CC BY
8
Санкт-Петербургская православная духовная академия
Архив журнала «Христианское чтение»
П.П. Тодорский
Иеромонах Симон Тодорский (архиепископ Псковский и Нарвский) и его четыре неизданных слова
Опубликовано:
Христианское чтение. 1909. № 11. С. 1507-1520.
@ Сканированій и создание электронного варианта: Санкт-Петербургская православная духовная академия (www.spbda.ru), 2009. Материал распространяется на основе некоммерческой лицензии Creative Commons 3.0 с указанием авторства без возможности изменений.
СПбПДА
Санкт-Петербург
2009
. А _/Ѵ_ А_ А _ А .
Іеромонахъ Симонъ Тодорскій (і архіепископъ псковскій и нарвскій) и его четыре неизданныхъ слова *).
I.
Слово на Благовѣщеніе Пресвятыя Богородицы, проповѣданное іеромонахомъ Симономъ Тодорскимъ *).
Да дастъ Ему Господь Богъ престолъ Давида отца Его, и воцарится въ дому іаковли во вѣки. Словьса въ нынѣшнемъ Евангеліи Преблаго-словенной Дѣвѣ Маріи Архангеломъ Гавріиломъ благовѣствованная. Въ главѣ 1-й Луки.
6Е ЦАРЬ Израилевъ грядетъ къ намъ воспріяти царствіе Свое, свѣтозарная чада Сіонова, вси именемъ Ца-ря сего называющійся. Съ матерію церковію торже-rjy* ствуимъ днесь, духовно веселящеся. Се грядетъ Мои-4 сеомъ преобразованное пророкомъ, умерщвленное пра-I родительскимъ грѣхомъ естество наше на горницу Божества вознести и тамо Ему присовокупившися, духъ жизни, еже паки въ Бога, воздхнути намъ и оживотворити насъ, грядетъ лобзати насъ лобзаніемъ устъ Своихъ. Убо и сердца и устнѣ очистимъ истиннымъ покаяніемъ, да достойни обря-щемся, ниже самимъ Ангеломъ повѣреннаго царскаго сего лобзанія, его же желающи ветхозаконная церковь, не доволяся пророческими увѣщаніями и утѣшеніями день и нощь вопіяшѳ къ Богу, да не къ тому сходитъ на гору Синайскую, устами лобзая милостивыми, но да снидетъ уже вч; утробу дѣвичу и тако да лобжетъ сладчайшимъ собственнымъ устъ Своихіэ лобзаніемъ (въ Пѣснѣхъ Пѣсней глава I). Но нынѣшнему дню предуставлѳнное было благополучіе, воньже Царь, прежде вѣкъ поставленный надъ Сіономъ, горою святою Его, отпад-
х) Окончаніе; см. августъ—сентябрь.
1) 25 марта 1741 года, въ великую среду.
PS*
шее грѣхомъ отъ державы естество человѣческое страннымъ и непостижимымъ образомъ во утробѣ дѣвичей сердечно объемши и облобызавши нерѣшимымъ, вѣчнымъ, ѵпостас-шімъ союзомъ съ Нимъ соединяееся и скипетру Своему подчиняетъ, воежебы Ангеломъ недовѣдомою спасенія нашего совершити тайну, иоки бы присоединилъ царствію Своему. тамо вознесши, идѣже бѣ первѣе. Необычное же Царя сего въ міръ пришествіе провозвѣстшгь Давидъ (Псаломъ 71), царствіе Его оиисуя, глаголетъ, сииде, яко дождь, на руно и яко капля, каплющая на землю, п обладаемъ отъ моря и отъ рѣкъ, до конецъ вселенныя, якоже во время Гедеоново, аможе намѣряетъ Давидъ: руно орошенное, знаменіе бѣ люду Божію свобожденія отъ ига мучительства враговъ Израилевыхъ и будущія власти Гедеоновы прознаменованіе. Тако и здѣ Преблагословенная Дѣва Марія, нашествіемъ Духа Святаго орошенная, знаменіемъ неложнымъ державы будущія испразднити имущаго смерти державу, сирѣчь діавола и избавити сихъ, елицы страхомъ смерти чрезъ все житіе по-внннй бѣша работѣ, по Апостолу, нынѣ на литургіи прочтенному (вгь главѣ 2 къ Евреомъ). Что бы то былъ престолъ Давидов'ь и домъ Іаковль, въ словахъ архангельскихъ помя-ненный, явѣ показуется въ священныхл> Писаніяхъ (изволяй, да чтетъ главу 2 Исаіи, Дѣяній главу 15. Тоежде и въ Посланіяхъ обрѣтается, наипаче въ Посланіяхъ Павловыхъ къ Римляномъ и k4j Ефесеомъ). Вси же обще разумѣютъ, что престолъ Давидовъ и домъ Іаковль неиное что суть точію Церковь, отъ іудей и отъ язык'ь собранная. Сіе убо яко всѣмъ явися, оставивши о семъ, токмо краткое мое возымѣю слово, какое то было царство, въ немже во вѣкъ воцаритися Христосъ приходитъ, и каковъ есть Царь сей, нынѣ на престолѣ Давидовомъ, отчэ плода чрева сый, сйдѣти начинающій. Ты же преблагословенное, грядый отъ нѣдръ Отчихъ пріяти царство Давида Отца и все непостижимымъ образомъ вмѣщающее неизмѣнно въ Себѣ, въ ложеснахъ дѣвичихъ пріемля рабій зракъ, даждь, Слове, слово скудоумному проповѣднику Твоему проповѣсти Божіе крайнее Твое къ намъ снисхожденіе въ пользу слышателя духовную.
