Научная статья на тему 'Providing primary schools with textbooks in Crimean Tatar language: historical analysis and current status'

Providing primary schools with textbooks in Crimean Tatar language: historical analysis and current status Текст научной статьи по специальности «Психологические науки»

CC BY
97
137
i Надоели баннеры? Вы всегда можете отключить рекламу.
Ключевые слова
НАЧАЛЬНАЯ ШКОЛА / БАШЛАНГЪЫЧ МЕКТЕП / ELEMENTARY SCHOOL / КРЫМСКОТАТАРСКИЙ ЯЗЫК / CRIMEAN TATAR LANGUAGE / ЧТЕНИЕ / READING / ПРОГРАММА / PROGRAMS / УЧЕБНИКИ ПО ДИСЦИПЛИНАМ / TEXTBOOKS ON THE DISCIPLINES / КЪЫРЫМТАТАР ТИЛИ / ОКЪУВ / ФЕН ДЕРСЛИКЛЕРИ

Аннотация научной статьи по психологическим наукам, автор научной работы — Саттарова М.С.

Основными элементами общеобразовательного процесса являются учебная программа и учебник. Поэтому в новых условиях проблема обеспечения начальной школы с крымскотатарским языком обучения учебниками по всем дисциплинам на крымскотатарском языке является актуальной и требует разностороннего анализа.

i Надоели баннеры? Вы всегда можете отключить рекламу.
iНе можете найти то, что вам нужно? Попробуйте сервис подбора литературы.
i Надоели баннеры? Вы всегда можете отключить рекламу.

ВОПРОСЫ ОБЕСПЕЧЕНИЯ НАЧАЛЬНОЙ ШКОЛЫ УЧЕБНИКАМИ НА КРЫМСКОТАТАРСКОМ ЯЗЫКЕ: ИСТОРИЧЕСКИЙ АНАЛИЗ И СОВРЕМЕННОЕ СОСТОЯНИЕ

The main elements of the educational process are the curricula and textbooks. Therefore, in the new conditions, the problem of providing a primary school where all the subjects are taught in Crimean Tatar with textbooks and manuals in pupils' native language is a topical issue and requires comprehensive analysis.

Текст научной работы на тему «Providing primary schools with textbooks in Crimean Tatar language: historical analysis and current status»

УДК 373.31:372.837=512.19

Саттарова М. С.

БАШЛАНГЪЫЧ МЕКТЕПНИ КЪЫРЫМТАТАР ТИЛИНДЕ ФЕН ДЕРСЛИКЛЕРИНЕН ТЕМИНЛЕВ МЕСЕЛЕСИ: ТАРИХИЙ ТАЛИЛЬ ВЕ ШИМДИКИ ВАЗИЕТИ

Аннотация. Умумтасиль джерьянынынъ эсас элементи - бу окъутув программасы ве дерслик. Бу себептен янъы вазиетте башлангъыч мектеплер ичюн къырымтатар тилинде фен дерсликлерини теминлемек актуаль меселеси оларакъ турмакъта.

Анахтар сёзлер: башлангъыч мектеп, къырымтатар тили, окъув, программа, фен дерсликлери.

Саттарова М.С.

ВОПРОСЫ ОБЕСПЕЧЕНИЯ НАЧАЛЬНОЙ ШКОЛЫ УЧЕБНИКАМИ НА КРЫМСКОТАТАРСКОМ ЯЗЫКЕ: ИСТОРИЧЕСКИЙ АНАЛИЗ И СОВРЕМЕННОЕ СОСТОЯНИЕ

Аннотация. Основными элементами общеобразовательного процесса являются учебная программа и учебник. Поэтому в новых условиях проблема обеспечения начальной школы с крымскотатарским языком обучения учебниками по всем дисциплинам на крымскотатарском языке является актуальной и требует разностороннего анализа.

Ключевые слова: начальная школа, крымскотатарский язык, чтение, программа, учебники по дисциплинам.

Sattarova M.S.

PROVIDING PRIMARY SCHOOLS WITH TEXTBOOKS IN CRIMEAN TATAR LANGUAGE: HISTORICAL ANALYSIS

AND CURRENT STATUS

Summary. The main elements of the educational process are the curricula and textbooks. Therefore, in the new conditions, the problem of providing a primary school where all the subjects are taught in Crimean Tatar with textbooks and manuals in pupils' native language is a topical issue and requires comprehensive analysis.

