CC BY
8
Санкт-Петербургская православная духовная академия
Архив журнала «Христианское чтение»
П.П. Тодорский
Иеромонах Симон Тодорский (архиепископ Псковский и Нарвский) и его четыре неизданных слова
Опубликовано:
Христианское чтение. 1909. № 12. С. 1616-1631.
@ Сканированій и создание электронного варианта: Санкт-Петербургская православная духовная академия (www.spbda.ru), 2009. Материал распространяется на основе некоммерческой лицензии Creative Commons 3.0 с указанием авторства без возможности изменений.
СПбПДА
Санкт-Петербург
2009
Іеромонахъ Симонъ Тодорскій (f архіепископъ псковскій и нарвскій) и его четыре неизданныхъ слова *).
III.
Слово въ день живоначальныя Троицы, пречестнымъ іеромонахомъ Симономъ Тодорскимъ проповѣданное въ монастырѣ Кирильскомъ
1741 году 1).
Рече безуменъ въ сердцѣ своемъ: нѣсть Богъ. Нс.: 13.
($>Л
6ИЦЕ, возлюбленніи о Господѣ слышателіе, Духъ святый увѣщеваетъ насъ, да не како кто въ тую же причту безумія впадетъ, нѣкоѳгожъ прѳокаяннаго весна безумнаго и безбожнаго и безсовѣстника предъ очи ставитъ намъ и описуетъ его въ Псалмѣ 13. И понеже сіе кажется невѣрятное быти, дабы созданіе, созданный по образу Божію человѣкъ, Бога Создателя своего отрицался: того ради повторяетъ въ псалмѣ 12 тожде глаголя: рече безуменъ въ сердцѣ своемъ нѣсть Богъ.
Да не како при устѣхъ двою свидѣтелей станетъ крѣпокъ глаголъ, якожѳ бо неудобь вѣрительно есть, дабы лехко вещественный огнь противу естества своего на низъ выливалъ пламень свой; тяжестному бо нижняя стіхіа, лехкому же горняя къ упокоенію отъ Бога опредѣлена: тако и сіе самому естеству быти и въ самой вещи есть противное, дабы разумное внутрь всѣхъ своихъ чувствъ нѣкую бы тайную силу воспріявшее и непрестанному движепію и желанію и началу своему отъ него же начало, жизнь и бытіе воспріяло, дабы, глаголю, въ такое безуміе пришло, во еже рещи въ сердцѣ своемъ противу совѣсти сердца своего нѣсть Бога, не разсуждая сего или не хотя разсуждати, яко весма непремѣнно
*) Окончаніе; см. ноябрь.
О 17 мая. Пасха была въ 1741 г. 29 марта.
якожь есть вѣчное неизмѣняемое присносущное имать быти благо, еже есть Богъ, имъ же единый, неистлѣнный, несмер-тѳльный духъ нашъ отъ Бога водхненный намъ, аки сообразнымъ, подобный подобнымъ себѣ упокоевается. Каковаго безбожника вся видимая и чувствуемая созданія дивно устроеннымъ видимымъ бытіемъ своимъ Бога невидимаго показуя, яко всего естества и рода безотвѣтнымъ творятъ: невидимая бо Его отъ созданія міра творенми помышляема, видима суть и присносущная сила Его и Божество; во еже безумникомъ быти таковымъ безотвѣтнымъ глаголетъ Павелъ въ посланіи своемъ къ Римлянамъ въ главѣ 1. Недовольно ли небеса повѣдаютъ славу Божію, недовольно ли твореніе руку Его возвѣщаетъ твердь. Да какъ силное изобилно, яко день дневи отрыгаетъ глаголъ и нощь нощи возвѣщаетъ разумъ, не суть рѣчи, ниже словеса ихъ же не слышати гласи ихъ. Что же речемъ о браздахъ упокоенныхъ, умножившихъ жита и о ноляхъ исполненныхъ тука, о пустыняхъ красныхъ разбогатѣвшихъ, о юдоліяхъ умножившихся пшеницею и о холмахъ радостію препоясавшихся: не вси ли цвѣти полніи, не вси ли юдолніи крини, наипаче же во время сіе весеннее и воззовутъ и воспоютъ величіе, ово всемогущество Его, имъ же аки отъ одровъ смертныхъ, отъ нѣдръ земныхъ, прешедшей зимѣ, тайною нѣкоеюжь всемогущею силою оживотво-реніи паки производется и въ явленіе приходятъ, ово же крайнюю Его благостыню и любовь созданія нѳизреченную, яко траву днесь сущую, утро же въ пещь вмѣтаему, разноцвѣтными же прекрасными одеждами тако одѣваетъ, яко ниже Соломонъ во своей славѣ сице облечеся, яко единое отъ сихъ, по неложномъ свидетельствѣ Самого Христа Сына Божія у Евангелиста Матѳея въ главѣ 4. А понеже безумство сіе сердечное Бога отрицаніе, хотя и всѣмъ кажется быти ужасно, но не всѣмъ, наипаче съ простыхъ людей, извѣстное есть, и мнозіи сердцемъ суще Бога отмещутся, мнятъ себе истинныхъ и благочестивыхъ быти, аки бы не о нихъ въ помянутомъ Псалмѣ рѣчь была. Того ради краткое мое о семъ возымѣю слово, ктожь то былъ безумникъ сей глаголющь въ сердцѣ своемъ нѣсть Бога. Ты же страшное сокровенное смиреннымъ растлѣннаго естества нашего окомъ Невидимое Естество всѣхъ естествъ, Источниче творенми помышляемое и познаваемое, лучезарная твоя молнія возсіяй скудоумному мнѣ проповѣднику, Боже мой, да во свѣтѣ Твоемъ и узрится и просвѣтится свѣтъ истины Твоея, въ ползу слышателя духовную.