Дивно то, возлюбленніи о Господѣ слышателіе, что и са-міе Ангели царство Христово, еже на земли, не скоро въ толкъ взяли. Восходятъ но лѣствпцѣ, Іаковомъ видѣнной въ гору, смотря на царство Его, во свѣтлостѣхъ святыхъ Его, изъ чрева прежде десницы раждающагося отъ Отца видятъ свѣтомъ Божества неприступное, начала не имѣющее и не постизаютъ; нисходящій же надоль видятъ бездну неудобь зримую и ангельскими очима необычное Царя славы смиреніе и недоумѣваются. И аще бы Самъ Христосчз не втолковалъ тайны царствія Своего, то бы и вѣрили невозможно было, дабы огнезрачный серафимскій престолъ Свой небесъ невмѣщающій славы величествія Его наслѣдилч. раскопанный,
разоренный, весьма обнищавшій престолъ Давидовъ замѣнилъ. Сіе то безприкладное Христа Божіе смиреніе виною было, что ниже сатана, ниже егожъ гордостію надменны фарисеи тайны сея не увидѣли. Аще бо Давидъ, Соломонъ толикою славою, торжествами, побѣдами, честію и богатствами прославляли царства своя, то кольми паче, плотски разсу-ждающи, яко есть славное, гордое, пребогатое, всю славу міра сего превосходящее имѣлобгь быти сіе царство Сего, Емуже престолъ, небо и земля подножіе. И не диво, якоже бо піаному человѣку вси кажутся піани быти, весь свѣтъ коломъ вернется, тако и гордому духу кажется и Самъ Богъ гордъ быти и никакимъ образомъ не хоіцетъ сему вѣрити, дабы Богъ въ утробѣ дѣвичей зачинался и смирившися даже до воспріятія естества нашего. Далеко иначе царствіе свое толкуютъ имъ, вся помышленія ихъ природной гордости сильно отражая, а между прочимъ наичуднѣйшее зѣло приличное подобіе царства Его зерну горушичну, еже вземъ человѣкъ всѣя на селѣ своемъ. Яко же бо зерно горушично предъ гордыми высокими кедрами ливанскими почитай ни-чтоже есть, тако и царство Христово на земли и внѣшнему" разумѣнію во очесахъ превозносящихся и высящихся, яко кедри ливанскіе, да реку съ Давидомъ, мнится ничтоже быти. Якоже зерно горушечно сѣется на селѣ, и тоежде произрастаетъ, еже сѣется, тако же и царствіе Христово сѣется токмо на сердцахъ незлобимыхгь селянъ, сіе есть простосердечныхъ людей, простодушныхъ, гражданской проклятой политики непоузнавшихъ, и произнесетъ плодъ себѣ подобній, царствію Христову весьма приличный. Якоже зерно гору-шичное горкое есть, тако и царствіе Христово не точіго сынамъ вѣка сего, но и самымъ сынамъ царствія Божія прегорестное есть. И ктожъ обещникъ царствіа сего не ощущаетъ горести самой Преблагословенной Дѣвы Маріи, не разъ пре-горкое оружіе душу прешло. Петръ, не хотя лишитися царствія сего, изыде вонъ, плакася горко. Павелъ позванъ въ царствіе сіе, еже онъ наслѣдіемъ святымъ въ свѣтѣ потомъ назвалъ (въ посланіи къ Колоссаямъ 1). Упалъ съ коня или паче съ верблюда фарисейскія гордости и такъ то ему горчица во очи было зашла, что и свѣту не увидѣлъ. Тоежде засвидѣтельствуютъ и протчіи Апостоли и мученики, вси преподобніи и праведніи, прошедшій въ милотіахъ и въ ко-зіихъ кожахъ, лпшени скорбяще и озлобленіи, въ посланіи Павловомъ (къ Евреомъ въ главѣ 11) поминаеміи. Аще всѣхъ сихъ вопросимъ: скажите намъ угодницы . Божіи, что есть царство Христово на земли и каково есть?—отвѣщаютъ вси едиными усты царство Христово горушичноѳ, горкое есть. Зѣло же изрядно Павелъ слово свое учителю своему изъявляетъ въ главѣ 14 Дѣяній святыхъ Апостолъ. Многими, глаголетъ, скорбми подобаетъ нами внити въ царствіе Божіе. И се то есть зерно горушично скорби и бѣды, еже пре-
терпѣти долженствуемъ царствіа ради Божія. Чтожъ имамъ рещи о Самомъ Царѣ, нынѣ во утробѣ дѣвичей зачинающемся, не тоежде еже всѣмъ житіемъ Своимъ засвидѣтельствуетъ намъ въ Писаніи Своемъ: приниче, призрѣ съ не-бесе на сыны человѣческія видѣти, аще есть разумѣваяй, или взыскаяй Бога, вси уклонишася: иніи зарѣжатъ, иніи мошенятъ. воруютъ, блядуютъ, не домѣряютъ, не довожуютъ, иніи яко гусь гордостію надмеваются, безбожно, безсовѣстно ябеды, клеветы на ближняго своего соплетающи, вкупѣ не-ключими быша, по свидѣтельству Псалма 31. Не горе ли се Сыну Божію, пришедшу во вертоградъ Свой и не обрѣтѳ благоиріятніи, но сообрѣтаетъ терніа беззаконіа, главу Его увѣнчавшія, якоже Сынъ Самъ утверждаетъ у пророка Исаіи въ главѣ 5. Едва точію родился, паки царство Его зерно го-рушичное: Ему мѣсто не имѣется къ рожденію, отъ своихъ не пріемлется, во Египетъ принужденъ бѣгати. Что речемъ о самой многострадальной смерти Его въ настоящей сей страстной седмицы по должности всѣхъ насъ христіанъ празднуемой: