KIYIMDAGI "NEW LOOK" USLUBI, KELIB CHIQISH TARIXI VA ZAMONAVIY MODA YO'NALISHIDA AKS ETISHI TAHLILI
d 10.24412/2181 -1784-2021 -10-752-762
Tursunpo'latova Dilfuza Rustam qizi,
o'qituvchi, Kamoliddin Behzod nomidagi MRDI
ANNOTATSIYA
Ushbu maqolada moda olami buyuk namoyondasi Kristian Dior hayoti, ijodi, faoliyati va uning moda olamiga qo 'shgan buyuk hissasi, u asos solgan "New look" uslubi, uning tarixi, xususiyatlari, afzalliklari va moda dunyosidagi ro 'li o 'rganilgan, shuningdek uslubning zamonaviy moda yo 'nalishida aks etishi taxlili olib borilgan.
Kalit so'zlar: New look, modalar uyi, orzular dizayneri, Harper's Bazaar, Kutyure.
АННОТАЦИЯ
В статье рассказывается о жизни, творчестве, деятельности Кристиана Диора, великого представителя мира моды, и его огромном вкладе в мир моды, о созданном им стиле «New Look», его истории, особенностях, преимуществах и роли в мире моды, также был проведен анализ отражения стиля в современном модном направлении.
Ключевые слова: New look, модный дом, дизайнер мечты, Harper's Bazaar, Couture.
ABSTRACT
The article tells about the life, work, and activities of Christian Dior, a great representative of the fashion world, and his huge contribution to the fashion world, about the "New Look" style he created, its history, features, advantages and role in the fashion world, and also analyzed the reflection of the style in the modern fashion direction.
Keywords: New look, fashion house, dream designer, Harper's Bazaar, Couture.
KIRISH
Mazkur maqolamiz "New look" uslubiga qaratilgani bois avvalo, moda va uslub haqida qisqacha mulohaza qilib o'tishimiz joiz. Moda ommalashgan degan ma'noni beradi. Biror bir libosni yoki dizayn maxsulini insonlar orasida ommalashuvi moda deb yuritiladi. Asrlar davomida rivojlanib, o'zgarib, yangilanib kelgan moda bugungi kunda insonlar hayotiga chambar-chas bog'liqdir. O'tmishda liboslar modasi bir necha asrda ham o'zgarmagan bo'lsa, hozirgi kunga kelib moda har mavsumda
752
Scientific Journal Impact Factor
o'zgarib, yangilanib kelmoqda. Bu esa modani qanchalik jadal rivojlanayotganini ko'rsatib beradi.
Dizayn - design - Italyancha so'z bo'lib "disegno", g'oya yoki biron bir narsaning shakli, yo'nalishi va qulayligini o'ylab topishni bildiradi. Ko'pchilik dizayn deganda bezashni, to'ldirishni tushunadi. Aslida dizayn nafaqat to'ldirish, kerak bo'lsa ba'zi bir elementlarni olib tashlashni ham bildiradi. Birinchi bora dizayn so'zi XVI asrda paydo bo'lgan. Har bir xalqning kiyimida uning tarixi, taraqqiyot bosqichlari, rivojlanishi, madaniyati va ma'naviyati aks etadi. Insoniyat tarixining ilk davrida tabiiy ehtiyoj tufayli odamni issiqdan, sovuqdan, yomg'ir va qordan himoya qilgan libos hozirgi davrda uning ham moddiy, ham ma'naviy ehtiyojiga aylangan. Bugungi kunda odamlar hayotini libos va modasiz tasavvur etish mumkin emas. Insoniyat tarixidagi eng tezkor ilmiy- texnikaviy taraqqiyot davrida dunyodagi va jamiyatdagi voqea-hodisalarning inson aqli, ongi va ruhiyatiga ta'siri cheksizdir. Bugungi kunda O'zbekistonda jamiyat hayotining barcha jabhalarida modernizatsiya yo'llari amalga oshirilayotgan bir paytda faol muhokama qilinib, dizaynni rivojlantirishga alohida e'tibor qaratish lozim. Dizayn ko'plab ilg'or ishlanmalarning muhim tarkibiy qismi bo'lib, umumiy iste'molchiga qaratilgan. Dizayn mahsulotlari odamni hamma joyda o'rab oladi: ob'ektlar, interyer dizayni, kiyim-kechak, reklama mahsulotlari, maishiy texnika va avtomobillar [1].
