CC BY
20Ученые записки Таврического национального университета им. В. И. Вернадского Серия «Филология. Социальные коммуникации». Том 23 (62). № 3. 2010 г. С. 27-31.
УДК 811.512.145. (477.75)
ЮСУФ БОЛАТНЫНЪ ЭСЕРЛЕРИНДЕ ЭМОЦИОНАЛЬ-ЭКСПРЕССИВ ЛЕКСИКАНЫНЪ КЪУЛЛАНЫЛУВЫ
Меметова Э. Ш.
Таврический национальный университет им. В. И. Вернадского, Симферополь, Украина
E-mail: edie70@mail.ru
Мезкюр макъале Ю.Болатнынъ эсерлеринде эмоциональ-экспрессив лексиканынъ къулланылувына багьышлангьандыр. Сёзнинъ эмоциональ-экспрессив ренки, мананынъ озюнде кьыймет кесювнинь олмасына багьлыдыр Ю.Болатнынъ эсерлеринде эмоциональ-экспрессив ренкли лексиканынъ учь чешити расткелип кьулланыр.
Эсас сёзлер: эмоциональ-экспрессив ренк, мусбет ренк, менфий ренк, чокъманалы сёзлер
Меселенинъ къоюлмасы. Эр бир языджы озь макъсадына догьру кельген сёзни бегенгени киби озюнинъ «ольчеви»нен келиштирсе, окъуйыджынынъ тюшюнмеси де кьолайлаша, сёзнинъ тасвирий кьувети де арта. Сёз услюпке келишип, лексик ве грамматик тарафларындан догьру кьулланылувы шарт. Тильдеки сёзлер мана ифаделегенлерине, чешит сааларда къулланылгьанларына коре, тюрлю группаларгьа болюнелер.
Ишимизнинъ актуаллиги услюбиет фени керек дереджеде огренильмейип, услюбий имкянларгьа энь зенгин олгьан лексикологиянынь чешит тарафлары, яни эмоциональ-экспресив кьысмы тедкьикь этильмегенине багьлыдыр.
Ишимизнинъ макъсады: Юсуф Болатнынь эсерлеринде эмоциональ-экспрессив лексикасыны бельгилемек. Мезкюр макьсадымызгьа иришмек ичюн огюмизге ашагьыдаки вазифелер кьойдыкь: услюбиет акькьында умумий малюмат берип, Юсуф Болатнынь эсерлеринде эмоциональ-экспрессив лексиканы бельгилемек.
Тедкъикъатнынъ методологик ве назарий базасы - Иште кьоюлгьан макьсат ве вазифелерге коре фактик малюматы талилининь лингвистик усулларнынь комплекси кьулланылды, энь эсасы исе тасвирий усул.
Тедкъикъатнынъ объекти Ю. Болатнынь «Анифе», «Садакьат» романларында, «Табиатым ойле» икяелер джыйынтыгьында кьулланылгьан эмоциональ-экспрессив ренкли сёзлердир.
Тедкъикъатнынъ ильмий янъылыгъы Ю. Болатнынь эсерлериндеки кьараманларнынь ички дюньясы, ичтимаий алы, табиаты, япкьан ишлери ве кьайгьы-кьасеветлерини тасвирлеген эмоциональ-экспрессив ренкли сёзлернинь классификациясы япылгьанындан ибареттир.
Асырлар девамында лексикологиянынь огренилюви чокь алимлерни, тедкьикьатчыларны меракьландыра. Бу меселеге, яни лексиканынь терен огренильмесине, багьышлангьан тедкьикьатчылар сырасында К.М. Мусаевни [8, 9],
А. Меметовны [4], В.В. Виноградовны [1] ве бир сыра башкъа алимлерни къайд этмек мумкюн.
Услюбиет - тильшынаслыкънынъ айрыджа бир пытагъы олып, тильнинъ чешит услюплерни, лакъырды ве эдебий тильнинъ чешит жанрларында къулланылгъан сёзлерни огрене. Лингвистик термини оларакъ, бу сёз эр бир тильде къулланыла биле. Услюбиетнинъ эсас тюшюнджелери вазифесинде: тильнинъ услюбий къурулышы, услюп, услюбий ренк, манадашлыкъ, тиль нормасы ве онынъ функциональ-услюбий чешитлери чыкъалар.
