ИСТОРИЯ ИЗУЧЕНИЯ ЗВУКОИЗОБРАЗИТЕЛЬНОЙ ЛЕКСИКИ (1 ЧАСТЬ) Текст научной статьи по специальности «Языкознание и литературоведение»

НАУЧНЫЙ ВЕСТНИК КРЫМА, № 2 (25) 2020 УДК 811.512.145'373.4

Аджимуратова Зарема Наримановна, кандидат филологических наук, доцент кафедры крымскотатарской филологии факультета крымскотатарской и восточной филологии Таврической академии ФГАОУ ВО «Крымский федеральный университет имени В.И. Вернадского», г. Симферополь, Республика Крым, Российская Федерация

e-mail: lzarema@mail.ru

СЕС ТАСВИРЛЕЙИДЖИ ЛЕКСИКАНЫНЪ ОГРЕНЮВ ТАРИХЫ

(I КЪЫСЫМ)

(ИСТОРИЯ ИЗУЧЕНИЯ ЗВУКОИЗОБРАЗИТЕЛЬНОЙ ЛЕКСИКИ (1 ЧАСТЬ))

Аннотация. Изучением звукоизобразительности люди начали заниматься издавна. В Древней Греции рассмотрением связи между вещами и их наименованиями занимались философы, положившие начало спору, не потерявшему свою остроту и в наши дни. Теория звукоподражания, одна из самых распространённых теорий 17-18 вв., идет от одного из распространенных и влиятельных направлений древнегреческой философии - стоицизма. Она получила поддержку и развитие в XIX веке. Суть этой теории заключается в том, что слова возникли из стремления человека к подражанию звукам окружавшего его мира - шуму ветра, крику птиц, реву зверей и так далее. Слово как имя нераздельно связано с вещью, оно является носителем его свойств.

Ключевые слова: история происхождения звукоизобразительности, происхождение языка.

Adzhimuratova Zarema Narimanovna, candidate of philological Sciences, associate Professor of the Department of Crimeantatar Philology of the faculty of

НАУЧНЫЙ ВЕСТНИК КРЫМА, № 2 (25) 2020 Crimeantatar and Eastern Philology of the Tavrida Academy of V. I. Vernadsky Crimean Federal University, Simferopol, Republic of Crimea, Russian Federation.

e-mail: lzarema@mail.ru

THE HISTORY OF THE STUDY OF SOUND-BASED VOCABULARY (1 PART)

Annotation. People have been studying sound intelligence for a long time. In Ancient Greece, the connection between things and their names was considered by philosophers, who initiated a dispute that has not lost its sharpness in our days. The theory of onomatopoeia, one of the most common theories of the 17th and 18th centuries, comes from one of the most widespread and influential directions of ancient Greek philosophy - stoicism. It received support and development in the XIX century. The essence of this theory is that words arose from the desire of man to imitate the sounds of the world around him - the noise of the wind, the cry of birds, the roar of animals, and so on. The word as a name is inseparably connected with the thing, it is the carrier of its properties.

Keywords: history of the origin of sound intelligence, the origin of language.

Сес тавирлейиджи лексиканынъ огренювинен инсанлар къадимий заманлардан берли огърашып башладылар. Къадимий Юнанистанда предмет, шей ве ад арасындаки багъны тедкъикъ этюв нетиджесинде эки эсас къарама-къаршы ёнелиш (материалистик ве идеалистик) укюм сюрди. 17-18 асырнынь энъ даркьалгьан назариелерден бири Такълидийлик назариеси эди. Бу назарие къадимий юнан фельсефенинъ ёнелишлеринден бири - стоицизмден келип чыкъкъан. Такълидийлик назариеси боюнджа тиль этрафтаки сеслерге уймасы нетиджесинде пейда олды. Сёзлернинь адлары бу предмет, адисе, арекетлернинь чыкъаргъан сеслеринен багълы олып къоюла. Адам озь сеси ярдымынен этрафтаки дюньянынъ сеслерини акс этмек, текрарламакъ истей, бунынънен берабер, этрафтаки сеслер адамнынъ нутукъ аппараты имкянларынен, якъын олса да, толусынен акс этильмей.

НАУЧНЫЙ ВЕСТНИК КРЫМА, № 2 (25) 2020

О.А. Донских къайд эткенине коре, тильнинъ пейда олув меселесини эвель ве шимдики огренилюви - бу, бельки де, янълыш ве догъру фикирлернинъ къарышмасыдыр [Донских 1988: 3]. Бойле фикир бунынънен багълы ки, тильнинъ пейда олувынен багълы олгъан эписи назариелерни фактлар иле тасдыкъламамкъ имкянымыз ёкъ, чюнки биринджи тиль акъкъында дос-догъру малюмат ёкъ. Ве эписи назариелер гипотеза шеклинде къалалар. Чюнки оларны эксперименталь суретте тасдыкъламакъ имкянымыз ёкъ [Реформатский 2004: 465].

