CC BY
5УРТА АСРЛАР МУСЩИЙ РИСОЛАЛАРИДА МАЦОМЛАР
НАЗАРИЯСИ
Журъатбек Шухратович Шеримматов Sherimmatov 17 @gmail .com Юнус Ражабий номидаги узбек миллий мусика санъати институти
Аннотация: Мазкур макола макомларининг назарий асосларини урганишга багишланиб, шарк алломаларининг мусика илмига доир карашлари ва мусикий-назарий масалаларини урганишга эътибор каратилади.
Калит сузлар: узбек мусикаси, маком санъати, маком назарияси, шарк классиклари, манбашунослик, лад, парда, макомот, шашмаком
MAKOM THEORY IN MEDIEVAL MUSICAL TREATIES
Juratbek Shukhratovich Sherimmatov Sherimmatov 17 @gmail .com Uzbek National Music Art Institute named after Yunus Rajabiy
Abstract: This article is devoted to the study of the theoretical foundations of status, and attention is paid to the study of the views of Eastern scholars on the science of music and musical-theoretical issues.
Keywords: Uzbek music, maqam art, maqam theory, eastern classics, source studies, lad, parda, maqamot, shashmaqom
Маълумки, бир неча даврлар мобайнида мумтоз мусика дурдоналари уз хажми ва куламини кенгайтириб, халкимизнинг амалдаги мусикий урф одатларида узининг етакчи урнига эга булди. Узбек макомлари амалиётда пишиб етган муътабар урф-одат, нодир мусикий мажмуа ва айни пайтда "жонли мусикий мерос"дир. Бу хакида Исхок Ражабовнинг куйидаги фикрига эътибор каратсак: "Шашмаком бир колипда котиб колмади, жамиятнинг бадиий эстетик талаблари ва тарихий шароитига караб узгариб, ривожланиб, бойиб, бир авлоддан иккинчисига утиб, такомиллашиб борди"[1, 292] дейди. Бинобарин, макомлар - мумтоз мусикамизнинг шох намунаси хисобланиб, бугунги кунда хам янгидан-янги кирралари очилмокда ва ижтимоий мухитга мослашган холда сайкалланиб бормокда.
Мусиканинг назарий тармогини унинг мустахкам пойдевори сифатида белгилаш лозим. Турли халклар мусикасини урганишда хам аввало, унинг назарияси, яъни мусиканинг таркиб топишида кулланилувчи мухим унсурлар
урганилади. Бинобарин, макомларнинг назарий ва маъновий пойдевори канчалар аник ва мустахкам булса, унинг амалий ва ижровий жараёни хам шунчалар гузал ва бетакрор куринишга эга булади.
Шу уринда узбек мусикасининг назарий мусикашунослик сохасига эътибор каратсак. Бугунги кунда мусика маданиятини урганувчи ва таргиб килувчи бу тармок кай холатда ва кай тарзда давом этмокда? Узбек мусикашунослиги, хусусан, тарихи ва назариёти олдида хали яна кандай тугуни ечилмаган ёхуд охирига етказилмаган ишлар турибди?
Кайд этиш керакки, утган ХХ аср давомида миллий мусика шакллари, нота ёзувлари, шарк классикларининг мусикага багишланган ишлари, улардаги мусиканинг назарий масалаларига оид айрим тадкикотлар ва шархлар хакида бирламчи маълумотларни узбек ва рус олимларининг ишларида куриш мумкин. Шунингдек, макомлар ва халк мусикасининг аудио ёзувларининг юзага келиши, илмий ишларнинг кенг ёзилиши мазкур сохада катта узгаришларга олиб келди.
Шунга кура, халк мусикаси, миллий мумтоз мусика ва замонавий мусика маданияти, бастакорлик ва композиторлик ижодиётини урганиш, уларнинг узига хос хусусиятларини очиш, утмиш ва замонавий мусика уртасида муайян куприк хосил килиш долзарб вазифалардан хисобланади.
Шарк олимларнинг IX-XVI асрлар давомида яратилган турли тадкикотлари ва рисолаларини Шарк халклари мусикасининг ривожланиш тарихини ёритиб беришда мухим манба сифатида кайд килиш мумкин. Улар уз даврининг мусикий илми ва санъатини акс эттирувчи маънавий ёдгорлиги хисобланади. Шубхасиз, бугунги кунда макомлар бир катор узгаришларга учраган,. Бирок утмиш рисолаларида макомларнинг туб илдизи акс этгани ва улар бирламчи манба эканлигини рад этиб булмайди.
