CC BY
12Ученые записки Таврического национального университета им. В. И. Вернадского Серия «Филология. Социальные коммуникации». Том 25 (64). № 3, ч. 1. 2012 г. С. 103-107.
УДК 821.512.143.09
А. ОДАБАШНЫНЪ МААРИФЧИЛИК ФААЛИЕТИ
Сулейманова Д. Н.
Таврический национальный университет имени В.И. Вернадского, г. Симферополь, Украина,
e-mail: cemile-qirim@mail.ru
Макъалемизде къоюлгъан меселе - бу А.Одабашнынъ 1920-джи сенелерде, миллий мектеп янъыдан тикленеяткъан девирде, мектеплерде ве алий окъув юртла-рында окъутув методикасынынъ илерилев ёллары ве шу джерянда Одабашнынъ те-ртип эткен дерсликлерининъ къурулув системасыны бельгилемектир.
А.Одабашнынъ фаалиетини толусынен огренмек, онынъ фаалиетининъ дегерли къысмы олгъан, усулшынаслыкъ ве маарифчилик саасында япкъан хызметлерини теткъикъ этмек, миллий усулшынаслыгъымызнынъ тарихыны тиклемек земаневий вазиетимизни илерилетмемиз ичюн актуальдир.
Макъалемизде къойгъан макъсадымыз А.Одабашнынъ усулшынаслыкъ мевзу-сында язгъан макъале ве методик къулланмаларынынъ, дерсликлерининъ тертип этюв принциплер системасыны айдынлатмакътыр.
А.Одабаш, Истанбулда окъугъан девирде, келеджекнен багълы чокъ планлар тизгендир, оларнынъ тёрюнде, шубесиз, неширджилик, маариф меселелери тургъ-андыр. 1917 сене Къырымгъа къайткъанынен, А. Одабаш оджалыкъ фаалиетини башлай. Занымызджа, бу Таврия университетининъ шаркъшынаслыкъ шубеси эди, сонъра «Миллет» газетасында макъалелерини, бедий парчаларыны окъуйыджылар-нынъ дикъкъатына авале эте.(3) Яратыджылыкънен берабер къырымтатар эдебий тилининъ тикленмеси, шекилленмеси ве инкишаф этмеси огърунда гъает чокъ хыз-метлер япкъандыр. Къалем ве фикирлерини окъуйыджыгъа еткизюв къабилиетини къайрагъандан сонъ кенди меджмуа чыкъармагъа икътидары етеджегине эмин олып, месулиетли ишке кирише: 1920 сенеси апрельнинъ 15-де «Ешиль ада» мед-жмуасынынъ биринджи саны нешир этиле.(4)
1920-23юнджи сенелери Къырымда сиясий муит пек тез денъишип тура, ич бир саада стабиллик ёкъ. Большевиклер акимиети къырымтатарларнен якъын мунасе-бетлерни къурмакъ ниетинде олып, ерли халкъны озь тарафына чевирмек макъсады иле чешит ёллар араштырмакъта эди. О заман миллетчилеримизнинъ фаалиетининъ темель гъаелеринден бири - миллетнинъ маарифини тиклеп, илерилетмекнен бир сырада, къырымтатарларны коммунистлернинъ зарарлы тесиринден сакълап къал-макъ эди. «Татарские учителя стараются поставить дело просвящения татар на национальный фундамент, вытесняя всякое коммунистическое влияние в деле воспитании молодёжи, желают создать сильные кадры юных работников с твёрдо сложившимися национальными взглядами и убеждениями. В связи с этим уделяется большое внимание воспитанию женщин-татарок, будущих матерей, которые в своих учебных заведениях, по постановлению этого совещания, должны воспринимать националистический дух, дабы иметь возможность самостоятельно воспи-
тывать своих детей и предотвратить влияния на них комсомола», - деп язылгъан Таврия махкеме комиссиясынынъ эсабатында. (9)
Занымызджа, « Ешиль ада» эдебий-тенкъидий журналнынъ нешири токътатылып ерине «Бильги» меджмуанынъ пейда олув себеплерини, юкъарыда кетирильген пар-чадан бойле анъламакъ мумкюндир: яш несильнинъ тербиесинде буюк ер тасильге айырыладжакъ, бу ишке ярдым этеджек бир меджмуа керектир. А.Одабаш дердж эт-кен меджмуаларнынъ ялынъыз серлеваларыны денъиштирмек дегиль эди, эльбетте, «Бильги» меджмуасында айдынлатылгъан меселелер даиреси де кенишлегендир: маа-риф ишлери, тиль, эдебият меселелери, яшларнынъ тербиеси, миллетнинъ келеджеги киби актуаль ве джиддий мевзулар журнал саифелеринде ер алгъандыр.