заушается, распинается, прободается. Не крайняя ли се бѣда Царю нашему, и самая послѣдняя чаша, юже Христосъ отъ рукъ нашихъ испилъ на крестѣ уже висящи, горкою желчію исполнена была, юже вкусивши, аки всѣ ужо горести житія своего запилъ, скоро потомъ возопилъ: совер-шишася. И тако видимъ, слышателіе православніи, какое то есть Царство Христово зерну горошичну подобно. Правда то, что Царствіе Христово миръ и радость о Дусѣ святѣ отъ Павла называется (въ посланіи къ Гимляномъ въ главѣ 14). Но кто сей миръ чувствуетъ, развѣ Павловъ умъ имѣющій, кто ощущаетъ радость сію, развѣ сердце Павлово. Треба бо то быти яко незнаваемымъ и познаваемымъ, яко скорбящимъ, присно же радующися, яко ничтоже имуще, а вся содержащи. Таковое и единое сердце со Христомъ пріискреннѣ соеди-нившеся во всѣхъ своихъ горестяхъ въ юдолѣ семъ плачевномъ приключающихся можетъ надеждою вѣчнаго всерадостнаго житія увеселитися по примѣру Моѵсея, о немъ же Павелъ въ посланіи своемъ къ Евреомъ въ главѣ 11: иже большее богатство вмѣнивъ паче египетскихъ сокровищъ поношеніе Христово взираше бо на мздовоздаяніе. Каковъ же бы Самъ сей Царь былъ нельзя инако сказать: Царь есть добрый, Царь милостивый; засвидѣтельствуетъ о милости Его первенствовавшій между грѣшниками прежде обращенія своего Павелъ, якоже самъ себя называетъ (въ главѣ 1 посланія I своего къ Тимооею), но помилованъ былъ, глаголетъ, да о мнѣ первомъ покажетъ Іисусъ все долготерпѣніе за образъ хотящихъ вѣровати Ему въ жизнь вѣчную. Засвидѣтельствуетъ и старѣйшина мытарямъ Закхей, Его же дому не точію не презрѣлъ Господь, но и милостивно посѣтити благоизволи, памятуя завѣтъ Свой со Авраамомъ поставленный, зане и сей, глаголетъ, сынъ Авраамовъ есть, тамъ же
объясняя конецъ милостиваго пришествія Своего: Пріиде Сынъ человѣчъ взыскали и спасти погибшаго. Чтоже имамъ рещи о женѣ оной, въ прелюбодѣяніи ятой, въ главѣ 8 Евангелія Іоанна поминаемой, южѳ Моисей, яко слуга вѣренъ во всемъ дому Его, каменіемъ побили повелѣ. Сія, отъ суда Моисеова на судѣ милостиваго сего Даря позванная, царскою властію разрѣшается, и милостивый слышитъ гласъ, рече, и отселѣ ктому не согрѣшай. Тоежде и о другой повѣствуется у Евангелиста Луки въ главѣ 3, на нюже фарисей и воззрѣли не хотѣлъ. Сію пречистіи Его нозѣ слезами омывшую милостивно воспріемлетъ кающуюся съ благодатнымъ Своимъ царскимъ изреченіемъ: оставляются тебѣ грѣси. Чего же ради? Яко возлюби много. Засвидѣтельствуетъ на остатокъ и самый нынѣшній день, день всерадостнаго онаго Благовѣщенія, въ который самоволнѣ во утробѣ дѣвичей зачинающійся у пророка Исаіи въ главѣ 61 глаголетъ: Духъ Господень на Мнѣ, Его же ради помаза Мя, благовѣсти нищимъ посла Мя, си есть смирившимся, познавшимъ нищету свою духовную, съ мытаремъ перси своя біющимъ и глаголющимъ, Боже милостивъ, буди мнѣ грѣшному. Сихъ онъ признаетъ за подданныхъ Своихъ, симъ царство Свое даетъ, блажени, рече, нищіи духомъ, яко тѣхъ есть царствіе небесное (Матоея глава 5). Противнымъ образомъ сихъ, иже не познаютъ духовныя нищеты своея, лишаетъ царствія Своего: изблевати тя имать изъ устъ моихъ глаголетъ Ангелъ Лаодикійскія церкве, зане глаголеши, яко богатъ есмь и ничтоже требую и не вѣси, яко ты избѣжиши суда Божія. По жестокости твоей и непокаянному сердцу собиравши гнѣвъ въ день гнѣва и откровенія праведнаго суда Божія. Не вѣси ли, лю-бимиче, яко богатство благости Христовой, кротости и долготерпѣнія на покаяніе тя ведетъ. Слыши, что Апостолъ глаголетъ въ главѣ 1 къ Ефесеомъ: избра насъ въ Немъ прежде сложенія міра. Къ чему избра?—быти намъ святымъ и непорочнымъ предъ Нимъ по благоволенію хотѣнія Его. Се глаголетъ Апостолъ и по благоволенію хотѣнія Его. Чтобъ то было хотѣніе Божіе толкуетъ Павелъ въ главѣ 4 къ Солу-няномъ: сія есть воля Божія святость ваша; словомъ рещи, вси Цареви сему служити хотящій, честное, святое и непорочное житіе имѣти долженствуютъ, якоже Онъ святъ и непороченъ есть, дабы съ самаго житія нашего познать мощно было, кому мы служимъ и чіимъ именемъ называемся, не было бы нужды спрашивать; нашъ ли еси или отъ сопротивныхъ, какъ Іисусъ Навинъ спрашивалъ Ангела, подъ Іерихономъ ему явившагося. Инако не рабами, но противниками будемъ, востагоіцими противу царствіа Его. Не иное что и насъ можетъ ожидати, точію страшный оный гнѣвъ Царевъ, о которомъ поминается у Евангелиста Луки вгь главѣ 19. Обаче враги моя они, иже не хотѣвши, да Царь бы былъ надъ ними, приведите сѣмо и изсѣците предо мною.