Хусусан, Мусулмон Шаркида мусика илми риёзиёт илм-фани таркибига киргани ва арифметика, геометрия, астрономия каби фанлар асосида урганилгани маълумдир. Шу сабабли, мусикий тадкикотларда айнан мусикий-назарий ходисалар математик усуллар воситасида ёритилган булса, мусиканинг эстетик жихатлари хам мухим омил сифатида курилади.
Рисолалардан шуни кайд этиш мумкинки, мусика илмининг мумтоз даври IX-XIII асрлар саналиб, [2,10] ушбу даврларда мусика илмининг асосан назарий категориялари - товуш, унинг мусикий ва физик хусусиятлари, нагма, буъд, парда-жинс тушунчалари, уларнинг хосил булиши, сифатлари, узаро муносабати тизими, чолгу асбобида жойлашуви, шунингдек, ийкоъ масалалари ва хк. ишлаб чикилади.
Кейинги давр XIII-XVII асрларда мусика илмида купрок макомот масалалари мухим ахамият касб этгани билан характерлидир. Бу даврда
яратилган мусикий рисолаларда Ун икки маком (парда, адвор) тизими атрофлича ёритилганлиги, [3, 211-212] унинг уша асрлар мусика санъатининг касбий катламида мухим урин тутганлигидан далолат беради. Мазкур даврлардаги яратилган рисолаларда мусикашунос олимларнинг парда-лад тизимига доир карашларида узаро ухшашлик жихатлари мавжуд. [4, 97]
Мусиканинг илмий-назарий томонлари билан таникли шарк классиклари -Абу Наср Форобий (873-950), Абу Али ибн Сино (980-1037), Фахриддин Розий (1150-1209/1210), Сафиуддин Урмавий (1216-1294), Кутбиддин аш-Шерозий (1236-1311), Абдулкодир Марогий (1353-1435), Абдурахмон Жомий (14141492), Зайнулобидин Хусайний (1436-1512), Нажмиддин Кавкабий (1470-й бош. 1532-33 й.), Дарвиш Али Чангий (1542-1649) ва бошкалар шугулланишган. Уларнинг асарлари макомлар илмининг пойдеворини ташкил этади. Мусикий карашлари изчил анъаналар асосида шаклланиб, бир-бирини тулдиради ва мумтоз мусикага нисбатан ягона илмий таълимотни намоён этади.
Урта Осиёда мусика санъатига оид илмий-назарий фикрларнинг узига хос хусусиятлари айнан илк урта асрларда пайдо була бошлаган. Айникса, Шарк классиклари буюк юнон файласуфларининг издошлари саналиб, улар худди Аристотель, Пифагор, Аристоксен, Евклид, Никомах, Птолемей ва бошкаларнинг антик мусика назариясини урганишган ва уларда кутарилган айрим назарий масалаларга шархлар келтиришган.
Ж.Фармернинг келтиришича "уз даврида Ал-Киндий Евклид ва Птолемей асарлари билан таниш булганлиги хамда узининг "Китаб фи кисмат канун" асарида биринчилардан уларнинг назариясига тухталиб утганлиги"ни тасдиклайди. [5, 65] Шунингдек, Форобий хам узининг "Катта мусика китоби" ва бир катор асарларида юнон олимлари фикрларига кайта-кайта мурожаат килади ва уларнинг айрим мусикий-назарий муаммолари билан боглик фикрларини келтиради. Яна бир олим Ал-Хоразмий, эхтимол, кейинги мусикий-назарий манбаларга асосланади. Чунки, Фармернинг фикрича, унинг асарларида Византия мусика чолгулари тилга олинади.
Араб тилидаги манбаларда антик давр мусикий терминологиясини изохлар куринишида (мусика санъатининг турли тармокларига кура), тугридан-тугри (лексик) ва билвосита (маъновий-мазмунан) таржималарини куриш мумкин. Кадимги юнонча атама ва тушунчаларнинг шархланиши мусика фанининг араб тилидаги терминологик тизими шаклланишига таъсир курсатган.
Шаркда классик мусиканинг назарий масалаларини дастлаб, "муаллими ас-соний" - Абу Наср Мухаммад Ал-Форобий узининг катор китобларида баён килади. Мазкур рисолаларда, асосан, мусика санъати илми, мусикий товушлар тизими, уларнинг нисбати, охангдош ва ноохангдош интерваллар, лад
тузилиши конуниятлари, товушкаторлар, куй-оханглар таърифи, вазн ва икоъ масалалри, мусикий чолгулар хакидаги карашлари келтирилади.
Шунингдек, мусиканинг лад томонини урганиш юнон олимларининг кадимий "гармоника"сида кайд этилган бир катор масалаларни камраб олади. Антик лад назариясининг умумий тузилишларига асосланган Форобий шу билан бирга бир катор асл тушунчалар киритади ва уларнинг тартибини танлаган холда шархларини келтиради.