Style (uslub) - kiyim va aksessuarlar birikmasi orqali ma'lum bir atrof-muhit (ish muhit) va ijtimoiy maqomiga mos muayyan tasvir yaratish. Keyinchalik kengroq ma'noda - muayyan davrda san'atda tasviriy texnikaning g'oyaviy va badiiy ifodalanishi. Uslub - qandaydir vaqt oralig'ida umumiy vosita va usullar bilan badiiy ifodalanishdir. Libos dizaynida uslub liboslarni guruhlash va turlarga bo'lishda qo'l keladi. Uslublar turliga makro va mikro uslublar mavjud. Makro uslublarga:
• Klassika
• Romantika
• Sport
• Avangard
• Etno (folklyor)
Bulardan tashqari mikro yani kichik uslublar mavjud ular makro uslublar tarkibiga kiradi. Hozirgi kunda juda ko'p uslublar dunyo yuzini ko'rmoqda. Hatto uslublar aralashmasi moda muxlislari tomonidan yaxshi qabul qilinmoqda. Mazkuz maqolani tahlil qilishda dizayn tushunchasi, dizayndagi uslublar va aynan biz to'xtalib o'tgan uslub va uning asoschisi haqida ma'lumotlar berildi. Uslublarning
Scientific Journal Impact Factor
nafaqat dizayn olamidagi balki inson hayotidagi o'mi, uning inson ongiga ta'siri nechog'lik ahamiyatli ekanligini tahlil qilindi.
ADABIYOTLAR TAHLILI VA METODOLOGIYA
Maqolani yoritish jarayonida libos dizayn kafedrasi professor, F.Z. Ataxanova, A.S.Saidiganieva, S.A.Karimova, G.E. Umarov, N.A.Abduqodirovalarning "O'zbekistonda badiiy dizayn ta'limi: kelib chiqishi, xususiyatlari, muammolari" nomli maqolasida keltirilgan malumotlarga, S.A. Yunusxo'jaevaning "Yosh rassomga ta'lim berishda samarali usullardan foydalanish iqtidorli yoshlarning yetuk mutaxassis bo'lib yetishishining garovidir" nomli maqolasidagi ayrim fikrlar, Yusupova Shohista Maqsud qizi va Xodjayeva Umida Muratovnalarning "Libos dizayni ta'limida ekologik - innovatsion matolarning ahamiyati va zamonaviy moda - kostyum dizayn sanoatiga tadbiq etishning istiqbollari" nomli maqolsidagi oldinga surilgan aniq ma'lumotlar mazkur maqola maszmunini to'ldirishda asos bo'lib xizmat qildi.
MUHOKAMA VA NATIJALAR
Bugungi kunda bizning zamonamizda har xil turdagi qulay uniseks kiyimlar urfda, lekin ayollarning jozibasini ochib beradigan, haqiqiy ayollikning go'zalligini ko'rsatib beradigan uslub bu "New look" ya'ni "Yangi ko'rinish" uslubi ekanligidan kelib chiqib, ushbu maqolamni aynan shu uslubning tarixiga qaratmoqchiman.Yangi moda standartini joriy etilish jarayoni va tasdiqlanishi, ya'ni moda sikllarining almashishi, "moda innovatsiyasi" hisoblanadi. Bizning kiyimlarimiz qanchalik barqaror holatdaligi aslida, ularning aksariyati ular nimadan tayyorlanganiga bogliqligidadir [2].
