олгъан эмотив алыны бильдирген фииллер: титремек фиили, биринджи манада сувукътан титремек анъламында къуллана биле (азбарда олгъан сувукътан титреп къалдым); экинджиден, бир къоркъудан титремек манасыны ташый биле (къоркъунчлы бир адисе, юрегим титреп къалды). Чокъманалы фииллер сырасына догъру манасында дуйгъу бильдирмеген, амма кочьме манада дуйгъу бильдирген фииллер де кирелер. Меселя сувумакъ фиили, ава сувуды асыл манада къулланыла, яни дуйгъу ифаде этмей, амма кочьме манада онъа олгъан дуйгъуларым сувуды манасында къулланыла, яни эмотив ал ифаде этиле. Чокъусы алда эмотив ал бильдирген фииллер поэтик лексикада къулланыла. Бу фииллернинъ къулланылмасы нутугъымызны зенгинлете, эстетик дегер бере. Къырымтатар тилинде бойле фииллернинъ олувыны тасдикъ эттик, мисаллер кетирдик, ишимизнинъ девамында дуйгъу бильдирген фииллернинъ хусусиетлерини тафсилятлы огренмеге тырыштыкъ.
Къырымтатар тилинде эмотив алыны бильдирген фииллерни учь аляметине коре тасниф этмекни ляйыкъ коремиз: маналарына, къулланылувына ве теркибине коре. Маналарына коре менфий, мусбет, нейтраль эмотив алыны бильдирген фииллерини айырмакъ мумкюн. Менфий эмотив алыны бильдирген фииллер сырасына бойле фииллерини кирсетмек мумкюн: нефрет этмек, къоркъакъ
олмакъ, ачувланмакъ, къавгъа этмек, сукъланмакъ, куньлемек, пахылламакъ, агъламакъ, кульмек (бирисини), ошеклемек, къаргъамакъ ве башкъа.
Сонъ исе сырада мусбет эмотив алыны бильдирген фииллер: севмек, урьмет этмек, къуванмакъ, кульмек, айретте къалмакъ, севинмек, севлендирмек. Сыранынъ сонъунда озюне нейтраль семаны алгъан фииллер кире, олар бизим тилимизде энъ аз олгъан фииллердендир. Бу группагъа сагъынмакъ, меракъланмакъ, тааджипленмек, къасеветленмек киби фииллерни кирсете билемиз. Фииль энъ чокъ маналы сёз чешитидир. Фиильде маналарнынъ къошма усуллары ве дифференциациясыны къайд эте билемиз.
Эмотив фииллерининъ къулланулывыны коре чешитлерини айрырмакъ ичюн оларнынъ коннотатив маналарына дикъкъат айырмакъ керек, яни сёзнинъ къошма маналарыны бельгилемек, бу къошма маналар сёзлернинъ мусбет я да менфий тарафларыны бельгилейлер. Бу аляметлерге коре негатив мана ташыгъан сёзлерни нерваланмакъ, ачувланмакъ киби, бир группагъа кирсетмек мумкюн. Шакъалы сёзлерни башкъа группада бирлештирмек мумкюн, ве стилистик бакъымдан нейтраль сёзлерни башкъа группагъа кирсетмек мумкюн: севмек, нефрет этмек киби.
Теркибине коре, къырымтатар тилинде эмотив фииллер, башкъа тюрк тиллеринде олгъаны киби, эки усулнен япылалар: морфологик (аффиксация) ве синтактик усул иле. Фииллернинъ негизи морфологик джыйымына коре дёрт группагъа болюнелер: 1) асыл (тамыр); 2) япма; 3) муреккеп (теркипли, чифт, къошма, текрар) Меселя: 1) фииллер аффиксаль усулы иле башкъа сёз чешитлерининъ негизлеринден япыла: севги-севмек; истек-истемек.
