УДК 821.51
Джелилова Эмине Сейрановна, магистр кафедры крымскотатарской филологии, ФГАОУ ВО "Крымский федеральный университет имени В.И. Вернадского", г. Симферополь, республика Крым, Российская Федерация,
е-mail: rika7788@mail.ru
ИЗ ИСТОРИИ ИЗУЧЕНИЯ КРЫМСКОТАТАРСКИХ СКАЗОК
Аннотация. В статье рассматривается процесс изучения крымскотатарского сказочного эпоса. Упоминаются имена исследователей XX-XXI вв., перечисляются наиболее знаковые их работы в отмеченной области, а так же даются краткие характеристики исследований.
Ключевые слова: крымскотатарское устное народное творчество, сказочный эпос, история изучения.
Dzhelilova Emine Seiranovna, Master of the Crimean Tatar Philology Department, Crimean Federal University named after V.I. Vernadsky, Simferopol, the Republic of Crimea, Russian Federation,
е-mail: rika7788@mail.ru
FROM THE HISTORY OF STUDY OF CRIMEAN TATARIAN TALES
Annotation. The article deals with the process of studying the Crimean Tatar fantasy epic. The names of the researchers of the XX-XXI centuries are mentioned, their most significant works are listed in the marked area, and short characteristics of the research are also given.
Key words: Crimean Tatar oral folk art, fairy epic, history study.
КЪЫРЫМТАТАР МАСАЛЛАРЫНЫНЪ ОГРЕНИЛЮВ ТАРИХЫНДАН (ИЗ ИСТОРИИ ИЗУЧЕНИЯ КРЫМСКОТАТАРСКИХ СКАЗОК)
КИРИШ. Къырымтатар масаллары халкъ агъыз яратыджылыгъымызнынъ энъ зайыф огренильген сааларындан биридир. Бу ал чешит себеплер ичюн бугуньки куньгедже девам этмекте.
Элимизде олгъан ильмий ишлернинъ джедвели буюк дегиль.
ЭСАС КЪЫСЫМ. XX асыр девамында къырымтатар масаллары озюне айры дикъкъат джельп этелер. Бу мевзунен дженктен эвель, 30-джы сенелери, биринджилер сырасында Коцюбинский С.Д. огъраша.
Бугуньки куньде, Симферополь шеэринде ерлешкен Гаспринский адына къырымтатар милий китапханесинде, 1936 сене Москвада нешир этильген "Сказки и легенды татар Крыма" серлевалы джыйынтыкъта бу муэллифнинъ къырымтатар масалларына багъышлангъан макъалесини раст кетирмек мумкюн [1].
Депортация йыллары къырымтатар фольклоршынаслыгъы саасында сускъунлыкъ муити девам эте. 1960-джы сенелерине къадар къырымтатар медениети аджыныкълы вазиетте булуна.
Ойле этип, тек 1960 сенеси Къуртнезир З. къырымтатар тилинде чыкъакъан "Ленин байрагъы" газетасы саифелеринде, депортацияда булунаракъ, биринджилер сырасында "Татар халкъ масаллары" серлевалы макъалесини бастырта [2].
Къырымтатар халкъ агъыз яратыджылыгъыны огренюв джерьянында буюк из къалдыргъанлар арасында Бекиров Джафер Бекировични къайд этмели.
Бу фольклорджынынъ дикъкъаткъа ляйыкъ китапларындан бири, Ташкентте, 1988 сене нешир этильген, 278 саифеден ибарет "Кърымтатар халкъ агъыз яратыджылыгъы" серлевалы дерслигидир [3]. Бу неширде муэллиф назарий материалдан гъайры окъуйыджыгъа къырымтатар фольклорындан меракълы метинлер де теслим эте.
Дерслик озь саасында бириджи эди ве къырымтатар фольклоршынаслыгъынынъ актив инкишафында ярдымджы олды.
Невбеттеки къырымтатар масаллары мевзусына багъышлангъан ильмий дереджеде ишлер XXI асырда язылды.
НАУЧНЫЙ ВЕСТНИК КРЫМА, № 2 (13) 2018
Усеинов Л.Б. илим джеэтинде къайд этильген мевзунынъ огренювине янаша [4, 5, 6, 7].