Правда то, возлюбленніи о Господѣ слышателіе, яко бе-зумники таковіи суть, наипаче отродки естества человѣческаго атеистами или, во русскомъ нарѣчіи, безбожниками называющійся, которіи и глаголати и явѣ учити дерзаютъ нѣсть Бога. Но въ помянутомъ Псалмѣ не о таковыхъ безбожникахъ рѣчь есть, но о сицевыхъ, которіи доволно уст-
105
нами исповѣдаютъ Бога быти, сердце же ихъ отъ Бога удалившееся глаголетъ нѣсть Бога. Якоже и сама писмена по-казуютъ: речѳ безуменъ, глаголетъ Писаніе, не устнами, но въ сердцѣ своемъ: глаголетъ нѣсть Бога. Яснѣ еже еще показуется сицевый безбожникъ въ слѣдующихъ словахъ: растлѣша и омерзѣшася, глаголетъ, въ начинаніяхъ своихъ, нѣсть творяй благостыню. Убо вси растлѣвшіися и омерзѣв-шіися въ начинаніяхъ, вси не творящій благостыни или, да кратко реку, вси грѣшники безъ благодати Божія въ беззаконіяхъ пребывающій, Бога, Господа и Создателя своего воли противящійся и слушати его нехотящіи—суть то преокаянное, пребезумное оное созданіе, глаголющее въ сердцѣ своемъ: нѣсть Бога. Явѣ бо есть, яко здѣ глаголетъ Духъ Святый о растлѣніи души; души же растлѣніе грѣхъ есть, грѣхомъ душа растлѣвается, о которомъ растлѣніи доволно свидѣтельствуютъ Писанія, начавши отъ перваго грѣхомъ растлѣннаго Адама, даже до сего дне сему и сицевому растлѣнію слѣдуетъ помяненное безуміе. Смотрите, какъ растлѣвшіися обезумился Адамъ, не удоволяся быти царемъ, надъ всѣми созданіями поставленнымъ, восхотѣлъ Богомъ бысти, послушавъ растлителя душь діавола, глаголющаго: будете яко бози. И чтожь въ той часъ растлѣнное сердце Адамово глаголало? Не сіе ли? Нѣсть Бога; нѣсть Бога единаго всемогущаго, единаго невмѣстимаго, вся и вездѣ видящаго; яковое безуміе абіе потомъ показалося: познавши праотецъ грѣхъ свой, увидѣвши наготу свою, подъ древомъ хотѣлъ отъ всевидящаго Бога заховатися. Якій же бы то чудный Богъ былъ подъ древомч» крыющагося беззаконника невидящій? А каковъ отецъ, таковъ и сынъ его. Что бо глаголалъ Каинъ въ сердцѣ своемъ, убивая брата своего? Воистинну сіе, нѣсть Бога, истинную за зла дѣла месть творящаго. Егда же бо вопросилъ его Богъ, гдѣ есть братъ твой, отвѣщалъ, да еще съ гнѣвомъ противу Творца своего: егда, рече, стражь брату моему. Абіе же изобличенъ и наказанъ отъ Бога, кровь брата твоего, глаголетъ Богъ Каину, вопіетъ ко мнѣ отъ земли, се будеши стеняй и трясыйся. Тоежде творятъ и внуки Адамовы даже до сего дня. Что бо иное глаголютъ въ сердцѣ своемъ вси судіи направедніи, бѣдныхъ, убогихч, нищихъ, вдовъ, сиротъ и пришельцевъ обидящіи, чуждое добро похищающій и противу Самого Бога востающіи и ни монастырей, ни церквей щадящій, къ нимъ принадлежащее добро къ себѣ привлачающіи и разграбляющій? Что иное глаголютъ въ сердцѣ своемъ безумніи души гордостію надме-нія брата своего въ смиреніи его презирающіющіи, на чести и на славѣ его безсовѣстно убивающій? Воистинну сія ихъ рѣчь есть въ сердцѣ ихъ: нѣсть Бога, нѣсть Бога, бѣдныхъ защищающаго и проліянія слезы всѣхъ кромѣ Бога инаго защитника не имѣющихъ. Собирающе таковыхъ безбожниковъ во обличеніе въ день откровеннаго праведнаго суда Божія, воньжѳ и малѣйшая капля слезъ, аки Авелева кровь,
со дерзновеніемъ возопіе-тъ противу сихъ у пророка Исаіи въ главѣ 49: приближаются мнѣ, глаголетъ, сіи, усты своими чтутъ мя, сердце же ихъ далече отстоитъ отъ менѳ. Аки бы рекъ: сердцемъ своимъ развращеннымъ замышляютъ мнѣ противная, въ сердцѣ своемъ глаголютъ: нѣсть Бога; еже въ той же главѣ яснѣе показуетъ Богъ. И рекутъ, глаголетъ Богъ, сіи беззаконники безумніи, кто насъ увидѣлъ или кто насъ уразумѣлъ, яже мы творимъ. Далѣе же съ сожалѣніемъ сердечнымъ глаголетъ Господь: егда рече зданіе создавшему, не ты мене создалъ. Глаголетъ же сіе Господь не о иныхъ безбожникахъ, которыхъ мы обще атеистами называемъ, но о сицевыхъі которіи Его устнами довольно исповѣдали и въ церковь приходили молиться и жертвы приносили, какъ о томъ едва не во всѣхъ пророкахъ свидѣтельствуется. А понеже сіе творили, не исправляя злаго житія своего, того ради безбожіемъ въ Псалмѣ помянутомъ порицаетъ ихъ Богъ: сердце же ихъ далече отстоитъ отъ Мене. Въ первой главѣ у пророка Исаіи, глаголетъ, людіе же мои не разумѣша Мене, Исраиль Мой не позналъ. Удаленнымъ быти отъ Бога, не знати Бога, еже глаголати въ сердцѣ своемъ нѣсть Бога, едино и тоежде есть, а потому вси грѣшницы, пребывающій въ беззаконіяхъ своихъ и хотящій творити воли своея суть то помянутіи безбожники оніи, глаголющій въ сердцѣ своемъ: нѣсть Бога, нѣсть видящаго беззаконія нашего сердца и утробы пронизающаго и испытующаго.
