CC BY
15Ученые записки Таврического национального университета имени В. И. Вернадского Серия «Филология. Социальные коммуникации». Том 26 (65), № 2. 2013 г. С. 257-263.
УДК 811.512.145
КЪЫРЫМТАТАР ТИЛЬНИНЪ ТЕРРИТОРИАЛЬ ДЕФФЕРЕНЦИАЦИЯСЫ. ЯЛЫБОЙНЫНЪ УЛУ-ОЗЕН ЛЕХДЖЕСИНИНЪ ХУСУСИЕТЛЕРИ
Шукурова С. Ш.
Таврический национальный университет имени В. И. Вернадского E-mail [email protected]
Актуаллиги. Шивешынаслыкъ фени эр бир халкънынъ озюне хас олгъан хусу-сиетлерини, несильден несильне кечкен медений ве тиль мирасыны сакълап къалма-гъа хызмет эте. Озь невбетинде, эм шиве сезлери, эм де топонимлер тильнинъ тари-хыны огренюв саасында дегерли бир манбадыр. Языкъ ки, шимдики заманда шиве сёзлернинъ ве топонимлернинъ чокъусы тек къартлар арасында къуллангъаны себе-бинден, бу сезлер пассив лексикагъа чевириле ве базы алларда ич те гъайып олалар. Шивешынаслыкъ фени исе бу миллий хазинемизни: тилимизни, тарихымызны, ме-дениетимизни, догъгъан улькемизни огренмеге, ве бу бильгилерни келеджек несил-лерге сакълап къалдырмагъа имкян бере.
Белли олгъаны киби, Улу-Узень кою ве Джур-джур учансувнынъ этрафы Къы-рымнынъ энъ дюльбер ерлеринден биридир .
Алуштадан Судакъкъа алып баргъан ёлнынъ 20км. месафесинде, Къуру-Узень койнинъ меркезинде Улу-Узенге костергич тура. Бу косьтергичтен койгедже 7 км бар. Ялы бойнынъ аджайип манзаралы бир къысмында о ёл учь койден - Къуру-Узень, Кучук-Узень ве Улу-Узенден кече. Шимдики заманда Улу-Узенге кеткен ёлнынъ четинде макиналаргъа ( агъызда-машина) сув толдургъан мазимет тура. Бун-дан язда машиналар сув алып, сувлары олмагъан койлюлерге ташыйлар, чюнки яз мевсиминде меркезий боруларда базыда сув олмай.
Улу-Узень, дагъгъа таба тырмаша ве Тирки-Къаянынъ этегинде ерлешкен. Ден-ъизден койгедже 7км ёл кетмек керек. Эгер къуш котерильген юксеклерден ашагъы бакъсанъ, койлер учькошелекни тешкиль этип, сюйрю кошеси тамам Улу-Узенге тирелир.
1948 сенеси 18-майыста Къырымдаки эписи яшалгъан нокъталарынынъ адла-рыны денъиштирдилер. Бу эмирге коре Улу-Узень- Генеральское, Кучук-Узень -Малореченское, Къуру-Узень исе Солнечногорское деген адларнынъ саиби олды-лар. Бу адлар эвельки адларына ич алякъасы ёкъ, амма насылдыр терджиме сезиле. Эгер баштаки адларнынъ тарихий ве джогърафик манасы олса, шимдикилери ич бир манна ташымай.
Дагълар этегинде ерлешкен Улу-Узень койнинъ иклими муреккеп. Язда сыд-жакъ, амма ягъмур ягъып тура. Къыш къарлы, амма сувукъ дегиль. Кимерде ноябрь айында къар ягъып баягъы вакъытлар да иримейип тура. Дагъларда исе къышта фуртуналар къопып, орталыкънынъ аст-устюни къарыштыргъан киби ола. Эгер бирде-бир адам бу вакъытта дагъгъа барса, къарлы перде артындан бир шей таны-майып юрмеге меджбур ве гъайып олмакъ мумкюн (бойле вакъиалар да олып кечти 1936сенеде). Ягъмурлар, адет узьре, апрель айында башлана. Амма къургакъ йыллар
да олгъан. Тарлада чалышкъан адамлар сыджакъ кунеш нурларындан зайыфлана эдилер. Берекетли дагъда олгъан чокъракълар ярдымынен сакълангъанлар.
