CC BY
21
НАУЧНЫЙ ВЕСТНИК КРЫМА, № 3 (26) 2020 УДК 811.512.145'373.4
Аджимуратова Зарема Наримановна, кандидат филологических наук, доцент кафедры крымскотатарской филологии факультета крымскотатарской и восточной филологии Таврической академии ФГАОУ ВО «Крымский федеральный университет имени В.И. Вернадского», г. Симферополь, Республика Крым, Российская Федерация.
e-mail: [email protected]
ИСТОРИЯ ИЗУЧЕНИЯ ЗВУКОИЗОБРАЗИТЕЛЬНОСТИ (2 ЧАСТЬ) СЕС ТАСВИРЛЕЙИДЖИ ЛЕКСИКАНЫНЪ ОГРЕНЮВ ТАРИХЫ
(II КЪЫСЫМ)
Аннотация. Звукоподражания имеют многовековую историю, которая обуславливает их особое место в сложившейся системе частей речи. В истории науки велось и ведется много споров о том, насколько язык обязан своим происхождением принципу звукоподражания. Существование связи между звуком и значением в языке, наряду с наличием фонетически мотивированных слов составляет основу звукосимволизма и звукоподражания, которые составляют единую звукоизобразительную систему языка, изучением законов и принципов существования которой занимается фоносемантика.
Ключевые слова: история происхождения звукоизобразительности, происхождение языка.
Adzhimuratova Zarema Narimanovna, candidate of philological Sciences, associate Professor of the Department of Crimeantatar Philology of the faculty of Crimeantatar and Eastern Philology of the Tavrida Academy of V. I. Vernadsky Crimean Federal University, Simferopol, Republic of Crimea, Russian Federation.
e-mail: [email protected]
НАУЧНЫЙ ВЕСТНИК КРЫМА, № 3 (26) 2020
THE HISTORY OF THE STUDY OF SOUND-BASED VOCABULARY
Annotation. Onomatopoeia have a long history, which determines their special place in the current system of parts of speech. There has been much debate in the history of science about how much language owes its origin to the principle of onomatopoeia. The link between sound and meaning in language, along with the presence of phonetically motivated words is the basis of sound symbolism and onomatopoeia, which make up a sound descriptive system of language. Phonosemantics studies the laws and principles of existence.
Keywords: history of the origin of sound intelligence, the origin of language.
Шимдики куньге къадар тюркшынаслыкъта айры бир сёзлернинъ идентификациясы ве огренилюви давалы меселелеринден бири сайылыр. Белли ки, такълидий сёзлер ойле бир давалы меселелерге кирген сёз чешитидир. Такълидий сёзлер эм агъызавий нутукъта, эм де бедий эдебиятта сыкъ къулланылалар. Такълидий сёзлер бир де бир арекетни тасавур этмек ярдым этелер. Шунынъ ичюн конкрет адисени, сесни я да образны ифаделейлер. Бойле ифаделенюв, эсасен, экспрессивликнен толу олур ве образгъаа я да ибареге эмоциональ ренкни къоша.
Асыл такълидий сёзлер тюсленмезлер ве тюрленмезлер. Чокъусы алимлернинъ фикрине коре, олар денъишмеген сёз чещшитлерине кирелер, лексик-грамматик тарафындан исе нидаларгъа ве зарфларгъа якъынлар, лякин олардан бир сыра хусусиетлеринен фаркъланалар.
Тюркшынаслыкъта такълидий сезлернинъ огренилювине буюк дикъкъат айырыла. Меселя, Н.И. Ашмарин озюнинъ «Основы чувашской мимологии (о подражательных словах в чувашском языке)» адлы ишинде такълидий сёзлернинъ беш эсас группаларыны айырды:
1) такълидий сёзлер (мимемалар - сес-седаларнынъ образлары ве
айванларнынъ сеслери, адамнынъ арекети нетиджесинде ве джансыз
табиатнынъ арекетлери нетиджесинде пейда олгъан акустик эффектлер); ISSN: 2499-9911 2
НАУЧНЫЙ ВЕСТНИК КРЫМА, № 3 (26) 2020
2) арекет адиселерине ошагъан такълидий сёзлер (ярыкъ аркетлери де кирсетиле);
3) сес адиселерине ошагъан такълидий сёзлер (нутукъ аппараты ве изчен сёзлер);
4) адамнынъ вуджудындан чыкъкъан сеслер;
5) бала сёзлери [Ашмарин 1918].
Тильшынаслыкъта такълидий сёзлернинъ тюрлю адлары бар: тасвирий сёзлер, ономатопоэтик сезлер, идеофон, ономатопея, сес символизми, сес ишмары, мимесис ве иконизм. [Ишмухаметов 1966: 35]
Н.К. Дмитриев исе азербайджан, къумыкъ ве осман тиллеринде бойле сезлерни огренип, оларны мимелар деп адландыра ве оларнынъ дерт чешитини къайд эте. Базы алимлер бойле сезлерни нида сез чешитининъ теркибине кирсете эдилер. Лякин ярдымджы сез чешити оларакъ, биринджи кере, Л.Н. Харитонов киби алими тарафындан бакъыла (якъут тилинде). Сонъра исе бойле фикирге С. Кудайбергенов (къыргъыз тили), А.И. Исхаков (къазах тили) киби тильшынаслар къошула. Бундан да гъайры такълидий сёзлер Г.Е. Корниловнынъ «Имитативы в чувашском языке», К.Ш. Хусаинов «Звукоизобразительность в казахском языке» киби ишлеринде терен огрениле.