Кто насъ, глаголютъ, увидѣлъ, кто уразумѣлъ, яже мы творимъ? Подобная рѣчь сердца беззаконниковъ и въ псалмѣ 93 поминается: доколѣ грѣшницы, Господи, глаголетъ Давидъ, восхвалятся и возглаголютъ: не узритъ Господь, ниже уразумѣетъ Богъ Іаковль. Невидящій же Богъ, и не разумѣ-вающій Господь, нѣсть Господь, нѣсть Богъ. Не иное убо что и сіи глаголютъ въ сердцѣ своемъ, токмо сіе, нѣсть Бога. Увѣщаваетъ же ихъ въ томъ же Псалмѣ, глаголя: разумѣйте же безумніи въ людѣхъ и буи нѣкогда умудритеся: насаждей ухо, не слышитъ ли, или создавый око не смотряетъ ли, аки бы рекъ, не слушайте сердца своего развращеннаго, развращенная вамъ глаголющаго, нѣсть Бога, нѣсть Бога, вся видящаго, вся слышащаго. И сіе доволно бы было ко увѣщанію нашему, возлюбленніи о Господѣ слышателіѳ, и ко исправленію житія нашего, яко воистину сей есть Богъ, есть око Божіе всевидящое, есть ухо Божіе всеслышащое. Отъ ока Божія всевидящаго и вездѣ сущаго не можно никакимъ образомъ, аки подъ землею укрытися. Въ якій ни повернется беззаконнику путь, а Богъ тугъ, ты за грѣхъ, а Богъ за тебе: или временныя или вѣчныя казни постигаютъ беззаконія твоя. О таковыхъ беззаконіяхъ и Павелъ глаголетъ въ главѣ 1 посланія своего къ Титу: Бога, рече, исповѣдуютъ видѣти, а дѣлы отмещутся Его. Гораздо же надобно примѣчать, что глаголетъ Апостолъ: исповѣдуютъ, рече, не
токмо сіе яко Богъ есть, но понеже дѣла ихъ устному не согласуютъ исповѣданію, того ради порицаетъ ихъ Апостолъ безбожіемъ, дѣлы же глаголетъ отмещутся Его; отметати-жеся Бога дѣломъ, еже рѣщи въ сердцѣ своемъ нѣсть Бога. Едино внутреннее сердецъ нашихъ состояніе дѣла наша,— суть рѣчь сія: его сердце, глаголетъ, дѣло познаемъ благое или злое. Внутреннее сердецъ нашихъ сокровище дѣломъ показало Іуду предателя и лестное номаваніе, что онъ не Апостолъ, но рабъ сатанинъ и лстецъ, аще и иное устама глаголалъ, аще и любовно устами привѣтствовалъ, глаголя: радуйся, учителю. А сынъ громовъ Іоаннъ святый и того аще жесточае гремитъ въ первомъ своемъ посланіи въ главѣ 2 глаголя и рече: яко познаетъ Его и заповѣди Его не соблюдаетъ ложь есть и въ семъ истины нѣсть. А потому вси заповѣдей Божіихъ не хранящій, аще бы и зѣло благочестіемъ хвалилися, аще бы и чрезъ все житіе свое обучались и все бы Писаніе наизусть умѣли въ похотѣхъ сердца своего ходящій, въ беззаконіяхъ жизнь свою провождающіи, аще и велегласно о Бозѣ глаголютъ, аще исповѣдуютъ Бога бытп и великое себе причи-туютъ .Бога познаніе, безбожники суть, атеисты суть дѣлами Бога отрицающійся, послѣдовательно же въ сердцѣ своемъ глаголющій: нѣсть Бога, по оному Павловому, дѣлы же, глаголетъ, отмещутся Его и посему Іоанновому отмещутся Его, глаголяй, яко познахъ Его и заповѣдей Его не соблюдаетъ, ложь есть и въ семъ истины нѣсть. И воистину, возлюбленніи о Господѣ слышателіе, якъ есть истинное реченіе апостольское и самому естественному разуму согласное, что бо имать пользовати благочестіе неистоваго и благочестиваго. Что пользуетъ глаголати, Пресвятая Троице, помилуй насъ, а сердцемъ противное Троицѣ Святой замышляти и въ дѣло производити? Что пользуетъ глаголати: Господи очисти грѣхи наша, сердцемъ непрестанно сквернитися, не хотя ниже мало съ тины или съ болота гнусностей двигнутися. Что пользуетъ глаголати: Святый посѣти и исцѣли немощи наша, сердце сквер-нити мерзкими, гордыми, ненавистными и завистными помышленіями всегда уязвляющи? Что пользуетъ устнама глаголати: вѣрую во Единаго Бога, въ сердцѣ жъ сто боговъ, сто идоловъ, сто чертовъ имѣти. Еда ли Богъ на устна смотритъ, млину вѣтренному подобящася? Слышимъ, что глаголетъ Павелъ: сердцемъ вѣруется въ правду, усты же исповѣдуется во спасеніе въ посланіи своемъ къ Римлянамъ въ главѣ 10. Аще сердце, очистившися, отрекшися мірскихъ похотей, вѣруетъ вгь правду, Духомъ Святымъ просвѣщенное, тогда исповѣданіе будетъ намъ во спасеніе. Тогда сердце не ктому имать глаголати: нѣсть Бога, но и со слезами вопіетъ: вѣрую во Единаго Бога, Создателя моего и Господа, крѣпкую надежду мою, единое непостыдное мое въ животѣ моемъ и по смерти моей упованіе. Что пользуетъ усты гляголати: вѣрую во единаго Господа Іисуса Христа Сына Божія, сердце же анти-
христово имѣти, заповѣдемъ Христа Сына Божія противляю-щееся. Что бо есть антихристъ, противникъ Христовъ: сей иже Христу противится, не слушая Его въ Евангеліи по вся дни глаголюща, во всѣхъ лит}фгіяхъ читающагося и всѣхъ грѣшниковъ на покаяніе призывающаго? Что иользѵетъ усты глаголати: вѣрую во Христа, иже есть свѣтъ отъ свѣта, суетами мерзкими помраченное сердце имѣющему, свѣтомъ пришедшимъ просвѣти всякаго человѣка, грудущаго въ міръ, просвѣтися не хотящему. Что усты глаголати: вѣрую во. Христа распятаго, за насъ пострадавшаго и погребеннаго, воскресшаго въ третій день по Писаніемъ, сердцемъ жь священное презирати Писаніе, Сына Божія иопрати, кровь завѣтную скверну возмнити, въ ней же освятитеся и Духа Благодати укорити, якоже Павелъ о семъ глаголетъ въ посланіи своемъ къ Евреомъ въ главѣ 1. Что пользуетъ усты глаголати: вѣрую во Христа паки грядущаго судити со славою живыхъ и мертвыхъ Его же царствію не будетъ конца, сердцемъ же страшнаго Его суда не трепетати, вся творя но омерзѣвшимся начинаніямъ своимъ, нимало на то не памятуя, како имамы страшному оному Его суду предстати и отвѣтъ воздати о всѣхъ, яже явно и тайно сотворихомъ. О, аще бы устами, но и сердцемъ сей членъ вѣры христіанскія мы исповѣдали, подобно бы не восхотѣли безчинствовати; сколько бы разъ сіе исповѣдали, толико бы всякъ изъ (зъ) насъ упалъ на лице свое со слезами вопія, страшный Судіе, не вниди вт> судъ съ рабомъ твоимъ, прежде даже не возгласиши мя, востани на судъ воздати отъ содѣянныхъ, пощади, помилуй мя. Что пользуетъ устами глаголати: вѣрую въ Духа Святаго Господа животворящаго, отъ Отца исходящаго, сердце жъ исполнити духомъ всякія нечистоты. Кое общеніе Духу Святому съ духами нечистоты проклятыми, Духови