Улу-Узеннинъ табияты
Къуру-Узень ве Кучук-Узендеки киби Улу-Узенде инджир, зейтюн, эмиш сель-биси (кипарис) осьмейлер, чюнки олар ичюн мындаки ава салкъынджа келе.
Чокътан-чокъ чокъракълар ягъмур вакътында дагълардан ашагъы энген сув Хопхал-Богъазы этрафларында догъгъан Улу-Узень озенини ве Курватадан акъкъан, язда суву пек эксильген Кучук-Узенни толдура. Эки озен де Къара денъизге барып тюше.
Улу-Узень дагълары хан-кираз(джилек (земляника)) ашалгъан ве илядж ерине къулланылгъан отлар иле толу эди. Баарьде дагълар чешит ренкли чечеклер ичинде бата эди. Биринджи олып акъбардакъ ве онынъ чешитлери ача, улу-узенлилер олар-нынъ бир чешитине чичень дей эдилер...
Кой сакинлери тыш корюништен эсмерли, къара сачлы, оюкъ эля козьлю, узун бетли эдилер. Бойлары орта ве ондан юксек, эндамы чандырлы тенли эдилер. Койде семиз адам ёкъ эди.
Кой маалелери
Койнинъ бир къач мааллеси олгъан. Олар бойле тертипте ерлешкенлер:
Таш-Огу(автобус дурагъынынъ янында);
Джами (Джур-Джургъа айлангъан ёл устюнде тургъан тюкян);
Узень-Бою (Чохрах ве Джур-Джургъа алып баргъан ёлнынъ эки тарафы);
Лямайля (шимди де сакъланып къалгъан учькъатлы ятакъханенинъ этрафлары)
Мал-Ичи (койге кирген меркез ёлнынъ сагъ тарафы)
Хуру-Устю(койнинъ сагъ юкъары тарафы, дагъгъа таба тёпеликтен алып баргъан ёл)
Ашагъы Харши маалле (Джыйын чокъракътан юкъары яшалгъан маалле эди)
Юкъары Харши маалле (Джыйын чокъракътан юкъары яшалгъан маалле эди)
Бу мааллелернинъ адлары эвель-эзельден къоюлгъан. Совет укюмети вакъы-тында чокъсу мааллелернинъ адлары денъиштирильген эди. Мисаль ичюн, Мектеп мааллеси - автобус дурагъы артында корюмсиз эки къатлы бир эв тура. Дженктен эвель о эвнинъ артында Ана-Дола дересине бармаздан мектеп олгъан, онынъ ичюн маалленинъ ады ойле къоюлгъан эди.
Бальница - дуракътан Хуру-Устюне алып баргъан ёл бою, кулак деп сюргюн этильген Хара Джелильнинъ эвинде тиббият нокътасы ачкъан эдилер, онынъ ичюн бу ер Бальница мааллеси, деп адландырылды;
Клуб - тиббият нокътасында узакъ дегиль, даа бир сюргюн этильген кулак-нынъ эвинде клуб япкъан эдилер;
Фурун - Джур-Джургъа кеткен ёлдаки тюканнынъ еринде башта колхоз идаре-сининъ бинасы ве фурун бар эди. Бу бина да, фурун да сюргюн этильген кулак-нынъки эди.
Джами - Джур-Джургъа алып баргъан ёлда, эски тюкяндан 10метр месафеде дереге тюшкен бир ирмачыкъ бар. Бу ирмакъ дереге тюшкен ерден къаршы та-рафкъа бакъсанъ, кой джамисининъ темелини корьмек мумкюн.
Хаве-Ханелер - койнинъ учь мааллесинде къаве ханелер чалыша эди.
258
КЪЫРЫМТАТАР ТИЛЬНИНЪ ТЕРРИТОРИАЛЬ ДЕФФЕРЕНЦИАЦИЯСЫ. ЯЛЫБОЙНЫНЪ УЛУ-ОЗЕН ЛЕХДЖЕСИНИНЪ ХУСУСИЕТЛЕРИ
Дегирменлер - озен бою, чокъракътан башлап ве амамгъа алып баргъан ко-пюргедже бири - бири артындан учь дегирмен ерлешкен эди.
Тохмах(кийиз ясалгъан устахане) - юнь ишлеген иншаатлар дегирменлер ерлешкен ерде чалышкъанлар.
