CC BY
82Ученые записки Таврического национального университета им. В. И. Вернадского Серия «Филология. Социальные коммуникации». Том 25 (64). № 3, ч. 1. 2012 г. С. 27-32.
УДК 811.512.145. (477.75)
ЗЕМАНЕВИЙ КЪЫРЫМТАТАР ТИЛИНДЕ ЛЕКСИК ЭКСПРЕССИВЛИГИНИНЪ ЧЕШИТЛЕРИ
Меметова Э. Ш.
Таврический национальный университет имени В.И. Вернадского, г. Симферополь, Украина,
e-mail: [email protected]
Ильмий ишимизнинъ актуаллиги. Къырымтатар тильшынаслыгьында лексика тафсилятлы шекильде огренильсе де [7], лексик экспрессивлиги меселесининь терен олмагьан огренильмеси [8], мевзумызнынь актуаллигини акс эттире.
Проблеманынъ огренюв дереджеси. Козьден кечирген тедкъикъатларымызгьа коре лексик экспрессивлигининь чешитлиги чокьусынен славян тильшынас-лыгьында огренильгендир [3; 6; 9; 10; 11].
Ишимизнинъ макъсады - земаневий къырымтатар тилинде лексик экспрессив-лигининь чешитлерининь огренильмесидир.
Макьсаткьа коре бойле вазифелер къоюлды:
1. Лексик экспрессивлигининъ чешитлерини айырмакь.
2. Адгерент экспрессивлигини огренмек.
3. Ингерент экспрессивлигини огренмек.
4. Ономасиологик ве семасиологик джеэтлеринден экспрессив сёзни огренмек.
Тедкьикьатнынь предмети: кьырымтатар тили лексикасы.
Тедкьикьатнынь объекти: кьырымтатар лексикасынынь экспрессив кьатламы.
Методологик эсас: талиль экспрессив лексиканынь чешитлери
огренильмесининь нетиджелерине эсаслана.
Битараф лексика фондуна кирген бирлемлер, тюрлю алларда сербест кьулланмалары мумкюн. Битараф лексика, адет узьре, номинатив вазифе беджере, мананынь денотатив-сигнификатив макрокомпонети узеринде классификация япылмалары мумкюн, ве тек махсус алынгьан контекстлерде озь статусларыны деньиштирмелери мумкюн, экспрессив ренкли олмалары мумкюн, яни, битараф лексикагьа кьарама-кьаршы чыкьмалары мумкюн. «Бойле экспрессивлик адгерент сайылыр, яни контекст иле шарт кьоюлгьан. Адгерент экспрессивлигине лексик системанынь аман-аман эр бир бирлеми наиль олмакь мумкюн» [3, 76]. Лякин кьы-рымтатар тилинде лексемаларынынь бир группасы бар ки, оларнынь экспрессивли-ги не вазиетке, не контекстке багьлыдыр. Бойле лексемалар системлы-экспрессив сайылырлар, оларнынь экспрессивлиги исе - ингерент, ичкидир.
Экспрессив сёзюнинь семантикасы, адет узьре, эки эсас бакьыштан тедкьикь этилир - ономасиологик ве семасиологик. Биринджиси экспрессивликни денотат (референт) джеэтинден огрене. Экинджиси лексик семантикасынынь аспекти ола-ракь огрениле, яни экспрессивлик бельги тарафындан, яни экспрессив адларынынь семантик хусусиетлеринден огрениле. Бойледже, ономасиологик янашув семасиологик чешитине тадкьикь этильмесининиь ёнелишине коре кьарама-кьаршы
къоюлмасы мумкюн: объект я да адиседен башлап олар акъкъында кельген фикир-гедже ве оларнынъ тиль васталарынен адландырылмасынадже [5, 345].
Экспрессив сёзю хусусиетлерининъ толу ве арды-сыралы талили тек бу эки аспект бирлешкен алда олмасы мумкюн. Экспрессив сёзю семантикасынынъ озьгюн-лиги сигнификат табиатынынъ хусусиетлерининъ огренильмеси ярдымынен япыл-масы мумкюн; бир референтнинъ бир къач манасы къарама-къаршы къоюлмасы не-тиджесинде яни семасиологик аспект ёлунен мейдангъа кельмеси мумкюн.