смиренія съ духами блудодѣянія н всякія мерзости, огнеобразною росою Духа вчера на апостольскія сердца спадшему? Потреба первѣе сердце измыти, аще кто хощетъ со дерзновеніемъ членъ сей святыя вѣры нашея исповѣдати, похожденіе Духа Святаго исповѣдуя отъ Отца, не прилагая и отъ Сына, да не како приложитъ Господь мукъ написанныхъ всѣмъ симъ, которіи къ самому исповѣданію вѣры нашея каоолическія апостольскія восточныя церкви матери нашей предавати дерзаютъ двоеглавнаго, двоена-чальнаго отъ единаго начала Отца, отъ другого начала Сына исходящаго Духа Святаго, но со умиленіемъ возопіемъ: есть Богъ, Духъ Святый, Духъ Благій, освятившій мя и наставившій мя на землю праву. Что пользуетъ усты глаголати: вѣрую во едину святую соборную и апостольскую церковь, сердцемъ же въ наученія странная и различная прилагатися, утверждая сердце свое брашнами, а не благодатію отъ нихъ же не пріяша пользы ходившій въ нихъ по апостольскому словеси въ посланіи его къ Евреомъ въ главѣ 13. Воистину
не человѣческое, но хамеліево сердце имѣютъ таковіи. Есть то хамеліонъ бестейка, да чтодна, которая, по свидѣтельству естества описателей, къ какому цвѣту приближится, то и сама такою станетъ. Напримѣръ, аще бы прибліикилася до зеленой травы, то и сама позеленѣетъ, аще до р(о)жп, то почер-вонѣетъ, аще къ черному какому цвѣту, почернѣетъ. Таковіи суть человѣцы, древле предуставленніи на сіе осужденіе единаго владыки Бога и Господа нашего Іисуса Христа и вѣры его отметающійся, съ папеистами паиеисты, съ лютеранами лютераны, съ кальвенами кальвени. съ агарянами агаряне между благочестивыми быти показуются, суще въ сердцѣ своемъ глаголя: нѣсть Бога едину вѣру, едино крещеніе избравшаго, едину церковь православную Сыну Своему обручившаго и въ ней точію подвизающимся животъ вѣчный дати обѣщавшаго, аще и зѣло довольно усты Бога быти исповѣдуютъ. Что пользуетъ устами исповѣдовали едино крещеніе во оставленіе грѣховъ, сердцемъ жъ прилагатися сатанѣ и вся его темная дѣла творити, ихъ же единою отро-кохомся на крещеніи и самую Троицы тайну крещенія освященія и избавленія Христомъ поставленную въ вѣчную себѣ погибель превращая и обращая нераскаяннымъ житіемъ своимъ. Что пользуетъ напослѣдокъ усты глаголати: чаю воскресенія мертвыхъ и жизни будущаго вѣка, сердцемъ ясъ глаголати, како имать се быти, како востанетгь плоть согнившая, како востанутъ кости, въ прахъ обратившіяся. А тако глаголати: уже въ сердцѣ своемъ рещи: нѣсть Бога, нѣсть Бога всемогущаго и отъ небытія въ бытіе приводящаго, каковыхъ безбожниковъ и безумниковъ обличаетъ Павелъ святый въ первомъ своемъ посланіи къ Коринояномъ въ главѣ 15: безумне, глаголетъ Апостолъ святый къ безбояснику, ты еясе сѣеши не оживетъ, аще не умретъ, еже сѣеши не тѣло будущее сѣеши, но голо зерно, Богъ ясѳ дастъ ему тѣло, якоже восхищетъ. А потому видимо, возлюбленніи о Господѣ слышателіе, донелѣже не обратимся отъ тмы къ свѣту, до-нелѣже пребываемъ въ беззаконіяхъ нашихъ нерадяще ниясѳ мало о спасеніи нашемъ, донелѣже не созиждется въ насъ благодатію Духа Святаго сердце чистое, сокрушенное и смиренное, дотолѣ безбожниками пребудемъ, дотолѣ растлѣв-шимися и омерзившимися въ начинаніяхъ нашихъ не творящѳ благостыню будемъ глаголати въ сердцѣ нашемъ: нѣсть Бога. Можетъ же кто помыслити; жестоко есть слово сіе, потому многіе и честные люди будутъ безбожниками. Кто можетъ не за благо пріяти, воля твоя въ тебѣ. Павлово, Іоанново или паче Самого Христа, Сына Божія, есть сіе ученіе, кому досадно, пусть препирается съ Павломъ, пусть порицаетъ Іоанна грубьянствомъ, продерзливою нелюдностыо, а я невѣжа сый, отъ себе что глаголати не. научивыйся, слово апостольское лобызаю, да еще повторяю, яко вси сквернящій умъ свой и совѣсть, якоже Апостолъ глаголетъ въ посланіи
къ Титу въ главѣ 1: Бога исповѣдуютъ быти, а дѣлы отме-щутся, всякъ глаголяй, яко познахъ Его и заповѣди Его нѳ соблюдаетъ ложь есть и въ семъ истины нѣсть. Чимъ же сквернится умъ нашъ и совѣсть, грѣхомъ и несоблюденіемъ заповѣдей Божіихъ, что есть грѣхъ, сердце наше прельщающій и вопіющій въ немъ безумномъ: нѣсть Бога; истинно убо есть сіе, яко всякій грѣшникъ, противляющійся волѣ Божіей, не соблюдающій заповѣдей Господа, Создателя своего есть то безумникъ оный въ помянутомъ Псалмѣ описанный, глаголющій: нѣсть Бога. Кая же казнь и коликое мученіе ожидаетъ безбожниковъ, ниже умомъ поняти, ниже языкомъ изрещи возможно: горе вѣчное, горе, конца не иму-щое. Аще же хощемъ, православный слышателго, страшнаго сего убѣжати мученія, безбожникомъ обѣщаннаго, зачнемъ, кто аще не зачалъ отъ сего дня, отъ сей годины, не точію устами, но и сердцемъ, волю Господню исполняти, Богу мо-лптися, Бога любити чистымъ сердцемъ, сокрушеннымъ, не лицемѣрнымъ, очистившимся и омывшимся покаяніемъ.
Днесь, сердейщый простолюдине, всякъ (и)зъ насъ поставимъ съ Богомъ договоръ, со умиленіемъ сердечнымъ вопія къ Нему, прости мнѣ, Боже мой, вся прешедшая моя согрѣшенія, оть сего времени Ты мой, а я Твой, отъ сего времени не стану уже болѣе ирогнѣвлятн Тебе, Бога моего, аще бы мнѣ и умрети пришло. О, Троицѳ Пресвятая, Боже мой, помилуй мя; Господи, очисти грѣхи моя, Владыко, прости беззаконія моя, Святый посѣти и исцѣли немощи моя имени Твоего ради. И сія то молитва въ Троичный сей день Тріи-постасному Богу да будетъ благопріятная. Якъ же еще закончишь молитву твою, упади, сердечный простолюдине, на лице твое предъ Всевидящимъ Богомъ, рцы къ Нему изъ глубины сердечныя: Слава Тебе Отцу, менѳ создавшему, Слава Тебѣ, Сыне, кровію Своею пречистою мене искупившему, слава Тебѣ, Духу Святому, менѳ освятившему, къ познанію истинныя христіанскія вѣры позвавшему. Тебѣ, единому Богу моему, въ тріехъ лицѣхъ познаваемому и покла-няемому, буди слава и честь и поклоненіе всегда, нынѣ и присно и во вѣки вѣковъ. Аминь.
IV.
Слово, проповѣданное во обители Видубицкой 1741 года сентября 6-го іеромонахомъ Симономъ Тодорскимъ.