Муэллиф бир-сыра белли рус (совет) фольклошынасларнынъ публикацияларыны огренип озь "Крымскотатарские сказки: Происхождение и развитие" серлевалы монографиясыны яза.
Бу китап Симферополь шеэринде басылды ве 186 саифени тешкиль этти.
2006 сенегедже, яни бу китапны неширинедже, къырымтатар масал эпосы илим тарафындан огренильмеди. Къайд этильген монография, эльбетте, бу процессте буюк адым олды.
Муэллиф ишини учь къысымгъа боле.
Биринджи къысымда къырымтатар масалларынынъ тарихий тамырлары, бу шекильнинъ пейда олувы акъкъында сёз юрсетиле.
Экинджи къысым - къырымтатар масалларынынъ жанр тарафындан чешитлигини ачыкълай. Фольклоршынаслыкъта къабул этильген масаллар классификациясына къол тутып, алим къырымтатар масалларыны да айны шекильде айыра: айванлар акъкъында масаллар, тылсымлы масаллар ве турмуш масалар.
Учюнджи къысым бутюнлей къырымтатар масал эпосында поэтика меселесине багъышлана. Бу ерде масалнынъ композицион хусусиетлери, бу шекиль колеми ичинде шиириетни къулланылувы меселеси котериле ве огрениле .
Айрыджа масал жанрыны огренмеген, амма ильмий ишлеринде къырымтатар халкъ агъыз яратыджылыгъы ве шахсен къырымтатар масаллары акъкъында фикир юрсеткен Усеинов Т.Б. олды [9].
"Къырым ханлыгъы девринде къырымтатар халкъ эдебияты" ("Крымскотатарская народная литература периода Крымского ханства") серлевалы макъалесинде муэллиф бу асабалыкъны умумий хусусиетлерини ачыкълай, эсас назм ве несир шекиллерини косьтере [8].
НЕТИДЖЕ. Кенъ даркъалгъанына бакъмадан къырымтатар масаллары огренюв меселеси актуаль олып кельмекте. Йыл-йылдан бу мевзугъа багъышлангъан ильмий ишлернинъ сайысы арта.
НАУЧНЫЙ ВЕСТНИК КРЫМА, № 2 (13) 2018
Теслим этильген макъалемизде масал эпосынынъ сонъки юз йыл ичинде огренилюв джерьяны козьден кечирильди.
Эльбетте, зенгин, мераклы, буюк дикъкъатка ляйыкъ халкъ агъыз яратыджылыгъымыз (шахсен масалларымыз) келеджекте даа да терен, салмакълы араштырмаларнынъ себеби оладжакътыр.
Список источников:
1. Коцюбинский С. Д. О сказках крымских татар / В сборн.: Сказки и легенды татар Крыма. - М., 1936. - С. 11-40.
2. Къуртнезир З. Татар халкъ масаллары / Ленин байрагъы. - 1960. - 5
мая.
3. Бекиров Дж. Кърымтатар халкъ агъыз яратыджылыгъы / Дж. Бекиров. -Ташкент: Укъитувчи, 1988. - 278 с.
4. Усеинов Л. Б. Древние обряды и обычаи, запечатлённые в крымскотатарской волшебной сказке // Культура народов Причерноморья. -2002. - №36. - С.292-294.
5. Усеинов Л. Б. Крымскотатарская бытовая сказка // Культура народов Причерноморья. - 2003. - №38. - С.53-55.
6. Усеинов Л. Б. Крымскотатарские сказки: Происхождение и развитие. -Симферополь: ДиАйПи, 2006. - 186 с.
7. Усеинов Л. Б. Семантика образа в крымскотатарских сказках о животных // Культура народов Причерноморья. - 2001. - №25. - С.100-102.
8. Усеинов Т. Б. Крымскотатарская народная литература периода Крымского ханства // Культура народов Причерноморья. - 2004. - №54. - 329331.
9. Усеинов Т. Б. Размышления о поэзии Крымского ханства / Т. Б. Усеинов. - Симферополь: Оджакъ, 2005. - 164 с.
Дата публикации на сайте 25.01.2018