Табобат оламида машхур булган "Шайх ур-Раис"- Абу Али Ибн Синонинг серкирра илмий меросида мусика илми мухим ахамият касб этади. У уз замонида юнон файласуфлари ва шарк олимлари Киндий, Форобий, Хоразмийларнинг асарларини кенг урганди хамда мусика тугрисидаги уз таълимотини яратди. Ибн Синонинг мусикий таълимотида назария ва амалиёт, мусиканинг инсон рухиятига таъсири, эстетика каби катор масалалар урин олган. Шунингдек, мусикага факат амалий жараён сифатида карамасдан, уни нафакат математика, балки, социология, психология, поэтика, этика, физиология каби фанлар нуктаи назаридан тахлил килади.
Форобий ва Ибн Синонинг мусикий рисолаларида асосан мусикий чолгуларни урганиш билан бирга, улар воситасида илмий-назарий масалалар (чолгу асосида мусикий товушлар, тузилмалар, жинс ва жамларнинг юзага келиши, уларнинг сифати ва бир-бирига нисбати)ни ёритишда хам фойдаланиб келганлар. XV асргача булган давр мобайнида яратилган назарий рисолаларнинг мавзуси ва урганилиш жараёни бир-бирига жуда куп масалаларда якин туради.
Урта аср олимлари мусикий-назарий масалаларда купрок ал-Форобий, Ибн Сино асарларида берилган таърифни асос килиб олганлар. Кейинги даврларда мусика назарияси Сафиуддин Урмавий, Махмуд Шерозий, Хужа Абдулкодир Марогий, Зайнулобиддин Хусайний, Абдурахмон Жомий ва бошкаларнинг асарларида янада ривожлантирилган эди. Бу олимларнииг мусика рисолаларида маком масаласи мусика назариясинииг энг йирик ва туб масалаларидан бири сифатида каралади. XIII асрнинг урталарида Сафиуддин Урмавийнинг "Китоб ул-адвор" ("доиралар хакида китоб") мусикий рисоласида "макомотнинг мазкур даврдаги усиб чикишини биринчилардан назарий жихатдан тизимлаштирди. Мазкур асар, хакикатдан, XVI асргача булган макомот хакидаги таълимотнинг тараккиётини белгилайди. Макомот мусика маданиятидаги алохида мавкеига кура мусика илмининг марказий масаласига айланди". [6, 16-24]
Мусика илми ривожланишининг кейинги даври (XIII-XVI асрлар) айнан Сафиуддин Урмавий номи билан боглик булиб, у ишлаб чиккан макомот (парда, шуъба, овоза) тизими кейинги асрлар мусика илми ва амалиётида кенг
кулоч ёзди. XIII асрда Ун икки маком тизимининг ривожланиш жараёни Якин ва Урта Шарк буйлаб кечди.
Сафиуддин Урмавий асарларида Форобий таълимотидаги назарий мулохазаларнинг айрим масалалари, хусусан, мусикий товуш таърифи ва унинг юзага келиш сабабларини танкид килади. И.Ражабов тасдиклашича: "...бундай ихтилофлар, мусика акустикаси, мусика товуши (савт ёки нагма), ритм (ийкоъ) таърифида, уд асбобидаги айрим пардаларнинг урнини аниклашда ва бошка масалаларда уз ифодасини топган". [1, 10]
Дархакикат, узбек макомларининг назарий томони хисобланувчи парда-лад ва ритм асослари, шакл ва шаклланиш хусусиятлари ханузгача уз долзарблигини йукотмаган. Шу билан бирга, узбек миллий мусика анъаналарининг назарий ва амалий томонларини урганиш, замон билан хамнафас холда замонавий композиторлик ва бастакорлик ижодиётини тахлил килиш, замонавий илмий тадкикотлар марказида турган асосий вазифалардан бири десак муболага булмайди.
Фойдаланилган адабиётлар
1. Ражабов И. Макомлар масаласига доир. -Т., 1963 й.
2. Матякубов О.Р. Узбекская классическая музыка. -Ташкент.
3. Джумаев А. Трактат о музыке Мухаммада Нишапури - ранний источник по системе 12 парда: история изучения, проблемы датировки и атрибуции. // Иран-наме. №4, 2013.
4. Шамилли Г.Б.Классическая музыка Ирана: фундаментальные категории теории и практики. Дисс. док. искусс. Москва. 2009.
5. Farmer H.G. Historical facts for the Arabian musical influence. London. 1925
6. Джумаев А. К проблеме эволюции эстетических учений о макамате// Вопросы эстетики, истории и теории монодии. - Т., 1987.