Врата адова не одолѣютъ ert.
Слово у Евангелиста Матѳея въ главѣ 16-ой положенное нынѣшняго же праздника исторія чудеснаго избавленія церкви Божія отъ вратъ адовыхъ чрезъ небесныхъ воинствъ Архи-
стратига Михаила Архангела ясно намъ протолкованная и подтвержденная.
Вся видящій и предвѣчный Христосъ Господь преду-вѣдѣ гоненія и страданія церкви Своей святой, имѣющійся прилучитися, возлюбленныхъ учениковъ Своихъ, отъ Егожо имени многострадати имѣющихъ нѣкіимъ симъ неложнымъ Божественнымъ Своимъ утѣшаетъ обѣщаніемъ. Аки бы рекъ: дерзайте, не бойтеся, на камени истиннаго истинныя вѣры исповѣданія такъ крѣпко утвержду церковь Мою, яко аще бы вси силы устроилъ на низверженіе ея, ничтоже успѣетъ, врата адова не одолѣютъ ей. Самое же слово сіе врата имѣетъ особенный нѣкій разумъ восточныхъ народовъ и толкуется ово крѣпость, сила, могущество, ово же совѣти и замышленія, ибо при вратѣх'ь градскихъ сошѳдшеся составляютъ совѣти своя по обыкновенію ихъ: а понеже главный гонитель церкви Христовой со всѣмъ своимъ сѣменемъ зміинымт:», о немъ же поминается въ 3-ей главѣ Бытія, различными образы покушался искоренити церковь, ово явѣ съ какимъ гоненіемъ, ово же хитрыми, коварными, совѣтами своими, того ради обоя единымъ словомъ изображаетъ Христосъ, глаголя: врата адова не одолѣютъ ей. Аки бы рекъ: ниже гоненіями, ниже мученіями, ниже ласкательствы, ниже хитростію возможетъ противный предолѣти церкви Моей на Мнѣжъ самомъ основанной и утвержденной. Тоежде обѣщаніе Свое подтверждаетъ у Евангелиста Луки въ главѣ 14: не бойся малое стадо, яко благоизволи Отецъ Мой дати вамъ царство. Человѣцы убо за немощь плоти нашея по внѣшнему разсужденію состоянія, сражался съ непріятелемъ, смотримъ, на которой части Божія силы большее число обрѣтается и у кого больше вооруженнаго воинства видимъ, то тому и побѣду приписуемъ, того и торжественно пророчествуемъ, якоже повѣствуется въ первой книгѣ Маккавей-ской въ главѣ 3: егда увидѣли сыны израилевы полкъ, грядущій въ срѣтеніе себѣ, рѣша Іудѣ вожду своему, како можетъ вмалѣ суще ополчитися противу множества сего толь крѣпкаго. Но разумный вождь смысленный и премудрый огвѣщалъ: нѣсть разнства предъ Богомъ небеснымъ
спасти во мнозѣ и вмалѣ, яко не въ множествѣ вой одолѣнія брани, но отъ небесе крѣпость. Того ради Іисусъ Господь, видя смущающихся и боящихся учениковъ Своихъ и какъ было не уясасатпся горсти тыхъ бѣдныхъ людей дванадесяти Апостолъ, да семужъ то малому числу на цѣлый свѣтъ уда-рити и съ пепельными вратами сразитися и наступати на аспида и василиска, на льва и зміа, плѣняюще всякъ разумъ въ послушаніе Христово по Апостолу въ посланіи его второмъ къ Коринѳяномъ въ главѣ 10. Того ради, глаголю, утверждаетъ учениковъ Своихъ: не бойся малое стадо, яко благоизволи Отецъ Мой дати вамъ царство, еже тоежде есть и еже рещи: врата адова васъ учениковъ Моихъ, на Мнѣ
краеугольномъ камени основанныхъ и утвержденныхъ, не одолѣютъ. Сія бо то есть преблагословенная побѣда надъ вратами адовыми, еже быти въ наслѣдіе святыхъ царства отъ сложенія міра церкви Божія уготованнаго. Да яснѣе же уразумѣется истина сія, яко церковь Божія, не на ложномъ себѣ обѣщаніи основанная и утвержденная, никоимъ же ухищреніемъ врать адовыхъ поколебатися можетъ краткое о семъ мое будетъ слово, яко нѣсть премудрость, нѣсть мужество, нѣсть свѣтя-» противу Господа, дивно и непостижимо всего и вездѣ церковь Свою отъ вратъ адовыхъ избавляющаго. Ты же дивно и непостижимо избавляющій отъ вратъ адовыхъ церковь, непостижимый въ судьбахъ Твоихъ, Боже нашъ, даждь глаголъ проповѣдати силою многою, да уразумѣвши слово сіе, яко нѣсть премудрость, нѣсть мужество, нѣсть совѣтъ противу Тебе, Бога нашего, возрадуется церковь Твоя о Тебѣ Бозѣ Своемъ во всѣхъ бѣдахъ своихъ, во всѣхъ гоненіяхъ своихъ, и да крѣпко уповая на Тебе единаго не постыднаго Избавителя/своего, вратами адовыми во вѣки пребудешь непреодолѣнная!