Аще же речеши, любимиче, буду еще юрижить. помотаю по свѣту, поживу еще въ похотѣхъ сердца моего; Пречистая Богомати умолитъ Сына Своего, понеже я во всякъ день читаю Параклитъ, а наипаче Богородице, Дѣво, радуйся. Но смотри, любимиче, въ грѣхахъ пребывающій въ чювствен-ности, въ лѣнивствѣ, въ піанствѣ, въ бездѣльствахъ и крайнемъ небреженіи житіе свое провождающій. Како дерзнешь предъ Пречистою Богоматерь явитися; Сына по ланитомъ біеши, а Матери глаголеши, радуйся; пріими, молю, въ любовь, не въ гнѣвъ, да сице реку тебѣ: уподоблявшися іудеомъ, Сыну ея поругавшимся. Якоже іудеи, тростію бігоще Христа по главѣ, глаголаху: радуйся, тако и ты неисправнымъ житіемъ беззаконнымъ, уязвляя Сына Божія, какъ Онъ Самъ утверждаетъ, сый на крестѣ дѣлаша грѣшницы, продолжиша беззаконія своя, Матери Его глаголеши, радуйся. Можетъ бо сіе безприличіе и наипростѣй и малая дѣтина разумѣвати, когда бы тебе кто по главѣ билъ, а матери твоей глаголалъ, радуйся. Радовалася бы мати твоя, нѣкое се чудное при-вѣтство было бы странное цѣлованіе. И аще Пречистая Богомати, Ангела увидѣвъ, смутилась, чтожъ помыслитъ тебе, увидѣвши тебе предъ лицемъ своимъ пепельнымъ огнемъ жегомаго. Ей, отвратитъ лице свое, скажетъ не моего се Сына подданный, се нѣкій турчинъ, агарянинъ, погань без-совѣстникъ, безбожники» пришелъ. Аще бы моего Сына подданный имѣлъ бы ясное знаменіе Сына моего. Словомъ реіци, Ангеломъ треба статися съ такою Царицею привитатися; серафимского любовію исполненное сердце къ Сыну ея потреба нмѣти хотящему съ дерзновеніемъ Матерь Цареву при-вѣтствивати ангельскимъ симъ цѣлованіемъ. И аще не дер-заеши предъ Царя явитися на сей конецъ въ міръ пришедшаго прпзвати грѣшниковъ на покаяніе и кающихся проплати, то предъ Матерь Цареву, аки на очи неизреченною ревностію по чести Сына Своего ревнующую, донелѣ же врагъ Сына ея пребывавши, единою токмо ногою шествуя до неба, а другою, или паче обѣма въ погибель вѣчную устремлялся. Потреба, потреба первѣе съ Сыномъ ея лрими-ритися истиннымъ неложнымъ покаяніемъ, а наипаче въ нынѣшній день всерадостнаго Благовѣщенія. Днесь Царь въ зачатіи Своемъ милостивъ. Братія грѣшники, теперича до Царя съ доношеніами, да паки тоежде реку, днесь имуще толь милостиваго Царя, да приступаемъ со дерзновеніемъ ко престолу благодати, яко да пріимемъ милость и благодать обря-щемъ во благовременной помощи. Аминь.
II.
Слово на Воскресеніе Христово, всечестнымъ іеромонахомъ Симономъ Тодорскимъ проповѣданное 1).
Воста за оправданіе наше. Словеса Учителя языковъ въ посланіи его къ Римляпомъ въ главѣ 4 положенная.
Христосъ поста отъ мертвыхъ нашего ради оправданія, всеторжественное убо его востаніе уряще, иже прежде адовыми узами одержнмп бѣхомъ, нынѣ къ свѣту грядемъ радостными ѵстнами и вѣчнаго веселія исполненнымъ сердцемъ божественное Его хваляще востаніе, слышателіе Богомъ собраннін! Что бо бѣхомъ прежде полнаго Его за грѣхи наша страданія и иреславнаго Его за оправданіе наше востанія. Не оніп ли узники, сѣдящіи во тмѣ, сѣдящіи во странѣ и сѣни смертной, о которыхъ поминается у Евангелиста Матоея въ главѣ 4. Не ужасаетъ ли или не болѣзнуетъ ли кто, увидѣвши плѣнника, веригами связаннаго, же-лѣзами обложенна или за долги своя въ преисподнѣйшихъ темницахъ немилосердо заключеннаго, но человѣческій родъ въ бѣднѣйшем'ь и окаяннѣйшемъ былъ состояніи, ибо плѣнники, аще и подъ крѣпкими содержатся узами, заключенныя стражами, обаче часто благополучни, убѣгше какою-нибудь хитростію, отъ узъ разрѣшившіеся превожделѣнное получаютъ свобожденіе, а насъ всѣхъ за преступленіе заповѣди Божія, единою проданныхъ за грѣхъ, тако было крѣпко Божіе заключило правосудіе, яко ниже Авраамово Исаака возношеніе, ниже Аароново многотысящныхъ жертвъ приношеніе успѣло что и самый Монсеовы Божіимъ перстомъ написанныя скрижали со многочисленными инными обрядами къ разрѣшенію узъ нашихъ не прибрали ключей, во еже свободити затворенный въ преступленіи родъ человѣческій. Елика законъ глагола сія ради вины зло, да всяка уста заградятся и повиненъ будетъ весь міръ Богови въ посланіи его къ Римлянамъ вгь главѣ 3. Воставшу же Христу отъ мертвыхъ нынѣ кромѣ закона явлена правда Божія востаніемъ Іисусъ Христовымъ и насъ всѣхъ вѣрующихъ оправдающая туне благодатію Его, избавленіемъ еже о Христѣ Іисусѣ, си есть востаніемъ Іисусъ Христовымъ, его же предложи Богъ очищеніе вѣрою вгь кровѣ Его въ явленіи правды Своея за отпущеніе прежде бывшихъ грѣховъ, но свидѣтельству Апостола въ той же главѣ посланія его къ Римляномъ, а о жертвах'ь ветхозаконныхъ ко оправданію нашему недовлѣв-шыхъ показуетъ Апостолъ въ посланіи его къ Евреомъ въ главѣ 10: невозможно, глаголетъ, кровѣ юнчей и козлей отпу-
щати грѣхи, послѣдовательно же, и бѣднаго онравдати грѣшника. Оправданіе бо грѣшника и по Божіему и гражданскому есть отпущеніе грѣховъ его. Вину даетъ Апостолъ въ той же главѣ мало вышше: сѣнь бо, глаголетъ, имѣ законъ грядущихъ благъ, а не самый образъ вещей, на всяко лѣто тѣмижде жертвамя ихъ же приносятъ выну, никогда же приступающихъ совершити, откуду слѣдуетъ сіе непремѣнно, аще не можетъ совершити, то не можетъ и онравдати, зане совершеніе приходящихъ къ Богу, самое Божіе есть оправданіе, совершившоѳся страданіемъ за оправданіе наше совершенно бысть всѣмъ послушающимъ его виновенъ спасенія вѣчнаго, яко благодатію Божіею за всѣхъ вкусивый смерть. Подобаше бо Ему Его же ради всяческая приведшу многи сыны въ славу Начальника спасенія ихъ страданми совершити, якоже о семъ глубоко разсуждаетъ Апостолъ въ посланіи своемъ ко Евреомъ въ главѣ 2 и 4. Да возвратятся сердца наша къ достодолжному благодаренію за толпкое крайнее Его благоутробіе къ бывшимъ къ намъ прежде сынамъ смерти и вѣчной погибели, яко толь милостиво благоизволилъ предати Себе за прегрѣшенія наша и востати за оправданіе наше. О семъ будетъ краткое мое слово, что то есть самое оправданіе наше востаніемъ Христовым'ь совер-шившоеся, да уразумѣвши силу слова сего поощримся къ любви Его, возлюбившаго насъ даже до креста, даже до гроба. Ты же по мнозей Твоей милости, оправдавши насъ во упованіе живо воскресеніемъ Единороднаго Сына Твоего отъ мертвыхъ^, даждь глаголъ скудоумному проповѣднику благовѣстити силою многою Евангеліе страннаго и страшнаго сего оправданія Божія въ пользу слышателя духовную.
