CC BY
10Ученые записки Таврического национального университета им. В. И. Вернадского Серия «Филология. Социальные коммуникации». Том 23 (62). № 3. 2010 г. С. 275-280.
УДК. 82.512.145
А. ГИРАЙБАЙНЫНЪ БЕЛЛИ ОЛМАГЪАН СОНЕТЛЕРИ
Сулейманова Д.
Таврический национальный университет им. В. И. Вернадского, Симферополь, Украина
E-mail: [email protected]
Статья посвящена сонетам крымскотатарского поэта А.Гирайбая. Среди сонетов стоит особо отметить и цикл сонетов, что является не характерным для крымскотатарской литературы жанром. Цикл сонетов и ряд сонетов дают возможность по-новому взглянуть на талант и творчество крымскотатарского поэта.
Ключевые слова: крымскотатарская литература, Амди Гирайбай, поэзия, сонеты
Меселенинъ котерилюви. Макъаледе къырымтатар шаири А.Гирайбайнынъ иджадында растлангъан сонет жанрына аит эсерлери акъкъында сёз кете. Шаирнинъ сонетлери сырасында сонет циклы да ер алгъандыр. Умумен къырымтатар назмие-тинде сийрек раст кельген жанр классигимизнинъ иджадыны янъы бир тарафынен ачмакъта.
Ишимизнинъ макъсады: ХХ асырнынъ 20-нджи сенелеринде иджат эткен ве къырымтатар шиириетинде терен из къалдыргъан А.Гирайбайнынъ мирасында, за-манымызгъа къадар огренильмеген, сонет жанрына аит эсерлери узеринде теткъик-ъатлар алып бармакъ.
Сонетлер джиан эдебиятында секиз асырдан берли яшап кельмекте.Бу жанр ду-ргъун къаиделерге бойсунып, бир шекильни къабул эткен олса да, онда бир сыр ба-рдыр ки, шаирлер ве шиир севдаларыны эзельден кендине джельп эте. Сонет мурек-кеп жанр олмакънен берабер, пек уйгъун ве айдындыр. Акъикъий назмиетте олгъа-ны киби, сонет де шаирден истидат, ильхам ве джиддий фикирни талап этер.
Дюнья назмиетинде шиирий эсерлернинъ бир сыра чешитлери беллидир. Сонет жанры энъ мукеммель назм жанрлардандыр. Сонет эр даим 14 мисрадан ибарет олып, мисралар abab abab cdc dcd (итальян), abba abba ccd eed(френк), abab cdcd ejej gg (инглиз)къафиелери шеклинде тизилир. Эсернинъ башында эки дёрт мисралы къыъта(катрен) тизилип, сонъунда эки учь мисралы къыъта(терцет) келир. Сонет-нинъ катренлеринде эсернинъ мевзусы ачылыр, терцетлеринде исе эсернинъ мана-сына хуляса чыкъарылыр.
Сонет жанрынынъ дегерликлеринден бири онынъ мусикъийлигидир. Бу жанр-ны темелли огренген алимлерден Л.Г.Гроссман бойле яза: "Самый термин, определивший этот стихотворный вид, указывает на высшее поэтическое качество, связанное с ним, - на звучание стиха. В Италии он произошел от sonare, в Германии его называли одно время Klinggedicht. Звуковое достоинство сонета, его ритмическая стройность, звон рифм и живая музыка строфических переходов - все это уже предписывалось первоначальным обозначением этой малой стихотворной системы".
Бу къыскъа, лирик-фельсефий шиирлер пейда олгъан заманындан башлап бу-гуньге къадар сонетлер чокъ миллий эдебиятларда ер алгъаны киби, ХХ асырнынъ
башында рус эдебиятында буюк севги ве дикъкъат къазанып, рус шаирлернинъ ид-жадларында айры саифе ачтыргъандыр. Шу джумледен Брюсов, Ахматова, Иванов, Волошин кибилерни хатырлай билирмиз. Сонет къырымтатар эдебиятында да озю-не хас дикъкъат къазангъандыр.