Uslubning asoschisi Dior haqida ozgina to'xtalib o'tamiz."New look" so'zma -so'z "Yangi ko'rinish, yangi tasvir, " deb tarjima qilinadi. Biz bu uslubni taniqli modelyer Kristian Dior bilan birga tilga olamiz. Dunyo modasini abadiy o'zgartirgan Kristian Dior 1905-yil21-yanvar, U Fransiyaning Granvil shahrida tug'ilgan. Ularning oilasi keyinchalik Parijga ko'chib o'tgan. Ota-onasi uni diplomat bo'lishini hoxlardilar, lekin yigitni Parij san'ati ko'proq qiziqtirar edi. U musiqa va rasmga mehr qo'ygan, uni o'rgangan va tez orada san'at galereyasini ochgan. 1930-yil Dior uchun og'ir yillarning boshlanishi bo'lgan. Akasidagi ruhiy kasallik, onasining saraton tufayli vafoti, otasining iqtisodiy inqirozga uchrashi uni depressiyaga tushishi, bularning barchasi galereyani yopishiga sabab bo'lgan. Vaqtincha ish qidirib sarson bo'lgan Kristian o'zini turli sohalarga urib ko'radi. Turli qoqilishlar, omadsizliklarga qaramay, u o'z yo'lini yana ijod orqali topadi. Avvaliga taniqli jurnallardagi eskizlardan nusxa ko'chirib suratlar chizadi. Bora-bora u chizgan
suratlar moda olamidagi kishilar e'tiborini tortadi, Le Figaro Illustre jurnali Kristian muallifligida chizilgan liboslar va shlyapalarni chop eta boshlaydi. Ish qidrishni chetga surib eskizlar ketidan kun ko'rgan dizayner 1937-yilda daromadi yaxshiligidan shaxsiy turar-joy sotib oladi.Ikkinchi Jahon urushi boshlanishi bilan Kristian frontga chaqirildi va u yerda bir yil xizmat qilib, sog'lig'i sababli demobilizatsiya qilindi. Qaytib, Dior Parijdagi moda uylaridan birida dizayner bo'lib ishga kirdi. Shu bilan birga, uning o'ziga xos uslubi shakllana boshladi. Urush, qiyinchiliklar, harbiy uslubdagi siluetlar va uniseksli kiyimlarga qaramay, Dior ayollik jozibasini to'liq namoyon qiladigan bekamu-ko'st liboslar, yubkalar, eng
1-rasm. Diorning ijod jarayonlaridan namunalar.
1946-yil 16-dekabrda Dior Parijning Montel ko'chasida mo'jazgina modalar uyiga asos solgan.Dior Parijda 1947-yilning fevral oyida moda ixlosmandlariga New Look deb nomlangan kolleksiyani ya'ni To'qsonta modeldan tashkil topgan innovatsion to'plamini birinchi marta taqdim etgan. Dior uni "Corolla a gul" deb atadi.
3-rasm. 1959-yil Diorning modalar ko'rgazmasi uchun tayyorlangan taklifnoma.
Podiumda aftunkor, nozik qaddi-qomatli modellar etak qismi keng, bel qismi esa kamar, belbog' va tasmalar bilan noziklikni aks ettirgan nafis liboslar to'plamini namoyish etgan. Bunday siluet moda olamida revolyutsiya bo'lishiga sabab bo'ldi. Kolleksiyada Ikkinchi jahon urushi yillarida harbiy yoki mehnat liboslarida yashiringan ayollarning nozikligi va jozibasiga urg'u berilgandi. Trapetsiya shaklidagi pastki qismi oqshom libosidek keng, bel qismi ingichka qilib bichilgan liboslarni kiygan ayol o'zini alohida bilib quvonsa, bejirim libosdagi go'zal sarvqomat atrofidagilar ko'zini ikki karra ko'proq quvontirgan. Urushning dahshatidan go'zallik nimaligini unutib qo'ygan insonlar "Orzular dizayneri" ning ishlaridan estetik zavq