Посмотримъ ли, о Господѣ возлюбленные слышателіе, на самое многобѣдное начало церкви Божія и разсудимъ прилежно многострадальный возрастъ ея, нельзя не удиви-тися и во удивленіи не возопити, како возгласила и возопила не болѣвшая, какъ многа чада быша пустой, нежели имущей мужа, яко же о семъ Исаія пророчествуетъ въ главѣ 54: како чада отъ камене быша Аврааму, ихъ же Сей токмо псчислити можетъ, Иже исчисляетъ песокъ воскрай моря лежащій, и неисчислимая множества звѣздъ ко большему небесъ украшенію на тверди небесной; коея хитрости, коего коварства не употребилъ многокозненный сатана, дабы еще въ юности ея искоренити ю. Усмотрѣлъ надежду основывающіяся церквѳ въ праведномъ Авелѣ, искони человѣкоубійца сый, вооружи Каина на Авеля, тогожде рукодѣлія научая, еже убпти неповиннаго. Увидѣлъ сыновъ Божіихъ, во благое успѣвающихъ ко созиданію церкве Божія, и сихъ растли. Видѣвше сынове Божіи дщери человѣческія, яко добри суть и пояша себѣ въ жены отъ всѣхъ, яже избраша: Бытія глава 6. И тутъ то надѣялся с}шостатъ, яко Богъ, раздраженный беззаконеніемч? человѣческимъ, наипаче лукавымъ тымъ беззаконнымъ воззрѣніемъ на дщери человѣческія, перемѣнитъ и обѣтованія Своя не ктому помянетъ завѣтъ Свой съ преблагословеннымъ жены Сѣменемъ, абіе по паденіи праотчоскомъ составленный, но вопреки со-творпся, ибо утвердися милость Его на насъ и истина Господня пребыветъ во вѣкъ: Пс. 116. Аще бо и казнилъ
растлѣвшійся свѣтъ страшнымъ онымъ мірнаго потопа наводненіемъ, обаче церковь Свою непостижимымъ смотрѣ-ніемъ цѣлу между водами въ ковчегѣ сохранилъ, да еще и вновь благословеніемъ подтвердилъ, обоняющи воню благо-
уханія жертвы Ноемъ принесшіяся, страшную оную на крестѣ единою за грѣхи жѳршуюся жертву преобразующія, ея же ради тако возлюбилъ церковь, яко и сообручити ю Себѣ на вѣки обѣщалъ въ главѣ 1 пророка Исаіи, а послѣдователи! и непоколебимую и непреодолѣнную сотворити во вѣки вѣковъ. Что же имамы реіци о бѣдномъ церкви Божія многостранствованіи по между различными народами; колико же противныя тщащеся не точію разорити но и весьма иско-ренити, доволно свидѣтелствуетъ священная гисторія ветхозавѣтныхъ патріарховъ, а наипаче въ Египетъ уже переселенныхъ, въ 1 и въ 2 книзѣ Моисеовой повѣствуемая, совѣтуетъ фараонови дѣти раждающіяся мужескъ полъ уби-убивать наущаетъ и различными тиранствами озлобляли людъ Божій вездѣ; но яко Бога перемудрить нельзя, колико паче сыновъ израилевыхъ озлоблялъ, толико боліе множа-хуся сыны израилевы. Напослѣдокъ рече врагъ, гнавъ по-стигнути, раздѣлю корысть, исполню душу мою, убію мечемъ моимъ, господствовали будетъ рука моя, но самый моря Чермнаго огустѣвши, яко стѣна, воды, таже яко камень мучителя съ колесницами погрузивыи въ глубинахъ своихъ. Паки показали противное, яко нѣсть премудрость, нѣсть мужество, нѣсть совѣтъ проливу Господа, прошедши бо сушею море чрезъ самая почитай врата адова, введъ, насади въ гору достоянія Своего, въ готовое жилище Свое, еже сдѣлалъ Господь святыню, юже уготовастѣ руцѣ Его, Господь цаствуяй во вѣки и на вѣкъ, яко же о томъ пространнѣе во второй книгѣ Моисеовой отгь начала даже до главы 16.
Якоже ветхозаконную церковь чрезъ Чермное море крѣпкою рукою и мысцею высокою провелъ Господь, тако и церковь Новаго Завѣта чрезъ море червленное кровію мучениковъ. Въ самомъ началѣ возшаталися языцы и людіе поучи-шася тшетнымъ, предсташа царіе и князи собрашася вкупѣ на Господа и на Христа Его, тутъ же и на церковь святую Его, якоже показуется въ главѣ 4 Дѣяній Апостольскихъ, собрашася, глаголютъ въ помяненной главѣ молящійся, на святаго отрока твоего Іисуса, Его же помазалъ еси, Иродъ же и Понтійскій Пилатъ. И въ таковомъ бѣдномъ своемъ состояніи чимъ защиіцалася церковь Христова воинствующая, вооруженною ли рукою какъ то махометанская, защи-щалися мечеты или хитрыми какими волшебствами, какъ-то языческіе идолопоклонницы защищаютъ невѣрную вѣру свою; никогда же, но единою теплѣ сердца изліянною молитвою и помолившимся намъ, глаголетъ Писаніе, подвижеся мѣсто, идѣже бяху собрани и исполнишася вси Духа Святаго и гла-голаху Слово Божіе со дерзновеніемъ. А то ихъ былъ мечъ острый, противныхъ поражающій, доводя поистинѣ такъ христіанъ, поборяющіихъ крѣпко, яко не мощи никомуже проти-витися имъ. А когда уже возгремѣла во всей подселенной проповѣдь Евангельская, ѳгда же во всю землю изошло вѣ-
щаніе и въ концы вселенныя глаголы апостольскіе, колико отъ грому сего смертоносныхъ тучъ родилося, колико смертоносныхъ облаковъ волнуюіцеся окружило церковь Божію и помыслнти страшно, годствовало весьма съ царствующимъ пророкомъ возопити: рѣки воздвигоша гласы своя, возшу-мѣша врази и ненавидящій воздвигоша главу, лукавноваша волею и совѣщаша на святыя единомышленіемъ вкупѣ, рѣ-ша: пріидите, потребимъ отъ языкъ, и не помянется христіанъ ктом}г. Что замышляла лютая оная въ крови матери своей загущенная бестіа Неронъ; что замышляли дышущіи прещеніемъ и убійствомъ Максиміанъ и Діоклитіанъ, Іуліанъ, апостатъ; не всѣмъ ли являли мужество свое къ вѣчному безчестію своему, кіими бы вооружитися мучительствы на безоружныхъ, кую бы вину нанести на невинныхъ, за сіе едино точію виноватыхъ, яко оставивши прелесть многобожія, единаго истиннаго Бога быти исповѣдаху. Но что успѣли безчеловѣчіи мучители и гоненіями нетоварными своими замы-шленіами. злая и страшная жизнь ихъ и кончина показала и крѣпко засвидѣтельствовала, яко нѣсть премудрость, нѣсть мужество, нѣсть совѣтъ противу Господа, оныіими и непостижимыми Своими судьбами церковь Свою отъ вратъ адовыхъ избавляющаго, якоже и самъ погибающій призналъ апостатъ, егда на войнѣ невидимою пораженъ рукою, на воздухъ метая кровь свою, на Бога Христа изблевалъ словеса: побѣдилъ мя еси Галилеянине, насытился кровію моею. О неповинномъ же и честномъ и святомъ христіанствѣ, не точію христіанскія, но и языческія свидѣтельствуютъ гисторіи, изволяй да чтетъ посланіе ІІлинѣйшово къ Траяну и отвѣтное писаніе Кесарево. Къ томужъ и въ томъ же гисторикѣ не увѣстившися апостатъ сице въ намѣреніи своемъ инымъ путемъ устремляется