Совет акимиети озь мефкюресини пекитеяткъан девирде, кенди еринде къы-рымтатар зиялылары да миллий аятнынъ эр бир саасында бутюн бильгиси, теджри-беси иле олдукъча фааль олмагъа арекет эткен эдилер. 1921-1923 сенелери А.Одабаш Акъмесджитте докъуз йыллыкъ мектепнинъ мудири вазифесинде пек къыйметли ишлер япа. Мектепнинъ окъув процессине кирсетильген денъишмелер, кирсетильген янъы усуллар, язылгъан янъы къулланмаларнынъ ишлетильмеси не-тиджесинде мектеп нумюневий дереджеге котерильген эди. О заманда мектепнинъ талебелери олгъанлар , сонъра миллетимиз огюнде буюк хизметлер яптылар. Месе-ля, белли медениет эрбабы, эдебиятчы ве тильджи, мерхум Басыр Гъафаров да А.Одабашнынъ талебеси эди.
А.Одабаш 1923-1926 сенелери къырымтатар мектеплери ичюн тертип этильген ана тили ве эдебияты дерсликлерининъ муэллифи эди. Китапларны олар Аджи-Асан Умернен муэллифдешликте неширге азырлагъан эдилер.
Биринджи дерслик оларакъ, 1923сенеси иптидаий мектеплернинъ 4-джи ве 5-джи сыныфлар ичюн окъув китабы я да къыраат китабы тертип этильген эди. Дерслик-нинъ башында «окъутыджы аркъадашларгъа» мураджат мевджуттыр, бу къысым кириш сёзининъ ерини алып, китапнынъ теркибинен таныш эте. Китапнынъ мунде-реджесинде къардаш миллетлернинъ яни къазантатар, азербайджан, рус эдебиятла-рынынъ къыскъадан эдебият тарихына даир малюмат бериле ве нюмюнелер оригинал тильде нумайыш этиле. Вазифе оларакъ талебелерге эсерлерни мустакъиль талиль этмеге теклиф этиле. Къулланылгъан усул, талебелерге, къардаш миллетлернинъ тиль, сарф ве нахв хусусиетлеринен биваста таныш олмагъа имкян бере.
1924 сенеси биринджи басамакъ 3 сыныфлар ичюн окъув китабы Къырым маа-риф комисарлыгъы тарафындан бастырылды. Дерсликнинъ кириш макъалеси ерине муэлифлернинъ «окъутыджы аркъадашларгъа бир къач тевсиелер» бериле. Тертип этиджилер бу ишке буюк дикъкъат ве месулиетлик иле янашып, оджаларгъа усулиет боюнджа бир сыра меселелерни чезмек ёлларыны косьтерелер. Тевсиелер джедве-линде къыраат дерсининъ макъсадларыны, дигер фенлернен багъларыны, талебе-лернинъ психологик хусусиетлерине даир къайдларыны, дерс планы ве оджанынъ озюни алып барюв талаплары киби позицияларны огренмек мумкюндир. Дерсликнинъ усулиет къысмы земаневий усулшынаслар тарафындан буюк дикъкъатнен ог-ренильмели. Дерсликни талиль эткенде бойле пунктларны озюмиз ичюн къайд эт-тик, мисаль, къыраат дерслигининъ макъсадлары:
104
«1 - япылан эр бир къыраат дерсинде балалара бир такъым мевхумлар, тасвир-лер, душунджелер, муакемелер вермек керекдир ки, нетиджеде балаларнынъ акъы-лыны, дуйгъуларыны ве бу дерс мунасебети иле балаларгъа яптыраджагъымыз иш-лер вастасы иле де онларын ирадесини тербие этебилелим.