Keywords: elementary school, the Crimean Tatar language, reading, programs, textbooks on the disciplines.

Макъаленинъ актуаллиги. Къырымтатар халкъы сюргюнлюк фаджиасындан сонъ кутьлевий шекильде тарихий ватаны - Къырымгъа къайтмагъа башлагъанынен, ёкъ этильген къырымтатар тилинде миллий тасиль системасыны ве ана тилини тиклемек ве инкишаф этмек огърунда арекетлер япып башлады.

Тарихтен белли ки, сюргюнликтен эвель, 1920-1940 сенелери, Къырымда умумтасиль мектеплери ичюн пек чокъ фен дерсликлери ве программалар нешир этильди. Мисаль оларакъ, татар (къырымтатар - муэл.) биринджи басамакъ мектеплерининъ учюнджи сыныфлары ичюн ичюн «Окъув китабы» (А. Одабаш, У. Аджы-Асан, 1924) [1, с. 104], «Татар (къырымтатар - муэл.) элифбеси» (Ш. Бекторе, 1925) [1, с. 31], «Элифба» (Я. Байбуртлы, 1926) [1, с. 27], «Табиат дерслери.1-нджи китап» (М. Абдулла, 1923) [1, с. 16], «Башлангъыч мектеп ичюн программалар: Арифметика. Тарих. География. Табиат» (А. Алиев, 1938) [1, с. 30] ве дигерлери нешир этиле. Шу девир ичинде дерсликлер учь языда - арап, латин, кирил языларында басылды.1928 сенесине къадар арап уруфатында,1928/1938-1939 сенелеринде - латин ве ондан сонъ бугуньки куньгедже - кирил уруфатында нешир этиле.

Макъаленинъ макъсады - дженктен эвель ве бугуньки куньде башлангъыч мектепни къырымтатар тилинде фен дерсликлеринен теминленювининъ талили.

Эсас мундеридже. 1921 сенеси Къырым Мухтар Джумхуриети илян этильген сонъ, къырымтатарларнынъ ана тилинде тасилини ильмий-усулий джеэттен теминлев меселеле-ринен Къырым АССР Маариф Халкъ комиссарлыгъынынъ Къырым ильмий-тедкъикъат Институты огърашты. Бу сенелери башлангъыч мектеп ичюн дерслик ве усулий къуллан-малар азырлагъан Я.Н. Байбуртлы, А. Одабаш, У. Аджы-Асан, Ш. Бекторе, А. Куркчи, М. Абдулла киби муэллифлерни анъмакъ мумкюн.

Мемет Абдулла озь учь джылтлы «Табиат дерслери» дерслигине усулий къулланма да азырлай ве нешир эте. Бу - «Табиат дерслеринде усул-и-тедрис», 1926 (Методические указания к преподаванию естествознания).

Белли къырымтатар языджысы, маариф хадими, башлангъыч мектеп ичюн дерсликлер-нинъ муэллифи Абибулла Одабаш каталог ве бибилиография меселелерине пек джиддий янаша эди. О, 1919 сенеси къырымтатарджа басылгъан китаплар каталогынынъ муэллифи-дир. Бу ишни сонъундан да девам эте.

1926 сенеси «Окъув ишлери» меджмуасында онынъ янъы чыкъкъан китаплар иле багълы малюматы басылды. Мында 15 китап косьтерилип, ер бири акъкъында олдукъча толу малюмат бериле. Китапларнынъ муэллифлери, хаджимлери, ольчюлери, нешриятлары, чыкъкъан ерлери ве сенелери, фиятлары косьтериле. Китапларнынъ мундеридесине айы-рыджа эмиет бериле. Оларнынъ арасында башлангъыч мектеп ичюн дерсликлер бар. Месе-ля, Мемет Абдулланынъ учь айры джылт шеклинде басылгъан «Табиат дерслери» китабы хусусындаки хабер бойле малюматтан башлай: «Бу хэр учь китап да биринджи басамакъ мектеплери сонъ группалары ичюн дерслик оларакъ Маариф Комиссарлыгъы Академия Шурасы тарафындан къабул олунмыштырлар. Китаплар ильк бакъышта хаджимлери ити-барьле биринджи басамакъ мектеп талебелери ичюн агъыр корюлир. Лякин онларын ди-линдеки саделик, меселелерин къоюлышы ве такъип олунан усула дикъкъат олунаджакъ олурса, орадаки малюматын бельки пек аз къысадылмакъ шартыле биринджи басамакъла-рын сонъ сыныфларында кечиле биледжеги шубесиздир» [1, с. 5].