Сёзнинъ экспрессивлиги ономасиологик аспекте адлав (номинация) объектинен багълы, ве 4 компоненттен ибарет: 1) номинатор (ад берген субъект), 2) номинант (ад), 3) номинат (ад алгъан объект), 4) динълейиджи (ве сёйлешюв шараитлери) [13, 241-242]. Эгер экспрессив сёзнинъ манасыны эки джеэттен талиль этсенъ (онома-сиологик ве семасиологик), о заман экспрессив адлавнынъ вазифесини ве лексик экспрессивлигининъ механизмлерини де козьге алмакъ керек, деп сая Н.И. Бойко. [3, 77]. Экспрессив номинациянынъ тюшюнджеси кенъ аспект джеэтинден огрени-ле, мында адам анининъ акс-седасы да муимдир.
Экспрессив лексиканынъ функциональ муимлиги тильтнинъ экспрессив вази-фесине багълыдыр, бу вазифе исе деерлик эр анги нутукъта коммуникатив вазифе-синен бераберликте кельмекте [5, 564-565]. «Экспрессив вазифе» деген термини эм тар манада (сёйлейиджи интенцияларынынъ ифаде этильмеси), эм де кенъ манада (эр бир фикирнинъ ифаде этюв вастасы) къулланылмасы мумкюн олгъаныны къайд этмек керек [1, 40].
Р. Якобсон нутукъ коммуникациясынынъ алты факторыны айырып (адресант, контекст, бильдирильме, контакт, код, адресат), эр бирине озь хусусий вазифе ляйыкъ деп сая, ве биринджи оларакъ, экспрессив вазифе айырыла, чюнки о «догъ-рудан-догъру адресаткъа багълы» [14, 198]. В.А. Аврорин экспрессив вазифени коммуникатив вазифе иле якъынлаштыра, оларны «бир медальнинъ эки тарафы» депо грене, эм де экспрессив вазифени, фикири ифаде этильмесини теминлеген ва-зифе деп сая [1, 36-38]. Бойледже, къайд этильген экспрессив вазифе лингвистлер джеэтинден тиль-система (коммуникатив вазифесинен бирликте) ичюн темель къойгъан, эстетик ве поэтик вазифелеринен багълы олгъан вазифе деп сайылыр.
Экспрессив вазифе, коммуникатив вазифе киби, ялынъыз тиль системасына де-гиль, айры бирлемге, мисаль оларакъ, адлав бирлемине аиттир.
Чокъусы лингвистлернинъ эсерлеринде экспрессив вазифе адамнынъ эмотив-рухий арекети саасынен багълы олып, тиль ве нутукънынъ эмоция, дуйгъу, аффект алыны ифаде этюв къабилиети оларакъ къайд этилир [2; 4; 11]. Чокъусы алларда экспрессив вазифени эмотив вазифесине тенъ къоялар [6, 38].
Экспрессив лексемалар энъ эвеля конкрет референтнинъ хусусиетини айырып ифаде этелер. Яни систем экспрессивлигине саип олгъан сёзлер, номинатив вазифе-синден гъайры, озюнинъ - экспрессив вазифесини къулланалар. Экспрессивлер муйаен адиселерни ве нутукъ субъектининъ интенцияларынынъ дуйгъу гаммасыны ифаде этмек кереклер, меселя: дильбаз, олмайджакъ, таз; кочьме манада: меляаке, эзме, маясыл, копек (адам акъкъында).
Лексик бирлемлерининъ къайд этильген экспрессив вазифеси номинатив ве башкъа вазифелернен насылдыр мунасебетлерге кирмеси мумкюн дегиль, чюнки,
28
оларнынъ иерархик системасы муим ве муим олмакъ «алчакъ» чешитлерине бо-люнмесини козьде тутмай. Эр бир вазифе башкъа вазифелернен къарама-къаршы фаалиеттедир.
Бойледже, экспрессив сёз эки эсас вазифени бирлештире - экспрессив ве номинатив, лякин номинатив вазифе экспрессив лексемаларынынъ специфик чизгилери-нен айырылып турмакъта.
Экспрессив номинациялар арасында тиль ве нутукъ ченшитлери айырыла. Оларнынъ фаркъы номинатнынъ табиатына багълыдыр, бу адлав (номинат) умумий тюшюндже (сигнификат) ве конкрет бир объект (референт) иле нисбетлештириле. Экспрессив номинациияда къайд этильген референтлернинъ сынъырлары артыкъ кенълеше: айны номинант бир къач номинант иле нисбетлештирильмеси мумкюн, бу ал исе экспрессив лексик бирлемлерининъ. Тенъештиринъиз: бир айырыджы ве бир сыра айырылгъан сёзлер - джады - 1) хыянет, 2) ярамаз, 3) киндар, 4) къара юрекли, 5) аджджы в.и. ве, аксине, бир айырылгъан сёз ве бир сыра айырыджылар: будала - тентек, дели, эшек, ахмакъ, зевзек. Джады экспрессиви къайд этильген предикатлардан эр бирини денъиштирмеси мумкюн, онынъ экспрессив манасы сёй-лейиджилер тарафындан менфий (гъает сийрек алда - мусбет) эмотив-къыймет ке-сюв семалар ярдымынен къабул этиле: обюр в.и.