Къырымтатар эдебияты тарихында ХХ асырнынъ экиджи онйыллыгъы айры денъишмелернен бельгиленгендир ве бу девирде инкишаф эткен миллий эдебияты-мыз рус эдебиятынынъ тесири алтында олгъаны да шубесиздир.
А.Гирайбайнынъ ижады 1920-инджи сенелернинъ биринджи ярысында пек ке-ниш ве гурь осюп башлагъан эди. Тамам шу йыллары онынъ шиирлери арасында ашагъыдаки еди сонет ер алгъандыр: "Сенми эдинъ", "Намуслы къызгъа"(1), "На-муслы къызгъа" (2), "Намуслы къызгъа" (3), "Анама", "Яш татаргъа", "Олюге". Бу эсерлер окъуйджыгъа чокътан белли олып, онынъ севги ве дикъкъатыны къазанды-лар. Марузамызда юкъарыда анъылып кечильген эсерлерге янъы нокътаи-назардан янашып, оларнынъ шимдигедже огренильмеген хусусиетлерини ачмагъа арекет этеджемиз.
Асырлар девамында муайен заманларда Авропа ве рус шаирлери сонет жанрына мураджат эткенлер. ХХ асырнынъ башларында исе сонетке айрыджа дикъкъат этиль-генини эдебият тарихындан огренмек мумкюндир. Рус шаирлери В.И.Иванов, М.А.Волошин, И.Л.Сельвинский, В.Я.Брюсов ве дигерлерининъ адларыны анъгъа-нымызнынъ себеби оларнынъ иджадлары Къырымнен алякъалы олмасындадыр. За-нымызджа, яш шаиримиз А.Гирайбай рус эдебиятынен меракъланып, янъы шиирий шекиллерде озюнинъ къалемини сынап бакъмагъа истегендир. Къалем сынавлары нафиле кечмегенининъ шаатлары бугунь бизмиз - Гирайбайнынъ назмиетини севип окъугъан, эсерлеринден маневий гъыда ве эстетик зевкъ алгъан самимий мухлислери. Тереклер тюбюнде, ай ярыгъында, Гуллернинъ ичинде мунълы корюнген, Истекли гонъюльнинъ кенъ арыгъында, Дертлерни тазертип къайгъыгъа бурюнген+
Сонетлерде автобиографиклик ве лиризм киби мундеридже аляметлерни къайд этмек керектир. Муэллифнинъ ве лирик къараманныъ екпарелиги бу жанрда зияде-синен дуюлмакъта:
Танъда турып мезарынъа баргъанда - "Джаткъан еринъ нур болсун" - деп айтаман, Баш ташынъы бир опе де къайтаман.
Ольген куню акъ кефинге саргъанда Ириттинъ де, джылатмагъа башладынъ, Ничюн мени ялнъыз этип ташладынъ?.. "Олюге",1921с.
Сонет жанры ичюн классик мевзу эсаплангъан севги, шиирий манифест, итъаф ве илх. киби мевзулар табий сайылгъаны киби, А.Гирайбайнынъ сонетлери де айны мевзуларгъа багъышлангъандыр. Севги мевзусыны ифаделеген "Сенми эдинъ?" со-нетини къайд эте билемиз. Яш шаир севгилисининъ образыны яратып, кендисининъ ашкътан янгъан къальбиндеки зияде къабаргъан севги дйгъуларыны акс эте:
276
Коксюмнинъ устюнде къызыл от якъкъан Асретим къабарып джылап джургенде, Мен гедже тюшюмде сени корьгенде,
"Севдалыкь" бойнума такъкъанда, Авзы къыбырдап чайнагъан сакъыз, Къальбимни сызлаткъан сенми эдинъ, акъыз??! " Сенми эдинъ?", окт. 1920с. Мисаль алынгъан парча къысмен итальян шекилиндеки сонет олгъаныны козе-те билемиз: абаб абаб свв едд. Шуны да айтып кечмек керек ки, шаирлер асырлар девамында къабул этильген шекиллер узеринде экспериментлер кечирип, кенди къалемлерини сынайлар. Гирайбай да сонетлерде бойле сынавларгъа ёл бергенини коремиз ве себебиини къырымтатар тилининъ синтактик къаиделерине якъынлаш-макъ макъсады, я да сонетлерини инкишаф эттирип шекиллендирмек истегинен анълатмакъ мумкюндир.