XX асырдан башлап шу меселелернинъ терен огренилюви башлана. Къырымтатар тилинде услюбиет меселелерининъ огренильмесинен Э.Ш. Меметова [5, 6] огъраша. Славян ве тюркий тиллерде бу меселенен бир сыра алимлер огъраштылар [1, 2, 3, 10, 11, 12, 13].
Бедий эсернинъ тили, энъ биринджи оларакъ, озюнинъ аэнклиги, образлыгъы, джанлыгъынен айырылып тура. Демек, бедий эсерде башкъа услюплер къулланылса да, олар эписи эстетик идеаль джеэтинден джулялланып кирсетиле.
Бедий нутукъ озюне лакъырды нутугъынынъ лексика ве фразеологиясындан гъайры синтаксисини де къаплап ала.
Бедий эсер тили ве, хусусан, белли къырымтатар шаир ве языджыларымызнынъ тили, миллий эдебий тиль шекилленмесинде эмиети гъает буюктир. Мезкюр макъа-лемизде Юсуф Болатнынъ икеяелерине айрыджа дикъкъат айырмагъа истер эдик.
Эмоциональ-экспрессив лексиканынъ къатламы эсасен лакъырды тилинден алынгъан сёзлернен зенгинлеше. Шунынъ ичюн шу лексикагъа экспрессивлик, эмо-ционаллик, къыймет кесюв киби хусусиетлери малик.
Лакъырды услюпте экспрессивлик муим роль ойнай. Бедий эдебиятта шу эмо-ционаллик ве экспрессивлик чешит тюрлю ишаретлернен, эсасен нида ве суаль ишаретлеринен, интонациянен ифаделене. Чешит интонациянен ифаделенюви эмир, ясакъ этюв, айрет, тааджип, чагъырув, риджа киби дуйгъуларыны косьтере.
Сёзнинъ эмоциональ-экспрессив ренки онынъ манасында къыймет кесюв элементи олувындан гайры, субетлешкен инсанларнынъ адландырылгъан адисеге мунасебетинен, экспрессивлигинен ве шу инсанларнынъ бильги дереджелеринен де муреккеплеше. Экспрессив-эмоциональ ренкли лексика тюрлю чизгилерге эсасланып базы чешитлерге болюне:
а./ Ашагъыдаки сёзлер: будала, зевзек, керата, баштакъ, музафер, эдие, аким-дар — озь башына экспрессив-эмоциональ ренкни ташый ве онынъ ичюн тасвирий ренкли деп эсапланыр. Бу группаны тешкиль эткен сёзлер, адети узьре, бирманалы-лар, эм де оларнынъ манасы ойле бир ачыкъ-айдын ифаделенгени шу сёзлерге башкъа маналарда къулланмагъа имкян бермей.
Меселя: Лякин бираздан бу да ярашмады:
- Чокъ тикилип бакъма, будала, - деди мерданем, - назарынъ тиер (14; 65); Даа кеченлерде анавы зевзек Зибиде эвиме сюрип кельди (14; 28); Керата, козюнъни санъдан ал, я да алдырырым! - деди мерданем бал киби татлы тилинен. (14; 68).
Бошбогъаз, мунафыкъ, серсем, анъкъав, ачыкъагъыз, джарис в.б. сёзлер эксерий алдда лакъырды тильде, алчакълаштырылгъан нутукъата къулланалар;
28
акъикъий, даий, кинае, магърур, сарсылмаз, джазибе, джурьат в.б. сёзлер исе, аксине, китап-тантаналы услюбине аиттирлер.
Меселя: Беллей эдим амма, къабаат менде дегиль, анавы джарис шейтанда олгъаныны къомшуларым анъламакъ биле истемейлер. (14; 28); Агъырмагъан башыма явлыкъ багълап мен ахмакъыммы, ёкъса (14; 71).
б./ Бу группаны догъру манада услюбий битарафлы олгъан, лякин кочюрильме манада кучьлю экспрессив ренкни къабул эткен чокъманалы сёзлер тешкиль этелер.
Меселя: - Джанавар! - деп айкъырды Сейтибрам уста. - Бала къулагъы созмагъа пек авес экенсинъ (14; 65); - Сумюк бурун къабакъбашлар, - дей оларгъа Нефисе, - эшек къадар олсанъыз да, ана демеге огренмединъиз (14; 15).