2) муреккеп фииллер акъкъында сёз юрсетсек шунъы айтмакъ керек, олар синтактик усулнен япылалар. Муреккеп фииллернинъ фииль къысмы оларакъ этмек, олмакъ, сийрекче япмакъ сёзлери къулланыла. Бизим группамызгъа аит олгъан сёзлерден бойле мисаллер кетирмек мумкюн: умют этмек, инат этмек, сабыр этмек, азап чекмек, зар чекмек ве башкъ. [Меметов, 2001, с. 271].
Бойледже, корьгенимиз киби, къырымтатар тильшынаслыгъында эмотив фииллер иле багълы олгъан меселелер мукеммель толусынен талиль этильмеди, шу себептен, келеджекте огюмюзде къоюлгъан мевзуны тафсилятлы шекильде огренмеге тырышаджакъмыз.
Аджимамбетова Гульнара Шаибовна,
Кадырова Фатиме Куртосмановна.
Семантические особенности эмотивных глаголов в крымскотатарском языке
Аннотация. В данной статье рассмотрены исследования, проведенные по теме глагол и непосредственно эмотив-ные глаголы. В языкознании крымскотатарского языка, эмотивные глаголы являются довольно актуальной темой, так как относительно данной проблемы очень мало исследований. В работе рассмотрены группы эмотивных глаголов в крымско-
татарском языке.
Ключевые слова: глагол, эмотивные глаголы, глаголы чувства, лексико-семан-тическая группа, семантические особенности.
Adzhimambetova Gul'nara Shaibovna,
Kadyrova Fatime Kurtosmanovna.
Semantic Features of Emotive Verbs in the Crimean Tatar Language
Summary. This article examined the studies conducted on the subject of the verb and directly emotive verbs. In the linguistics of the Crimean Tatar language, emotive verbs are a rather relevant topic, since there are very few studies regarding this problem. The group of emotive verbs in the Crimean Tatar language is considered.
Keywords: verb, emotive verbs, verbs of feeling, lexical-semantic group, semantic features.
Эдебият:
1. Берберова Р.А. Къырымтатар ве рус тиллеринде чифт фииль ве зарфларнынъ базы хусусиетлери // Йылдыз. 2005. № 3. С. 55-61.
2. Васильев Л.М. Семантика русского глагола. М.: Высшая школа, 1981. 184 с.
3. Ганиев Ф.А. Общая характеристика глагола. Казань: Татарское кн. изд-во, 1993. 397 с.
4. Исаева И.А. Градуальная семантика глагола в современном русском языке: дис. ... к.филол.н. Саранск, 2008. 214 с.
5. Кулиев Г.К. Лексико-семантическое развитие глаголов речи в тюркских языках // Советская тюркология. 1982. № 5. С. 3-12.
6. Меметов А.М. Земаневий къырымтатар тили. Симферополь: Къырымкъувпеднешир, 2001. 319 с.
7. Меметов А.М. Семантическая классификация глаголов действия в крымскотатарском языке // Культура народов Причерноморья. Симферополь, 1999. - Т. 5. С. 117-133.
8. Ресутова Э.И. Муреккеп фииллерде ярдымджы фииллернинъ ролю ве оларнынъ таснифи // Йылдыз. 2004. № 4. С. 119-123.
9. Рзаев С.А. Семантические разряды глагола в современном азербайджанском литературном языке: автореф. дис. ...к.филол.н. Баку, 1970. 28 с.
10. Серебренников Б.А. Система времен татарского глагола: к изучению дисциплины. Казань: КГУ, 1963. 76 с.
11. Тенишев Э.Р. Сравнительно-историческая грамматика тюркских языков. Москва: Наука, 1984. 488 с.
12. Шарифуллина А.Г. Семантика глаголов эмоционального состояния в татарских и английских языках // Филология и культура. 2013. № 1 (31). С. 124-127.
13. Шаховский В.И. Эмотивный компонент значения и методы его описания: учеб. пособие к спецкурсу. Волгоград, 1983. 96 с.
14. Douglas Biber. Grammar of Spoken and Written Leech, Susan Conrad, and Edward Finegan. English I Douglas Biber, Stig Johansson, Geoffrey land: Longman, 1999. 1204 p.