Яни А. Одабаш китапларнынъ къуру тарифини дегиль де, китапларнынъ келишкен ве уйгъунсыз ерлерини анълата, къулланылып билинеджек шекиллерини косьтере.

Каталогда А. Одабаш оджалардан М. Абдулланынъ «Табиат дерслери» китапларындан гъайры, Абдулла Куркчининъ «Риязият дерслери» китабынынъ эки джылты, Я.Н. Байбурт-лынынъ «Элифбе»си, Умер Аджы-Асаннынъ «Элифбе окъутув усуллары», муэллифд-ешликте кенди тертип эткен «Тюрк-татар тили» ве дигер китаплар хусусында малюматлар бере» [1, с. 5]. Ашагъыда бизге белли олгъан араб уруфатында чыкъкъан дерсликлернинъ ве усулий къулланмаларнынъ джедвелини сизинъ дикъкъатынъызгъа теклиф этемиз (1-джи джедвель).

1-нджи джедвель.

Бир сыра арап уруфатында чыкъкъан дерсликлер ве усулий къулланмалар джедвели.

№ Сене Дерсликнинъ ады Муэллифлери

1 1924 «Окъув китабы» татар биринджи басамакъ мектеплерининъ учюнджи сыныфлары ичюн А.Одабаш, У. Аджы-Асан

2 1925 «Татар элифбеси» 1 -нджи басамакъ мектеплери ичюн Ш. Бекторе

3 1926 «Элифбе» Я.Н. Байбуртлы

4 1922 Къолай хэсап. (Математика) А. Куркчи

5 1926 Риязият дерслери. 1-нджи басамакъ мектеплерининъ IV груплары ичюн А. Куркчи

6 1927 Риязият дерслери. 1-нджи китап. 1-нджи басамакъ мектеплерининъ I груплары ичюн А. Куркчи

7 1927 Риязият дерслери. 2-нджи китап. 1-нджи басамакъ мектеплерининъ II груплары ичюн А. Куркчи

8 1927 Риязият дерслери. 3-нджи китап. 1-нджи басамакъ мектеплерининъ III груплары ичюн А. Куркчи

9 1924 Биринджи басамакъ мектеплеринде риязият. [Первичные знания по математике.Для начальных школ] А. Куркчи

10 1923 Табиат дерслери. 1-нджи китап. [Уроки естествознания]. Китап 1 М(емет) Абдулла

11 1926 «Табиат дерслери» .1-нджи китап. Джансыз табиат. Хава, Сув ве Ер». [Уроки естествознания. Книга 1. Неживая природа. Воздух, Вода и Земля] М. Абдулла

12 1926 «Табиат дерслери». 2-нджи китап. Джанлы табиат. Неба-татлар». [Уроки естествознания. Книга 2. Живая природа. Воздух, Растения] М. Абдулла

13 1926 «Табиат дерслери». 3-нджи китап. Джанлы табиат. Инсан ве хайванлар». [Уроки естествознания. Книга 3. Живая природа. Человек и животные] М. Абдулла

14 1926 Табиат дерслеринде усули-и-тедрис. [Методические указания к преподаванию естествознания] М. Абдулла

15 1926 Элифбени огретювде методик тевсиелер. [Методика преподавания азбуки] У. Аджы-Асан

1930-ынджы сенелери мектеплер ичюн чокъ къырымтатар тили ве эдебияты дерсликлери, имля, терминологик ве эки тилли (къырымтатар ве рус тиллеринде) лугъатлар дюнья юзюни корелер. Оларнынъ муэллифлери А. Ислямов, Н. Шейх-заде, И. Юнусов, А. Одабаш, И.С. Кая, Р. Муллина, А. Къарабаш, Н. Мустафаев, Ф. Аким, З. Аппазова, И. Джемалединов, С. Абдураим, А. Фетислямов, Ю. Болат ве дигерлери.

