CC BY
29G.Yu. Muyidinova
O SMIRLIK DAVRIDA KITOBXONLIKKA BOLGAN QIZIQISHNING ASOSIY MOTIVLARI
Mazkur maqola bugungi kunda o smirlar orasida kitobxonlikka bolgan qiziqishning motivlariga bag'ishlangan. Bu motivlarni shakllantirishda ota-onalarnining roli qanchalik muhimligi, kitob mutoaalas-ining foydali jihatlari, o smirlik davridagi inqiroz holatlari haqida ma lumotlar aks etgan.
Kalit so zlar: O smirlik davri, kitobxonlik, motiv, o smirlik davridagi
inqiroz.
Hech birimizga sir emaski, kitoblarning hayotimizdagi ahamiyati beqiyos hisoblanadi. Ayniqsa, yoshlar hayotida kitobning alohida o'rni bor. Chunki yaxshi kitob insonda Vatanga muhabbat, milliy va umuminsoniy qadriyatlarga hurmat tuyg'ularini yuksaltirib, uni yaxshilik hamda ezgulikka undaydi. Afsuski, bugungi kunda yoshlarimizning, ayniqsa, har narsaga qiziqib ko'ruvchi o'smirlarimizning e'tibori kitobdan biroz uzoqlashganligi ham bor gap. Ular hayotida televizor, telefon, kompyuter o'yinlari, internet tarmoqlariga bolgan qiziqishlar ortib bormoqda. Shu bois yoshlarni kitobxonlikka munosabati masalasiga yuksak e'tibor qaratilyapti. Masalan O'zbek-iston Respublikasi Prezidentining 2017-yil 13- sentabr kuni qabul qilingan PQ-3271 sonli "Kitob mahsulotlarini nashr etish va tarqatish tizimini rivojlantirish kitob mutoaalasi va kitobxonlik madaniyatini oshirish hamda targ' ib qilish bo'yicha kompleks chora-tadbirlar dasturi to'g'risida" gi qarori hamda O'zbekiston Respublikasi Vazirlar Mahkamasining 2020-yil 14-dekabrdagi "2020-2025-yillarda kitobxonlik madaniyatini rivojlantirish va qo'llab quvvatlash milliy dasturini tasdiqlash to'g'risida"gi 781-son qarorlari yurtimizda kitobxonlik masalasiga bolgan e'tiborning yorqin namunasi hisoblanadi. Prezidentimiz Shavkat Mirziyoyev ham o'z nutqlarida bir necha bor "Kitob o'qigan, o'zini ustida ishlagan odamda qanot bo'ladi. U befarq bo'lmaydi. Uning kuchi bilimida bo'ladi. Shuning uchun hech kimni pisand qilmaydi. "Kattalar"ga xushomad qilmaydi. Uning bilimi bor, ilmi bor. Mana nima uchun kitob o'qinglar deymiz. Kitob o'qisangiz savol berishni bilasiz", deb ta'kidlagan edilar. Yoshlarimizni bolalikdan kitobga qiziqtirishimiz kelajak uchun kuchli barkamol avlod yetishtirishning asosiy shartlaridan biri desak mubolag'a bo'lmaydi.
O'smirlik davrida yoshlarni kitobga qanday qiziqtirish mumkin degan savolga javob topishdan avval, o'smirlik davriga xos umumiy xususiyatlarni ko'rib chiqaylik.
O'smirlik 10-11 yoshlardan 14-15 yoshlargacha bolgan davrni tashkil etadi. O'smirlik-bolalikdan kattal-ikka o'tish davri bolib, fiziologik va psixologik jihatdan o'ziga xos xususiyatlari bilan xarakterlanadi. Bu bos-qichda bolalarning jismoniy va psixik taraqqiyoti juda tezlashadi, hayotdagi turli narsalarga qiziqishi, yangilikka intilishi ortadi, xarakteri shakllanadi, ma'naviy dunyosi boyiydi, ziddiyatlar avj oladi.
