Who actually was meant as "the great Ismael" in Nostradame quatrain (timed to the 450th anniversary of the famous diviner''s death) Текст научной статьи по специальности «История и археология»

УДК 82-994

Мамутов Б.А.

НОСТРАДАМУСНЫНЪ ДЁРТЛЮГИНДЕКИ «УЛУ ИСМАИЛ» КИМ ОЛА БИЛЕ (мешур кеанетчи вефат этювининъ 450-йыллыгъы мунасебентинен)

Аннотация. XVI асырда яшагъан «джумле заманлар ве халкъларнынъ» кеанетчиси Мишель де Нострадамус озь мешур центурияларында Шаркъ ве Ислям дюньясыны дикъкъатсыз къалдырмады. Онынъ, Къуран-и Керимде адлары кетирильген базы пейгъам-берлерге, мусульманларнынъ омюринен багълы базы вакъиаларгъа мураджатлары сыкъ-сыкъ олмаса да, лякин истисна да дегиль. Макъалемизде, сатырлардан бириси «улу Исма-ил»ны анъгъан катрен (дёртлик) огрениле.

Мезкюр катреннинъ умумий контексти, Шаркъкъа мураджаат эткен центуриялар мундериджелерининъ бутюнлиги, Нострадамустан сонъ яшагъан белли тарихий эрбапларларнынъ адлары кетирильгени эсасында, яни буларнынъ джумлесини козь огюне алып, онынъ бу кеанетининъ манасы, Шаркътаки ве, хусусан, Русие империясында яшагъан тюрк-мусульманларнынъ арасында, оларнынъ ичтимаий-сиясий омюринде Исма-ил Гаспринский киби, акъикъатен де, улу бир шахс пейда олувынен багълы, деген хуляса чыкъарыла.

Анахтар сёзлер: Нострадамус, улу Исмаил, IXцентурия, LXкатрен, кеанет.

Мамутов Б.А.

КЕМ МОЖЕТ БЫТЬ «ВЕЛИКИЙ ИСМАИЛ» В КАТРЕНЕ НОСТРАДАМУСА (приурочено к 450-летию со дня смерти знаменитого прорицателя)

Аннотация. Живший в XVI веке прорицатель «всех времён и народов» Мишель де Нострадамус в своих знаменитых центуриях не обошёл вниманием Восток и мир Ислама. Его обращения и к отдельным кораническим персонажам (пророкам), и к собственно ряду событий мусульманской жизни, хотя не так часты, но и не являются исключением. В статье рассматривается катрен, в котором одна из строк упоминает «великого Исмаила».

Исходя из общего контекста данного катрена, совокупности содержания центурий в части их обращения к Востоку, предназначения упоминания имён конкретных исторических деятелей, живших после Нострадамуса, предпринимается попытка интерпретировать смысл его прорицания как предвидение появления на арене общественно-политической жизни тюрко-мусульман Востока в целом, и Российской империи, в частности, действительно великой личности, каким был Исмаил Гаспринский.

Ключевые слова: Нострадамус, великий Исмаил, IXцентурия, LXкатрен, прорицания.

Mamutov B.A.

WHO ACTUALLY WAS MEANT AS «THE GREAT ISMAEL» IN NOSTRADAME QUATRAIN (timed to the 450th anniversary of the famous diviner's death)

Summary. Michel de Nostradame (Nostradamus), the greatest seer ever, who lived in 16th century, did not ignore Eastern and Muslim worlds in his famous centuries. References to Qur 'anic personalities (prophets) and directly to series of events of Muslim world life though are not frequent still aren't exceptions in his centuries. This article considers the quatrain in which one of the lines mentions «Great Ismael».

General context of this quatrain, aggregate content of centuries with regard to the East, references to the names of specific historical figures who lived after Nostradame, give a ground to conclude the following: the meaning of his prophecy may be construed as a prediction that great personality will emerge in the arena of socio-political Turkic-Muslim life of the East in general and Russian Empire in particular. And Ismail Gasprinski was, indeed, such personality.

Key words: Nostradame, the Great Ismael, IX century, LX quatrain, prophecies.