olgan. Ushbu to'plamda tomoshabinlarga belni ta'kidlaydigan korset va belbog'li bekamu-ko'st liboslar taqdim etildi. Podiumga chiqqan barcha modellar ko'ylaklar va kostyumlar kiyishgan, nozikbeli esa mahkam bog'langan edi. Qattiq ramkali yaltiroq yubkalar teskari o'ralgan gulli idishga o'xshardi. Dior ularni mutlaq uyg'unlik va go'zallik ramzi deb bildi. Chiroyli uslub fransuz dizayneriga misli ko'rilmagan muvaffaqiyat keltirdi. Amerikaning "Harper's Bazaar" jurnali birinchi marta Christian Dior uslubida mustahkam o'rnashgan"New look" nomini yangratdi. Shu yilda "Harper's Bazaar" jurnali bosh muharriri Karmel Snou o'z hayratini bildirib, o'z fikrini taqdim etdi: "Bu haqiqiy inqilob, aziz nasroniy, sizning liboslaringiz yangi yo'nalishni anglatadi,"deya Diorga yuzlandi. 1947- yil, qanday og'ir yillar, yaqinda urush tugadi, bu butun insoniyat uchun qayg'u va yo'qotishlarni keltirib chiqardi. Kambag'al va eskirgan kiyimlardan keyin ayollar yana haqiqiy ayol bo'lishni orzu qilishdi. Shu paytda bellari nozik, egri chiziqlari va dabdabali keng yubkalari bo'lgan Dior to'plami katta burilish bo'ldi. Bu esa ko'p ayollarning orzulariga to'g'ri keldi. Deyarli har bir ayol o'zini oxirgi marta qachon shunday kiyinganini eslay olmasdi. Har bir ayol eskirgan, harbiy ruh ufurib turgan liboslarni, eng nazokatli kiyimlarga o'zgartirib, hayotda baxtni his qilishni xohlardi. Harper's Bazaar amerikalik nashri bosh muharriri Karmel Snou bu to'plam va boshlangan uslubni "Yangi ko'rinish" deb nomlagach Diorga qarata: "Siz to'ntarish qildingiz! Sizning ko'ylaklaringiz haqiqiy ko'rinishga ega!" deya ta'kidladi. Ko'rinishidanto'plamdagi liboslar o'tgan asrlardan kelib chiqqan bo'lib, faqat davr talablariga muvofiq ozgina o'zgargan edi. Go'yo
kutyure qaychi olib, vintajli kiyimlardan uzun etaklarini kesib tashlagandek edi. Qo'ng'iroq kabi butunlay yangi siluet paydo bo'ldi. "Gul tojlari" - bu tasodifiy nom emas, balki Dior go'zallik timsoli deb hisoblagan gular ushbu kiyimlarni yaratishda ilhom bergan edi, liboslar silueti go'yo gul kurtagiga o'xshardi. Kutyurening o'zi yoqtirgan ranglari kulrang va pushti bo'lgan va bu ranglarni nazokatli rang deb hisoblagan va har qanday matoga mos keladigan nafislik ramzi deb atagan.To'plamlarda asosan tabiatda uchraydigan boshqa ranglar ham bor edi. Birinchi to'plamda pastel diapazoni eng keng tarqalgandi. Kutyure oq, qora va pushti ranglarni muvaffaqiyatli birlashtirilgan turli xil soyalarni ajratib ko'rsatdi. Dior o'zining aniq afzalligiga qaramay, turli xil soyalarga asoslangan modellarni yaratdi. Kutyurening oxirgi rangi yaxshi kayfiyat, quvonch va ayollik ramzi edi. Fransuz iqtidorli dizayneri Kristian Dior ayollar modasida "Yangi ko'rinish" ya'ni "New look" yo'nalishining paydo bo'lishiga sababchi bo'ldi. Uning orzusi 19-asrning hashamatli va romantik kiyimlarini qayta tiklash va ular bilan go'zal ayol tanasini
4-rasm. Kristian Dior
Scientific Journal Impact Factor SJIF 2021: 5.423
5-rasm. Dior modellar bilan.