2 - къыраат дерслеринде балалары эдебий дилин эр чешит ифаде тарзлары иле танышдырмакъ ве долаиле онлара озь душюнджелерини темиз, догъру, эдебий ве санаткяране шекильде ифаде этмее огретмек керектир
3 - балалар къыраат дерслери вастасы иле чабукъ, дузьгюн окъумагъа ве окъу-дыкъларыны башкъасынынъ ярдымы олмадан анъламагъа алышмакъ керекдирлер
4 - энъ эмиетлиси, бу дерслер нетиджесинде балаларда китаб окъумагъа авеслик ве китаплара, инсанларын бутюн тарихий яшавлары нетиджесинде мейдана кетир-диклери эсерлерине къаршы дерин севгилер уяндырмакъ ве онлара бу эсерлерден озь яшавларында керек оладжакъ ярдымлары алабильмек имкяныны вермекдир.»
Оджаларгъа теклиф этильген къысымда, атта дерс насыл шекильде алынып ба-рыладжагъы план тизилип , мисальде косьтерилир.
1925 сенеси А.Одабашнынъ, муэлифдешликте, элифбеден сонъ окъуладжакъ тюрк-татар тили китабы нешир этильди. Бу китапта къырымтатар оджалар курслары тарафындан берильген изатларда «китап зиядеси иле койлю яшайышы мейилине назар итибара алмышдыр» деиле. 1926 сенеси нешир этильген экинджи тюрк-татар окъув китабында даа чокъ шеэр яшайыш тарзына дикъкъат айырыла: метинлер, ре-симлер, суаллер ве вазифелер - булар эписи мевзуны олдукъча толу ве уйгъун бир шекильде талебелерге еткизмек макъсадына келиштириле. Китапта берильген пар-чалар, чокъусы, махсус дерслик ичюн язылып, окъув программа талапларына дже-вап берелер.
1927сенеси А.Одабашнынъ сонъки дерслиги нешир этильди. «Тюрк-татар тили» биринджи китап, биринджи болюк, Къырым маариф комиссарлыгъы академия шурасы тарафындан, биринджи басамакъ татар мектеплерде элифбеден сонъ окъув китабы оларакъ къабул ве тасдыкъ олунгъан дерсликте муэллифлер, бир тарафтан, хаталар узеринде чокъ чалыштылар, дигер тарафтан, нешриятнынъ техник имкянла-ры ипрангъаны ичюн техникий хаталар зиядедже китапнынъ хасиетини бозгъаныны къайд этелер.
Абибулла Одабаш къырымтатар мектеплери ичюн ана тили ве эдебияты про-граммаларынынъ да ильк нумюнелерини язъан эди. 1923 с. август айында Къырым областы коммунистлер фиркъасынынъ къабул эткен къарарына бинаэн Къырым-нынъ экинджи дереджели рус ве немсе мектеплеринде, профтехник окъув юртла-рында ве техникумларда къырымтатар тили дерслери окъув джедвелине алына. Бойле мектеплер ичюн де хусусий дерсликлер тертип этмек къарарына келине. Бу ишке И.Каянен А.Одабаш алыналар. Бу ишбирликнинъ нетиджесинде, 1924с. нешир этильген «Руководство для обучения крымско-татарскому языку» къулланма, зема-немизде де, чокъ талебелерге эски уруфатымызны огренмек ичюн хызмет эткени сыр дегиль. Абибулла Одабаш маариф саасында энъ теджрибели мутехассыслардан олгъаны себебинден, шу йыллар ичинде оджаларнынъ бильгисини арттырув макъ-садынен ачылгъан курсларда лекциялар да окъугъан эди.