Меселенинъ къоюлувы ве онынъ огренильмесининъ дереджеси. Джиан тарихы-нынъ кетишатына озьгюн жанрдаки язылары иле баягъы бир тесир эткен Нострадамус киби эрбапнынъ мирасыны огренмек ве онынъ ичинде, Къырымда догъгъан, бутюн тюрк-мусульман дюньясына чокъ сезерли гуманистик сильтемине себепчи - мисильсиз шахс пейда оладжагъынынъ кеанет изини тапмакъ, бельгилемек ве буны исбатламагъа тырыш-макъ чокъ меракълы ве зарур меселедир.

Шу ёнелиштеки арекетлер, шубесиз, теткъикъат аляметлерини ташымакъта. Мезкюр мевзугъа энъ кениш манада ве махсус догъруланып бинълернен, дегиль макъалелер, атта китаплар багъышлангъан. Амма катренлерден бирисини Къырымнен, Исмаил бей Гасприн-скийнен багъламакъ ве бунъа делиллер кетирмек - асылында ильк сефер япымакътадыр.

Муэллифнинъ макъале иле етмеге ынтылгъан макъсады. Нострадамуснынъ Шаркъкъа ве мусульман дюньясына олгъан мерагъы тесадуфий ве устюндже дегиль эди. О, цивилизацияда Ислям дюньясынынъ ери, эмиети ве тесирини корип, катренлерининъ бир къысымыны онъа багъышлай. «Улу Исмаил»ни анъмакъ да бу сырадандыр.

Базы изаатчылар кеанетлерни Ислямгъа къаршы чевирмеге, яни, динимизни бо-зуйыджы бир кучь оларакъ косьтермеге тырышалар. Амма Нострадамус мусульман але-минде дегерли, илери инсанлар оладжагъынынъ акс эткенини корьмемеге мумкюн дегиль. Макъсадымыз - IX центуриянынъ LX катрени бунъа делиль олгъаныны исбатламакъ.

Эсас мальземенинъ беяны ве такъдими. I. Дюнья ве инсаниет кечмишинде чокъ сыр-лы, тааджипли, акъылгъа, базыда атта хаялгъа сыгъмагъан, адиселер, эбет, аз олмады. Муджизе сыфатыны ташыгъан бойле мутешем феноменлер арасында вакъиалар Френки-станда Мишель де Нострадамуснынъ (1503, Сен-Реми - 1566, Салон-де-Прованс) шахсы айрыджа ер туткъаны шубесиздир.

Онен бир сырада тургъан, онынъ севиесине догъру кельген кеанетчи (прорицатель)

Гъарпта, Авропа тарихында, бельки де, олмады. Бу фаалиетни козь огюне алгъанда, «...среди всех Нострадамус продолжает оставаться самым знаменитым» [1], дегенлери астында салмакълы эсас ве акъикъат турмакъта.

О, католицизмни къабул эткен еудийлер къорантасында догъды ве буюди. Эким, апханеджи (фармацевт), озь зенаатынынъ танылгъан саиби олмакътан гъайры мераметли, хайриесевер инсан олып, бу фаалиетте де онынъ дюньяджа шурети адынынъ огюнде кеткен бир джемаат эрбабы эди.

Онынъ чокъ меракъ, теэссурат, суаллер къалдыргъан ишлери айры тургъан бильги саа-ларынен, шу джумледен, футурология, сиясетшынаслыкъ, психология ве, табиий ки, тарих иле сыкъ багълыдыр. Бунынънен берабер, онынъ айретте къалдыргъан кеанетчилигининъ менбаалары да белли: мюнеджджият (астрология), алхимия ве каббала (еудийлернинъ чокъ асырлар девамында топлагъан зенгин ве къыйметли бильгилери).

Нострадамуснынъ «Центуриялар» адлы эсас эсери ве, бу демеси, энъ къыйметли варис-лиги 969 катренден (дёртликлер) ибрарет. Олар 10 центурияларгъа (къысымлар, баблар) топлангъан. Кеанетлерининъ бир сырасы кечмишнен багълы. Лякин мюнеджджият къанунлары боюнджа келеджек - бу белли бир девирий шекильде къайтып кельген, яни те-крар олунгъан кечмиштир.