Kutyure urushdan oldingi yillarning soddalashtirilgan va funksional modasini eng dramatik tarzda o'zgarishi kerakligiga to'liq ishondi. Maestro taklif qilgan yangi siluet jahon podiumida kuchli yutuq bo'ldi. U aksessuarlarga ham katta ahamiyat berdi, birinchi to'plamning namoyishida modellar tomoshabinlarni nafaqat innovatsion liboslar bilan, balki ko'rgazmaga kelgan ayollarni g'ayrioddiy, uchlari uchburchak poyabzallar bilan ham qoyil qoldirdi. Keyinchalik, bu yondashuv kiyim, aksessuarlar va atirlar ishlab chiqaradigan Dior imperiyasini yaralishiga olib keladi. Diorning birinchi namoyishi ajoyib muvaffaqiyat bo'ldi. Hafta davomida Diorga shunchalik ko'p buyurtmalar kelib tushdiki, u bir necha oy oldin ish bilan ta'minlandi. Dior modaga belni yaxshi ta'kidlagan keng belbog'larni, shu jumladan, uch chorak qisma yenglarini olib kelgan. Bu uzunlik, ayniqsa, paltolarda ishlatilgan. Uzaygan oq qo'lqoplar bunday yenglar bilan yaxshi ko'rinar edi. Kichkina bezatilgan bosh kiyimlar ham Dior uslubining bir qismi edi. Dior qimmatbaho metallardan farqli o'laroq marvaridli zargarlik buyumlariga yangi hayot bag'ishlagan edi. Kutyure klassikasi tugunli kulrang marjon edi. Kristian Diorga butun dunyodan minglab xat keldi. Unda asosan, ayollar dizaynerga minnatdorchilik bildirishdi. Katta muvaffaqiyat bilan bir qatorda, iste'dodli dizayner do'kondagi hamkasblarining tanqidiga uchradi, uzun ko'ylaklar mahsulotlarga ma'lum bir shakl berib, majburiy korsetni talab qilardi. Qatlamli, ramkali, yumshoq, ko'p qavatli yubkalar harakat erkinligiga to'sqinlik qilardi va mahsulotga qo'shimcha og'irlik qo'shardi. Yangi ko'rinishdagi ko'ylaklarga ko'p pul sarflangan, birinchi navbatda, ular katta
758
Scientific Journal Impact Factor
miqdordagi mato talab qilgan, kiyimning vazni 4-5 kilogrammgacha bo'lishi mumkin edi. Oddiy ko'ylakning og'irligi taxminan to'rt kilogrammni tashkil etdi va kechki liboslar 20kg, hatto 30 kg gacha bo'lishi mumkin edi. Ularni faqat tashqi yordam bilan kiyilar edi va hatto katta qiyinchilik bilan raqsga tushish mumkin edi. Bularning barchasi haddan tashqari hashamat va isrofgarchilik hisoblanardi. Koko Chanel Diorni qattiq tanqid qildi, chunki uning modellari zamonaviy hayotga mutlaqo yaroqsiz deb hisobladi. Hamma narsaga qaramay, ayollar yangi modadan xursand bo'lishdi va Dior nomi abadiy go'zallik va nafislikning sinonimi bo'lib qoldi. 50 -yillardagi ayolning kiyimidagi New look uslubi ko'cha modasidan keskin farq qilardi. Ajoyib ansambllar modellarni, mos aksessuarlar va poyafzallarni diqqat bilan tanlashni talab qilardi. Ammo ayollar odob -axloq qoidalari va yaxshi did qoidalari haqida o'ylab, taklif qilingan qiyinchiliklarga qo'shilishdi. Diorning aytishicha, uslubning moddiy komponentida asosiysi libosning soddaligi va chiroyli ko'rinishi uchun ko'p pul kerak emas deb hisoblardi. "New look"uslubi butun dunyo bo'ylab ishonch bilan yurganida, ko'plab podiumlarda nusxa ko'chirilganida, Kristian Dior tubdan yangi uslubni yaratish vaqti keldi, deb qaror qildi. Shunday qilib, moda uyida soat oynasini almashtirgan trapetsiyalar va to'rtburchaklar paydo bo'ldi. To'g'ri ko'ylaklar, keng yelkali kostyumlar va pastki qismi toraygan liboslar, hat to, dizayner vafotidan so'ng 50-60 -yillargacha podiumlarda hukmronlik