Башлангъыч мектеп ичюн де бир сыра муэллифлернинъ фенлер боюнджа дерсликлери, программалар, усулий къулланмалар басыла. Оларнынъ арасында А. Аджыасанова, З. Аппазова, О. Куркчи, Э.А. Къуртмоллаев, Э. Дерменджи, У. Ипчи, У.О. Куркчи, З. Джавтобели ве дигерлери. Буны къайд этмели ки, бу дерсликлер ана тилини сербест бильген талебелер ичюн азырлана эди.

Ашагъыдаки джедвельде латин уруфатында башлангъыч мектеп ичюн фенлер боюнджа тек бир къач дерсликлер ве усулий къулланмаларнынъ адларыны ве муэллифлерини корьмек мумкюн (2-нджи джедвель).

2-нджи джедвель.

Латин уруфатында башлангъыч мектеп ичюн фенлер боюнджа дерсликлер ве усулий къулланмаларнынъ адлары ве муэллифлери джедвели.

№ Сене Дерсликнинъ ады Муэллифлери

1 1932 Грамматика: иш китабы: 4-нджи группаларгъа махсус. (Грамматика для 4 групп татарской школы) А. Аджыасанова, З. Аппазова

2 1933 Татар тили дерслиги. Къысым-1. Грамматика ве имля, иптидаий мектеплерге махсус А. Аджыасанова, З. Аппазова

3 1937 Башлангъыч мектеплер ичюн татар тили дерслиги. Грамматика ве имля. 1-нджи къысым З. Аппазова

4 1929 Табиат дерслеринден иш китабы. Биринджи болюк. Джан-сыз табиат. Татар мектеплерининъ II-II груплары ичюн B. Игнатьев, А. Окуньков, C. Соколов

5 1929 Табиат дерслеринде япыладжакъ ишлер. 1-нджи басамакъ татар мектеплерининъ II-III груплары ичюн B. Игнатьев, А. Окуньков, C. Соколов

6 1931 Яш япыджылар.1-нджи басамакъ мектеплерининъ IV группаларына махсус иш китабы У. Ипчи, З. Джавтобели

7 1932 Ичтимаият иш китабы. [Практический курс по обществоведению. Для 4 классов начальной школы] У. Ипчи, З. Джавтобели (тертип этиджилер)

8 1936 Башлангъыч мектеплер ичюн татар тили дерслиги. Грамматика ве имля У.О. Куркчи, Э.А. Къуртмоллаев

9 1935 Башлангъыч татар мектеплери ичюн элифбе А.А. Къарабаш

10 1935 Башлангъыч татар мектеплери ичюн элифбеге методик тевсиелер А.А. Къарабаш, Э.А. Ибраимов

1939 сенесинден башлап кирил уруфатында фенлер боюнджа дерсликлер устюнде А. Алиев, Э. Дерменджи, А. Аметов, А. Шемсединова киби муэллифлер чалыша.

Шу сенелерде башлангъыч мектеп ичюн фенлер боюнджа нешир этильген бойле про-граммаларны къайд этмек мумкюн: Башлангъыч мектеп ичюн программалар: Арифметика. Тарих. География. Табиат [2]; Башлангъыч мектеп ичюн программа. Татар тили [3]; Башлангъыч мектеп ичюн программа. Татар тили [4]; Башлангъыч мектеп программалары. Арифметика. Тарих. Георафия. Музыка ве йыр. 2-нджи басылышы [5] (3-нджи джедвель).

Сюргюнлюк йыллары исе Озьбекистанда къырымтатар тилинде башлангъыч мектеплер ичюн тек 2 дерслик нешир этильди. Бу окъутув рус тилинде алып барылгъан мектеплер ичюн 1968 сенеси нешир этильген «Ана тили. 3 сыныф» (Ю. Болат, М. Умеров) дерслиги. Экинджи нешир 3000 тиражы иле 1974 сенеси нешир этильген. Тиражы - 3000. Бу дер-сликнинъ учюнджи нешири 1983 сенеси гъайрыдан, мундериджеси асылда денъишмеден бастырыла. Амма дерсликнинъ башында «Кърым татар балалары ичюн» ерине «Татар ба-лалары ичюн» деп языла ве муаррирлер фаркълы. А. Ислямов, А. Дерменджи ерине муар-

рир оларакъ Черкез-Али язылгъан. «На крымскотатарском языке» ерине «на татарском языке» деп языла. 1969 «Ана тили. 4 сыныф» (М. Муждабаев, Ю. Болат) дерслиги нешир этиле ве даа экинджи, учюнджи неширлери бастырыла.