Катренлернинъ эксериети, эр алда, инсаниетнинъ келеджегинен багълыдыр. Бу демеси, олар XVI асырнынъ экинджи ярысындан - «Центуриялар» чыкъкъан сенеден (1555) башлап, нострадамусшынасларнынъ тасдикъына коре, кеанетлик кучюни (бойле вари-антлар айтыла): 1) 2099 сенесинедже; 2) 2242 сенесинедже (еудийлернинъ такъвими боюнджа бу 6000-нджи сене); 3) учюнджи бинъйыллыкънынъ сонъунадже сакълайлар .

II. Энди бизни меракъландыргъан ве белли бир шекильде талиль этмеге истеген ка-треннен таныш олайыкъ:

Конфликт варваров у чёрной монашки, Пролита кровь, дрожит Далмация, Великий Исмаил возведёт свой мыс, Лягушки дрожат, помощь Лузитании. (IX центурия, LX катрен) [1, с. 298].

Бу дёртликнинъ ве онынъ бу терджиме шекилине китапнынъ кириш къысымында бой-ле изаат кетириле: «[Здесь] он увидел события на Кавказе. «Чёрная монашка» означает «Чёрное море». В то время кавказские народы, черкесы и чеченцы, ещё не вели борьбу против центральной московской власти, она началась только в XIX в. Описываются ли здесь восстания народов Кавказа в XIX в.? Нет, следующая строка содержит слова «дрожит Далмация», что может означать только войны в бывшей Югославии, имевшей место тогда же, что и волнения в Чечне, где «великий Исмаил», другими словами, ваххабитский Ислам, был и остаётся сейчас. Последние слова хранят загадку: «помощь Лузитании». Но ведь мы ещё не стали свидетелями развязки событий и поэтому не знаем, какое Лузитания, то есть Португалия, примет в них участие» [1, с. 55].

Бойле анълатувларны Авропа шаркъ къысымынынъ тарихыны, джографиясыны яхшы бильмеген инсанлар бере биле. Эгер «чёрная монашка», айткъанларына коре, Къара денъиз олса - о къанда, Чеченистан къанда. Араларындаки месафе оларны бири-биринен багъла-магъа эсас бермей. «В то время», деп, тильге алынгъан вакъыт айдынлатылмай. Амма ко-рюне ки, Нострадамуснынъ девири козьде тутула. Эм де, «кавказские народы» дегенде, не ичюн тек эки халкънынъ ады айтыла?

«Не вели борьбу», демелери - табиий, чюнки азатлыкъ куреши Кавказда тек 1817 сене-си, Русиенинъ арбий теджавузындан сонъ башланды ве о къанлы вакъиалар ерли халкълар ичюн нетиджеси, теэссюф ки, мувафакъиетсиз олгъан миллий-къуртулыш арекетине чеви-рилип ве тарихкъа «Кавказ дженки» оларакъ кирип, тамам ярым асыр девам эттилер. Кене де шу китапта, башкъа - катреннинъ озю кетирильген ерде энди чокъ къыскъа ве, деерли,

*Ихтар. Франсыз тилинде мезкюр китап 2002 сенеси дердж олунды, демек, бу сатырлар эки асырнынъ (ве бинъйыллыкънынъ) сынъырында язылмакъталар.

эмиетсиз, юкъарыда айтылгъандан девир джеэттен фаркълы, изаат бериле: «Волнения в районе Чёрного моря, начавшиеся в конце XX в.». Козьде Чеченистанда 1995-96 сс. олгъан фаджиалы чарпышмалар (дженк) тутыла [1, с. 298].

Бизим джумле изаатлар узеринде япкъан козетюв ве теткъикъатымыз буны косьтермек-те: Нострадамуснынъ дёртликлери 1) бутюнлей бир вакъианынъ «огюни алмасына», муэл-лифнинъ кеанет япмасына чалыша билелер; 2) бир къач вакъианынъ ифаде этильмесине -бу демеси, катреннинъ эр бир я да экишер-экишер сатырлары оладжакъ айры-айры шей-лерге - багъышлана билелер; 3) оладжакъ вакъиа, бир бакъышта, муайенсиз, гъает мурек-кеп, багъувсызлыкъкъа эсаслангъан шекильде косьтериле.