Толико нужда есть намъ прямое оправданіа Божія познаніе, колико нужна есть самое душъ нашихч> спасеніе, слы-шателіе Богомъ избранный. Кая бо вина бысть погибели ветхозаконнаго, ожесточившагося Израиля толкуеть Апостолъ въ главѣ 10 посланія своего къ Римляномъ: понеже, глаголетъ, не разумѣюіце правды Божія и свою правду ишуще поставити правдѣ Божіей, не повинушася; кая вина погибели и самыхъ безчисленныхъ, новыя благодати усыновленія воспріяти сподоблшихся, аще не сія, яко не познавши силы Божія востаніемъ Іисусъ Христовымъ оправданія путемъ Каиновымъ въ лесть Валаамовы мзды проліяшася и въ пререканіи Корреовѣ погибельніи сыны бѣднѣ погибоша. Кая вина, яко и самый сіи душесиасителныи дне страшнаго сего великаго праздника едва не вси христіане не по христіанску празднуютъ: въ піанствахъ, въ кощунствахъ, въ безчислен-ныхъ кличахъ, студодѣяніяхъ, въ блудодѣяніяхъ, съ скачками и танцами провождаютъ. Сія есть воистинну крайняго сего окаянства вина, яко глаголютъ: Христосъ воскресе и отвѣтствуютъ, а чего для отъ мертвыхъ восталъ и что есть сила самаго тридневнаго отъ мертвыхъ востанія, не
токмо нѳ тщимся прилежно уразумѣли, но ниже слышали, что хощемъ; о семъ съ подобающимъ усердіемъ Павелъ по обыкновенію своему многая въ трудѣ заключая выну івоста-нія Господня отъ мертвыхъ глаголетъ были оправданѳ. Во-ста за оправданіе наше; оправданію же обыкновенно предъ-ходитъ долгъ, судъ, осужденіе, съ котораго Павлова рече-нія естественно послѣдуетъ сіе, аще бы Христосъ отъ мертвыхъ не дослалъ былъ, то бы мы навѣки пребыли во осужденіи нашемъ и померли во грѣхахъ нашихъ, аще Сынъ вы свобод^итъ, глаголетъ Христосъ у Евангелиста Іоанна въ главѣ 8, будите свободни, свобожденіи преславнымъ Его востаніемъ, еже и Павелъ показуетъ въ первомъ своемъ посланіи къ Коринѳяномъ въ главѣ 15: аще, глаголетъ, Христосъ не воста, суетна вѣра ваша, еще есте во грѣсѣхъ вашихъ. Убо и умершій о Христѣ погпбоша, яко не оправдив-ініися востаніемъ Его; аки бы рекъ аще пребываете въ долгахъ вашихъ и во вѣки пребудете. Смотримъ же аще смертному господину какому, червяновѣ равному, намъ завинова-тися, коль тяжестно есть не имущему чимъ бы за долги выплатитися; чтожь речѳмъ о сихъ долгахъ, которыхъ вси мы Богови одолжени были! О, воистинну аще бы былъ Христосъ отъ мертвыхъ не восталъ во оправданіе наше непремѣнно и намъ бы послѣдовало страшное оное реченіе зави-новатившагося: неключймаго раба вверзпте во тму кромѣшную, ту будетъ плачь и скрежетъ зубовъ по причинѣ оной, у Евангелиста Матоея въ главѣ 18 повѣствуемой. Аще бо Единороднаго Сына Своего за чюждія долги не иощадѣхъ, но затворихъ былъ въ темницу смертнаго гроба и не отпустилъ донелѣже п послѣдній отдалъ кодрантъ тридневнымъ пречистыя плоти Своея въ гробѣ заключеніемъ, то коея уже милости намъ ожидати мощно было въ беззаконіяхъ зачатымъ и во грѣсѣхъ рожденнымъ. Инако, по мнѣнію нашему, такъ бы казалося, яко и малѣйшая часть житія Христа Спасителя доволна кчэ сему была, но смотримъ негдѣже не глаголетъ Павелъ родился или окрестился или пострадалъ или умре за оправданіе наше, явѣ показуя сіе, яко аще обнищалъ былъ Христосъ нашего ради спасенія во убозѣмъ вертепѣ раждаяся, но не у еще престалъ гнѣвъ Божій; крестился пострадалъ и умре, пригвожденъ ко древу крестному, но не у совершилося оправданіе наше. Преданъ былъ за прегрѣшенія нашея и воста за оправданіе наше, глаголетъ Апостолъ. Потреба было, весма потреба, поручившемуся за грѣхи наша по примѣру должника и въ темницу заключенну быти и тако страннимъ и страшнймъ образомъ совершити оправданіе наше, Его же яко уже и совершившаго воскресивъ Богъ разрѣши болѣзни смертныя, якоже не бяше дер-жану быти Ему отъ нея, чего для понеже совершенно уже за долги наши уплатился, тѣмъ же и Самъ испоручникъ нашего спасѳ-нія предвидѣлъ духомъ всеторжѳственное Свое
отъ узъ смертныхъ свобожденіе съ радостію глаголетъ: воз-веселися сердце Мое и возрадовася языкъ Мой, яко не оста-виши души Моея во адѣ, исполниши Мя веселія съ лицемъ Твоимъ. Отсюду видимо, яко оправданіе наше востаніемъ Христовымъ совершившееся есть то отъ вѣчныхъ изъ нашихъ за долги наша насъ же самихъ свобожденіе, послѣдо-вателно жь и вѣчное наше съ Богомъ примиреніе. Можетъ же простолюдинъ слова сего долга не разумѣти и вопросити, что то за долги были, чимъ то мы такъ Богови завиновати-лися. На простичей сей вопросъ просто отвѣтствую: Богъ отъ великія Своея милости созда человѣка по образу Своему и по подобію, поручивъ ему и намъ, яко наслѣдникомъ его сущимъ, насъ во чреслѣхъ Адамовыхъ, все сіе, еже временнымъ и вѣчнымъ добромч. называется, но Адамъ и мы вси съ нимъ, преступивше