А.Гирайбайнынъ назмиетинде деерли ер алгъан шаир ве шиир мевзусына ке-чейик. Шиирий манифест оларакъ "Яньы дефтерге" намындаки сонетни къайд эт-мек мумкюндир. Бу эсерде шаир иджадынынъ кредосыны, озюнинъ къанаатларыны ачыкълай:
Янъы дефтер!... Аркъадашсынъ къалемге, Къалем сени кузьгю этеджек алемге, Акъ бетинъе сызгьалагьан бейитлер, Мельем олсун миллетимде элемге !
Эр бетине сырым язып толдырсам, Хаял къувуп джувурсам да болдурсам, Юксельгенин корьсем куньсюз татарнынъ, Бу огърунда генчлигимни солдурсам. Мундеридже джиэтинден бу сонет классик талапларгьа уя: онынъ катренле-ринде эсас меселе ачыла, терцетлеринде исе хуляса чыкъарыла - шаирнинъ идракъ-индже, иджадий шахсиетнинъ табиаты, рухий алеми бойледир: Алдым ярыкъ - бир къазадан олмесем, Мен бахытсыз, макъсадымны больмесем, Джуйрюк атым онгъа-солгъа бургьанда.
Дефтер, сагъа ойларымны язайым, Къайгъуларгьа къара мезар къазайым, Муньлы гоньлюм, джылап - чыньлап тургьанда!.. "Яньы дефтерге", март 1920с. яни принципиаль ве оптимисттир(шкЫп). Корьгенимиз киби, бу учь сатырлы кьыталарнынь кьурулышы пек меракьлы - терцетлернинь башында нетид-же(следствие), соньунда исе весиле(причина) бериле, бойле шекиль сонетнинь ти-лини халкь тилине якьынлата ве, шубесиз, окьуйджы эсерни окьугьанда, ана тили-нинь сес олушывыны, аэнкини эшите.
277
Шиир севдалары тарафындан севилип окъулгъан ве эзберленген шиирлерден бири олгъан "Анама" эсерини анъсакъ, ерлидир. Ишбу эсер де уйгъун сонетлерден-дир. Гирайбайнынъ идракъинда ананынъ ери сарсылмаз ве текрарланмаздыр, инсан шахсиетининъ темелини асыл эткен, эвлядында ифтихар киби чизги тербиелеген -анадыр:
Меним менлигимде менлик тувдыргъан!.. Менликте менлигим, "ах, аначыгъым"!
А.Гирайбйнынъ аяты ве иджадынынъ джаны ве къаны олгъан Ватан, миллет, истикъбальнинъ азатлыгъы киби меселелер онынъ хитабий шиирлеринде озь ифаде-сини тапа, мисаль оларакъ, "Джашлыкъкъа", "Окъугъан къызгъа" ве дигер шиирле-рини хатырлайыкъ. Айны мевзуда сонети де олгъаны, эльбетте, табийдир. "Яш та-таргъа" сонетинде, шаир инглиз къафие шекилини къулланып, мундериджеде де мукеммеликке ирише. Жанрнынъ мундериджеге нисбетен олгъан талаплардан бири теза - антитеза - синтез олмасы козьде тутулса, "Яш татаргъа" эсеринде къайд этиль-ген теркип мевджуттыр. Шаир теклиф этмей, асылында бу меселеде дигер ёл ёкъ-тыр:
Къарт эмельге янъы темель къургъанда
Заман сени сыкъса, сыкъып ольдюрсе, Джанчыгъынъны учьке-дёртке больдирсе,
Кене чалыш! Тенде джанынъ тургъанда, Макъсадынъа бир кунь етерсинъ Кене "акъ" деп, кокке учып кетерсинъ.