в./ Учюнджи группаны -чыкъ/-чик ялгъамасы ярдымынен эмоциональ, экспрессив ве умумий услюбий ренкни къабул эткен сёзлер тешкиль этелер: балачыкъ, аначыгъым, сюзгюччик, тегерчик, достчыгъым.
Меселя: - Багъышла, огъулчыгъым, инсанларгъа эйилик тилемектен гъайры бу дюньяда башкъа истегим ёкътыр (14; 4); Балалардан учь яшары «къозучыгъым», дёрт яшары «тосунчыгъым», беш яшары «тонъгъучым» олды (14; 65).
Эмоциональ-экспрессив ренкнинъ чешит тарафлары, адети узьре эки буюк — мусбет ве менфий — болюкке айырылалар.
1. Мусбет мунасебетли сёзлернинъ бойле чешитлери айырылыр: алгъышлав ренкли: Джанына рамет эйлесин, бу кир-кифас сабийлерни шимди догъмуш аналар корьсе де, танымаз. (14; 16); Сен,Сейтмурат, беджерикли ве эвджюмен бир адамсынъ, джеми-джемаат сени тракторджы деп макътай. (14; 13); охшав: - Ах меним сырлы козь къозучыгъым^томалагъым-томпузчыгъым, - деп энъ кучюгини оплады. [14; 15]
2. Менфий тасвирли сёзлернинъ сайысы эм де чешити чокъчадыр: алгъышсызлы: Онынъ алтынгъа чевирильмесинде яланджы Эдиенен ошекчи Вера да буюк роль ойнадылар (14; 76); Истесенъиз, язып алынъыз: биринджи къайде ша-плавуз олма, янъылып тилинъни ютарсынъ; экинджиси - къатыкъны да уфюрип аша, барыр да агъызынъны якъарсынъ; учюнджиси - кунешли авада галошсыз юр-ме, барыр да сепелеп ягъмур ягъар; дёртюнджиси папирос ичеджек олып денъиз ялысында серник чертме, итимал денъиз янъар. (14; 80); нефрет: - Ачкозь обюрге барып айтынъ, меним аккордеонымны къайтарып берсин, деген (14; 30); опькели: Яланджы Эдиенинъ айткъанына коре, «дюньянынъ беш кошесинде беш университет битирип, докъсан докъуз тильни сув-тильмач огренген къадынгъа сенинъ Балтабаевинъ къач капик! (14; 76); мыскъыл: Аферин, акъылданем, профес-сорнынъ агъызына да шап къыстырдынъ (14; 65); киббарлы: - Джемаат, биз мында дженазеге кельмедик, тойгъа кельдик, - деди ялтакъ бир эриф (14; 74); сёгюш: -Зампара! - деди бир данем къайтадан когерип (14; 65).
Нетидже ве перспектива. Бойлеликнен, Юсуф Болатнынъ икяелеринде эмоциональ-экспрессив лексикасы зияде къулланылыр. Мында озь башына экспрес-сив-эмоциональ ренкни ташып, онынъ ичюн тасвирий ренкли деп эсаплангъан сёзлер; догъру манада услюбий битарафлы олгъан, лякин кочюрильме манада кучьлю экспрессив ренкни къабул эткен чокъманалы сёзлер; -чыкъ/-чик ялгъамасы ярдымынен эмоциональ, экспрессив ве умумий услюбий ренкни къабул эткен сёзлер
29
айырылалар. Булардан гъайры Ю.Болатнынъ икяелеринде къулланылгъан эмоциональ-экспрессив ренкли сёзлернинъ мусбет мунасебетли ве менфий тасвирли сёзлерге болюнмеси де къайд этильгендир.
Къулланылгъан эдебият
1. Виноградов В.В. Стилистика. Теория поэтической речи. Поэтика. - М. - 1963 г. - 256 с.
2. Кожина М.Н. Стилистика русского языка. - М.: Просвещение, 1983. - 223 с.
3. Корман Б.О. Изучение текста художественного произведения: учеб.пособие для вузов; Моск. гос. заоч. пед. ин-т. - М. : Просвещение, 1972. - 110 с..
4. Меметов А.М Лексикология крымскотатарского языка. - Симферополь: Крымучпедгиз,
2000. - 288 с.
5. Меметова Э.Ш. Къырымтатар тилининъ услюбиети. - Симферополь: Крымучпедгиз,
2001. - 144 с.