Нокътаи назарымызгъа коре, биринджи чешитке келишип, бунынънен берабер, учюн-джи чешитнинъ чизгилерини де ташымакъта олгъан юкъарыдаки катрен бизим иддиа-мызгъа (тезисимизге) насыл тарафтан, къайсы анъламларынен уйгъун келе экен, дегеним-изде, бойле делиллерге эсаслана билемиз:

- «конфликт варваров», дегенде, эбет, бир сыра вакъиаларны кетирмек мумкюн, амма энъ келишкени ве озюни «таныттыргъан» сою - 1774 сенеси башлап, 1783 сенеси Русие империясы Къырымны запт этильмесинен екюнленген чокъ давалы, агъыр нетиджели конфликт вакъиаларыдыр, чюнки эм XVI, эм де XVIII асырларда Френкистан ичюн Къырым да, Русие де барбарлар, Авропа хариталарында исе «Тартария», деп косьте-рильген топракълар эди; оларнынъ джографик багъланмасы - денъиз де мевджут (бу -невбеттеки делиль);

- «у чёрной монашки» ибарени френк изаатчылары Къара денъиз, деп бельгилейлер ве бу джеэттен де козьде Къырым тутылгъана, шубе, деерли, къалмай, чюнки ярымада денъизнинъ башкъа ялы топракълары киби дегиль - о, харитагъа бакъкъанда, сувнынъ ичине кирген, онынъ парчасы киби корюне; сёз сырасы, Нострадамуста Къара денъиз-нинъ озю де анъыла: «Канаты и цепи скручены в Чёрном море» (II центурия, XXI катрен, 4-нджи сатыр), «Огнём и оружием недалеко от Чёрного моря» (V центурия, XXII катрен, 1 -нджи сатыр);

- «пролита кровь», «дрожит Далмация» - яни, земаневий Хорват ве Къарадагъ (Черногория) тарихларынен багълы белли бир къыясланувларгъа алып келе, чюнки бу то-пракъларда сонъки 150-200 йыл ичинде олгъан вакъиаларны хатырласакъ, анда, кер-чектен де, аз къан тёкюльмеди; амма дигер бир «бирлейиштириджи» ал: о ерлер XVI -XVIII асырларда Къырымнен бир девлет - Осман императорлыгъы имаесинде олгъаны да белли бир эмиетке маликтир;

- «великий Исмаил возведёт свой мыс» ибарени Гаспринскийнинъ буюк ве кениш микъяста буюк ве девамлы япкъанларынынъ буюк ве гъает тесирли нетиджелери киби анъламакъ мумкюн; ондан да гъайры ярымадамыз ялы сырасындан огге чыкъкъан джографик объектлер - бурун(мыс)ларгъа толу олып, атта озю «мыс»ны бенъзетип, кене де Къара денъиз, Къырымнен багълы гизли, сакраль-мукъаддес мотивлерини текрарла-макъта; бу сёз («мыс») Нострадамуста эвель де расткеле: «Меж двух морей тот воздвигнет высокий мыс» (I центурия LXXVII биринджи сатыры - изаатчылар «тот» замиринде белли тарихий шахс кардинал Ришельени ве, демек, «мыс» дегенде корюмли яхут буюк фаалиетни корелер);

- «лягушки дрожат» ибареси, адет узьре, Франциянен багълана ве И. Гаспринскийнинъ омюринде бу мемлекетнинъ ери, анда девамлы вакъыт яшагъаны, теджрибе арттырмакъ огърунда гъает файдалы фаалиет косьтергени беллидир;

- «помощь Лузитании» изаатчылар Португалия дейлер, лякин бойле адлы тарихий ульке къомшу Испаниянынъ гъарп къысымыны да джельп этмекте; Исмаил Гаспринский ичюн бу тарафлар ят дегиль эди - онынъ романынынъ къараманы мешур Молла Аббас Анда-лусиядан Гибралтаргъадже доланып юрген, айретленген ве корьгенлерини языларында къайд эткен; асылында бу топракълар «Дар-уль-рахат мусульманлары» яшагъан ульке сынъырларында, умумийлештирип дегенде, Пиреней ярымадасынен багълы олгъаны беллидир [2]; бу ерни ойле анъламакъ мумкюн ки, Лузитания улу мутефиккиримизге онынъ эдебий иджадында, шу джумледен, роман язмакъта ярдымджы олды.