105
Абибулла Одабаш фаалиетининъ дегерли къысмы олгъан маарифчилик, тасиль, тербие меселелерини 1925 сенеси нешир этилип башлангъан ве И. Кенимовнынъ айткъаны киби: «миллий гуманитар фикиримизнинъ хазинеси олгъан» «Окъув иш-лери» меджмуасында да янъы бир севиеде айдынлаткъаныны къайд эте билемиз. Нешир этильген меджмуа Къырым Маариф Комиссарлыгъы эркянында, къырымта-тар тилинде ильмий-ичтимаий, эдебият, методик меселерни айдынлаткъандыр. Журналнынъ бутюн материаллары Одабашнынъ къолундан кече, тюзетиле, етерлик материал азыр олгъан сонъ, «Окъув ишлери»нинъ баш редакторы, Маариф Комиссары Усеин Балич иле бирликте, Одабаш бир даа козьден кечире эди, деп хатыр-лагъан эди У.Куркчи мектюбинде.
Одабаш маариф ве шу джумледен мектеп ишлеринде юксек нетиджелерге иришкенининъ себеплеринден бири - бу сааларнынъ инкишафы ичюн шекилленген бир нокъта-и назар, яни концепциягъа эсаслангъаныдыр. Бу концепцияны онынъ иштирагинен тертип этильген дерсликлернинъ мундериджесинден, къулланылгъан системалардан огренмек мумкюндир. Шубесиз, Одабаш озюнинъ макъсатлы аре-кетлеринде, асырлар девамында халкъымызгъа хызмет эткен миллий мектепни сакълап къалмакъ ве оны даа юксек дереджеге котермек ичюн энъ керекли, тесирли амеллер сайлап алмагъа тырышкъан. Окъутув яни тасиль, ве миллий аньанелер узе-ринде къурулгъан тербие, уйгъун бирликни тешкиль этип, о заманнынъ медений джанланма процессине семерели нетиджелер бергендир.
1926 сенеси, Абибулла Одабаш Къырым Маариф комиссарлыгъынынъ Ильмий Шурасы болюгининъ ёлбашчысы ола. 1919-1926 сенелер Одабашнынъ фаалиети умумен гъает махсулдар эди демеге акъкъымыз бар, чюнки бу йылларда онынъ мек-теплер ичюн тертип эткен дерсликлеринден гъайры, бала тербиеси ичюн керекли олгъан даа бир сыра китаплары дюнья юзю корьди. Олардан, бизге малюм олгъан-лардан: «Я тюшсе?» (1919с.) балалар ичюн, «Балалар акъшамы» (1920с.) назире ве терджиме шиирлер, «Къырымтатар бала тюркюлери»(1926с.) (6), ве балалар ичюн дигер, махсус, рессамлар тарафындан сюсленген,китаплары да нешир этильген эди.
Нетиджеде, 1920-джи сенелерде тертип ве нешир этильген дерсликлер, девир муджиби, миллий мектеплеримизнинъ дерсликлернен теминлев тарихында ильк теджрибелерден олгъаныны къайд этип, бу саада А.Одабаш бир сыра енъишлерге иришкенини бельгилей билирмиз. Одабашнынъ, муэллифдешликте, азырлагъан дерсликлери оригиналликтен даа зияде теджрибеге эсасланып тертип этильгени козьэтиле. Файдаланылгъан материал исе гъает кениш ве зенгин - бу эм къомшу тюркий тилли халкъларнынъ ( азери, татарлар ) ве гъарбий халкъларнынъ ( алма-ниядан алынгъан китаплар) базасы къулланылгъаны мейдана чыкъа.
Илериде А.Одабашнынъ усулий ве усулшынаслыкъ фаалиети даа терен огре-нилип «Илери», «Окъув ишлери» меджмуаларда басылгъан макъале ве материаллар темелли талиль этильмеси козьде тутула.