3-нджи джедвель.

Кирил язысында чыкъкъан бир къач дерсликлер ве усулий къулланмаларнынъ джедвели.

№ Сене Дерсликнинъ ады Муэллифлери

1 1939 Окъув китабы. [Книга для чтения]. Башлангъыч мектепнинъ ^сынфы ичюн А. Алиев

2 1940 Окъув китабы. [Книга для чтения]. Башлангъыч мектепнинъ III сынфы ичюн А. Алиев, Э. Дерменджи

3 1940 Окъув китабы. [Книга для чтения]. Башлангъыч мектепнинъ IV сынфы ичюн А. Алиев

4 1941 Окъув китабы. [Книга для чтения]. Башлангъыч мектепнинъ III сынфы ичюн. 2-нджи басылышы А. Алиев, Э. Дерменджи

5 1941 Окъув китабы. [Книга для чтения]. Башлангъыч мектепнинъ IV сынфы ичюн. 2-нджи басылышы А. Алиев, Э. Дерменджи

6 1939 Окъув китабы. Башлангъыч мектепнинъ IV сынфы ичюн. [Книга для чтения. Для IV классов нач. школ] Б. Алиев

7 1939 Элифбе.1-нджи басамакъ окъув-язув мектеплери ичюн. [Букварь. Для школ 1-ступени]. Биринджи басылышы А. Аметов

8 1938 Элифбе. [Букварь].2-нджи сыныф ичюн. (Къырымтатар мектеплеринде рус тилине огренюв О З. Лычагина, Е.В. Грикян

9 1939 Татар тили дерслиги. Грамматика ве догъру язув. Башлангъыч мектепнинъ I—II груплары ичюн Э. Дерменджи, А. Шемсединова

10 1940 Татар тили дерслиги. Грамматика ве догъру язув. Башлангъыч мектепнинъ I—II груплары ичюн Э. Дерменджи, А. Шемсединова

Къырымтатар миллий арекетининъ девамлы куреши нетиджесинде 80-инджи сенеле-рининъ сонъунда халкъымыз кутьлевий суретте Къырымгъа къайтмагъа башлады. Хал-къымызнынъ огюнде тургъан муим меселелерден бири - къырымтатар тилинде тасиль си-стемасыны тиклемек ве халкъымызны халкъ оларакъ сакълагъан, эдждатларымызнынъ аса-балыгъыны, урф-адетлерини, тарихымызны, медениетимизни къайтаргъан ана тилимизни джанландырмакъ кереклиги олды.

Тасиль - бу миллет яшайышынынъ кейфиети; онсыз инсан озюни шахыс оларакъ, озь халкъынынъ темсильджиси оларакъ сакълап оламаз, инкишаф этмез. Алимлер ве оджалар, талебелернинъ тасиль кейфиети окъув программа ве дерсликлернен багълы олгъаныны анълаяракъ, озь тешеббюслери иле дерслик ве окъув-методик къулланмаларны азырла-магъа башладылар.

Умумтасиль джерьянынынъ эсас элементи - бу окъутув программасы ве дерслик. Олар умумтасиль стандартларыны омюрге кечирильмесининъ эсас вастасыдыр [6, с. 257].

Къырым Мухтар Джумхуриетинде мектеплерде къырымтатар тилининъ факультатив шеклинде огренилюви 1988 сенеси башлана. 1989 сенеси исе базы рус тилинде окъутув алып барылгъан мектеплерде къырымтатар талебелери ана тилини дерс оларакъ огренмеге башладылар.Оджалар озь бильги ве профессиональ алышкъанлыкълары эсасында дерслер-ни дерсликсиз алып бара эдилер. Башлангъыч мектеп ичюн 1990 сенеси чыкъкъан бирин-джи «Элифбе»дерслиги филология илимлери намзети Э.С. Акъмоллаев тарафындан азыр-ланды.