Санат маллары тюкянлары.
Эт тюкянлары - койде эки эт тюкяны чалыша эди.
Устаханелери:
Кузня (демирджи устаханеси) - мында кой хаджалыкъ ве дигер алетлер тамир-лене эди.
Чарух тикен устахане - бугъа ве сыгъыр терисинден чарух тике эдилер.
Дегирмен таш устасы - койде дегирмен таш тишлери ашалгъан олса, улары ёнгъан усталар вар эди.
Аньаневий зенаатларнынъ векиллери
Ибе аналар(эбанай)- койде къадынлар эвде бала тапкъанлар ве, эльбетте, эба-найларнынъ хызметине мухтадж эдилер.
Суннетчи - мусульман аньанесине коре, эркеклерэписи сунет олмакъ керек, койде шу сой ишни япкъан уста бар эди.
Хасапчи(къасап) - ислям дини талапларына бойсунып айван союлмаса, арам сайыла. Койде мал соймакъ устасы олгъан.
Мевта юван инсанлар - мевта ювмакъ насыл керек олгъанынынъ бутюн инд-желиклерини, дуаларыны бильгенлер, онынъ ичюн олю чыкъкъан азбаргъа бу адам-лар чагъырылгъан.
Теллялджы - койде джемаат давет этиледжек киби тедбирлер: байрамлар, дю-гюнлер, топлашувлар, дженазелер кечирильгенде сеси келишкен махсус бир адам койлюлерге шу тедбир акъкъында къычырып илян эткен.
Улу-Узень мектеби
1917 сененинъ инкъилябындан эвель Улу-Узендеки тасиль къурумы динге эсаслангъан. Эписи балалар кой мектебинде окъугъанлар. Ондан сонъ руждие мек-тебине я да гимназиягъа кирмеге имкянлары олгъан. Гимназияда риязият, физика, химия, тарих, эдебият киби фенлерни огрене эдилер. Гимназияда окъугъан балалар университетке киргенлер. Амма койлю ана- бабаларда маддий вазиети себебинден балаларны узакъкъа ёллап окъутмагъа имкянлары олмагъан, онынъ ичюн чокъсу улу-узенлилернинъ тасили шу кой джамиси янындаки мектепнен биткен.
Улу-Узенде еди йыллыкъ мектеп ачылды. Мектеп койнинъ шималь тарафында, автобус дурагъынынъ юкъарысында ерлештирильди. Мектепнинъ азбары таш къо-ранен сарылгъан эди. Шимди сабыкъ мектеп бинасынынъ темелинде яшалгъан эв-лер тура.
Мектеп ачылгъан сонъ эписи ана-балалар озь бабаларыны, яшына ве джыны-сына бакъмадан, мектепке бермеге ашыкътылар. Оджалар бу къадар чокъ талебе-лерни не ерде окъутаджыгъыны бильмей эдилер, чюнки сыныфлар, ралелер, дерс-ликлер, оджалар азлыкъ эте эди. Сыныфларда эписи фенлер алып барылсын деген макъсатнен дигер койлерден керекли оджалар ны чагъырткъанлар. Улу- узень од-жалары исе, аксине, Тувакъ, Кучук-Узень, Къуру-Узень койлерине къатнап ча-
259
лышкъанлар. Талебелер чокъ олгъанындан себеп, кучюк сыныфлар сабадан, юкъары сыныфлар исе уйледен сонъ окъуй эди.
Мектепке дженктен эвель чалышкъан оджаларнынъ адлары ве сой адлары кось-терильген.
• Кишвиев-мектеп мудири(шеэрден ёллангъан эди)
• Аджи Темир-оджа, арап уруфаты, Ислям дини эсаслары(Аджи Темир Азамат)
• Бари-оджа, эсап, физика (Бари Азамат)
• Рамазан-оджа, ана тили (тувакълы Рамазан Домбай)
• Реяне-оджа, табиат (Меслядин Муратнынъ омюр аркъадашы)
• Шамрат-оджа, эсап, физика (кучук-узенли Шамрат...?)
• Ибраим-оджа, тарих(тувакълы Ибраим Касай)
• Гъафар-оджа, джография (Гъафар Зиядин)
• Таир-оджа, эсап (тувакълы Таир Сохта)
• Юсуф-оджа, тарих (Юсуф Патель)
• Ремзие-оджа, ана-тили(Ремзие ...?)