Эдебият
1. Урсу Д.П. Бекир Чобан-заде. Жизнь. Судба. Эпоха. / Урсу Д.П -Симферополь: Крымучпедгиз, 2004 - 276с.
2. Одабаш А. Тюрк-татар тили. (дерслик, экинджи китап) / Одабаш А., Аджи-Асан Э. Къырым маариф комисарлыгъы бастырмыштыр. Къырым хукумет нешрияты. - Акъмесджит, 1924.
106
3. Киримов Т.К., Абдульваапов Н.А. «Миллет» газетасынынъ сечме библиографик косьтергичи (1917-1920) / Научный бюллетень. -Киев: 2004. - №1 (6). - С. 23, 24.
4. Керимов И. А. Крымскотатарская периодическая печать довоенного времени / Научный бюллетень. - Киев: 2004. - №2(7)
5. Одабаш А. Тюрк-татар тили. (дерслик) /Одабаш А., Аджи-Асан Э. Къырым маариф комисар-лыгъы нешрияты. - Акъмесджит, 1923.
6. Одабаш А. Тюрк-татар тили. (дерслик) / Одабаш А., Аджи-Асан Э. Къырым маариф комисар-лыгъы бастырмыштыр. Къырым хукумет нешрияты. - Акъмесджит, 1927.
7. Одабаш А.Тюрк-татар тили. (дерслик, биринджи китап) / Одабаш А., Аджи-Асан Э. Къырым маариф комисарлыгъы бастырмыштыр. Къырым хукумет нешрияты. - Акъмесджит, 1925.
8. Одабаш А. Тюрк-татар тили. (дерслик, экинджи китап) / Одабаш А., Аджи-Асан Э. Къырым маариф комисарлыгъы бастырмыштыр. Къырым хукумет нешрияты. - Акъмесджит, 1926.
9. Копия дела №19 фонда Таврической судебно-следственной комиссии (контрразведки) Добровольческой армии за 1920-й год.
Сулейманова Д. Н. Образовательная деятельность А. Одабаша / Д. Н. Сулейманова // Ученые записки Таврического национального университета имени В. И. Вернадского. Серия «Филология. Социальные коммуникации». - 2012. - Т. 25 (64), № 3, ч. 1. - С. 103-107.
В статье рассматривается педагогическая и методическая деятельность Абибуллы Одабаш в 1920 годы. Дается краткий анализ методического подхода автора к составлению учебников, в результате предлагается концепция, на основе которой строилась педагогическая и методическая деятельность А. Одабаш.
Ключевые слова: методика, учебники, издательство, образование, концепция, политика.
Сулейманова Д. Н. Осв^ня дiяльнiсть А. Одабашa / Д. Н. Сулейманова // Вчеш записки Тав-ршського национального ушверситету iменi В. I. Вернадського. Се рш «Фшологш. Сощальш комушка-цп». - 2012. - Т. 25 (64), № 3, ч. 1. - С. 103-107.
У статл розглядаеться педагопчна та методична дшльшсть Абiбулли Одабаша в 1920 роки. Даеться короткий анатз методичного тдходу автора до складання тдручниюв, в результата пропонуеться концепцш, на основi яюл будувалася педагопчна i методична дшльшсть А.Одабаша.
Ключовi слова: методика, тдручники, видавництво, освгга, концепцш, политика.
Suleymanova C. N. Educational activities A. Odabash / C. N. Suleymanova // Scientific Notes of Taurida V. I. Vernadsky National University. - Series: Philology. Social communications. - 2012. - Vol. 25 (64), No 3, part 1. - P. 103-107.
In the article the Pedagogical and Methodological activities of Abibulla Odabash in 1920 are examined. Brief analysis of the methodological approach of the author to composition of textbooks are given, as a result the concept for inducing pedagogical and methodological activities A.Odabash are proposed.
Key words: methods, textbooks, publishing, education, the concept of the policy.
Поступила в редакцию 03.09.2012 г.
107