Ayni shu ziddiyatli davrda ularda turli mavzulardagi javobsiz savollar tug'iladi. Yaxshi tanlangan kitob orqali yoshlar o'z savollariga javoblarni tashqi muhitdan, foydasiz tarmoqlardan yoki virtual do'stlardan izlash-lariga hojat qolmaydi. Bundan tashqari ular o'zlarining layoqat, qobiliyat va imkoniyatlarini ma'lum darajada o'rtoqlari va o'qituvchilariga ko'rsatishga intiladilar. Bu holatni oddiy kuzatish yoli bilan ham osongina ko'rish mumkin. O'smirlik davriga kimningdir xatti-harakatini imitatsiya ya'ni kimningdir xatti- harakatiga taqlid qilish xosdir. Ko'pincha ular o'zlariga tanish va yoqadigan kattalarning xatti-harakatlariga imitatsiya, taqlid qiladilar. Ko'pgina o'smirlarda o'zidan qoniqmaslik holati kuzatiladi. Shuningdek, o'zi haqidagi mavjud fikrlarining bugun unda sodir bolayotgan o'zgarishlarga to'g'ri kelmayotganligi o'smirning asabiylashishiga olib keladi. Bu esa o'smirda o'zi haqida salbiy fikr va qo'rquvni yuzaga keltirishi mumkin. Ba'zi o'smirlarni nima uchun atrofdagilar, kattalar, shuningdek, ota-onasiga qarshi chiqayotganligini anglay olmayotganligi tashvishga soladi. Bu holat ularni qiladigan faoliyatlaridan asabiylashishlariga sabab bo'ladi va o'smirlik davri inqirozi yuzaga keladi. Krizis bo-ladagi mavjud tushkunlik, yolgizlikka intilish, passivlik yoki aksi, o'jarlik, qaysarlik, agressivlik, hayotga salbiy munosabatlarning kechishida namoyon bo'ladi. Bunday paytlarda u o'zi singari katta fiziologik, psixologik o'zgar-ishlar kechayotgan o'rtog'i bilan muloqot qilishga katta ehtiyoj sezadi. Do'sti o'smirga ijobiy ta'sir qiladimi yoki uni yoldan urib, yomon ta'sir qiladimi - bu narsa uning axloqiy qiyofasi bilan bogliq. O'smirlar taqlidchan bolib,
© G.Yu. Muyidinova, 2022. Ilmiy rahbar. D.X. Umurzoqov
ularda hali aniq bir fikr, dunyoqarash shakllanmagan boladi. Ular tashqi ta'sirlargava hissiyotlarga juda berilu-vchan bo'ladilar. Shuningdek, ularga mardlik, jasurlik, tantiqlik ham xosdir. Tashqi ta'sirlarga beriluvchanlik o'smirda shaxsiy fikrni yuzaga kelishiga sabab boladi, lekin bu shaxsiy fikr aksariyat hollarda asoslanmagan boladi. Shuning uchun ham ular ota-onalarning, atrofdagi kattalarning, ustozlarning to'g'ri yo'lni ko'rsatishlariga qaramay, o'z fikrlarini o'tkazishga harakat qiladilar. O'smirlarga farosatlilik, tejamkorlik, ehtiyotkorlik va uzoqni ko' ra bilishlik kabi psixik xususiyatlar hali yetishmaydi. Bu xususiyatlarning shakllanib borishida hamda o' smirlik uchun xos inqiroz davridan o'tib olishda ota-onalarining o' rni nihoyatda katta deb bilaman. Demak, bu davrda ota-onalar tomonidan tog'ri tanlangan tarbiya bolada foydali narsalarga qiziqish o'yg'otishi mumkin. Ayni shu davrda o'smirlarda o'qishning yangi motivlari yuzaga keladi. Bu motivlar o'smirning, hayotiy rejalari, kelajak kasbi va ideali bilan bog'liq bo'lgan holda bilish jarayonlari rivojlanish xarakteriga o'z ta'sirini ko'rsatadi. Albatta, bu holatdan unumli foydalana olish kerak. Chunki bolani kitobga qiziqtirishdagi birinchi qadam uning qiziqishlariga mos kitobni tanlay olishdir. O'smir biror ishni bajarishni o'zi xohlayotganligini his qilmaguncha bu ishni ba-jarmaydi bu esa shu davrda ularda tashqi motivlardan ko'ra ichki motivlarga bo'ysunish kuchliroq ekanligi bilan bog'liqdir.