Лингвистик эдебиятта бойле фикир юрсетиле ки, такълидий сёзлер муим дереджеде бутюн къалгъан лугъат теркибине къаршы туралар. Шу себептен базы тедкъикъатчылар бу сёзлер бутюн лугъат теркибине, фонетик ве, базы алларда, грамматик къанунларгъа зайыф бойсуналар ве муим фонологик системасыны тешкиль этелер [Аджимуратова 2006: 278].

Шуны къайд этмели ки, Хиндистаннынъ къадимий язылы ядикярлыкъларында такълидий сезлер эдебий сезлер оларакъ тек У-УП асырларда бельгиленген эдилер. "Классик санскрит девринде такълидий сёзлерни къулланмакъ ясакъ этильген эди, чюнки о заманлардаки фикриндже бу сезлер къаба хусусиетлерни ташый эдилер. Такълидий фииллерни исе кенъ къулланылмасына тек VII асырда рухсет берильди" [Чернышев 1964: 252].

Орхон ве Енисей ядикярлыкъларында да такълидий сёзлер расткельмейлер. Бойле делиль шуны косьтере ки, ядикярлыкълар лакъырды тилини дегиль де, "тюркий язылув-эдебий тильнинъ" нумюнелерини акс эте эдилер" [Кононов 1980: 3].

Къадимий семит ядикярлыкъларында морфологик джеэттен ресмийлештирильмеген нида чешитинде такълидий сёзлер эсасен къулланылмайлар. "Арап тилининъ лугъатларында да ресмийлештирильмеген такълидий сёзлер расткельмейлер, олар тек такълидий фииллернинъ тамырларында аз дереджеде расткеле биле [Газов-Гинзберг 1965: 91].

Земаневий тильшынаслыкъта такълидий сёзлерни чешит тюрлю адландыралар: тасвирий сёзлер, ономатопоэтик сезлер, идеофон, ономатопея,

НАУЧНЫЙ ВЕСТНИК КРЫМА, № 2 (25) 2020 сес символизми, сес ишмары, мимесис ве иконизм. «Тасвирий сез» анъламы иле, эсасен, тюркшынаслыкъта белли олгъан такълидий сёзлерни адландыралар. Белли фельсефеджи Платон - такълидий сёз; Н.И. Ашмарин, Н. А Баскаков - мимема; С. Кудайбергенов, М. Худайкулиев, А. Исхаков -тасвирий сёзлер, такълидий сёзлер, образлы сёзлер, Г.Е. Корнилов - имитатив; С.В. Воронин - такълидий сёз киби терминлерини озь ишлеринде къулланылалар [Ишмухаметов 1966: 31].

Г. Рамстедтнинъ фикриндже "ономатопеик сёзлернинъ тюрлю тиллернен багъы акъкъында чокъ сёз юрсетиле эди, лякин бир кимсе ве бир вакъыт бу малюматны толсунен ве систематик тарафтан тедкъикъ этмеди". Бу фикир юрсетильген вакъыттан берли вазиет денъишти, сонъки йылларда ерли ве четэль тильшынаслыгъында зенгин акъикъий материал умумийлештирилювинен ве такълидий сёзлернинъ эсас къаиделери терен назарий тасдыкъланувынен бельгиленген бир сыра иш язылгъан [Рамстедт 1957: 106].

Ф. Бруни айткъанына коре: "тильнинъ табиий пейда олувы акъкъындаки фикирни юрсеткен тильшынаслар ве психологлар ономатопея (такълидийлик) тильнинъ энъ зенгин чешити оларакъ сая эдилер. Семит тиллерде, айырыджа еудий тилинде, такълидийлик, чокъусы алларда, сёз тамырларында расткеле, ве, эсасен, къадимийлик хусусиетини ташыгъан сёз негизлеринде яхшы корюне [Хусаинов 1988: 7].

А.М. Газов-Гинзберг 10 якъын олмагъан тиллернинъ такълидий тамырларны талиль япып, бойле фикирге келе ки, такълидий сёзлер табиат сеслеринен сыкъы багъда олып, олардан пейда олдылар. Онынъ таснифине коре, такълидий сёзлерни 4 эсас чешитке больмек мумкюн:

1) «ички» таклидий сёзлер (яни инсан мучелери ярдымынен пейда олгъан сеслер, шувултылар ве аффектив нидалар);

2) «тышкъы» такълидий сезлер (асыл такълидий сёзлер);

НАУЧНЫЙ ВЕСТНИК КРЫМА, № 2 (25) 2020

3) асыл сессиз «такълидий сёзлер» ишмарларнынъ сесленюви (бурун ве агъыз сесленювлери, арекетлерге такълит этюв ве предметлернинъ шеклине такълит этюв);

4) бала сёзлери [Газов-Гинзберг 1965: 67].

Г.Е. Корниловнынъ къайд эткенине коре, «такълидий сёз, имитатив - бу тюрлю дуйгъуларны, ассоциацияларны бисинмек макъсадынен мейдангъа кетирильген предметнинъ я да адисенинъ бедий-музыкаль сурети». Имитатив сёзю эсасында сеслерге такълит этмеси дегиль де, тюрлю объект, аллар, процесс, хусусиетлерге сеслер иле такълит этюви козьде тутула. [Корнилов 1984: 54].