на церковь Божію; вооружилъ дѣтей на матерь и уродилъ и воздвигнулъ апокалиптическій змій сей, ехидны матери своея утробы держащій, христоненавист-наго онаго Арія, духоборца Македонія, Несторія и проч. и такою надеждою въ еретикахъ дѣйствующій поднесь былъ; адъ врата его. Яко аще не Господь бы былъ въ насъ, егда богоненавистнымъ симъ востати человѣкомъ на ны, убо живыхъ пожрели быша насъ по псаломнику въ Псалмѣ 123, но и здѣ обуяла мудрость человѣческая, побѣдилося мужество мучителей, по ересемъ поборяющихъ; общіе ихъ совѣти пребыли недѣйствительны. Господь всегда и вездѣ церковь Свою святую выше естественно немощными и весьма безсильными орудіями защищающій, и самымъ дѣломъ являя, яко нѣсть премудрость, нѣсть мужество, нѣсть совѣтъ противу Господа, дивно и непостижимо церковь святую отъ враі,гь адовыхъ избавляющаго. Но аще всегда и вездѣ, обаче по превосходству, но-казуѳтся истина сія отъ исторіи нынѣшняго праздника. Что иное показуетъ намъ чюдо Михаиломъ Архангеломъ въ Хонѣхъ сотворенное, аще не сіе, яко церкви Божія врага адова не одо-
лѣютъ. Яко нѣсть премудрость, нѣсть мужество, нѣсть совѣтъ противу Господа, церковь Свою отъ вратъ адовыхъ избавляющаго, яко нѣсть разнства предъ Богомъ небеснымъ спасти во мнозѣ или вмалѣ, яко отъ небесе крѣпость по вы-шереченному. Посмотримъ ли на церковь чудесный оный храмъ святаго Михаила Архангела, во исторіи нынѣшняго праздника поминаемый, увидимъ дѣла Божія дивная, дивный промыслті Божій о церквѣ Его. Вси народи идолопоклонни-честіи, окрестъ святаго онаго мѣста живущій, собравшеся вкупѣ совѣтовали тщетная водами затопити и весьма погубите церковь Божію, ово отъ древъ сложенную, овожѳ церковь одушевленную во Архиппѣ святомъ, въ ныняшной же гисторіи поминаемомъ, прехрабро тогда воинствующую. А при церкви кто остался единъ токмо бѣдный старецъ Архиппъ преподобный, на единаго Бога уповая со крѣпкимъ намѣреніемъ не отбѣгну, глагола, отъ святаго мѣста сего, ниже изиду изъ церкве, но здѣ да умру и азъ аще попуститъ Господь. Человѣчески разсуждая, возлюбленніи о Господѣ слы-шателіе, треба бы то было уже весма надежды избавленія отчаятися, чтобъ единъ бѣдный старецъ противъ толикаго множества язычниковъ спасся. Но видя, что сотвори Господь, посрамляя человѣческое мудрованіе, у него же нѣсть разнства спасти вмалѣ и вомнозѣ, якоже въ началѣ речеся. Егда же услышалъ Архиппъ гремѣніе шумящихъ водъ отъ язычниковъ на потопленіе храма святаго низпущенныхъ, бросился старецъ святый ко оружію, единою вооружая себе молитвою, возопилъ прилежнѣе къ Богу, да не потоплено будетъ мѣсто святое, да не возвеселятся врази, но да посрамятся нечести-віи, да прославится же имя Господне и прочая. Егда молитву окончилъ, и абіе увидѣлъ помощь и крѣпкое Божіе Его церкве заступленіе, дивенъ во высокихъ Господь, дивны высоты морскія устрояющій. Самаго чиноначальника Михаила Архангела посылаетъ на заступленіе церкви Своея, иже, яви-вшиоя старцеви святому, укрѣпляетъ его, глаголя: дерзай и не бойся, востани и узриши Божію силу въ водахъ тѣхъ; воздвигъ же Архистратигъ десницу свою, воспятилъ воды, на потопленіе устремляющіяся. Та же показалъ мѣсто въ ка-мени вонже чюдеснымъ Божіимъ строеніемъ рѣки церковь Божію погрузите имѣвшій, сами въ глубинахъ своихъ погрузишася, по свидѣтельству нынѣшняго праздника гисторіи. И тако сила Божія обыкновенно въ немощныхъ совершающаяся и въ семъ немощномъ сосудѣ старцѣ преподобномъ совершилася. Посрамился діаволъ съ служителями своими, а церковь Божія пребысть враты адовыми не преодо-ленна, ниже мудростію, ниже мужествомъ, ниже совѣтомъ противныхъ побѣжденная, и сія то язва тягчайшая бѣсови была паче протчихъ. Защитилъ, церковь Божію Павелъ, да Павелъ же выше небесъ бывшій, Апостолъ на небеси богословіи научившійся; защитилъ церковь Божію Аѳанасій Великій,
да Аѳанасій же имя безсмертное, мужъ искусенъ, а къ сему ученіями славный; защитили церковь Божію и протчіи отцы снятіи, человѣцы жъ ученіемъ, премудростію, искуствами всему свѣту знаменитіи, а отъ таковыхъ мужей не въ стыдъ и побѣжденнымъ быти: здѣ же вѣчный срамъ, крайнее врагу безчестіе, дивное позорище. Сразился сильный и хитрый веліаръ съ немощнымъ старцемъ реторическихъ, філософ-скихъ и богословскихъ ученій нѳпознавшимъ, да подобно и неграмотнымъ. Бѣсъ по обыкновенію своему съ хитрою козней своихъ ловитвою, а старецъ по обыкновенію своему съ молитвою. А кто побѣди.лъ? Конецъ вышерченный дѣла довольно показалъ, отсюду возражается простое оное премудрости Божія мнѣніе: Мто. въ главѣ 16 прореченное.
Смотрятъ противники наши на насъ, на святую церковь восточнаго греческаго исповѣданія и похваляются симъ, яко ихъ болше. Вопрошуютъ насъ, гдѣ наша училища, тоежде творятъ многіе и отъ насъ мнящійся быти, дабы въ погибель рода человѣческаго и въ нашихъ странахъ езунтскіи завелися сонмища; о семъ то и дивно, что насъ менше, да съ нами Богъ, разумѣйте, противницы, и покаряйтеся истинѣ, яко съ нами Богъ, у Него же нѣсть разнствія вомнозѣ или вмалѣ спасти церковь Свою. Мудрствуйте, какъ хотите, совѣтуйте церкви святой противная, пусть съ вами будетъ мудрость еретическая, пусть съ вами будутъ коварства отступническія, но съ нами Богъ, противу Его же нѣтъ мудрость, нѣсть мужество, нѣсть совѣтъ. Правда то, что немного академій имѣемъ, да имѣемъ же еще едины школы Духа Святаго, въ нихъ же обучившеся и прѳпростѣйшій старецъ Архиппъ воистину лучше можетъ бѣдствующей, воинствующей церкви Христовой помощестѵвовать, нежели сто академій епикурейскихъ, единою плотскою надменныхъ мудростію и киченіемл^. Доброе есть ученіе, не хулю, ниже отрицаю, но сіе ему же предполагается христіанское обученіе, инако ученія отъ растлѣннаго ума человѣческаго происходящая, безъ благодати Божія, не токмо церкви Божія не полезна, но весьма вредительная, не низвергающая вратъ адовыхъ, но и паче утверждающая. О, дай-то Богъ, дабы отъ гисторіи сея научилися, вси гордіи, спесивіи, въ чину воинскомъ обрѣтающійся, отъ нихъ же и послѣднѣйшій офицеръ старцева на службу отдавшемуся помоществовати въ чемъ встыдается.