6. Меметова Э.Ш. Къырымтатар тилининъ услюбиети ве нутукъ медениетининъ эсаслары Учебное пособие. - Симферополь: Крымучпедгиз, 2002. - 82 с.
7. Мусаев К.М., Меметов А.М. Крымскотатарский язык//Языки Российской Федерации и соседних государств. Энциклопедия. Т.2. - М.: 2001. - С. 162-171.
8. Мусаев К.М. Лексика тюркских языков в сравнительном освещении (Западнокыпчакская группа). - М.: Наука, 1979. - 480 с.
9. Мусаев К. Лексикология тюркских языков.-М.: Наука, 1984. - 328 с
10. Хаков В.Х. Современный татарский литературный язык. Стилистика (Хэзерге татар эдэ-би теле. Стилистика). - Казань: Тат.книжн.изд-во, 1999. - 304с.
11. Хаков В.Х. Стилистика и искусство слова (Стилистика Иэм суз сэнгате). - Казань: Тат.книжн.изд-во, 1979. - 158 с.
12. Хаков В.Х. Введение в стилистику татарского языка (Татар теле стилистикасына кереш). - Казань: Изд-во Казанского ун-та, 1963. - 168 с.
13. Хамидова Л.В., Шахова Л.А. Практическая стилистика и культура речи. Учебное пособие. - Тамбов: Изд-во ТГТУ, 2001. - 34 с.
Бедий эдебият
14. Болат Ю. Табиатым ойле. (Икяелер) - Ташкент: Гъафур Гъулам адына бедий эдебий нешрияты, 1977. - 137 с.
Меметова Э. Ш. Использование эмоционально-экспрессивной лексики в произведениях Ю.Болата / Э. Ш. Меметова // Ученые записки Таврического национального университета им. В. И. Вернадского. Серия «Филология. Социальные коммуникации». - 2010. - Т. 23 (62), № 3. -С. 27-31.
Данная статья посвящена исследованию использования эмоционально-экспрессивной лексики в произведениях Ю.Болата. Эмоционально-экспресивная окраска у слова возникает в результате того, что само его значение содержит элемент оценки. В произведениях Ю. Болата имеется немалый фонд слов с устойчивой эмоционально-экспрессивной окраской. Чисто номинативная функция осложняется здесь оценочностью, отношением говорящего к называемому явлению, а следовательно, экспрессивностью. Здесь можно выделить следующие группы слов с эмоционально-экспрессивной окраской: однозначные слова с заключенной в их значении явной и определенной оценкой; многозначные слова, которые в переносном значении наделяются яркой оценочностью и экспрессивной стилистической окраской; слова, в которых стилистические коннотации достигаются аффиксацией.
Ключевые слова: эмоционально-экспрессивная окраска, положительная окраска, негативная окраска, многозначные слова
Меметова Е. Ш. Використання емоцшно-експресивно1 лексики в творах Юсуфа Болата / Е. Ш. Меметова // Вчеш записки Тавршського национального утверснтету iм. В. I. Вернадського. Серiя «Фшолопя. Сощальш комушкацп». - 2010. - Т. 23 (62), № 3. - С. 27-31.
Дана стаття присвячена дослвдженню використання емоцшно-експресивно! лексики в творах Ю. Болата. Емоционально-експресивная забарвлення в слова виникае в результата того, що само його
30
значення мютить елемент оцiнки. У творах майстра слова Ю. Болата видшяються три групи слiв i3 стiйким емоцшно-експресивним забарвленням.
Ключовi слова: емоцшно-експресивне забарвлення, позитивне забарвлення, негативне забарвлення, багатозначнi слова
Memetova E. S. Use of emotional-expressive vocabulary in works of Yusufa Bolata / E. S. Memetova // Scientific Notes of Taurida V. I. Vernadsky National University. - Series: Philology. Social communications. - 2010. - Vol. 23 (62), No 3. - P. 27-31.
This article is devoted research of the use of emotional-expressive vocabulary in works of Yu. Bolata. Emocional'no-ekspresivnaya colouring at a word arises up as a result of that his value is contained by the element of estimation. In works of master of word Yu. bolata three groups of words are selected with the steady emotional-expressive colouring.
Keywords: emotional-expressive colouring, positive colouring, negative colouring, multiple-valued words
Поступила в редакцию 01.09.2010 г.
31