Божію заповѣдь, Бога вѣчно разгнѣвали и порученное намъ добро вѣчно потеряли, а потому требовалося или оправданіе, или вѣчное въ вѣчныхъ мукахъ наказаніе, вѣчное въ темницахъ адовыхъ заключеніе. Онрав-дптися жь намъ самимъ отъ себе и чрезъ себе самих'ь, грѣшникомъ сущимъ, отнюдь не мощно было; того ради Единородный Сынъ Божій, плоть начну на Себе воспріявши, милостиво благоизволилъ предатися за прегрѣшенія наша и востати за оправданіе наше, тѣмъ самымъ востаніемъ Своимъ показуя, крѣпко свидѣтельствуя, яко много и преизо-билное Его за грѣхи наша довлетвореніе предвѣчный Отецъ милостиво изволилъ пріяти. Аще бо бы довлетвореніе Его не доволное было, то бы Богъ не воскресилъ были? Его и не вознеслъ бы десницею Своею, восже дати покаяніе Изра-илеви во оставленіе грѣховъ, яко же Петръ глаголетъ въ Дѣяніяхъ Апостольскихъ въ главѣ 5. Чтожь отсюду слѣдуетъ, слышимчэ наводитъ Апостолъ: оправдавіпеся убо вѣрою миръ имамы къ Богу Господемъ нашимъ Іисусъ Христомъ, Имъ же и приведеніе обрѣтохомч,. Вѣрую* бо благодать сія въ нейже стоимъ и хвалимся упованіемъ славы Божія глава 5 посланія къ Римляном'ь и се паки видимъ, яко оправданіе востаніемъ Іисусъ Христовымчз совершившоеся и всѣхъ благополу-чый нашихъ духовныхъ твердое обновленіе, вѣчной жизни начало, обновленіе наше въ сердцахъ нашихъ по образу создавшаго насъ отрожденіе наше во упованіе живо, къ первому блаженству возвращеніе, еже Апостолъ кратко изобразилъ поманенными словами: примиреніе ко Богу, приведеніемъ во благодать и упованіе славы Божія. Какій же бы конецъ сего нашего упованія былъ, сей ли, да якоже глаголютъ нѣцыи безсловесніи богослови: ядимъ, піимъ и прохладуимъ, Христосъ есть оправданіе наше. Да не будетъ, вопреки глаголетъ Павелъ, иный къ онымъ помяненному весьма противни показуетъ въ посланіи своемъ къ Титу въ главѣ 3: да оправ-дившеся убо глаголетъ Апостолъ, благодатію Его наслѣдницы будемъ по упованію жизни вѣчныя, наслѣдникомъ
Богу, сонаслѣдникомъ Христу; каконаго живота и каковыя святости требуетъ, изволяй да чтетъ посланія Павловы, да чтетъ безпрестанно и разумѣетъ истину. ІІодобнѣ и въ посланіи своемъ къ Ефессеомъ въ главѣ 2 тоежде утверждаетъ, оправданіе наше называя сооживленіемъ Христовымъ: сущихъ насъ, глаголетъ, мертвыхъ прегрѣшенми со-оживилч, Христосъ, мало же нижей въ главѣ оправданіе наше созданіемъ о Христѣ Господѣ нашемъ, оправданія нашего конецъ дѣло ясно показуетъ: создани, глаголетъ
Апостолъ, о Христѣ Іисусѣ на дѣла благая, яже прежде у готова Богъ, да въ нихъ ходимъ. А отсюду заграждаются уста всѣхъ сихгь, ихъ же Апостолъ называетъ врагами креста Христова, послѣдователнѣ же и оправданія его, имъ же кончина—погибель, богъ чрево и слава ихъ въ студѣ ихъ и многая мудрствующихъ въ посланіи къ Филиппійцамъ въ главѣ 3, которіи прельщаютъ и прельщаются не вѣдуще Писанія, ни силы Божія, великую сію благодать Бога нашего оправданіе вѣрою, востаніемъ Іисусъ Христовымъ, въ скверну прелагающій и въ такое жь безпутство пришли, яко уже и между стаканами напившися или упившися дерзаютъ со-вопрошиватпея о оправданіи нашемъ, еже вѣрою Іисусъ Христовою и часто подслушавшій подъ дверми бесѣды ихъ, кто бы помыслилъ Павелъ изъ мертвыхъ досталъ, Василій Великій, Григорій Богословъ, Іоаннъ Блатоустыи, сошед-шеся бесѣдуютъ, аще же бы пришло подробну, основательно о бесѣдѣ ихъ, воистинну было бы сіе, что толикіи мужи, во очесахъ своихъ мнящійся громами богословіи бытп, азбуки Павловой ей не умѣютъ, а что и о комъ писалъ Моисей, Давидъ и пророки о семъ не пытай, сущыи невѣжды, хочай то много лѣтъ потеряли многій по Львовахъ, по Краковахъ, по Римахъ, но Ліонскахъ, по Англіахъ и и Голландіахъ, ищущихъ мнимыя себѣ премудрости, да еще же не такъ жаль на сих'ь, который, какъ то они сказуютъ, побывали и будто бы свѣта повидали, но сіе то дивно воистинну, яко мнозіи до собственнаго своего рода дороги не знаютъ, да тыяжде пѣсни поютъ, о нихъ же можно вправду сказать сіе, еже речено бѣ въ поруганіе о Христѣ Спасителѣ, не такъ поняли. Сіи суть прости мужички, богословіи святой, прямой богословіи весма не вѣдущіи. Нарицаемы же сице не взглядомъ благородія, ибо и отъ благородныхъ многія въ числѣ таковыхгь суть. Благородія и высокородія пхъ должно почитаю, но называю сице взглядомъ уче-ныихъ, яко богословіи святой немыслящихъ. И откуду симъ сія мнимая ихъ премудрость. Такъ зѣло токмо разговариваютъ о постахъ, о воздержажіи, о монашествѣ и прочихъ христіанскихъ добрыхъ дѣлахъ; вопрошаютъ, на что сіе, на что оное вѣрою Іисусъ Христовою, востаніемъ Его, глаголютъ, отъ мертвыхъ оправдахомся и когда имъ случится на Павловомъ току зерно наити, то уже зѣло молвятъ, вопіютъ,