Бу делиллерге хуляса оларакъ шуны айтмалы: юкъарыдаки фактлар айры-айры бельги-ленип, о къадар тесир, тасавур этиджи, исбатыны косьтерейиджи, бельки де, дегильдирлер -оларнынъ эмиети, догърулыгъы, атта кеанет мутешемлиги тамам топлу шекильде, яни шу катрен ве дигер, мевзу-мундеридже джеэтинден якъын олгъан дёртликлер черчивесинде (контекстинде) даа да айдындыр.

Франсыз изаатчылары «великий Исмаил, другими словами, ваххабитский Ислам» дегенлери узеринде тюшюнейик. Мында ич бир багъ корюнмей ве ич бир делиль кети-рильмей. Эм де меселе «ваххабизм» эсасчысынынъ узун - Мухаммад ибн Абд аль-Ваххаб ибн Сулейман ибн Али ибн Мухаммад ибн Ахмад ибн Рашид аль-Мушаррафи ат-Тамими -адында «Исмаил» ёкъ олгъанында дегиль.

Юкъарыда кетирильген анълатмакъ мантыгъындан келип чыкъылса, Нострадамус эр ерде Ислям динини тильге алгъанда, оны «Исмаил» вастасынен ифаде этер эди. Асылында, бунда «терслик» беллисизлик ёкъ, чюнки бу ад Къуран-и Керимде 12 кере расткеле, дейлер. III центуриянынъ LX катренинде, сонъки - «Одного молодого чёрного, исполненного предательства» сатыры акъкъында изаатчылар: «Конечно же, речь идёт о современной эпохе, и о брожениях, поддерживаемых исламистами, в особенности ваххабитами.», деп, Ислям ичинде олгъан акъымны энди бам-башкъа тарафкъа чевирип язмакъталар [1, с. 158].

III. Нострадамуснынъ кеанетлеринде Ислям дини, тарихтаки ве джиан вакъиаларында-ки онынъ эмиети Мухаммед Пейгъамбернинъ адынен багълы олгъаны ачыкъ-айдын ко-рюне. Мына онынъ бир къач мисали: «Будет для Магомета открыт проход» (I центурия, XVIII катрен, экинджи сатыр); «Послания великого Пророка будут перехвачены» (II центурия, XXXVI катрен, биринджи сатыр); «Магомет противник, больше - Адриатическое море» (III центурия, XXIII катрен, учюнджи сатыр); бу катрен «Нострадамус предостерегает Францию от искушения перед колониальными авантюрами, особенно в исламских странах», деп анълатыла; «Флотилия трирем против народа магометан» (III центурия, LXIV катрен, экинджи сатыр).

Буларнынъ эписине озюне хас, не дереджеде догъру олгъанындан къатий назар, ме-ракълы ве суаллер догъурткъан изаатлар мевджут. Бунынънен берабер, бойле сёзлернен башлагъан дёртлик де бар: «Возле спуска армия крестоносная будет подстерегаема исмаи-литами» (IX центурия, XLIII катрен, биринджи ве экинджи сатыр). Изаатчылар буны «арабо-израильский конфликт» [1, с. 294], деп бельгилейлер (дикъкъатымызны мында курсив иле язылгъан сёз джельп этмекте).

Къайд этмели ки, Нострадамус Ислям динине чокъ сайгъы мунасебетини бильдире. Бу-ны белли русиели нострадамусшынас А. Пензенский де озь эсерлеринде тасдикъламагъа тырыша. «Нострадамус. Миф и реальность» китабынынъ [3] дёртюнджи бабы мыскъыллы шекильде «Ударим центуриями по братьям-мусульманам», деп адландырылгъан. Муэллиф «Нострадамоведческие фальсификации в западной литературе на службе политики» адлы меселени тенкъидий нокътаи назарындан огренмекте ве онынъ черчивесинде «Откуда взялся миф об арабском антихристе и третьей мировой войне» деген суальге джевап берме-ге тырыша. Бу джевабында алим-тарихчы Гъарптаки базы изаатчылар суньий суретте Ис-лямгъа нисбетен къоркъу ве нефрет догъуртмакъ макъсадынен къаба уйдырмалар огюнде токътамагъанларыны къайд эте.

Мезкюр себептен де «великий Исмаил» шахсиетини ве онен багълы ичтимаий адисени улу исляатчы-маарифпервер ве буюк къалем устасына дегиль де, онынъ ерине шубели, фитнели бир макъсатнен бугуньки ваххабитлернинъ арекетлерине - оларнынъ инсаниетли-гинден ве ниетлери насыл олмасындан къатий назар - багъламакъ бу, фикиримиздже, си-ясий айын-оюнларгъа ёл бермектир.