• Пакизе-оджа, ...(Такур Керимнинъ омюр аркъадашы)
• Сервер-оджа, эсап (Сервер.? сюргюнликте Ташкент алий окъув юрт-ларында чалышкъан)
• Нафе-оджа, эсап, физика (Нафе Мемиш)
• Мураф - оджа, джография (Мурат Софу)
• Акифе- оджа, джисманий тербие, пионер ве комсомол отрядларнынъ ребери(Азамат Аджи Темир къызы Акифе)
• Ремзий-оджа, .. .(Ремзий Адаман)
• Фатиме оджа, .. .(Тувакъ мектебинде чалышы эди)
• Назылхан-оджа, .(Тувакъ мектебинде чалыша эди)
Еди ве он йыллыкъ мектепни битирген яшлар шеэрге барып мутехассыз - техника окъув юртларына, техникумларгъа ве алий окъув юртларына кире эди. Окъувы биткен сонъ, оларны санайы ве койходжалыкъ ишханелерине яш мутехассыз ола-ракъ ёллай эдилер.
Улу-Узень мектеби 30-сенелеринде ачылып, 1941 сенесине къадар чалышты. Немселер койге келип кирген сонъ, мектепни озь аскерлери ичюн казарма яптылар, 1943 сенесининъ ноябрь айында исе бутюн койнен берабер якътылыр.
Улу-Узендеки бала оюнлары
Оюнларда эсасен 7-12 яшындаки балалар иштирак эте эдилер. Оюнларнынъ эк-сериети этрафтаки шараитлерге аит ве буюк зийреклик иле тюшюнип тапылгъан. Оларда завод-фабрикаларда япылгъан оюнджакълар ишлетильмей. М ында, эльбет-те, джанлы махлюкъларнынъ нусхасы олгъан оюнджакъларнен ойнамакъ олмаз, де-ген мусульман адетине де уйгъунлыкъ корюне. Кой балалары оюнджакъларны озь-озьлерине тюшюнип тапкъанлар ве озь къолларынен ясагънлар. Бу оларнынъ биль-гилерини ве усталыгъыны арттыра эди. Эшья ясамакъта олар ильк теджрибе ала эдилер.
260
КЪЫРЫМТАТАР ТИЛЬНИНЪ ТEРРИТОРИАЛЬ ДEФФEРEНЦИАЦИЯСЫ. ЯЛЫБОЙНЫНЪ УЛУ-ОЗEН ЛEXДЖEСИНИНЪ XУСУСИEТЛEРИ
Энди, 60 йыл кечкен сонъ, чокъ оюнлар унутылды, чюнки шимдики балалар бу оюнларны ойнамайлар.
• ташчыкълар оюнлары
• ашыкъ оюны
• сычрамакъ, чапмакъ оюнлары
• къаравул оюны
• иджадий оюнлар
• чилик оюны
• джевиз оюны
• шамар оюны
• фильджан оюны
Оюнларнынъ чешитлери пек чокъ эди. Шахсий оюнлар аз, эсасен къошулып ойналгъан оюнлар ойнала эди. Оюн иштиракчилери чокъсу группаларгъа болюн-генлер ве эр бири озюне одаман сайлагъан. Сонъра оюннынъ вакъты ве оюнны бозгъанлар ичюн джеза тайинленген. Буларны тайинлемек ичюн махсус сайымлар бар. Энъ адийси: эписи балалар тегерекке туралар, бириси саймагъа башлай. Сайым кимнинъ устюнде токъталса, о ортадан чыкъа. Сайым бир адам къалгъандже девам эте.
Бундан гайры таякъны да ишлетелер. Бириси таякънынъ бир уджуны къолуна ала. Экинджиси онынъ къолу устюнден таякъны тута, учюнджеси.
Улу - узенлилернинъ лагъаплары
Улу-узенлер асырлар бою озь коюнде сербест ве шенъ яшагъанлар, олар шакъ-алашмагъа ве бири-бирини элиштирмеге севе экенлер.