qiladi.1957-yilda Dior vafot etdi va uning o'rnini Iv Sent -Loran egalladi. Yosh, shuhratparastdizayner, buyuk kutyure Dior boshlagan satrlarni davom ettirdi. U teskari trapetsiya shaklidagi liboslar to'plamini, shuningdek, tezda mashhur bo'lib ketayotgan A-yubkalarni ko'plab chiqaradi. Bunday kiyimlar qimmatroq matolardan tikilgan bo'lsadakamroq mato sarflangan. Iv Senf-Loran moda uyining bosh dizayneri sifatida uzoq yashamadi, u armiyaga chaqirildi. Iv Sent -Loran o'rniga Mark Boen asosiy dizaynerga aylanadi, u bu lavozimda 1989-yilgacha qoladi. Boen mutlaqo yangi narsa yaratmadi, lekin hashamatli kiyimlarni har kungi kiyinish uchun moslashtirdi, asoschi tomonidan qo'yilgan prinsiplarga rioya qilishga harakat qildi, birinchi navbatda nafislikni saqlab qoldi. Boen Diorkolleksiyalarida erkaklar kiyimlari liniyasini ishga tushirdi.1989-yilda moda uyini Boen ishdan bo'shatildi va uning o'rniga Janfranko Ferre tayinlandi. Moda tanqidchilari yangi bosh dizaynerni zavq bilan kutib olishdi. "Dior qaytdi", deyishdi. Darhaqiqat, ba'zilar uni Kristian Dior biznesining eng yaxshi vorisi deb bilishadi. Ammo sakkiz yildan so'ng Ferre o'z brendini rivojlantirish uchun ketadi. Keyin Jon Galliano davri boshlanadi, ehtimol u moda uyi tarixidagi eng g'ayrioddiy bosh dizayner edi. 1993-yilda u "Bolshevik Rossiyadan yosh malika Lukretsiyaning qochishi" to'plamini yaratdi. Bu kolleksiyada krinolinlar, mo'ynali
Scientific Journal Impact Factor
kiyimlar, xullas, Dior uslubiga to'liq mos keladigan jihatlar bor edi. Nihoyat 1996-yilda u Diorning bosh dizayneriga aylandi. Galliano har bir defileni shouga aylantirdi, u Vaterloo stantsiyasini cho'lga, Versal saroyining apelsinzorini esa suv bilan to'ldirilgan 150 metrli podiumga aylantirdi. Galliano moda uyining daromadini bir necha bor oshirdi. Ammo 2011- yilda Galliano mast holda nojo'ya bayonotlar berdi va Gitlerni sevishini aytdi. Shundan so'ng dizayner Dior imperiyasini tark etishga majbur bo'ldi.2012-yil aprelda Raf Simons moda uyiga keldi, u ajoyib minimalist edi va Gallianoga to'liq qarama-qarshi keldi. Shu paytgacha dizayner hech qachon kutyurelar to'plamini yaratishda ishtirok etmagandi. Biroq, yozda u birinchi martaDior kutyurelar to'plamini taqdim etadi. Bu to'plamda Galliano juda yaxshi ko'rgan yaltiroq, rang-barang g'alayon va hayratlanarli tasvirlar yo'q edi. Ammo u yerda nazokatli va oqlangan siluetlar, A -shaklli yubkalar va ko'ylaklar, pardali shlyapalar, uchli poyabzal, oqlangan kashtalar go'yoki Dior uslubini yaratuvchisi tirikdek ajralib turardi. Simons shu kungacha uyning bosh dizayneri bo'lib qolmoqda.
"New look" siluetlari va xususiyatlari
Aslida birinchi siluet X harfi yoki qum soati shaklida edi. Bel chizig'i - tabiiy chegaradan 30-50 mm yuqoriga siljiydi. Shu tufayli, urg'u belga tushadi va oyoqlari ancha uzunroq ko'rinadi."New look" ko'ylaklarining uzunligi to'piqgacha bo'lgan, yubkaning pastki qismi tizzaning ostidan uzunroq. Bu siluetning cho'zilishi va nozikligini his qiladi. Yurish paytida etaklarning amplitudali qimirlashi siluetning ayolligini oshiradi. Urush yillarida, amaliyligi sababli, ular kiyilmadi, lekin Kristian Dior ayollikning yangi standartini taklif qildi, uning bekamu-ko'stli yangi qiyofasi krinolinlar va qatlamli tafta asosida yaratilgan.