Башкъырт тилинде исе такълидий сёзлернинъ огренилювине де бир сыра дерсликлерде ер айырыла (мисаль оларакъ, А. Мансуров, К.З. Ахмеров, Н.Х. Ишбулатов киби тильшынасларнынъ дерсликлери).
Лекиск-морфологик нокътаий-назарындан чокъусы тедкъикъ этильген тиллерде такълидий сёзлернинъ тамырларыны 2 эсас чешитке больмек мумкюн: мустакъиль сёз статусы олгъан негизлер ве тюрлю сёз чешитинде (эсасен фииллерде) расткельген ве мустакъиль алда къулланылмагъан негизлер. Такълидий сёзлер тюрленмегени ве тюсленмегени ичюн, тюркий тиллернинъ чокъусы тедкъикъатчылары такълидий сёзлерни денъишмеген сёз группасына айрылалар, лексик-грамматик тарафтан исе - нидаларгъа, зарфларгъа, я да айры сёз чешитине аит олгъаныны къайд этелер.
НАУЧНЫЙ ВЕСТНИК КРЫМА, № 3 (26) 2020
Такълидий сёзлер (ономатоплар, идеофонлар, мимемалар) - бу, этрафта эшитильген тюрлю сеслердир: тасырды, шувулты, шырылды, сызгъырув, данъгъырув, жыйкъылды, такъырдав, гудюрди; айван ве къушларнынъ сеслери: чивильти, бакъылдав, къакъылдав, чырылдав, гъакъылдав ве дегирлери. Бу сеслерге эсасланып, инсанлар базы сёзлерни адландырдылар ве асырлар девамында олар бизим куньлеримизге къадар денъишип кельген шекиллерде къулланылалар. Адам аяттаки предметлернинъ тюрлю давушлары -шытырдыларыны, арекет ве атеш - алевге озь сеси иле такълит япа я да оларнынъ сес иле тасавур япылгъан образны ярата.
Профессор А. Меметовнынъ фикриндже сес-седагъа такълит эткен сёзлер табиаттаки чешит тюрлю давушларны нутукъ сеслерине кечирелер. Меселя: тарс-тарс, къарс, такъ, шырт, джанъгъур-джунъгъур, выж-выж, тып ве башкъалары.
Такълидий сёзлер бойле къысымларгъа болюнелер:
1) адамгъа аит давушларгъа такълит: тук-тук, такъ-такъ, тасыр- тусур, лип-лип, дыр- дыр ве башкъалары: тук-тук, тук-тук;
2) айванларгъа, къушларгъа, ашератларгъа аит давушларгъа такълит: мияв, пырр, бызз, вызз;
3) тюрлю джансыз предметлерге такълит: тыкъ, шырт, жанъгъур- жунъгур, шатыр-шатыр ве башкъалары: тыкъ, шырт, джангъыр-джунгъур, шатыр-шутур [Меметов 2006: 311].
Атеш-алев арекетине такълит эткен сёзлер табиаттаки чешит-тюрлю алев арекетнинъ сеске образлы оларакъ кечирювлеридир: лип, лип-лип, лав-лав, чатыр-чутур ве башкъалары.
Такълидий сёзлер тек ве текрарлангъан алда къуланылалар. Текрарлангъан шекильде кууланылгъан такълидий сёзлер девамлылыкъны, текрарланувны анълаталар. Текрарлангъан алдаки экинджи компонент фонетик джеэттен денъишмек мумкюн. Бойле вакъытлары давуш я да арекетнинъ чешит тюрлю сыфатта девам этильгени анълашыла: тап-тап, данъ-данъ, гъарч-гъарч,
НАУЧНЫЙ ВЕСТНИК КРЫМА, № 3 (26) 2020 шатыр-шатыр - давушлар бир чешитте; тап-туп, данъ-дунъ, гъарч-гъурч, шатыр-шутур - давушлар чешит тюрлю [Меметов 2006: 312].
Базан, такълидий сёзлерге, эксерий алларда, давушкъа такълит эткен сёзлерге -ыр/-ир/-ур/-юр модификаторлары къошула: такъ+ыр-такъ+ыр, пат+ыр-пат+ыр, жанъгъ+ур жунъгъ+ур ве къошма бир сес пейда олгъаныны ифаделейлер.
Тильшынаслар тарафындан такълидий сёзлернен багълы меселелер чокъ вакъыт девамында огренилип кельмекте. Амма толусынен даа огренильмеди.
Список источников:
1. Аджимуратова З.Н. Къырымтатар тилинде такълидий сёзлернинъ пейда олув зсаслары. Приложение: Краткий словарь звукоподражательных слов в крымскотатарском языке. - «Йылдыз», 2006 г., № 2, с. 132- 152.
2. Ашмарин Н.И. Основы чувашской мимологии : (О подражательных словах в чувашском языке) В память 1-го Общечувашск. съезда учащих / Н. И. Ашмарин. - Казань: изд. чувашск. национальных организаций, 1918. - 10 с.; 24 см.
3. Ишмухаметов З. К. Подражательные слова в башкирском языке / З. Ишмухаметов // Башкирская лексика. Сборник статей. Уфа: БГУ, 1966. С. 3439, с. 31.
4. Меметов А.М. Земаневий къырымтатар тили. / А. Меметов. -Симферополь: Къырымдевокъувпеднешир, 2006. - 320 с.