Здѣсь же самъ Архистратигъ преподобному на помощь ускорилъ. Аще бо разсудимъ Божественнаго сего старца въ нынѣшной гисторіи поминаемаго по внѣшнему его состоянію, что онъ былъ простой монахъ въ чину пономарскомъ церкви служащій, но сему надъ небесными силами учрежденный Архангелъ на служеніе избавити его отъ бѣдъ посылается, темное оное ІІавлово толкуя намъ слово: не вси ли служебніи дуси во служеніе посылаеми за хотя-
щихъ наслѣдоватн спасеніе посланія къ Евреомъ главы 6. Тоежде толкуетъ и показуетъ намъ обитель сія святая, въ нейже воспоминаніе онаго преславнаго чудесе Михаиломъ Архангеломъ сотвореннаго радѵіощеся празднуема». Яко особеннымъ нѣкіимъ смотреніемъ во служеніе посланъ за хотящихъ наслѣдоватн спасеніе на мѣстѣ семъ святомъ, аки на стражи какой устроенный Архангелъ, сердцами и устнами честны ко здѣ во обители его живущихъ старцовъ, кто яко Богъ вопіющъ, взывающь и глаголющь, аки нарочно для сего единаго на семъ мѣстѣ поставленный, дабы идоли отъ христіанскихъ идолопоклонниковъ призываеми и вызы-ваеми паки изъ Днѣпра не видыбали. Яко же древній идолопоклонники видящи боговъ своихъ отъ святаго Владимера въ Днѣпрѣ вверженныхъ, на мѣстѣ семъ стоя, со слезами взывали, всякъ бога своего призывая: видыбай, боже нашъ, видыбай, боже нашъ. Откуду и обитель сія святая Виду-бицкою назвалася, по свидѣтельству псторіи. Тако и отъ теперешнихъ множайшіи, не глаголю же вси, древнихъ Каинъ иодражающе, тоежде и творятъ. Что есть ненасытныхъ сребролюбцевъ желаніе, аще не сіе, дабы сребренныя и златыя къ нимъ видыбали? Что есть желаніе пьяницъ и ярыгъ, вездѣ валяющихъ? Аще не сіе, дабы богъ піянства, оній языческій бахусъ и видыбалъ и придыбалъ къ нимъ. Піяницы бо ѳгда упившися и Божія по мнѣнію своему шумятъ, въ кабакахъ устнами ноютъ, но сердцемъ въ самой вещи взываютъ: видыбай, боже нашъ. Кое есть всѣхъ желаніе воровъ, мошенниковъ, отъ нихъ нѣкоторіи подобно и въ сей храмъ святый будто на молитву пришли, аще не сіе дабы златый или серебряный какой божекъ аще не изъ Днѣпра, то поне дзъ чужого кармана къ нимъ видыбалъ. Что иное творятъ и приходящій во обитель сію въ домъ Михаила Архангела злымъ одѳряшми пожеланіемъ, аще не безбожныхъ идоловъ призываютъ, всякъ по прихотямъ своимъ, имиже имѣетъ сердце исполненное и тако идоло-неистовствующимъ безбожнымъ житіемъ своимъ вратамъ адовымъ побѣждати церковь Божію и предолевати ю весьма помоществуютъ, церковныхъ ученій и наставленій на слушая. Чимъ же бы такій христіанинъ отчэ идолопоклонниковъ различествовалъ, познать невозможно.
Потщимся убо, потщимся, возлюбленніи о Господѣ слы-шатѳліе, донелѣже время есть, донелѣ еще праведный судъ Божій не постигъ насъ въ беззаконіяхъ нашихъ, не точію устнами, но и сердцемъ сквернымъ отрещися идоловъ, яжѳ суть похотп злая, возжделѣнія сердецъ нашихъ. Вси язычески божки пусть плывутъ за водами, мы же, съ нелицемѣрнымъ покаянібмъ пришедши къ щедротамъ всемилостиваго Бога нашего, придержимся церкви святой православной, адовыми враты во вѣки не преодолѣнной, предъувѣ-дѣвши сіе, яко нѣсть премудрость, нѣсть мужество, нѣсть
совѣтъ противу Господа, воинствующую церковь Свою всегда и вездѣ отъ вратъ адовыхъ избавляющаго. Итакъ, крѣпкую возимѣемъ надежду, яко пошлетъ и намъ на помощь небесныхъ воиновъ Архистратига во всѣхъ нашихъ нуждахъ, во всѣхъ нашихъ бѣдствіяхъ отъ всѣхъ скорбей насъ избавляющаго, наипаче, егда при кончинѣ житія, со всѣмъ пекломъ треба будетъ сразитися; во остальномъ нодвизѣ нашемъ не оставитъ насъ, дабы врата адова одолѣли насъ, но съ преславною побѣдою на вѣчность блаженную нреселившихся сподобитъ купно съ тѣмъ же преславнымъ чиноначалыш-комъ Михаиломъ Архангеломъ хвалите Тебе во тріехъ Ипо-стасѣхъ славимаго Бога во вѣки. Аминь *).
Сообщ. ЙТ’Годорскій.
Ноября 28 дня 1909 года. Печатать разрѣшается. И. д. Ректора С.-Петербургской духовной академіи профессоръ Ив. Троицкій.
Редакторъ, профессоръ С.-Петербургской духовной академіи
Петръ Смирновъ.
*) Слова напечатаны по рукописи библіотеки СПБ. Духов. Академіи (Аіі/305); титлы распущены и разставлены знаки препинанія. Сопоставляя почеркъ рукописи съ автографами Симона, хранящимися въ Импер. Публ. Библіотекѣ, ее нужно признать также автографомъ.
САНКТ-ПЕТЕРБУРГСКАЯ ПРАВОСЛАВНАЯ ДУХОВНАЯ АКАДЕМИЯ
Санкт-Петербургская православная духовная ака-демия Русской Православной Церкви - высшее учебное заведение, целью которого является подготовка священнослужителей, преподавателей духовных учеб-ных заведений и специалистов в области богословских и церковных наук. Подразделениями академии являются: собственно академия, семинария, регентское отделение, иконописное отделение и факультет ино-странных студентов.
Проект по созданию электронного архива журнала «Христианское чтение»
Проект осуществляется в рамках процесса компьютеризации Санкт-Петербургской православной духовной академии. В подготовке электронных вариантов номеров журнала принимают участие студенты академии и семинарии. Руководитель проекта - ректор академии епископ Гатчинский Амвросий. Куратор проекта - проректор по научно-богословской работе священник Димитрий Юревич. Матери-алы журнала подготавливаются в формате pdf, распространяются на компакт-диске и размещаются на сайте академии.
На сайте академии
www.spbda.ru
> события в жизни академии
> сведения о структуре и подразделениях академии
> информация об учебном процессе и научной работе
> библиотека электронных книг для свободной загрузки