Б.М. Юнусалиевнинъ бакъышындан "инсангъа озь дуйгъуларыны, фикирлерни ифаде этмеси ичюн бойле бир буюк ифаде этюв алети, яни тиль аит ки, инсан бу тильде олгъан сес тертибаты вастасы иле, тахминен олса да, этрафтаки сеслерни ифаделей. Башкъаджа айткъанда, инсан тильнинъ фонетик тертибатынен къулланып, озь дуйгъу мучелеринен этрафны идрак этип, эр эшиткенини, тахминен олса да, сес комплекслери алда акс эттире биле. Бойлеликнен, сес корюнишлери акъкъында накълиятлар ифаделеген тамыр-сёзлер пейда олды [Юнусалиев Б. М. 1959: 155].

А.Т. Кайдаровнынъ фикриндже, беян этильген лугъат теркиби тюрлю тиллердеки лексик фондунынъ чешити оларакъ "даа къадимий инкишаф деврине аиттир. Бу лугъат теркибинде дюньяны анълав ве фикир юрсетюв образынынъ спецификасы, сес тимсаллеринде эр тюрлю дуйгъу теэссуратларнынъ, инсаннынъ психологик ве дигер идракъларнынъ, табиаттаки корюв, эшитюв, тюс корюнишлерининъ ве инсан арекетлерининъ конкрет я да умумийлешкен ифаделенюв усуллары акс этильген" [Кайдаров 1986: 169].

Адам аяттаки предметлернинъ тюрлю давушлары шытырдыларыны, арекет ве атеш-алев корюнюшлерини ось сеси иле такълит япа я да оларнынъ сес деп тасавур япылгаан образны ярата. Тюрлю шытырды-давушларнынъ я да атеш-алев арекетлернинъ образы олгъан сёзлерге такълидий сёзлер дейлер.

НАУЧНЫЙ ВЕСТНИК КРЫМА, № 2 (25) 2020 Меселя: гъарс, гъурс, тарс, лип-лип, ялт, пат, такь, шув, тука-тука, данъ-дунъ ве башкъалары [Меметов 2006: 310].

Бойлеликнен, земаневий тиллернинъ лакъырды нуткъунда такълидий сёзлер, дигер сёзлернен бирликте, адий коммуникатив функциясыны беджерелер. Нутукъта бу сёзлер янъыдан пейда олмайлар, олар тильнинъ муим фонетик хусусиетлери, онынъ акустик, психик ве дигер аспектлеринен багълы типологик къанунларгъа эсасланувы нетиджесинде ифаделенелер.

Къулланылгъан эдебият:

1. Аджимуратова З.Н. Къырымтатар тилинде такълидий сёзлернинъ пейда олув зсаслары. Приложение: Краткий словарь звукоподражательных слов в крымскотатарском языке. - «Йылдыз», 2006 г., № 2, с. 132- 152.

2. Газов-Гинзберг А. М. Был ли язык изобразителен в сво-их истоках? / Газов-Гинзберг А. М. - М., 1965. - 183 с.

3. Донских О.А. К истокам языка / О. А. Донских; Отв. ред. А. Н. Кочергин, М. И. Черемисина; АН СССР, Сиб. отд-ние. - Новосибирск : Наука : Сиб. отд-ние, 1988. - 189,[2] с.

4. Ишмухаметов З. К. Подражательные слова в башкирском языке / З. Ишмухаметов // Башкирская лексика. Сборник статей. Уфа: БГУ, 1966. С. 34-39, с. 31.

5. Кайдаров, А.Т. Структура односложных корней и основ в казахском языке. / А.Т. Кайдаров. - Алма-Ата: Наука, 1986. - 331 с.

6. Кононов А. Н. Грамматика языка тюркских рунических памятников VII -IX вв. / Кононов А. Н. - Л.: Наука, 1980. - 255 с.

7. Корнилов, Г. Е. Имитативы в чувашском языке [Текст] / Г.Е. Корнилов. -Чебоксары, 1984. - 184 с.

8. Меметов А. М. Земаневий къырымтатар тили / А.М.Меметов -Симферополь: Къырым девлет окъув педа-гогика нешрияты, 2006. - 320 с.

НАУЧНЫЙ ВЕСТНИК КРЫМА, № 2 (25) 2020

9. Рамстедт Г. И. Введение в алтайское языкознание: Морфология / Рамстедт Г. И. - М.: Изд-во ин. лит. - 1957. - 254 с., с. 106.

10. Реформатский А.А. - Введение в языковедение: Учебник для вузов. 5-е изд. - Издательство: М.: Аспект Пресс, 2004, 536 с.

11. Хусаинов К. Ш. Звукоизобразительность в казахском язы-ке: Монография / Хусаинов К. Ш. - Алма-Ата: Наука, 1988. - 232 с.

12. Чернышев В. А. Звукоподражательные глаголы хинди / В. А. Чернышев // Индийская и иранская филология. - М., 1964. - С. 259.

13. Юнусалиев Б. М. Киргизская лексикология / Юнусалиев Б. М. - Фрунзе: Учпедгиз, 1959. - Ч. 1. - 248 с., 155.