Тиль экспрессив номинацияларда номинант ве номинат арасындаки багъ къа-вийдир. Номинант, тиль бирлеми оларакъ, озь инвариант (умумийлештирильген) манагъа саип, бу мана айры вариант сыфатында чыкъмасы мумкю. Меселя, баш сё-зюнинъ инвариант маналары чокъсайылы вариантларда чыкъмасы мумкюн, бу исе, озь невбетте, экспрессив сёзюнинъ семантик потенциалынынъ кучюни тасвирлей.
Экспрессив сёзюнинъ семантикасы модуль оларакъ огрениле, онынъ теркибин-де макрокомпонентлер, компонентлер ве микрокомпонентлер айырыла.
Экспрессивликнинъ тюрлю концепцияларынынъ муэллифлери арасында экс-прессив лексик бирлемининъ семантик къурулышына кирген макрокомпонентлер-нинъ микъдар ве кейфиет теркибине олгъан фикирлеринде бирлик ёкъ. В.Н. Телия алты макрокомпонент айыра - грамматик, денотатив, къыймет кесюв, мотивацион, эмотив ве услюбий [10, 40-41], Н.А. Лукьянова эки - денотатив-сигнификатив ве коннотатив [6, 76], В.И. Шаховский - учь: мантыкъ-предмет, эмотив ве функцио-наль-услюбий [11, 21]
Д.Н. Шмелев «адисенинъ озюни аныкъ акс этип ифаделеген экспрессив элементлерини» (меселя, кибирлик, чакъув, зайыф в.б.), «лексик мана»гъа кирсете [12, 252]. Онынъ фикирине коре, экспрессив-услюбий ренк - бу сёзнинъ ренки олмайып, шу сёзнинъ манасына багълы олгъан къабул этювдир.
Контексттен тыш насылдыр услюбий тасавур догъурмакъ къабилиети, олюм, мезарлыкъ, сёзлерини услюбий ренкли сёзлер сырасына кирсетмеге ёл ача.
Грамматик ве денотатив-сигнификатив макрокомпонентлер эр бир толуманалы сёзнинъ семантик къурулышы ичюн меджбурий олурлар, олар бири-биринен багъ-лы компонентлерининъ (семалар) системасыны теркип этелер - категориаль, лек-сик-грамматик ве лексик. Бутюн башкъа макрокомпонентлер факультатив статусы-на саиплер.
29
Экспрессив сёзюнинъ семантикасынынъ талили кетишатында, эр бир макро-компонентнинъ ролюни ве ерини тайинлемек муимдир, чюнки, шу макрокомпонет лексик экспрессивлигининъ айры чешитининъ темели ве менбасыдыр.
Экспрессив сёзюнинъ семантикасындаки денотатив макрокомпоненти эм орта-эсас ерни, эм четтеки ерни алмакъ мумкюн. Денотатив-коннотатив чешити олгъан экспрессив лексемаларгъа хусусий (онынъ ичюн экспрессив) денотатларны бельги-леген, миллий сёз-темсиллер де кире. Тюрлю сёз чешитлери (типлери) маналары-нынъ миллий-медений спецификасы оларнынъ статусына багълыдыр, шунынъ ичюн олар юксек дуйгъуларны ве мусбет эмоцияларны мейдангъа кетирелер. Меселя, «фесильген» лексемасы, лугъатта къайд этильген манасындан гъайры, миллий мун-дериджеге де саиптир - тувгъан ер, эвнинъ къокъусы, дуа темсили, несиль арды-сыралыгъынынъ бельгиси. Емшан оту, пейгъамбер дёгмеси, ляле, сельбилер; къар-тал, къарылгъач, акъкъуш, бульбуль киби сёзлер дюньянынъ айры фрагментлерини дегиль де, миллий-медений теджрибе чемберинден кечирильген адиселерни де акс этелер.
