299MILLIY G'OYANI YOSHLAR ONGIGA SINGDIRISHDA INNOVATSION
G'OYALAR VA QARASHLAR
Tuxtasin Xudoyberganovich Tashmetov
Toshkent viloyati Chirchiq davlat pedagogika instituti
Annotatsiya: Millatning rivojlanishida milliy g'oya beqiyos ahamiyatga ega. Shu boisdan, "Milliy tiklanishdan - milliy yuksalish sari" degan dasturiy g'oya asosida yoshlarning ongi, qalbi va ichki dunyosiga milliy g'oyani innovatsion texnologiyalar asosida singdirish, ularni ona yurtga sadoqat ruhida tarbiyalash, ularda tashabbuskorlik, fidoyilik, axloqiy fazilatlarni yanada shakllantirish - o'ta sharafli vazifaga aylanmog'i lozim. Shundagina biz istiqbolda ma'naviy barkamol insonni, sog'lom avlodni tarbiyalashga erishamiz. Jamiyatimizning ustuvor vazifalaridan biri ham barkamol avlodni tarbiyalashdan iboratdir. Zero, ma'naviy barkamol insonlargina buyuk kelajakni yarata oladilar.
Kalit so'zlar: milliy g'oya, ma'naviy qadriyat, or-nomus, mafkura, texnologiya, targ'ibot, madaniyat, ma'rifat, innovatsiya, mexanizm, modernizatsiya, kommunikatsiya, immunitet.
ИННОВАЦИОННЫЕ ИДЕИ И ВЗГЛЯДЫ НА ВНЕДРЕНИЕ НАЦИОНАЛЬНОЙ ИДЕИ В СОЗНАНИЕ МОЛОДЕЖИ
Аннотация: В развитии нации национальная идея имеет неоценимое значение. Поэтому внедрение национальной идеи в умы, сердца и внутренний мир молодежи на основе инновационных технологий на основе программной идеи "от Национального Возрождения - к национальному подъему", воспитание их в духе преданности Родине, дальнейшее формирование у них инициативности, самоотверженности, нравственных качеств - должны стать чрезвычайно почетными задачами. Только тогда мы сможем в перспективе воспитать духовно гармоничного человека, здоровое поколение. Одной из приоритетных задач нашего общества является воспитание гармонично развитого поколения. Ведь только духовно совершенные люди могут создать великое будущее.
Ключевые слова: национальная идея, духовная ценность, or-nomus, идеология, технология, пропаганда, культура, просвещение, инновации, механизм, модернизация, коммуникация, иммунитет.
INNOVATIVE IDEAS AND VIEWS ON THE IMPLEMENTATION OF THE NATIONAL IDEA IN THE MINDS OF YOUNG PEOPLE
Abstract: In the development of the nation, the national idea is of inestimable importance. Therefore, the introduction of the national idea into the minds, hearts and inner world of young people on the basis of innovative technologies on the basis of the program idea "from National Revival to national rise", their education in the spirit of devotion to the Motherland, the further formation of their initiative, selflessness, moral qualities-should become extremely honorable tasks. Only then will we be able to raise a spiritually harmonious person, a healthy generation in the future. One of the priorities of our society is the education of a harmoniously developed generation. After all, only spiritually perfect people can create a great future.
Keywords: national idea, spiritual value, or-nomus, ideology, technology, propaganda, culture, education, innovation, mechanism, modernization, communication, immunity.