Ikkinchi siluetni shartli ravishda to'g'ri deb atash mumkin, garchi uning shakli piramidaga o'xshardi. Tor yelkalar, hali ham ingichka bel va yubkapastga qarab silliq kengaygan. Shunday qilib, ular nafaqat liboslar, balki tashqi kiyimlar ham kiyishgan, fotosuratda New Look uslubining juda muvaffaqiyatli namunasi ko'rsatilgan. Tashqi ko'rinishini shlyapalar va uzun, tirsak uzunlikdagi qo'lqoplar to'ldiradi. Baland poshnali poyabzalda ayollar kichik, silliq qadamlar bilan harakatlanishdi, bu ularga yanada joziba qo'shdi.
Nihoyat, uchinchi siluet uni afzal ko'rgan xonimlar uchun yetarlicha qiyin bo'ldi. U qattiq edi, ayniqsa etag qismi. Albatta, o'sha paytda trikotaj ishlatilmas edi va ko'ylak ostida bitta bo'lak ichki kiyim bo'lishi kerak edi. Shuning uchun yubkalar oval shaklida tikilgan, beli nihoyatda toraygan edi. Chiroyli siluetlar katta zargarlik buyumlarini to'ldirdi. Afsonaviy Dior namoyishi zargarlik buyumlarining mashhurligiga jiddiy start berdi. Katta bilaguzuklar, og'ir ziraklar, bo'yinbog'lar va
Scientific Journal Impact Factor
albatta, tashqi burchaklari yuqoriga cho'zilgan mushuk ko'zli ko'zoynaklar. Shlyapa, sharf - New Look uslubining muhim aksessuari. Toza va ehtiyotkorlik bilan taralgan sochlar, silliq soch turmagi, sochlari yuqoriga ko'tarilgan obraz. Belni ta'kidlash uchun keng kamar, qo'lqoplar. Yaratilganidanbuyon shuncha vaqt o'tsada New Look dizaynerlar va ayollarni ilhomlantirishda davom etmoqda. Kristian Diorning modalar uyiga va ijodigaRaf Simons sodiq qoladi. New Look uslubida kiyinishni hoxlaydigan zamonaviy xonimlar endi qattiq korset va oyoqlarini tafta chizishidan aziyat chekmaydilar. Trikotajdan foydalanish yuqorida tasvirlangan oval siluetni yanada jozibali qilishga imkon berdi, trikotaj ko'ylak yoki oz miqdordagi cho'zilgan matoga ega bo'lgan kiyim tananing egri chizig'iga juda mos keladi. Agar Dior 40 -yillarning oxirida cho'zilgan matolarni sinab ko'rishga jur'atiyetganida, albatta, undan voz kechmagan bo'lardi. Zamonaviy talqinda "Yangi ko'rinish" uslubi yengilroq va qulayroq bo'lib qoldi, kiyimlarning vazni bir necha kilogrammdan oshmaydi va kundalik hayotda korsetlar juda kam ishlatiladi. Biroq, 50-yillarning ayol silueti bizni yanada hayajonlantiradi. Bugungi kunda Matolarning yangi turlari, mukammal kesish texnologiyalari ancha zamonaviy uslublarni yaratishga imkon beradi. Vaqt o'tishi bilan go'zallik parametrlari va moda ideallari o'zgaradi, lekin o'zgarishlar hech qachon ayollik va nafislikka taalluqli emas edi. Bu xususiyatlar har doim boshqalarni quvontiradigan va adolatli, zavq bag'ishlaydigan yangi qiyofa uslubi asosid a mavjud. Zamonaviylik haqida gapirganda, "Yangi ko'rinish" uslubining elementlarini qo'llagan ajoyib ayol dizayner Ulyana Sergeenkoni esdan chiqarmaslik kerak. Menimcha, Ulyana, xuddi Dior singari, zamonaviy ayollarning nafis va chiroyli ko'rinishga intilishini qo'lga kiritgan. Shuning uchun hozirda uning kolleksiyalaridagi narsalarga talab taklifdan ko'ra ko'proq. Har qanday dizaynerning muvaffaqiyati uning kayfiyatini