Денотатив-коннотатив экспрессивлигининъ менбасы оларакъ конфессия мана-сына саип олгъан, денотатив макрокомпонентнинъ спецификасы чыкъа. Денотат-ларнынъ озьлери юксек дуйгъу кергинлигининъ стимуллары олгъан адисе, джерь-янлардыр: Къоран, Хадислер, джами, къурбан в.и. Диний дюньянынъ манзарасында материаль джеэттен ифаделенмеген, предмет олмагъан денотатлар да олмакъ мум-кюн, меселя, АЛЛА, РАББИ в.и. Бойле чешиттеки лексемалар позитив тюс иле бель-гиленгендир, олар джан къасеветине, хусусий эмоциональ алларгъа чагъыралар, бу исе, озь невбетте, оларны тильнинъ экспрессив фондуна кирсетильмеси ичюн се-бептир.
Экспрессивликнинъ денотатив-коннотатив чешити эфсане лексикасы ичюн де аиттир: аждерха, дев, сув анасы, джады. Бойледже, экспрессивликнинъ биринджи чешити - бу денотатнынъ сёйлейиджиде мусбет / менфий мунасебетини мейдангъа кетирмек, онынъ эмоциональ-къыймет кесюв хулясаларгъа кельмесине темель къоймакъ, имкяныдыр.
Лексик экспрессивлигининъ экинджи чешити, экспрессивлик эмоциональ-экспрессив къыймет кесювге багълы олгъан сёзлер иле ифаделене. Экспрессив-коннотативлернинъ манасы да денотатив ве коннотатив маналарыны бирлештире, лякин эсас вазифе коннотациягъа тюше. Чюнки коннотация субъектнинъ объектке олгъан къыймет кесювининъ эмоциональ мунасебетини акс эттире: адам акъкъында - къозучыгъым, тосунчыгъым, эшек, мал, хынзыр. Экспрессивликнинъ коннотатив чешитине аит олгъан лексемалар энъ эвеля сёйлейиджининъ къыймет кесюв пред-метине олгъан субъектив мусбет / менфий мунасебети акъкъында хабер бере. Мын-да коннотациягъа мусбет къыймет кесюв (мелиоратив) ве менфий къыймет кесюв (пейоратив) кирмектелер, биринджилери - охшав, айранлыкъ, макътавны ифаде этелер; экинджилери исе - къабалыкъны, нефрет, алгъышсызлыкъны ифаде этелер.
Экспрессия - махсус япылгъан нутукъ эффектидир, лексик бирлемининъ хусу-сий ситуатив-контекстуаль статусыдыр.
Публицистик услюбинде, бедий жанрларда, лакъырды тильде къулланылгъан терминлер де экспрессив ренклидир. Бедий метинлерде экспрессиянынъ васталары
30
вазифесинде шиве лексикасы чыкъа. Юксек экспрессия къайд этильген лексемала-рынынъ битараф, китабий-терминологик, ресмий-иш, публицистик, халкъ агъыз яратыджылыгъы, поэтик ве иляхре лексемаларынынъ контрастынен теминлене.
Экспрессиянынъ хусусий чизгиси - бу онынъ тышкъы табиаты, бу сёзнинъ лексик манасына аит олгъан хусусий вакътынджа ренки, онынъ къошма малюматы, бу исе, реципиентке тесир этип олгъан, хусусий сёз къулланувынынъ нетиджесидир [9, 8].
Экспрессивлик семантик (ички) категориядыр, экспрессия исе - функциональ (тышкъы) адисе, функциональ адисе исе услюбий категорияларгъа кире.
Нетидже. Экспрессив лексика - бу тиль ве нутукътаки специфик адиседир. Оны ялынъыз эмоция ве дуйгъуларны адландыргъан лексикасынен (севги, беля, къоркъу, нефрет) къарыштырмагъа керекмей. Бойле лексик бирлемлер тек номинатив вазифе беджерелер.
Лексик экспрессивлик - бу тиль ве нутукъта акс олунгъан адам факторыдыр, тильнинъ экспрессив вазифесининъ муайен къошма махсулы, бу дюнья манзарасы-нынъ эр бир фрагментине экспрессив ренкини къошмакъ ичюн олгъан универсал категориядыр.
Тедкъикъатнынъ перспективалары. Огренип чыкъкъан меселелеримиз, яни лексик экспрессивлигининъ чешитлери, илериде изаат лугъаты тизильмесине буюк ярдымджы малюмат оларакъ къулланылмасы мумкюн.
Эдебият
1. Аврорин В.А. Проблемы изучения функциональной стороны языка / В.А.Аврорин. - Л.: Наука, 1975. - 276с.
2. Ахманова О.С. Словарь лингвистических терминов / О.С.Ахманова. - М.: Изд-во «Сов. энциклопедия». - 1966. - 607 с.