1991 сенеси дерсликлер меселесини чезмек ичюн 1940 сенеси чыкъкъан «Къырымтатар тили дерслиги. Грамматика ве догъру язув. 1-2 сыныф ичюн» (Э. Дерменджи, А. Ше-мсединова) [7] дерслик гъайрыдан, ич бир денъишмелер кирсетильмейип, нешир этиле. 1992 сенеси башлангъыч сыныфлар ичюн «Къырымтатар тилининъ ресимли лугъаты» къулланмасы (М.С. Саттарова, Ш.Э. Кайбуллаев, В.И. Бекирова, С.С. Саттарова) Лит-ванынъ Каунас шеэринде «Швиеса» нешриятында бастырыла. Тиражы - 10000.

Тек 1995 сенеси ильк «Ана тили. 1 сыныф» (М.С. Саттарова, С.С. Саттарова) ренкли ре-симлер иле сюсленген дерслик дердж этиле. 1998 сенеси башлангъыч мектеп ичюн эки усу-лий къулланма нешир этиле: «Къырымтатар тилинден мешгъулиетлер ве диктантлар то-пламы» ве «Ана тили» дерслигине методик тевсиелер. 1 сыныф» (М.С. Саттарова, С.С. Саттарова). 1999 с. ильк «Фиданчыкъ. Окъув китабы. 1 сыныф» (С.С. Саттарова, М.С. Саттарова) дерслиги нешир этильди. Олар Къырым тасиль назирлиги тарафындан тасдикъланды.

«Тикленюв» Халкъара Фондунынъ мадий ярдымы иле башлангъыч мектеп ичюн бир сыра дерсликлер ве къулланмалар нешир этильди. Амма оларнынъ тиражы 1000 нусханы тешкиль эте эди. Оларнынъ арасында «Ана тили. 2 сыныф» дерслиги (М.С. Саттарова, С.С. Саттарова, 2002), бала багъчаларынынъ тербиеджилери ве башлангъыч мектеп оджалары ичюн «Балалар шенълене» къулланмасы (С.И. Харахады, 2000) ве дигерлери. Амма оларнынъ тиражы 1000 нусханы тешкиль эттилер [8, с. 72].

Къырым Мухтар Джумхуриети тасиль ве илим, генчлер ве спорт Назирлиги тарафын-дан окъутув къырымтатар тилинде алып барылгъан башлангъыч мектеплерни ве сыныфларны окъутув программалар, дерсликлер ве окъутув-усулий къулланмаларнен те-минлемек макъсадынен бир сыра тедбирлер кечирильди, амма етерли дереджеде дегиль, чюнки дерсликлер ве программалар мектеплернинъ типлерине коре айырылмады. Бу йыллар девамында фенлер боюнджа программалар ана тилимизге терджиме этильмеди. Фенлер боюнджа программаларнынъ къырымтатар тилине терджиме этильмеси ильмий-педагогика терминологиясынынъ инкишафы ичюн пек муим ве кереклидир. Окъутув къырымтатар тилинде алып барылгъан мектеплер ичюн тек къырымтатар тили ве окъув фенлери боюнджа махсус программалар азырланды ве нешир этильди.

2003 сенеси А. Бекирова ве С. Харахады тарафындан азырлагъан 1-4 сыныфлар ичюн программа, 2004 сенеси исе дёртйыллыкъ мектеплернинъ башлангъыч сыныфлары ичюн азырлангъан программа (Л. Алиева, А. Велиуллаева, Л. Тохтарова, Л. Алимова) Украина тасиль Назирлиги тарафындан тасдикъланды. «Ана тили» 2 сыныф, 2002 с., «Ана тили» 3 сыныф, 2005 с. (М.С. Саттарова, С.С. Саттарова) дерсликлери 1997 сенеси азырлангъан программа (муэллифлери: А. Бекирова, А. Веллиулаева, С. Харахады, А. Яяева) эсасында азырлангъан эди. Дерсликлернинъ нешир этильген сенелеринден корюне ки, башлангъыч мектеп талебелери вакътында дерсликлернен теминленмеген эди. «Фиданчыкъ. 2 сыныф», «Фиданчыкъ. 3 сыныф» (С.С. Саттарова, М.С. Саттарова) дерсликлери 2007 сенеси нешир этильди. Бу дерсликлер энди Украина тасиль назирлиги тарафындан тевсие этильди.