Motiv bu-insondagi ehtiyojlarning qondirilishi bilan bo'gliq bo'lgan faoliyatga undovchi va uning yo'nalishini belgilovchi sabablar hisoblanadi. Xo'sh, o'smirlik davrida kitob o'qishga bo'lgan ehtiyojni qondirilishi bilan bog'liq qanday motivlar kuzatiladi. Ayni shu mavzuda Buyuk Britaniyada o'tkazilgan tadqiqot haqida aytib o'tish mumkin. Buyuk Britaniyada olimlar 39 o'quvchida (15-16-yosh) o'smirlarda o'qish faoliyati va mo-tivatsiyasining ko'proq norasmiy suhbatlarda paydo bo'lishini tekshirish uchun intervyu metodidan foydalanib tadqiqot o'tkazadilar. Bunda barcha o'spirin tadqiqotchilar Edinburg universitetida to'liq kunlik tadqiqot mashg'ulotlaridan o'tdilar, u yerda etika bo'yicha ko'rsatlmalar olib, intervyu texnikasini o'rgandilar va intervyu berishni o'rgandilar. Shu kunda barcha intervyu savollari muhokama qilindi.
10 ta o' quvchi tanlab olinib, ular o' z tengdoshlaridan o' qigan narsalari va nima uchun o' qiganliklari haqida intervyu oladilar.
Tadqiqot natijalariga ko'ra o'smirlarda kitoblarni o'qish sabablarini asosan 5 ta guruhga bo'lish mumkin.
Masalan:
1) Ko'plab o'smirlar dam olishlariga yordam berishi uchun kitob o'qish haqida gapirishgan "Men juda ko'p kitob o'qiyman, chunki ular juda yoqimli va men haqiqiy hayotimdan uzoqlasha olaman".
2) Dunyoni o'rganish uchun o'qishadi: "Men ko'p kitoblarni o'qishni yaxshi ko'raman, chunki men boshqa odamlarning boshqa narsalar haqidagi fikrlarini o'qishga qiziqaman".
3) Bundan tashqari bir nechta o' smirlar o'qish ijtimoiy kapitalning bir shakli bo' lib tarmoqlar do' stliklarni rivojlantirish va munozaralarga hissa qo'shish imkoniyatlarini taqdim etishni ta'kidlaydilar: "O'qish shuningdek, shaxsiyatni tarbiyalaydi va bu bizga gaplashadigan narsalarni beradi"
4) Bir guruh o'smirlar esa kitoblarning turli janrlari (masalan, romantika, dahshat) o'quvchilarda turli xil zavq va tajribalarni taklif qilishini tan oladilar.
5) Boshqalar esa kitob o'qish ularning hamdardligini rivojlantirgani haqida aytishgan "O'qish boshqa odamlarning his tuyg'ularini va nuqtai nazarlarini o'rganish va tushunish imkonini beradi".
O'smirlarning nima uchun kitob o'qiyotganliklarini tushunishi ularning tanloviga ta'sir qiladi. Masalan, dam olish uchun o'qiyotganlar asosan badiiy adabiyotga, o' rganish uchun o' qiydiganlar esa tarixiy fantastik yoki psixologiyaga oid kitoblarga moyil bo'lishadi. Ya'ni o'quvchilarning o'qish motivatsiyasi ularning o'qish tan-lovini boshqaradi. Tadqiqotlarda o'smirlar yaxshi baho olish, o'qituvchini yoki ota-onasini xushnud etish yoki tengdoshlaridan ustun bo'lish uchun o'qishni kamdan - kam eslashadi. Bundan tashqari, o'smirlar, shuningdek, ularning hayotida tashqi motivatorlar kamroq ekanligini his qilishadi. Albatta, ba' zi o' smirlarga tashqi omillar sab boladi. Haqiqatan ham, o'qishning ichki va tashqi motivatsiyasi o'rtasidagi munosabatlar murakkab va tashqi motivatorlar ichki holatga aylanish imkoniyatiga ega.
Kitobning qanchalik foydali ekanligi haqida ko'p gapiramiz. Uning aynan olimlar tomonidan o'rganilgan foydalariga quyidagilar kiradi.