3. Бойко Н.1. Украшська експресивна лексика в словнику, мовi та мовленш: Навчальний поибник для студенпв фiлологiчних спецiальностей / Н.1. Бойко. - Нiжин: Редакцшно-видавничий вiддiл НДПУ iM. М.Гоголя, 2002. - 217 с.
4. Леонтьев А.А. Общественные функции языка и его функциональные эквиваленты / А.А.Леонтьев // Язык и общество. - М.:Наука, 1968. - С. 99-110
5. Лингвистический энциклопедический словарь. - М.:Сов. энциклопедия, 1990. - 685 с.
6. Лукьянова Н.А. Экспрессивная лексика разговорного употребления / Н.А. Лукьянова. - Новосибирск: Наука, 1986. - 230 с.
7. Меметов А. Лексикология крымскотатарского языка / А.Меметов. - Симферополь: Крымучпед-гиз, 2000. - 288 с
8. Меметова Э.Ш. Къырымтатар тилининъ услюбиети / Э.Ш.Меметова. - Симферополь: Къырым-девокъувпеднешир, 2001. - 144 с.
9. Телия В.Н. Коннотативный аспект семантики номинативных единиц / В.Н.Телия. - М.: Наука, 1986. - 143 с.
10. Телия В.Н. Механизмы экспрессивной окраски языковых единиц // Человеческий фактор в языке: Языковые механизмы экспрессивности / В.Н.Телия. - М.: Наука, 1991. - С.36-66.
11. Шаховский В.И. Типы значений эмотивной лексики / В.И.Шаховский // Вопросы языкознания. - 1994. - №1. - С.20-25.
12. Шмелев Д.Н. Русский язык в его функциональных разновидностях / Д.Н.Шмелев. - М.: Наука, 1977. - 272с.
13. Языковая номинация: Общие вопросы. - М.:Наука, 1977. - 359с.
14. Якобсон Р. Лингвистика и поэтика / Р.Якобсон // Структурализм: «за» и «против». - М.: Прогресс, 1975. - С. 193-230.
31
Меметова Э. Ш. Типы лексической экспрессивности в современном крымскотатарском литературном языке / Э. Ш. Меметова // Ученые записки Таврического национального университета имени В. И. Вернадского. Серия «Филология. Социальные коммуникации». - 2012. - Т. 25 (64), № 3, ч. 1. - С.
В данной статье исследованы типы лексической экспрессивности в современном крымскотатарском литературном языке. Исследованы: адгерентная экспрессивность, то есть обусловленная контекстом; ингерентная экспрессивность, то есть лексемы, экспрессивность которых не зависит от условий функционирования, связи с ситуацией, контекстом. Рассмотрена семантика экспрессивного слова с двух основных взглядов - ономасиологического и семасиологического.
Ключевые слова: экспрессивность, лексика, крымскотатарский язык, экспрессивное слово.
Меметова Е. Ш. Типи лексично!" експресивност в сучаснш кримськотатарськш лтературнш мовi / Е. Ш. Меметова // Вчет записки Тавршського национального утверситету шеш В. I. Вернадсько-го. Серш «Фшологш. Сощальт комунжаци». - 2012. - Т. 25 (64), № 3, ч. 1. - С. 27-32.
В данш статт дослвджено типи лексично! експресивносл в сучаснш кримськотатарськш лггературнш мовг Дослвджено: адгерентну експресившсть, тобто обумовлена контекстом; шгерентну експресивнiсть, тобто лексеми, експресившсть яких не залежить вiд умов функцюнування, зв'язку з ситуащею, контекстом. Розглянуто семантику експресивного слова з двох основних поглядш -ономасюлопчного i семасiологiчного.
Ключовi слова: експресившсть, лексика, кримськотатарська мова, експресивне слово.
Memetova E. Sh. Types of lexical expressive modern Crimean Tatar literary language / E. Sh.
Memetova // Scientific Notes of Taurida V. I. Vernadsky National University. - Series: Philology. Social communications. - 2012. - Vol. 25 (64), No 3, part 1. - P. 27-32.
In this article the types of lexical expressive modern Crimean Tatar literary language. Investigated: adg-erentnaya expressiveness, that is due to the context; ingerentnaya expressiveness, ie tokens, expressiveness which is independent of the operating environment, the situation, the context. Semantics, expressive words with two main views - and onomasiological semasiological.
Key words: expressiveness, vocabulary, the Crimean Tatar language, expressive word.
Поступила в редакцию 03.09.2012 г.
32