2011 сенеси окъутув къырымтатар ве рус тилинде алып барылгъан башлангъыч мектеп ичюн къырымтатар тили ве окъув фенлери боюнджа махсус программалар азырланды. Бу программалар эсасында махсус окъутув къырымтатар тилинде алып барылгъан умумтасиль мектеплерининъ 2-нджи ве 3-нджи сыныфлары ичюн ана тили ве окъувдан М.С. Саттарова, С.С. Саттарова тарафындан 2012 сенеси «Къырымтатар тили. 2 сыныф» [9], «Эдебий окъув. 2 сыныф» [10], 2013 сенеси исе «Къырымтатар тили. 3 сыныф» [11], «Эдебий окъув. 3 сыныф» [12] дерсликлери азырланды ве нешир этильди. Олар Украина девлет стандарт-ларына коре япылды. Лякин окъутув украин ве рус тиллеринде алып барылгъан мектеплер ичюн махсус къырымтатар тили ве окъувдан дерсликлер азырланмады.

Башлангъыч мектеп ичюн башкъа фенлер боюнджа рус ве украин тилинден терджиме этильген дерсликлер къулланыла эди. Мисаль оларакъ,1-4 сыныфлар ичюн «Мен ве Украина»^ и Украина. Т.Н. Байбара, Н.М. Бибик) дерсликлерининъ терджиманлары А. Велиев, Э. Велиева, М. Меджитова дерсликлерге 30% якъын къырымтатар компонентини кирсет-тилер. Бу къырымтатар халкъынынъ урф-адетлеринен, аньанелеринен, миллий ве диний байрамларынен, къараманлар ве белли джемаат эрбапларынен, джографик адларнен, халкъ агъыз яратыджылыгъынынъ чешит жанрларынен багълы малюматлардыр. Терджимели дерсликлернинъ саифелеринде изалама лугъатчыкъ бериле. Дерсликлерге къырымтатар ха-лкъынынъ медениетини ве яшайышыны, урбаларыны, Къырымнынъ табиатыны, небатат ве айванат алемини акс эткен иллюстрациялар кирген. Къырымнынъ региональ компонентини козь огюне алып, денъишмелерни кирсетюв - талебелерге яшагъан ерининъ хусусиетлери-ни, къырымтатар халкъынынъ озеллигини даа да терен огренмекнинъ эсас вастасыдыр.

Янъы сиясий денъишмелер нетиджесинде башлангъыч мектеплер ичюн къырымтатар тилинде фен дерсликлерини азырламакъ ве нешир этмек актуаль меселеси оларакъ турма-къта. Къырым Джумхуриетининъ тасиль ве илим Назирлиги окъутув къырымтатар тилинде алып барылгъан мектеплерде ве миллий сыныфларда тек къырымтатар тили ве окъув дерсликлерини ишлетмеге разылыкъ берди. Башкъа фенлерден исе къырымтатар тилине терджиме этильген дерсликлерни мектеплеримизде ишлетмеге разылыкъ берильмеди. Къырым муэндислик ве педагогика университетининъ эркянында олгъан ильмий-араштырма меркези ве «Татармультфильм» бирлешмесининъ (Татарстан, Къазан ш.) ишби-рлиги ве оларнынъ сымарышы нетиджесинде окъутув рус тилинде алып барылгъан мекте-плернинъ 1-4 сыныфлары ичюн «Къырымтатар тили» дерсликлери азырланды. Дерсликле-рнинъ муэллифлери М.С. Саттарова, С.С. Саттарова, Г.Ш. Аджимамбетова, З.С. Мамутова ве Татарстандан М. Шакурова, Р.З Хайдарова олалар. Дерсликлер Е.И. Пассовнынъ комму-никатив технология концепциясына эсасланалар. Олар азыр, лякин нешир этиледжек ва-къты бельгисиз.

Нетидже. Башлангъыч мектепни къырымтатар тилинде фен дерсликлеринен теминле-нювини талиль этерек, буны къайд этмели ки, дженктен эвель башлангъыч мектеплер бутюн фенлер боюнджа дерсликлер ве программаларнен теминленген эди. Сюргюнлик йыллары исе тек окъутув рус тилинде алып барылгъан башлангъыч мектеплер ичюн 2 дерслик нешир этильген эди. Халкъымыз ана-ватаны Къырымгъа авдет олгъан сонъ, башлангъыч мектеплер къырымтатар тилинде фен дерсликлеринен теминленди. Ана тили ве окъув фенлеринден оригиналь дерсликлер азырлангъан эди, амма башкъа фенлерден дерсликлер терджимели эди. Терджимели дерсликлерге 30% якъын региональ компоненти кирсетильген эди. Шимди исе башлангъыч мектеп талебелери Русие стандартларына коре ич бир дерсликлернен теминленмеген.