IV. Бизни меракъландыргъан катреннинъ дигер терджиме шекили ве онынъ башкъа изааты да мевджут. Оны кетиргенимизнинъ себеби - терджиме фаркълыгъыны нумайыш этмек ичюн дегиль. Ниетиндемиз - мыскъыллы, пародиялы анълатувларнынъ терджимеле-ри, бельки де, джиддий терджиме чешитинден де зияде таркъалгъан олмасыны косьтермек:

Стычка Варваров в черной Корнере.

Прольется кровь, задрожит Далмация.

Великий Исмаил поставит свой отрог. Затрепещет Ран, помощь придет из Лузитании /будет оказана помощь Лузитании/.

«Схватка: Черная Корнера - черный рынок, черная торговля, теневая экономика. Корнера - скупка и перепродажа товаров с целью наживы в чисто спекулятивных целях. Стычка в черной Корнере - война между собой за власть и сферы влияния. Далмация - стратегический центр нижнего Аида, кузница титанов Ада. Далмация - даю, выпекаю, штампую лепешки, нечто вроде поварской кухни (от слов «давать, выпекать, выпускать» и «маца» лепешки). Великий Исмаил - великий Измаил. Речь идет о выходе на земной план ударной группы Рая под руководством А.В. Суворова. Затрепещет Ран» - затрепещет наносивший раны, зачинщик войны. Лузитания - народ, загнанный в угол, лузу, тупик» [4].

Мезкюр изааткъа изаат бермек арткъачтыр. Лякин макъалемиз язылмасына себеп олгъан «Великий Исмаил поставит свой отрог» джумледе пейда олгъан янъы (сонъки тургъан) сёз, юкъарыда, биринджи вариантта кетирильген сёз («мыс») киби эбет, метафо-радыр. Амма о да ибаренинъ манасына чалышмакъта: дагънынъ четлешмеси, «чаталы» эм Къырымны, эм де «улу Исмаил»нынъ фаалиетини темсиль этмесине чалышмакъта.

Догърусыны айткъанда, центуриялардаки «улу» деген сыфат озь эсас, толу манасында къабул олунмай. Онынъ сыкъ-сыкъ ишлетильмесинде эки грамматик шекилини корьмек мумкюн.

Биринджиси, бизим мисалимиздеки киби, бу, Нострадамуснынъ, бесе-белли, энъ се-вимли сёзю, джумле азасы - айырджы (определение) оларакъ «чалыша». Мисальчюн, алайыкъ тек II центурияны: «великое вторжение» (I катрен), «великий монарх» (XII катрен), «великий канал» (XVII катрен), «великий народ» (XXVIII катрен), «великий Пророк» (XXXVI катрен), «великая смута» (XL катрен). XLI катренде бу сёзге учь («великая звезда», «великое утро», «великий понтифик») ве центуриянынъ сонъунадже бу айырджыгъа даа 22 кере, атта ошлу манада расткелемиз.

Экинджиси, муптеда (подлежащее) сыфатында ишлетиле. Бойле мисаллерни кене де шу центурияда II («великий повешен»), XXIV («великий затащит»), LVII («великого унесёт смерть») ве даа бир къач катренлерде къайд эте билемиз.

V. Энди дигер: Нострадамус, о, ольгенинден 285 йылдан сонъ догъгьан, улу Исмаилни анъар экен, я онынъ кеанетлеринде адлары бойле догърудан-догъру сеслендирильген баш-къа белли инсанлар бармы? - деген меракълы суальге джевап бермек керекмиз. Асылында шуны къайд этмели ки, центурияларда астрономик терминлер, анъламлар, конкрет джографик ерлер, топоним ве этнонимлер, андаки эксерий алда гизли, муайенсиз иба-релерни белли бир тарихий вакъиаларгъа багъламагъа, яни катренлернинъ там манасыны ачыкъламагъа ярдым эткен адлар пек чокъ расткеле. Джографизмлернинъ чокъусы, эбет, Авропанен (мемлекетлер, виляетлер, шеэрлер, озенлер, дагълар) багълыдыр. Дигерлер сы-расында Тюркие (шу джумледен, Бизанс шекилинде), Мыср чокъ анъыла, Шималий Африка (Марокко, Тунис, Алжир) мевджут.