1)Mutolaa asabni tinchlantiradi. Asabingizni tinchlantirish uchun sayr qilish yoki musiqa tinglashni afzal ko'rasizmi? Sasseks universiteti olimlari esa buning o'rniga kitob o'qishni tavsiya qilishadi. Kitob o'qish asabni tinchlantirishda eng samarali usul ekan. Atigi olti daqiqa kitob o'qish asabiylashishga barham beradi.
2)Mutolaa uyqusizlikdan qutulishga yordam beradi. Xotirjam bo'lish va uxlashga yordam beradigan eng yaxshi usul kitob o'qishdir. Televizor yoki telefondan tarqalayotgan yorqin nur miyaga uyg'onish kerakligi haqida signal yuboradi. Kitob o'qish esa aksincha ta'sir ko'rsatadi — miya uxlash vaqti bo'lganligini tushunadi.
3)Mutolaa qalbni yumshatadi. Kitob o'qish jarayonida o'quvchi qahramonlar bilan birga bo'ladi. Ularning quvonch va tashvishlariga sherik bo'ladi. Tadqiqotlardan ma'lum bo'lishicha, badiiy asar o'qigan odam hayotda ham boshqalarning his-tuyg'ularini yaxshi tushunar ekan.
4)Mutolaa miya faoliyatini yaxshilaydi. Emori universiteti olimlari kitob o'qigan insonning aqliy salohiyati bir necha kun davomida yuqori holatda bo'lishini isbotlashdi. Tadqiqot mualliflari kitob o'qish miyadagi asab tolalari sonini oshirishini ta'kidlashmoqda.
5)Mutolaa tushkunlikka qarshi kurashishga yordam beradi. Shotlandiyalik olimlarning tadqiqotlariga qara-ganda, kitob o'qish tushkunlikni davolashning eng samarali vositasidir. Tushkunlikka chalingan bemorlar kitob o'qishni boshlaganlaridan so'ng ularning tushkunlikka tushish holatlari kamaygan.
6)Mutolaa insonni go'zallashtiradi. Yuqori darajadagi aqliy salohiyat insonning tashqi ko'rinishini ham go'zallashtiradi. Har qanday mavzuda qiziqarli suhbat qura olish va o'z bilimini namoyish etish suhbatdoshining mehrini qozonishga yordam beradi.
7)Mutolaa hayotdagi maqsadini anglashga va qiyinchiliklarni yengishga yordam beradi. Ogayo shtati universiteti olimlari inson qancha ko'p kitob o'qisa, hayot yo'lini shunchalik aniq tanlashini ta'kidlashmoqda. Kitob o'qish hayotdagi to'siqlarni yengishga ham yordam beradi, deyishmoqda ular.
8)Kitob o'qiydigan insonlar hayotda faol bo'lishadi. San'at milliy jamg'armasi tomonidan o'tkazilgan tadqiqotlar kitob o'qiydigan insonlar madaniy va ijtimoiy hayotda ham faol bo'lishlarini isbotladi.
9)Mutolaa xotirani va fikrlash qobiliyatini yaxshilaydi. Har safar kitob o'qilganida miya faol ishlaydi. U olinayotgan ma'lumotni saqlash uchun yangi tolalarni yaratadi. Tadqiqotlarda aniqlanishicha, doimiy ravishda kitob o'qiydigan insonlarda fikrlash qobiliyati boshqalarga nisbatan sekinroq pasayar ekan.
10)Mutolaa so'z boyligini oshiradi. Kitob o'qiyotgan paytda notanish so'zlar ham uchrab qoladi. Ularning ma'nosini umumiy mazmuni orqali ham tushunib olsa bo'ladi. Kitob o'qish nafaqat so'z boyligini ko'paytiradi, balki umumiy savodxonlikni ham oshiradi.
11)Mutolaa yozuvchilik qobiliyatini rivojlantiradi. Kitob o'qish jarayonida muallifning yozish uslubi ham o'quvchiga ta'sir ko'rsatadi. Musiqa tinglash jarayonida musiqachining uslubi tinglovchiga o'tgani singari yozu-vchining uslubi ham o'quvchining yozish uslubiga ta'sir o'tkazadi.
12)Mutolaa chet tilini o'rganishni osonlashtiradi. Doimiy ravishda kitob o'qish boshqa tillarni o'rganishda yangi so'zlarni oson tushunishga va yodda saqlab qolishga yordam beradi.