Къырымтатар тили ве окъув дерслеринде талебелер Украинада нешир этильген дерсли-клернен къулланалар. Къырым Джумхуриети тасиль ве илим Назирлиги сымарышынен окъутув къырымтатар тилинде алып барылгъан мектеплер ичюн Русие Федерациясынынъ Тасиль ве илим Назирлиги тарафындан тевсие этильген дерсликлер терджиме этильмекте, лякин бу дерсликлерде региональ хусусиетлер козь огюне алынмагъан. Фикримиздже, дженктен эвельки теджрибени назаргъа алып, оригиналь дерсликлер азырланса, яхшы олур эди.

КЪУЛЛАНЫЛГЪАН ЭДЕБИЯТ

1. Керим И.А. Библиографик косьтергич. Библиографический указатель печатных книг, статей и произведений на крымскотатарском языке: 1618-1944 гг. / И.А. Керим. - Симферополь: ОАО Симферопольская городская типография, 2009. - 324 с.

2. Башлангъыч мектеп ичюн программалар: Арифметика. Тарих. География. Табиат. Мютерджими: А. Алиев. - Акъмесджит: Къырым Девлет нешрияты, 1938. - 88 с.

3. Башлангъыч мектеп ичюн программа. Татар тили. - Акъмесджит: Къырым Девлет нешрияты,

1939. - 28 с.

4. Башлангъыч мектеп ичюн программа. Татар тили. - Акъмесджит: Къырым Девлет нешрияты,

1940. - 28 с.

5. Башлангъыч мектеп программалары. Арифметика. Тарих. Георафия. Музыка ве йыр. 2-нджи ба-сылышы. РСФСР Маариф Халкъ Комиссарлыгъынынъ башлангъыч мектеп идареси. Акъмесджит: Къырым Девлет нешрияты, 1940. - 88 с.

6. Хуторской А.В. Современная дидактика / А.В. Хуторской. - СПб.: Питер, 2001. - 544 с.

7. Дерменджи Э. Татар тили дерслиги. Грамматика ве догъру язув. Башлангъыч мектепнинъ Ш груплары ичюн. Къырым АССР Маариф Халкъ Комиссарлыгъы тарафындан тасдыкъ олунды. Ресимли нешир / Э. Дерменджи, А. Шемсединова. - Акъмесджит: Къырым АССР Девлет нешри-яты, 1940. - 112 с.

8. Украшська мова i нацюнальш меншини: збiрник доповщей науково-практично! конференци. -Микола!в: Атол, 2008. - 192 с.

9. Саттарова М.С. Къырымтатар тили: 2-нджи сыныф. Окъутув къырымтатар тилинде алып барылгъан умумтасиль окъув юртлары ичюн / М.С. Саттарова, С.С. Саттарова. - Симферополь: КъДжИ Къырымдевокъувпеднешир нешрияты, 2012. - 176 с.

10.Саттарова М.С. Эдебий окъув. 2 сыныф. Окъутув къырымтатар тилинде алып барылгъан умум-тасиль окъув юртлары ичюн / М.С. Саттарова, С.С. Саттарова. - Симферополь: КъДжИ Къы-рымдевокъувпеднешир нешрияты, 2012. - 192 с.

iНе можете найти то, что вам нужно? Попробуйте сервис подбора литературы.

11.Саттарова М.С. Къырымтатар тили. Окъутув къырымтатар тилинде алып барылгъан умумтасиль окъув юртлары ичюн. 3-юнджи сыныф / М.С. Саттарова, С.С. Саттарова. - Симферополь: КъДжИ Къырымдевокъувпеднешир нешрияты, 2013. - 192 с.

12.Саттарова М.С. Эдебий окъув. Окъутув къырымтатар тилинде алып барылгъан умумтасиль окъув юртлары ичюн. 3-юнджи сыныф / М.С. Саттарова, С.С. Саттарова. - Симферополь: КъДжИ Къырымдевокъувпеднешир нешрияты, 2012. - 200 с.

i Надоели баннеры? Вы всегда можете отключить рекламу.