jamiyatning kayfiyatiga tushirish qobiliyatiga bog'liq. Hozirda go'zallar nafislik va ayollik uchun jadal harakatda. Ko'p odamlar qulaylik va uniseksli kiyimlarni kayfiyat va kamtarona liboslarga almashtirishga tayyor. Xuddi Dior davrida bo'lgani kabi, bugun ham "Yangi ko'rinish" uslubini tanqid qiluvchilar ko'p. Ular aytishicha, bu uslub amaliy emas va kundalik hayot uchun yaroqsiz. Shuni eslatib o'tamizki, Dior kolleksiyalarida ko'rinib turganidek, New Look - bu ayollik va go'zallik kayfiyati. Bizning aql bovar qilmaydigan tezlik va muntazam stress davrida, kiyim-kechak, o'z qisqaligi va funksionalligi bilan, asosan, o'z jinsini yo'qotdi. Qulay va amaliy, o'rtacha ko'rinadigan uniseksli kiyimlar oddiy ayolning odatiy tanloviga aylandi. Shu sababli, o'tgan asrning 50-yillariga xos bo'lgan moda namoyishiga bo'lgan qiziqishning qayta tiklanishi podyum muxlislari uchun haqiqiy kashfiyot bo'ldi. Hashamatli nafosat, yumshoq inoyat va muloyim romantizm - aynan
Scientific Journal Impact Factor
ayol jinsiga anchadan buyon yetishmayotgan xususiyatlar edi. To'g'ri tanlangan yubka uzunligi va uni tikish uchun materiallar afzalliklarni ta'kidlab, har qanday figuraning mumkin bo'lgan kamchiliklarini mohirlik bilan yashirishga qodir.
Biz ushbu maqola orqali inson hayotida modaning vauslublaming nechog'li ahamiyatli ekanini tushunishimiz mumkin. Dizayn muhitidagi har bir shaxs aynan dizaynga oid bilim va ko'nikmalarga mukammal darajada ega bo'lishi, uning kelib chiqishi, dizayn namoyondalarining hayoti, ijodiy faoliyati to'g'risida yetarlicha ma'lumotlarga ega bo'lishi muhim ahamiyat kasb etadi. Va bunda dizayn ,tasviriy san'at oliygohlarida ham ma'lum bir o'qitish metodikalari asosida bilimlar berilmoqda. Tasviriyda san'at hamfan sifatida o'qitish metodikasi o'rganilgan va ilmiy asosga ega, pedagogika, psixologiya sohalarida tadqiqotlar estetika va san'at o'qitish usullari o'zlarini oqlaydi va ajoyib natijalar taqdim etdi. Va, albatta, tasviriy san'at o'qitish metodikasidagiyangi qonunlari qator iqtidorli yoshlar o'sib borishiga va yetishib chiqishiga daxizmat qiladi [3].
REFERENSES
1. F.Z. Atahanova, A.S. Saidiganieva, S.A. Karimova, G.E. Umarov, N.A. Abdukadirova. "Artistic design education in Uzbekistan: origins, features, problems": Philosophical Readings XIII.4 (2021), pp. 884-889. Info@philosophicalreadings.org 10.5281/zenodo .5184686
2. Yusupova Sh.M., Xodjayeva U.M., "Libos dizayni ta'limida ekologik -innovatsion matolarning ahamiyati va zamonaviy moda - kostyum dizayn sanoatiga tadbiq etishning istiqbollari": Oriental Renaissance: Innovative, educational, natural and social sciences. May 2021. 240-251, www.oriens.uz
3. Yunuskhodjaeva S.A. "Using Effective Methods in Teaching a Young Artist Is a Pledge That Talented Young People Will Become Mature Specialists": Eurasian Research Bulletin (ERB) Published: Nov 15, 2021. 31-33. https: //www.geniusjournals.org/index.php/erb/article/view/122
4. https: //ru.wikipedia.org/wiki
5.https://www.britannica.com >
6. https://www.imdb.com/name
XULOSA