Har qanday millatning taraqqiyoti jamiyatdagi yoshlar qatlamining milliy g'oya va ma'naviy qadriyatlarga munosabati, uning yoshlar ongi, qalbi va ichki dunyosiga qanday ta'sir etayotganligiga hamda amaliy faoliyatlariga qanday tarzda tayanishlariga bevosita bog'liq. Shunday ekan, yoshlarning milliy g'oyani anglashi, ishonch va e'tiqodiga aylanishi, qanday yangi qadriyatlar shakllantirilganligi bilan ham bog'liq bo'ladi. Chunki milliy g'oya bir tomondan yoshlarni o'zining ob'ekti sifatida qarasa, ikkinchi tomondan yoshlar miliy g'oyaning ilg'or rivojlantiruvchilari va kelajak avlodga yetkazuvchilari hisoblanadilar. Uchinchidan, yoshlar qanchalik milliy g'oya bilan qurollangan va uni anglab olgan bo'lsa jamiyat shunchalik taraqqiyotga erishadi[1;617]; Bu holat milliy g'oya va yoshlarning o'zaro bog'liqligini belgilaydi. Boshqacha aytadigan bo'lsak, milliy g'oya qanchalik mazmunli va millat kelajagi uchun xizmat qiladigan va har bir kishining uzoqqa mo'ljallangan maqsad va manfaatlari, pirovardida esa millatning istiqbolini belgilashga xizmat qiladigan bo'lsa, uni yoshlar shunchalik tez qabul qiladi va unga nisbatan o'zining ijobiy munosobati shakllanadi.
Shu bilan birgalikda, milliy g'oyaning yoshlarga nechog'li ta'siri, safarbar etuvchilik, ilhomlantiruvchilik, buyuk kelajak sari chorlovchilik sohasidagi ahamiyati, ta'lim va tarbiyada tutgan o'rni va roli uning hayot haqiqatlariga, real borliqqa xalq turmushiga qanchalik mos va muvofiqligiga qarab belgilanadi.
Yoshlarda haqiqatga moyillik yuqori bo'ladi, soxtakorlik, ko'zbo'yamachilik, so'z bilan amaliyoti boshqa kabi salbiy hodisalardan jirkanadi, nafratlanuvchi ruhiyati kuchli bo'ladi.
Yoshlarning milliy qadriyatga munosabati, milliy g'oya asosida "Milliy tiklanishdan - milliy yuksalish sari" degan ulug' maqsad va manfaatlarini umumlashtiradigan, tahlil etadigan, shu g'oyalarni boyitish va ishonch, e'tiqodga aylantirish bilan bog'liq. Bu ishni yo'lga qo'ymoq uchun to'rtta masalaga alohida e'tibor berish lozim va zarurligi ko'rsatilgan:
Birinchidan, mavjud vaziyatni, yaqin istiqbolimizning rivojlanish tamoyillarini, kerak bo'lsa, undagi salbiy holatlarning ijtimoiy sab ablarini xolis o'rganadigan nodavlat, mustaqil tashkilotlar faoliyatini takomillashtirish, ularning imkoniyatlaridan to'la foydalanish zarur.
Ikkinchidan, shiddatli sur'atlarda o'zgarayotgan, to'xtovsiz yangilanayotgan zamon, hayotimizda muttasil ravishda ro'y berib turgan voqea, hodisa va jarayonlar, O'zbekiston davlat mustaqilligining ijtimoiy-iqtisodiy, siyosiy, huquqiy, madaniy-ma'naviy zaminlarini bundan-da mustahkamlash va barqarorlashtirishga bo'lgan talab va ehtiyojlar ma'naviy, ma'rifiy-mafkuraviy ishlarni yanada jadallashtirish, umumiy maqsad yo'lida safarbar etish;
Uchinchidan, milliy g'oyaning kuchi bir tomondan ma'rifat-targ'ibot ishlari, uning samaradorligiga bog'liq bo'lsa, ikkinchi tomondan yoshlarning kundalik hayotda duch kelayotgan muammolarning tushunishlari, ularning munosabatlariga fikrga fikr bilan, g'oyaga g'oya bilan javob bera olish, uni qanday hal etayotganliklariga bevosita bog'liqdir. Millat ravnaqi, Vatanga kerak bo'lsa jonini jabborga berib faoliyat ko'rsatadigan yoshlar bo'lmasa milliy g'oya mafkurasida ko'zda tutilgan maqsadlarga erishib bo'lmaydi. Bu yoshlarda milliy g'ururni baland bo'lishini taqozo etadi [2;25].