приводятъ Павла, котораго не разумѣютъ, понеже читаютъ Павла сердцемъ Савловымъ, гордостію надменнымъ, не очищеннымъ, умомъ не просвѣщеннымъ Божіею благодатію, разума Павлова и цѣломудрія ниже мало имѣющимъ. Постойте Бога ради, возлюбленныя, плоть ли есте отъ плоти нашея или изъ за границъ зъ чуждыхъ странъ къ намъ въ гости пришли, не подобитеся сатанѣ. Такъ бо только сатана Давидовы псалмы толковалъ, возведши Христа на гору искусити Его, какъ вы толкуете Павлова посланія. Ізуиц-кимъ духомъ весма уничтожающи, да оправданіе папино утверждено будетъ, глаголютъ бо, когдажь и въ нашей церкви отпущеніе грѣховъ чрезъ индульгенціи подавалося на сто лѣтъ, на тысячу лѣтъ, по примѣру папы изряднаго примѣра благочестія или добрыя дѣла, яже суть плоды Христовы, оправданія отброшующыи, послѣдовательно же и самое божественное оправданіе наше возстаніе Іисусъ Христовымъ, совершившоеся обезсиляющи и паче весма изкоре-няющи, да не тако и вы въ туюжде причту безумія впадете; слѣпецъ егда слѣпца ведетъ, оба въ яму упадутъ, якожѳ доброе дѣло безъ оправданія Іисусъ Христова прямо благословенно добрымъ дѣломъ нарещится не можетъ, тако и оправданіе не можетъ быти дѣйствительное, вси жь, который единою оправдившися, всякую неправду содѣловаютъ, самое оправданіе востаніемъ Іисусъ Христовымъ совершившоеся намъ къ спасенію, данное на истую свою погибель къ по-кровенію грѣховъ, нечистотъ и мерзостей своихъ противу и совѣсти своея зло употребляющи, а самижь вся обща и учите и глаголете, яко дѣла христіанъ православныхъ. Суть плоды оправданія. Аще убо плоды отброшуете, то и самое древо изсушаете, или сотворите древо добро и плодъ добръ или сотворите древо зло и плодъ его золъ; отъ плода бо древа познаетеся, имѣетъ ли кто оправданіе сіе дѣло въ сердцѣ своемъ или имѣетъ духа лжи и всякія неправды, глаголющаго на праведныхъ беззаконія, что болше еще слѣдуетъ изъ сицеваго вашего мнѣнія, сіе яко оправданіе Іисусъ Христова не жизни вѣчныя, но вѣчныя смерти начало, вина всѣхъ мерзостей и яко Христосъ отъ мертвыхъ воставши долженъ быти служитель грѣха не благословенія, но клятвы виновенъ, возбуждающуюся убо совѣсть во еже воспрянути отъ сна грѣховнаго симъ утѣшаете: Христосъ преданъ есть за прегрѣшенія наша и восталъ за оправданіе наше и тако себе утѣшающи пребываете въ беззаконіяхъ вашихъ, не исправляя развращеннаго житія своего истиннымъ покаяніемъ и что сего ради пострадалъ и отъ мертвыхъ восталъ, да мы въ грѣхахъ пребудемъ любяще въ нечистотахъ и похотѣхъ сердца своего. На сіе ли восталъ за оправданіе наше, дабы мы въ надежду воскресенія его беззаконновали, безчинствовали, кая хула можетъ быть Богови, паче сея досаднѣйшая. Усмотримъ, что глаголетъ Апостолъ въ посланіи своемъ къ Рим-
ляномъ въ главѣ 8: не едино убо нынѣ осужденіе и вопросимъ его, скажи намъ, Апостоле святый, которы то люди сѵть, имъ же ни едино осужденіе и отвѣщаѳтъ намъ въ томжде самомъ стихѣ: сущымъ о Христѣ Іисусѣ или какъ въ священномъ греческомъ діалектѣ имѣется: въ Христѣ Іисусѣ; быти же и о Христѣ Іисусѣ и пребывати въ Немъ коликаго ина-коваго житія требуетъ, сіе воистину выше естественнаго, равноименнаго, выше какъ человѣческаго и да иметъ всякую похвалу растлѣнной плоти, такожде и сіе предлагаютъ не по плоти ходящимъ, но по духу, отъ которыхъ словъ Павловыхъ ясно пока-зуется сіе, яко сіи такмо оправданіемъ Іисусъ Христовымъ похвалитися могутъ, сіи токмо едини крѣпкое и извѣстное имутъ упованіе оправданіемъ симъ оправдитися въ день оный, воньже воздасться комуждо по дѣломъ его, которіи омыв-шеся, оправдившеся именемъ Господа нашего Іисусъ Христа и духомъ Бога нашего всѣмъ сердцемъ прилѣпляются Го-сподеви самимъ тѣмъ оправданіемъ, единъ духъ съ Господомъ сотворшійся по Апостолу въ первомъ его посланіи къ Коринѳяномъ въ главѣ 6, въ нихъ же тождѳ мудрствуется, еже во Христѣ Іисусѣ, иже въ образѣ Божій сый невосхи-щѳніемъ непщева быти равенъ Богу, смирилъ себе, послушливъ бывъ даже до смерти, даже до гроба и сихъ токмо оправдаетъ Христосъ оправданіемъ Своимъ, сихъ единыхъ облекаетъ въ ризу спасенія и одеждою веселія одѣваетъ, яко на жениха возлагаетъ вѣнецъ и яко невѣсту украшаетъ красотою вѣчнаго нетлѣннаго божественнаго Своего оправданія, который призная и позная духовную наготу свою вопіютъ къ Нему день и нощь: помилуй мя, помилуй мя падшаго, да не явится нагота моя предъ лицемъ Твоимъ. Паки убо видимъ, яко оправданіе, востаніемъ Іисусъ Христовымъ совершившоеся не отброшуетъ добрыхъ дѣлъ, но паче поощряетъ насъ къ добрымъ дѣламъ единѣмъ симъ привлачаю-щоеся который оставивши красоту міра сего Христу Спаси-телевѣ Своему, нося крестъ Его