13)Mutolaa tinglash qobiliyatini rivojlantiradi. Qanchalik g'alati tuyulmasin, kitob o'qish tinglash qobiliyatini oshiradi, boshqalarni oson tushunishga yordam beradi. Bu ayniqsa, kitobni ovoz chiqarib o'qiganda yanada samarali bo'ladi.
14)Mutolaa ijodkorlik qobiliyatini rivojlantiradi. Obafemi Avolau universiteti pedagoglari boshlang'ich sinf o'quvchilarining mashg'ulotlariga mavzuli komikslarni kiritishganida, suratlar va so'zlar aralashmasi bolalarning ijodkorlik qobiliyatlarini oshirishini aniqlashdi. Kitoblar kattalarga ham ana shunday ta'sir ko'rsatadi.
15)Mutolaa Al'tsgeymer xastaligiga chalinishning oldini oladi. Qator tadqiqotlardan ma'lum bo'lishicha, ko'p kitob o'qigan insonlar AFtsgeymer kasalligiga kamroq chalinishar ekan. Miya ham xuddi boshqa a'zolar singari qo'llab-quvvatlashga va mashqlar yordamida mustahkamlanishga muhtoj bo'ladi. Kitob o'qish esa bu borada eng samarali usuldir.
16)Birgalikda kitob o'qish ota-onalar va bolalarning o'zaro munosabatlarini yaxshilaydi. Psixologlar bir-galikda kitob o'qish jarayonida ota-onalar va bolalar o'rtasida o'ziga xos munosabat o'rnatiladi deb hisoblashadi. Ularning aytishlaricha, bunday munosabat birgalikda televizor ko'rganda aslo paydo bo'lmaydi.
17)Mutolaa moliyaviy qiyinchiliklarni bartaraf etishda yordam beradi. Statistika ma'lumotlariga ko'ra, umuman kitob o'qimaydigan insonlarning 43 foizi qashshoqlikda yashaydi. Savodli insonlar orasida esa qashshoqlikda yashaydiganlar 4 foizni tashkil etadi.
18)Ko'p kitob o'qiydigan bolalar darslarni yaxshi o'zlashtirishadi. Tadqiqotlarda aniqlanishicha, kitob o'qishni xush ko'radigan bolalar maktabda ham yaxshi o'qishadi. Ular grammatikani ham, matematikani ham yaxshi o'zlashtirishadi.
19)Mutolaa jinoyatchilikning oldini oladi. O'tkazilgan tadqiqotdan ma'lum bo'lishicha, panjara ortida sa-vodxonligini oshirgan jinoyatchilar ozodlikka chiqqanlaridan so'ng boshqa jinoyatchilarga nisbatan jinoyatga 30 foiz kamroq qo'l uradilar.
20)Mutolaa yaxshi hikoyago'yga aylantiradi. Inson kitobni qancha ko'p o'qisa, hikoya qilish qobiliyati shunchalik oshadi. Keraksiz gaplarni kamroq gapirib, keraklilarini yaxshiroq yetkazadigan bo'ladi.
21)Mutolaa yaxshilik qilishga undaydi. Faol kitobxonlar xayriya ishlari bilan boshqalarga nisbatan uch marta ko'proq shug'ullanishadi. Mutolaa muhtoj insonlarga yordam qo'lini cho'zishga undaydi.
Bundan ko'rinib turibdiki, kitoblar har birimiz uchun beminnat do' st va ustozdir.