Jamiyatda milliy g'oya sohasini rivojlantirish yangi texnologiyalarni joriy etishni taqozo qiladi. Chunki, bu milliy g'oyani yoshlar dunyoqarashiga ta'sirini ta'minlovchi muhim vositadir. Shu bois hozirgi vaqtda milliy g'oyani yoshlar dunyoqarashiga ta'sirini oshirishda fundamental va amaliy tadqiqotlar natijalaridan foydalanish muhim ahamiyat kasb etmoqda.
Milliy g'oyani targ'ibot qilishda innovatsiya shu soha sifatini yaxshilashga yo'naltirilgan holda amalga oshiriladi. Innovatsiyalar dolzarb, muhim ahamiyatga ega bo'lib, milliy g'oya tizimida shakllangan yangicha yondashuvlardan iborat bo'ladi. Mazkur yondoshuvlar tashabbuslar va yangiliklar asosida tug'ilib, milliy g'oya tizimining konseptual mazmunini rivojlantirish uchun istiqbolli asos bo'lib xizmat qiladi.
Milliy g'oyani targ'ibot qilishda innovatsiyaning amaliyotga kiritilishi innovatsion jarayonlarda amalga oshiriladi. Innovatsion jarayon deb - innovatsion o'zgarishlarga tayyorgarlik ko'rish va uni amalga oshirish jarayoniga aytiladi. Innovatsion jarayon - bu ijtimoiy-siyosiy o'zgarishlar asosida yuzaga kelgan yangiliklar, bu yangiliklarning shu soha vakillari tomonidan o'zlashtirilishi va ulardan ilmiy asosda amaliyotda samarali foydalanishning o'zgarib boruvchi yaxlitligidir.
Milliy g'oyani targ'ibot qilishdagi innovatsion o'zgarishlar, tizimga har qanday yangilikning kiritilishi bevosita shu soha vakili faoliyatini yangilash va o'zgartirish orqali amalga oshirilishi ham atroflicha o'rganilgan. Innovatsion faoliyat - bu uzluksiz ravishda yangiliklar asosida ishlash bo'lib, u uzoq vaqt davomida shakllanadi va takomillashib boradi. Shu boisdan, innovatsiyalar doimiy ravishda ijtimoiy-siyosiy hayotga yangiliklar olib kirish orqali mafkuraviy qarashlar rivojiga katta ta'sir ko'rsatadi [3;596].
Milliy g'oya va mafkura xalqimizning azaliy an'analariga, udumlariga, tiliga, diniga, ruhiyatiga asoslanib, kelajakka ishonch, mehr-oqibat, insof, sabr-toqat, adolat, ma'rifat tuyg'usini ongimizga singdirishi lozim. Buning uch asosiy jihati bor. Bular: Birinchidan, o'zbek milliy mafkurasi deyilsa - bu cheklanish, botqoqlikka, xudbinlikka olib keladi. Balki mustaqil davlatning milliy manfaat mafkurasi, umumiy mafkuraviy g'oyasi deb tushunish kerak; Ikkinchidan, turli harakatlar, siyosiy partiyalar mafkurasi, yo'l-yo'rig'i mafkuraviy g'oyadan chetda yoki teskari bo'lib qolmasligi kerak. Vaholanki, mafkuralar yagona, bir butun jamiyat milliy mafkurasiga aylanishi lozim; Uchinchidan, milliy mafkuramiz globallashuv mafkurasi bilan uzviy bog'liq - o'zboshimchalikka yo'l qo'ymasligi bo'lib, xalqimiz qudrati va himoyasiga suyangan holda, umuminsoniy qadriyatlarga asoslanib, jahon hamjamiyatidagi davlatlar orasida teng huquqli hamda munosib o'rin egallashiga doimiy intilish hissini tarbiyalamog'i kerak [4;326]; deb o'ylaymiz.