даже до смерти, послѣдуютъ. Не о монахахъ же здѣ глаголю, не о единемъ бо монахѣ, но елицы во Христа крестишася, во Христа обле-кошася всѣмъ симъ Христосъ глаголетъ, аще кто хощетъ по Мнѣ идти, да отвержется себе и по Мнѣ грядетъ, женатъ ли еси ты и съ женою и дѣтми шествуя за Христомъ, сіе честное, святое, беззазорное прямо суще христіанское житіе продолжай, аще же отрекся еси жены, то еще и того лучше, яко точію о Господнихч> пекущійся, да будеши святъ тѣломъ, святъ и духомъ, блюдый цѣлу сохранити одежды оправданія твоего востаніемъ Іисусъ Христовымъ совершившагося. Вси же, который учите прямо оправдавшій вѣрою Іисусъ Христовою, воставшаго отъ мертвыхъ, благочестію святому не токмо не противное, но и утверждающее путемъ пространнымъ называютъ, лодобни суть человѣкомъ сквозь очки или окуляры на какую вещь смотрящимъ, яко же бо смотрящимъ
чрезъ окуляры и малая вещь великою показуется, іі аще бы кто чрезъ окуляры на дорогу смотрилъ, хотя бы и тѣсны путь былъ, но показался бы ему путемъ пространнымъ н зѣло путь широкимъ, яко же часто такимъ кажется, чрезъ окуляры смотрящимъ, что они еще на дорогу ногою ступаютъ, но мѣсто прямыя стези, попавши въ ровъ, тутъ же при дорогѣ ископанный, не токмо ноги, но и житіе часто переломлюютъ, подобенъ и смотрящими чюжими очима на оправданіе Божіе чрезъ коментаріи и протчая развращенная писанія кажется имъ, аки сей путь и царствію небесному былъ зѣло пространный и зѣло широкій, но въ самой вещи отъ прямого познанія силы оправданія Христова такъ далече отстоятъ, коль небо отъ земли, коль югъ отъ сѣвера, коль востокъ отъ запада. Тѣмъ же убо, возлюбленныя о Господѣ слыша-теліе, не всякому духу вѣруимъ, но искушаимъ аще отъ Бога суть и увидѣвши поне отъчасти силу Божія оправданія востаніемъ Іисусъ Христовымъ совершившоеся, да не како отпадемъ и лишимся благодати сея. Воспріимемъ от-сюду силу насъ къ добрымъ дѣломъ поощряющую. Востаніемъ бо Христовымъ оправднтися тожде есть, еже Христу послѣдовати, си есть ученикомъ Христовымъ быти, или, да яснѣе реку, истиннымъ христіаниномъ быти, воеже творити волю Его святую и благодатную всегда на всякій часъ, на всякое время не токмо въ постъ, но и въ мясопустѣ и къ самые праздничные дни. Инако самъ разсуди, что тебѣ пользуетъ страстная пятница, еже еси на свѣтлое воскресеніе пятница, что намъ пользовати имутъ прешедшіе дни въ постѣ воздержанія, аще въ праздничные дни сія начнемъ творити студодѣянія. Потщимся, потщимся соблюсти нескверны ризы великаго сего оправданія, да не явится нагота наша въ день страшнаго испытанія Его пришествія, прославимъ и оправ-дившаго насъ востаніемъ Своимъ въ душахъ нашихъ и въ тѣлесахъ нашихъ, всѣмъ сердцемъ благодаряще Его за то-ликое Его къ намъ крайнее благоутробіе, день и нощь вопіющее къ Нему съ нелицемѣрнымъ покаяніемъ Тебѣ, великому Богу и Спасителевѣ нашему, оправдившему насъ востаніемъ Своимъ, омывшему насъ отъ грѣхъ нашихъ кровію Твоею и сотворившему насъ цари и іереи Богу и Отцу Твоему чрезъ оправданіе Твое всеторжественнымъ востаніемъ Твоимъ изъ мертвыхъ, буди честь и держава и поклоненіе отъ всея видимія твари нынѣ и всегда и во вѣки вѣковъ. Аминь *).
Сообщ. П. Тодорскій.
Октября 27 дня 1909 года. Печатать разрѣшается. И. д. Ректора С.-Петербургской духовной академіи профессоръ Ив. Троицкіа.
Редакторъ, профессоръ С.-Петербургской духовной академіи
Петръ Смирновъ.
*) Окончаніе слѣдуетъ.
САНКТ-ПЕТЕРБУРГСКАЯ ПРАВОСЛАВНАЯ ДУХОВНАЯ АКАДЕМИЯ
Санкт-Петербургская православная духовная ака-демия Русской Православной Церкви - высшее учебное заведение, целью которого является подготовка священнослужителей, преподавателей духовных учеб-ных заведений и специалистов в области богословских и церковных наук. Подразделениями академии являются: собственно академия, семинария, регентское отделение, иконописное отделение и факультет ино-странных студентов.
Проект по созданию электронного архива журнала «Христианское чтение»
Проект осуществляется в рамках процесса компьютеризации Санкт-Петербургской православной духовной академии. В подготовке электронных вариантов номеров журнала принимают участие студенты академии и семинарии. Руководитель проекта - ректор академии епископ Гатчинский Амвросий. Куратор проекта - проректор по научно-богословской работе священник Димитрий Юревич. Матери-алы журнала подготавливаются в формате pdf, распространяются на компакт-диске и размещаются на сайте академии.
На сайте академии
www.spbda.ru
> события в жизни академии
> сведения о структуре и подразделениях академии
> информация об учебном процессе и научной работе
> библиотека электронных книг для свободной загрузки