Boladagi barchaga tarbiyaviy jihatlar oilada shakllanadi, demak kitobxonlik ham o' z oilasi a' zolari ko'magi va ta' sirida yuzaga keladi. Kitobxonlikning qay darajada rivojlanishida oilaning boshqa a' zolarining ham kitobga munosabati o'z ta' sini ko'rsatadi. Ota-onalar o' smir yoshdagi farzandlariga kitob tanlashda ularning yoshi hamda ma'naviy darajasini hisobga olishlari hamda kitoblarni oddiydan murakkabga tomon yo'naltirib borishlari muhim. Bu narsalar bolaning intelektual o'sishiga ijobiy ta'sir ko'rsatadi. Agarda ota-onalarda bu masalada muammolar tug'ilsa pedagog o'qituvchilardan yordam olishlari foydali bo'ladi. Amarika ta'lim tizimida isbotlanishicha,
o'smirlani boshlang'ich sinfdanoq ixtisoslashtirish samarali hisoblanadi. Natijada o'smirda mustaqil fikrlash va harakat qilishga intilishning paydo bo'lishiga erishiladi. Demak, bolalarga ixtisoslashgan adabiyotlar olib berish uchun uning yuqori sinflarga o'tishini kutish shart bo'lmay qoladi. Bulardan tashqari yana bir jihatni e'tibordan qochirmaslik kerak, jamiyatimiz erkinlashib, demokratlashib kitob nashr etish ishlarida ham erkinlik yuzaga kela boshladi. Tabiiyki, bu hol turli saviyadagi kitoblarning nashr etilishigfa sabab bo'lmoqda. Shu ma'noda ota-ona bola uchun kitob tanlayotganda kitobning ma'no-mazmuni, uslubi va boshqa taraflarini mutaxassis ko'rigidan o'tkazib olishlari maqsadga muvofiq bunday qilish tarbiyaning asosiy yo'nalishidan chalg'imaslikka, o'smir ma'naviy dunyosining to'g'ri shakllanishiga va qo'yilgan maqsadga yetishishga olib keladi. Bu tajriba o'zbek milliy pedagogikasida ham mavjud hisoblanadi, ya'ni ular talabga javob bermaydigan kitobni o'z farzandiga o'qishni qat'iy ta'qiqlagan. Bugun haam bu tarbiya jihati muhim hisoblanadi. Bola bu davrda taqlid qilish moyil bo'lishini aytib o'tgan edik, agarda yoshiga mos bo'lmagan yoki mano jihatdan sayoz kitoblarni o'qisa, unga qiyinchilik tug'diradi va o'zi anglab yetmagan narsalani yuzaki qabul qiladi hamda o'z anglaganlari to'g'ri deb hisoblay boshlaydi. Ayni shu narsa yosh o'smirning tafakkur qobiliyatini susaytirishi mumkin. Ammo kitobxon-likdan asosiy maqsad tafakkurni susaytirish emas aksincha kuchaytirishdir.
Kitob o' qishni nazorat qilib borish ham juda katta foyda beradi. Agar har bir kitob yakunida oila davrasida shu kitobni o'zaro muhokama qilinsa, bola keyingi kitobga o'tishga hamda tugatishga oshiqadi. Kitob muhoka-masida eng avvalo o' smir yigit qizdan bu kitobning uning tuyg' ulariga qanday ta' sir o'tkazganligini yoki kitobdagi asar qahramonlari haqidagi fikrlarini so'rash lozim. Chunki bu yoshda ularda hisssiy o'zgarishlar hamda ziddi-yatlar avj olgan bo'ladi. Uning kitob haqidagi fikrlarida qaysidir ma'noda o'z ichidagi fikr hissiyotlari ham ifoda-lanadi. Bu esa ota-onalarga ulardagi mavjud muammoli savollarni bilishga hamda muammolarga birgalikda yechim izlashga imkon beradi. Oilaviy munosabatlarning iliqligi o'smirlik davri inqirozni oson o'tishiga yordam berishi mumkin.
Bugungi kunda o' smirlar uchun tavsiya qilinadigan janrlar quyidagilar:
1.Xayol.
2.Detektiv.
3.G'arb.
4.Qahramon fanati.
5.Drama.
6.Klassik.
7.Afsonalar.
8.Kitoblar - motivatsiyalar.
9.She'r. "
lO.Masal.