Mafkuraviy g'oyani o'z ongiga singdirgan inson ulug'dir. Chunki bola ota-onasidan meros qilib olgan va dunyoga aytgan birinchi so'zida milliy g'oya va mehr-muruvvat, insonparvarlik ifoda qilinadi. O'z xalqining milliy g'oyasiga, an'analariga, tili va madaniyatiga muhabbat va hurmatni tarbiyalamasdan turib, o'z xalqini butun jahon nazdida tenglardan, o'zligini anglaganlardan biri sifatida idrok qiluvchi haqiqiy insonni, o'z Vatani jonkuyarlarini tarbiyalashi mumkin emas!
G'oyaviy-mafkuraviy tizim faoliyatida innovatsiyalarni qo'llash uchun sariflangan xarajat va kuchlardan maqsad ko'proq yuqori natijani qo'lga kiritish hisoblanadi. Bunda innovatsiyalar har qanday yangiliklardan, o'zining boshqarish
va nazorat qilishga imkon beradigan o'zgaruvchan mexanizmga ega ekanligi bilan farqlanadi.
Shu bilan birgalikda, xalqimiz o'tmishi va hozirgi hayotida yaratilgan ma'naviy-madaniy va g'oyaviy-mafkuraviy qadriyatlardan yurtimizdagi ta'lim-tarbiya tizimi va ijtimoiy-madaniy tuzulmalardagi turli bosqich, shakl va yo'nalishlar: oila, bog'cha, maktab, oliy va o'rta maxsus o'quv yurtlarining, shuningdek, yurtimizdagi mahallalar, madaniy-ma'rifiy muassasalar, ommaviy axborot vositalari, jismoniy tarbiya va sport, adabiyot, san'at va din bilan bog'liq sohalarning faoliyatida milliy g'oyani xalqimiz ongi, qalbi va ichki dunyosiga yanada chuqur singdirishda keng foydalanish kutilgan natijalarni berishi muqarrar.
Yosh avlodga milliy tiklanishdan - milliy yuksalish sari va ozod va obod Vatanni meros qoldirar ekanmiz, ular mutafakkirlarimizning, davlat rahbarlarining ulug' ishlarini davom ettirishlarini niyat qilar ekanmiz, yoshlarning ma'naviy uyg'oqligiga ahamiyat berishimiz lozim. G'aflat uyqusidan uyg'onib, yorqin ko'z bilan kelajakka nazar tashlaydigan zamon keldi. Shu boisdan ham, milliy g'oyani xalq qalbi, ongi va ichki dunyosiga singdirish muayyan inovatsoin texnologiya asosida olib borilganida tadbirlarning ketma-ketligi, miqyosi va me'yori, davomiyligi va tamoyillari singari jihatlar bevosita qamrab olinadi. Ularning muhimligi shunda ko'rinadiki, masalan, targ'ibotda me'yorning buzilishi, milliy mafkura to'g'risida hadeb va noo'rin gapiraverish, me'yorni bilmaslik teskari samara berishi mumkin. Targ'ibot texnologiyasi milliy g'oya va milliy mafkura mazmun-mohiyatiga mos bo'lgan taqdirdagina kutilgan natijaga erishish mumkin.
Demak, milliy istiqlol mafkurasining:
- muayyan g'oyaga ishontirish;
- uyushtirish;
- safarbar qilish;
- ma'naviy-ruhiy rag'batlantirish;
- g'oyaviy tarbiyalash;
- g'oyaviy immunitetni shakllantirish;
- harakat dasturi tuzish;
kabi maqsadlarini ro'yobga chiqarish dolzarb vazifaga aylandi [5;20]. Zero, ana shunda O'zbekiston xalqi oldida turgan milliy istiqlol mafkurasining bosh g'oyasi "Milliy - tiklanishdan - milliy yuksalish sari" ishi o'zining ta'sirchan, amaliy vositasiga ega bo'ladi.