Адет узьре эр бир къорантанынъ бирде-бир лагъабы олгъан. Бу лагъап я къо-ранта башынынъ зенаатыны косьтерген, я онынъ джемааттаки ерини я да бу къорантанынъ омюринде олгъан насылдыр ошлу вакъианы акс эттирген. Улу-узенлер озьара лаф эткенде ким акъкъында айткъаныны костьереджек олсалар, ялынъыз адыны айтмагъа азлыкъ эте, чюнки Маммет, Юсуф, Аппаз, Аблямит ве иляхре адлы койдешлери чокъ. Амма лагъабыны къошып айтсалар, ким акъкъында лаф кеткени-ни эр кес анълай. Мисаль ичюн, Халайджы Маммет деселер, ким олгъаныны ве на-сыл зенаатнен огърашкъаны бир кереден анълашыла. Сой адлар язылмагъа башлаг-ъанда чокъсу койлюлер лагъабыны яздыргъанлар.
Сюргюнликтен къайткъан улу-узенлилер Къырымнынъ чешит кой ве шеэрле-ринде, атта Къырымдан тыш яшамагъа меджбур олдылар. Койни зиярет этмек ичюн корюшювлер кечирмеге башладылар. Корюшювлерге кельген улу-узенлилер сюр-гюнликте догъгъан балалары ве торунлары иле келелер. Бири-бирини корьмеген ве танымагъан адамлар танышкъанда: «Кимнинъ огълу (къызы)сынъ?» - деп сорайлар. Эгер балалар анна-бабасынынъ адыны айтсалар, къартлар лагъабыны айтмакъны талап этелер, чюнки лагъабындан тапышмакъ енгильдже. Мен фелянча, Чакуч Асаннынъ огълу я да Аптраман байнынъ къызы, дегенде, бир кереден ким олгъаны-ны таныйлар. Ойле ола ки, сой-акъраба тапыла, чюнки сюргюликте адамлар чешит ерлерге - кимиси Уралгъа, кимиси Озьбекистангъа барып тюшкен олсалар, ич ко-рюшмегенлер. Лагъабыны бильгенлер бири-бирини 60 йыллыкъ айырылыкътан
261
сонъ биле сой-акърабалыгъыны енгиль тиклейлер. Бу ерде сой адгъа чевирильген бир къач лагъап теклиф этиле.
Азамат - Олар эмдже балалары олып, алты агъа-къардаш эдилер. Бу къоранта-нынъ эрлери эписи бол юрекли, улу табиатлы инсанлар эди. Онынъ ичюн оларгъа АЗАМАТ лагъабы берильди.
Аристан - Бу къорантанда эджатлардан бири апсханеде ятып чыкъкъан. Бундан сонъ оларгъа АРИСТАН (якъалангъан) лагъабы япышты.
Тедкъикъатнынъ нетиджеси ве келеджеги. Меним макъсадым - ялынъыз бир кой мисалинде XX асырнынъ биринджи ярымда олып кечкен вакъиаларны акс этти-рмек. Чюнки буюк ресимлер кучюк бир чизгилерден ибарет, оларны исе келеджекте даа да терен огренмелимиз.
Эдебият
1. Крымские татары «Хроника текущих событий» №5-6, 2000 г. Крымская АССР(1921-1945) выпуск 3. - Симферополь: «Таврида», 1990г.
2. Араджиони М.А., Герцен А.Г. Хрестоматия по этнической истории и традиционной культуре / М.А. Араджиони, А.Г.Герцен. - Симферополь: «Доля», 2005г.
3. Керим Якъуб «Кучук-Узень тарих, этнография» / Якъуб Керим. - Акъмесджит: «Доля», 2006.
Улу - Узень кою акъкъында малюмат бергенлер:
• Шукурова Эмнегуль Мурат-къызы
• Рамазанова Заде
Шукурова С. Ш. Территориальная дифференциация крымскотатарского языка. Улу-озенский говор южнобережного диалекта / С. Ш. Шукурова // Ученые записки Таврического национального университета имени В. I. Вернадського. Серия «Филология. Социальные коммуникации». - 2013. - Т. 26 (65), № 2. - С. 257-263.
Территориальные разновидности языка не являются замкнутыми системами с четкими границами, поэтому существуют зоны распространения отдельных диалектных явлений, на основании чего определяются территориальные разновидности разного уровня. Таким образом, диалекты крымскотатарко-го языка распадаются на говоры. В частности, южнобережный диалект - на айсерезский, ускутский, улу-озенский и др. В данной статье рассматриваются особенности улу-озенского говора южнобережного диалекта, с точки зрения довоенного его использования и отображения им различных сфер жизнедеятельности деревни Улу-озен (самоназвание Улу-узень]. Приводятся некоторые исторические факты отображающие социальную сферу жизни (названия всех общественных заведений, мастерских, существовавших до войны), географическую (топонимические названия), а также в статье представлены названия некоторых давно забытых детских игр.