Муэллифте шекленюв ёкъ,тувгъан халкъынынъ "къарт эмели" денъишмеди ве макъсадкъа етмек ичюн екяне ёл - "Кене чалыш !"макътыр.
Сонет жанрынынъ теркибинде сонет чембери ве сонет циклы бардыр. Бу жанр чешитлери Х1Х ве ХХ асырларнынъ арасында рус эдебиятында гурь инкишаф этти. Бальмонтнынъ "Медальоны", Брюсовнынъ, Ахматованынъ сонет цикллери рус эде-биятынынъ гъурурыны тешкиль этелер. Биз исе А.Гирайбайнынъ сонетлери сыра-сында "Намуслы къызгъа" сонет циклы олгъаныны косьтермеге арекет этеджекмиз. "Намуслы къызгъа" циклы (1), (2), (3) учь шиирден ибареттир, оларны бири-биринен багълагъан мевзуны козетейик: учь сонетте де шаир замандаш къызларгъа "Эй, темиз къыз! Сен юксексинъ+" (1), "Ярыкълаткъан кунешсинъ сен+" (2), "Эй, намуслы, кинли къызлар" (3) деп мураджаат эте. Эр бир сонетте озьгюн мевзу ифа-делене - лирик къараман севгилисине буюк мукъайтлыкънен даврана. Асылында къызнынъ образы умумийлештирильген, севильмеге ляйыкъ олгъан къырымтатар къызыдыр. Лирик къараман къырымтатар къызынен гъурурлана "Эр бейитке къо-шар эдим къалем язса тирельмей, Къызыл ал гуль авузынъдан балдай тамгъан сё-зюнъни", къызнынъ табиатында ве потенциалинда инсанлыкъны юксеклетеджек кучюни коре ве бу фикир циклнинъ дигер сонетлерине шекилленип кире. "Намуслы къызгъа" (2) сонетинде къызнынъ образы янъы сыфатларда озь аксини тапа, буль-бульнен, айнен, ярыкълаткъан кунешнен къыясланып, лирик къараман тарафындан къызнынъ кучюне даа зияде эминлик косьтериле:
Бу миллетнинъ истикъбали сагъа, сенден туваджакъ! Юрт душманын, джехалетни сенсинъ бугунь къуваджакъ!
278
"Намуслы къызгъа" (3) сонетинде биринджи эсерлерде котерильген мевзу девам эте, атта сонъкисинде къызнынъ образы кене де янъы ве даа кениш ве терен ше-кильде ифаделене:
Джорга джурип, секиргенде, козьлерим сенде къала, Тиз чёкип, кокюс чекип "Мен ана" - деп къурулсанъ.
Лирик къараман бу сонетлерде муэллифнинъ фикир-тюшюнджелерини янсыт-каныны коремиз. Муэллиф земаневий къызларнен миллетнинъ ярыкъ, бахытлы, азат келеджегини багълай. Учюнджи сонеттеки "намуслы къызнынъ" образы къадын-къызнынъ энъ буюк - аналыкъ вазифеси сыфатынен тамамлана. Миллетке баш оладжакъ, "алтын ярыгъы" оладжакъ шахсиетлерни "намуслы къыз" туваджакъ ве тербиелейджегинде шек-шубе ёкъ.
Экинджи бир Челебиджихан бизге сенден туваджакъ, Дамарымда къан къайнаткъан о бузулмаз ызлардыр. Бир миллетни батыргъан да, тирильтгкен де къызлардыр!..