Xulosa qilib aytganda, kitoblarning hayotimizdagi o'rni va foydasi beqiyos. Ayniqsa, adabiyotlar sevimli mashg'ulotlariga temprament va o'spirin manfaatlariga asoslangan bo'lishi kerak. Faqat bu holatda bola kompyuter yoki planshetdagi o'yinlardan o'qishni afzal ko'radi. O'smirlarda kitobga qiziqish uyg'ota olsak, nafa-qat uning o'zi uchun balki yurtimiz kelajagi uchun va jamiyatimiz rivoji uchun ham foydali ish qilgan bo'lamiz. Chunki bugungi o'smir ertangi siyosatchi, tadbirkor, moliyachi, rassom yoki san'atkordir. Bu qatorni hali ancha davom ettirishimiz mumkin. Kim bo'lishidan qat'iy nazar har bir inson jamiyatning bir bo'lagi. Kitob esa insolar ongini rivojlantirishda, dunyoqarashining kengayishida, tasavvur olamining boyishida asosiy yordamchi hisoblanadi. Ota-onalarga asosiy tavsiyamiz shundan iboratki, bolalarni kitobga qiziqtirishda shaxsiy o' rnak ko' rsatishlari lozim. Bu usul barcha usullardan ko'ra foydaliroq bo'lishi mumkin. Chunki bolada ota-onadan ko'ra yaqinroq dost bo'lmaydi. Bu narsani o'smirlik davrida tushunib yetish uchun ota-onalar bola bilan ko'proq qiziqishlari hamda uning muammolariga e'tiborli bo'lishlari lozim.
Foydalanilgan adabiyotlar:
1. Nishanova, Z.T. Rivojlanish psixologiyasi. Pedagogik psixologiya [Matn]: darslik /Z.T. Nishanova va boshq. — Toshkent: « O'zbekiston faylasuflari milliy jamiyati» nashriyoti, 2018.
2. Journal of adolescent Adult literacy Vollume 64 Issue 2 Reading during adolescence: Why Adolescents choose (or do not choose) books. (Osmirlik davrida oqish: nega o smirlar kitob tanlaydi yoki tanlamaydi.}
3. Umumiy psixologiya (A.V.Petrovskiy tahriri ostida) T; "O'qituvchi" 1992 y
4. Аслонов, Ш. Ш. (2020). КОМПЬЮТЕРНАЯ ЛИНГВИСТИКА И ФИЛОЛОГИЯ: ПРОБЛЕМЫ И РЕШЕНИЯ. Гуманитарный трактат, (84), 17-19.
5. Аслонова, Ш. И. (2020). ПРОБЛЕМЫ ПЕДАГОГИЧЕСКИХ ТЕХНОЛОГИЙ В ОБУЧЕНИИ МОЛОДЁЖИ В ВЫСШИХ УЧЕБНЫХ ЗАВЕДЕНИЯХ. Интернаука, (21-1), 59-60.
6. Madaminovich, T. I. (2017). THE LINGUISTIC PECULIARITIES AND APPROPRIATE METHODS OF TRANSLATION. Восточно-европейский научный журнал, (12-4 (28)), 52-53.
7. ШВАЧКО, Е. В. (2017). Научные школы. Молодежь в науке и культуре XXI в.: материалы междунар. науч.-творч. форума. 31 окт.-3 нояб. 2017 г./Челяб. гос. ин-т культуры; сост. ЕВ Швачко.-Челябинск: ЧГИК, 2017.-394 с. ISBN 978-5-94839-629-3.
8. Madaminovich, T. I., Khusanovich, K. B., Akhatovna, K. O., & Kholmamatovna, B. L. (2019). Features of the system of formation of compensatory competence among agricultural students as a means of filling in professional terminology. International Journal of Innovative Technology and Exploring Engineering, 5(11), 2202-2206.
9. Тухтасинов, И. М. (2014). НАЦИОНАЛЬНО-КУЛЬТУРНАЯ СПЕЦИФИКА СЛОЖНЫХ СЛОВ, ВЫРАЖАЮЩИХ ВНЕШНОСТЬ И ХАРАКТЕР ЧЕЛОВЕКА (НА МАТЕРИАЛЕ АНГЛИЙСКОГО И УЗБЕКСКОГО ЯЗЫКОВ). Paradigmata poznâni, (3), 74-78.
10. Тухтасинов, И. М. (2011). Сопоставительный анализ описания внешности человека в английском и узбекском языках (стилистический ракурс). Вестник Московского государственного лингвистического университета. Гуманитарные науки, (630), 105-110.
11. Тухтасинов, И. М. (2010). Продуктивные модели сложных слов, обозначающих внешние признаки человека в современном английском языке. Молодой ученый, (5-2), 47-50.
12. bokchek.ru
13. medium.com
14. Ziyonet.uz
15. fayllar.org
G.YU. MUYIDINOVA - 2-kurs talabasi, Navoiy Davlat Pedagogika Instituti.