Ключевые слова: крымскотатарский язык, диалект, улу-озенский говор, лексические диалектизмы, этнографизмы, топонимы, южнобережный диалект, территориальные разновидности, исторические факты, названия общественных заведений, мастерских, существовавших до войны.
Шукурова С. Ш. Тершх^альна диференщащя кримськотатарсько! мови. Улу-озенскш пжр швденнобережного дiалекту / С. Ш. Шукурова // Вчеш записки Тавршського национального ушверсп-тету iменi В. I. Вернадського. Серш «Фшолопя. Сощальш комушкацй». - 2013. - Т. 26 (65), № 2. -С. 257-263.
Тершх^альш рiзновиди мови не е замкнутими системами з чггкими кордонами, тому юнують зо-ни поширення окремих дiалектних явищ, на пiдставi чого визначаються тершх^альш рiзновиди рiзно-го ргвня. Таким чином, дiалекти кримскотатаркого мови розпадаються на говори. Зокрема, твденнобе-режний дiалект - на айсерезскш, ускутскш, улу-озенскш та ш У данш статп розглядаються особливос-та улу-озенского говiрки швденнобережного дiалекту, з точки зору довоенного його використання та ввдображення !м рiзних сфер життедiяльностi села Улу-Озен (самоназва Улу-Узень]. Наводяться деяю
262
КЪЫРЫМТАТАР ТИЛЬНИНЪ ТЕРРИТОРИАЛЬ ДЕФФЕРЕНЦИАЦИЯСЫ. ЯЛЫБОЙНЫНЪ УЛУ-ОЗЕН ЛЕХДЖЕСИНИНЪ ХУСУСИЕТЛЕРИ
гсторичт факти вщображають сощальну сферу життя (назви Bcix громадських закладш, майстерень, що гснували до вiйни), географiчну (топонiмiчнi назви), а також у статп представлен назви деяких давно забутих дитячих тор.
Ключовi слова: кримськотатарська мова, дiалект, улу-озенскiй говiр, лексичнi дiалектизми, етно-графiзми, топонiми, пшденнобережний дiалект, територiальнi рiзновиди, iсторичнi факти, назви громадських закладiв, майстерень, що юнували до вшни.
Shukurova S. Sh. Territorial differentiation of the Crimean Tatar language. Ulu-ozensky accent of the south coastal dialect / S. Sh. Shukurova // Scientific Notes of Taurida V. I. Vernadsky National University. -Series: Philology. Social communications. - 2013. - Vol. 26 (65), No 2. - P. 257-263.
Regional dialects are not closed systems with clear boundaries, so there are areas of distribution of certain dialectal phenomena, which are determined on the basis of territorial species at different levels. Thus, the dialects of the Crimean Tatar language split into sub-dialects. In particular, the South Coast dialect has such accents as on-ayserezsky, uskutsky, ulu-ozensky etc. This article discusses the features of ulu-ozensky accent of the south coastal dialect from the point of view of its pre-war use and displays its various spheres of life in the village of Ulu Ozen. There are some historical facts that depict the social sphere of life (the names of all public buildings, workshops, existed before the war), geographic (place names), as well as in the article are the names of some long-forgotten children's games. The article provides the readers with the information about where and how children are educated. The paper is divided into two parts. First partis about the location of the village, the second - about the nature of the village Ulu -Uzen, the third division of the village on the ascent (districts), the fourth part of the workshops, which were in the village, the fifth - about the professions that are in demand in the village, the sixth part - about the traditional homes in Ulu Uzen village, the seventh part -about education in the village, provides a list of teachers, the eighth - about the children's games, in the ninth paragraph describes the nicknames (lah'aplar].
Key words: Crimean Tatar language, dialect, ulu-ozensky accent, dialect vocabulary, ethnographisms, place names, south coast dialect, territorial species, historical facts, names of public institutions, workshops, existed before the war.
Поступила в редакцию 30.08.2013 г.
263