Миллетнинъ келеджек несилини тербиелейджек къызлар озьлери окъумышлы ве миллетпервер, джесюр инсанлар олмакъ кереклигини муэллиф сатырларында бойле акс эте:
"Эй намуслы" кинли къызлар, мектеплерге толунъыз, Бир миллетчи буюк ана, бирер Джан Дарк олунъыз!
Гирайбай сонет жанрынынъ уникаль сонет цикл шекилинде иджат этип, аджай-ип, юксек бедиетли ве актуаллигини ич бир вакъыт джоймайджакъ маналы эсерлерни яратып, къырымтатар эдебиятынынъ хазинесини зенгинлештирди. "Намуслы къызгъа" сонет циклы франсуз шекилинде язылгъаныны кайд этмекнен бирликте, циклнынъ ильк эсеринде кимер уйгъунсызлыкъларны да растлай билемиз. Амма эде-бият тарихындан белли олгъаны киби эдиплер кенди эсерлери узеринде къайта-къайта чалышалар, оларны джулялап, окъуйджынынъ дикъкъатына авале этелер. Би-зим классик шаиримизнинъ эсерлерининъ такъдири халкъымызнынъ фаджиалы такъ-дирини текрарлайлар, демек, джуляламакъ ихтималы тек хаялымызда оладжакъ.
Илеридеки теткъикъатларнынъ инкишафы.
Бу киби ишимиз, илериде, А.Гирайбайнынъ иджады ве истидатына даа темелли ве дикъкъатлы янашмагъа имкянлар берир деген фикирдемиз.
Къулланылгъан эдебият:
1. Фазыл Р. Къырымтатар эдебиятынынъ тарихы :/Р.Фазыл, С.Нагаев. - Къырымдевокъув-педнешир, 2001.
2. Муратова К. Д. [редактор тома] История русской литературы. Т.4 / К. Д. Муратова, Д. С. Лихачев, Е. Н. Купреянова - М.: "Наука" 1983.
3. Совалина В. С.: /Русский сонет XVIII начала XX в. / Сост. В.С.Совалина - М.: 1986.
4. Урсу Д. Деятели крымскотатарской культуры (1921-1944г.г.) : / Д. Урсу. - Республиканская библиотека имени И. Гаспринского: 1999.
5. Гирайбай А. Шиирлер: / А. Гирайбай - С.: "Таврия" 1997.
6. Ахматова А. "Ты выдумал меня..." [Электронный ресурс] / -Режим досту-па:www.akhmatova.org/articles/fedotov.htm
279
Сулейманова Д. Неввдом1 сонети А. Прайбая / Д. Сулейманова // Вчеш записки Тавршського национального ушверситету îm. В. I. Вернадського. Серiя «Фшоло™. Соцiальнi комушкацп». - 2010. -Т. 23 (62), № 3. - С. 275-280.
Стаття присвячена сонетав кримськотатарського поета А. Прайбая. Серед сонепв варто особливо ввдзначити i цикл сонепв, що е не характерним для кримськотатарсьюл лiтератури жанром. Цикл сонетав i ряд сонетiв дають можливгсть по-новому поглянути на талант i творчють кримськотатарського поета.
Ключовi слова: кримськотатарська лггература, Амдi Прайбай, поез1я, сонети
Suleymanova J. Unknown A. Giraybay's sonnets / J. Suleymanova // Scientific Notes of Taurida V. I. Vernadsky National University. - Series: Philology. Social communications. - 2010. - Vol. 23 (62), No 3. - P. 275-280.
The article is devoted to the sonnets of the Crimean Tatar Amdi Giraybay poetry. Among the sonnets should be noted, and the cycle of sonnets, which is not characteristic of Crimean Tatar literature genre. Sonnet cycle and a number of sonnets provide an opportunity for a fresh look at the talent and creativity of the Crimean Tatar poetry.
Keywords: Crimean Tatar literature, Amdi Giraybay, poetry, sonnets
Поступила в редакцию 01.09.2010 г.
280