Targ'ibot milliy g'oya va milliy mafkura mazmun-mohiyatiga mos bo'lgan taqdirdagina kutilgan natijaga erishish mumkin. Jumladan, milliy g'oyani targ'ib qilishda ishtirok etuvchi barcha bo'g'in va ayrim pog'onalarda:
- uzluksizlik;
- bosqichma-bosqichlik;
- faollik;
- mafkurani e'tiqodga aylantirish;
- ish bilan so'z birligi;
- shaxsiy ibrat;
- hayotiylik (yutuqlar bilan birga kamchiliklarni ham ko'rsatish) [6;20].
tamoyillariga amal qilish maqsadga muvofiq.
O'zbekistonda mafkuraviy jarayonlarni tashkil etishning ustuvor yo'nalishlari quyidagilardan iborat:
- belgilangan tadbirlarning yuqori darajada uyushqoqlik bilan o'tkazilishini ta'minlash;
- milliy g'oya targ'ibotining sifatini muntazam oshirib borish;
- davr talablaridan kelib chiqqan holda mafkuraviy ishlarni tashkil etishning yangi, samarali yo'llarini izlash;
- mafkuraviy jarayonlarni tashkil etishda ijtimoiy muhitni hisobga olish;
- mafkuraviy faoliyatning qanchalik samarali olib borilayotganini bilish maqsadida uning monitoringini tashkil etish [7; 19].
Mafkuraning targ'ibotiga aynan shunday yondashish ko'proq samara beradi. Shundagina insonlarning salohiyati, mehnati, vaqti, mulki va mablag'larini tanlangan maqsad sari yo'naltirish mumkin. Bu esa mafkuraviy siyosatning natijasini moddiy narsalarda - yuqori sifatli mahsulotlarda, badavlat turmushimizda, bunyodkorlik ishlarida, erkin va farovon hayotda, iqtisodiy o'sishda "o'lchash" imkonini beradi. Bu jarayonda esa innovatsion texnologiyalarning o'rni beqiyosdir.
Xulosa qilib aytganda, Prezidentimiz Shavkat Mirziyoyev tomonidan olib borilayotgan islohotlar milliy g'oya xalqimizning kuch-qudratiga aylanishi uchun sharoit yaratdi. Endi gap milliy g'oyani har bir o'zbekistonlikning niyatiga va harakatiga aylantirishda. Yaxshi fikr yaxshilikka, yomon fikr yomonlikka yo'l ochadi. Axborot maydonini nuqul negativ kontent egallab olmasligi uchun milliy g'oyaning targ'ibotini innovatsion texnologiyalar orqali yangicha mazmunda to'ldirish masalasiga alohida e'tibor qaratmog'imiz zarur. Shundagina biz istiqbolda ma'naviy barkamol insonni, sog'lom avlodni tarbiyalashga erishamiz.
REFERENCES
1. Ташметов, Т. Х. (2020).Ёшларга берилаётган имкониятларнинг тарбиядаги ахдмияти. "Science and Education " Scientific Journal, 1(7), 617-624.
2. Tashmetov, Т. K. (2020). The Importance of the use of innovative technologies in raising the spirituality of young people. Monthly Peer Reviewed & Indexed International Online Journal, 6(11), 25-27.
3. Tashmetov, T. X. (2021). Global yutuqlardan foydalanishda milliy g'oyaning samaradorligini oshirish mexanizmlari. Academic research in educational scienses, 2(3), 596-602.
4. Ташметов, Т. Х. (2020). Миллий гояни ёшлар онгига сингдиришнинг замонавий усуллари. Academic Research in Educational Sciences, 1 (3), 326331.
5. O.Bozorov "Milliy g'oya va targ'ibot samaradorligi". T.: "Ma'naviyat" 2018 . B-20.
6. A.Azizxo'jayev. Milliy istiqlol g'oyasi va targ'ibot texnologiyasi. "Jamiyat va boshqaruv", 2000, 3-son, B-20.
7. I.Ergashev, N.Berdaliev, M.Davletova, G'.Mahammadjanov O.Bo'tayorov, "Milliy g'oya targ'iboti texnologiyalari O'quv qo'llanma" Toshkent - 2008. B-19