Келеджекте пейда оладжакъ тарихий эрбаплар исе, фикиримиздже, дёрт шекильде анъыла. Биринджиси - мифологик къараманларнынъ (Геркулес, Девкалион, Артемида ве иляхре) ве айван-къушларнынъ (арслан, аюв, бугъа, йылан, балыкъ, хораз, къартал ве илях-ре) кинае оларакъ къулланылгъан адлары ярдымы иле (о ягъыны ферасет этмели); экинджиси - бельгиленмеси гъает агъыр я да ич де белли дегиль, бутюнлей аноним адлар: (предводитель, избранник-блондин, злые люди, скот в театре ве иляхре).

Учюнджиси - адлары догърудан-догъру айтылмаса да, эпитетлер онынъ ким олгъаны-ны яхшы ачыкълайлар: «Великий племянник докажет силой» (IV центурия, LXXIII катрен, биринджи сатыр) - лаф Наполеон I Бонапартнынъ джиени, XIX а. орталарында Френкистан президенти, сонъра императоры олгъан Наполеон III акъкъында кете. «Великий крикун, бесстыжий и отважный» (III центурия, LXXXI катрен, биринджи сатыр) - бунда, шубесиз, Гитлерни корелер. Дёрт катренлерде изаатчылар II Екатеринаны корелер («долгое время правит юная женщина», «ответ дамы», «великие усилия мужеподобной», «раньше смиренная никогда не была столь гордой») ве онъа нисбетен муэллифнинъ мыскъыл-нефретини

сезмектелер. Бойле маналы-меракълы катренлер аз дегиль.

Дёртюнджиси - конкрет шахсларнынъ адлары чокъ олмаса да, оларнынъ сырасында Маариф девирнинъ белли эрбабы, Нострадамустан 200 йылдан сонъ яшагъан, мутефиккир ве языджы Жан-Жак Руссо: «При поддержке Руссо будет это предприятие (I центурия, LX катрен, дёртюнджи сатыр); 1830-1848 сс. френк къыралы Луи-Филипп: «Семь лет будет фортуна Филиппа процветать» (IX центурия, LXXXIX катрен, биринджи сатыр). Мезкюр ве дигер мисаллер «улу Исмаил» ибареси диний акъымлардан бириси («теклиф этильген» ваххабизм киби) дегиль де, бу конкрет инсан козьде тутулгъаныны бильдирелер.

Нострадамус огърашкъан сааны оккультизм яхут эзотерика эдебиятына къошмагъа ты-рышкъан мутехассыслар, эбет, бар ве олар озьджесине акълыдырлар. Бу мевзугъа кириш-кен эр бир теткъикъатчынынъ озь нокътаи назары олмасы табиийдир. Олардан биревлери: «большую роль сыграла глубокая убежденность Нострадамуса в том, что именно ему суждено «научным» путем открыть завесу, скрывающую будущее» [5], деп язгъанда, энъ муим сёзни тырнакълар ичине алалар.

Албуки, тарих, сиясетшынаслыкъ, социология, демография ве, бельки де, даа бир сыра дигер ичтимаий-гуманитар фенлерде оладжакъ шейлерни тахмин этмек, келеджекнинъ ке-тишатыны корьмек, вакъиаларнынъ прогнозыны къурмакъ - «темиз» илимдир. Эм де юк-сек дереджели илимдир. Бунынъ эписини топлу шекильде футурология огренмекте. Ве о да джиддий бир фендир.

Биз бу ерде фал бакъмакънынъ къорчалавы - апологетикасына тюшмедик. Факъат: эгер биревнинъ келеджек акъкъында айткъанларынынъ - эписими я да эксериетими, толусынен я да къысымынен - вакъыт кечер, керчеклешир, догъру олып чыкъар экенми, буны бильмек ичюн о «оккультист», «экзотерик», «астролог», физикаджы, тарихчы, сиясетшынас ве иляхре - йылдызларгъа бакътымы, транс, прострация, ведждге (экстаз) тюштими, медитация, муракъабе усулынен къулландымы, гизли бир кучьлерден сорадымы, «акъикъий илим»нинъ чешит васталарыны ишлеттирдими - фаркъы ёкъ. Инсаниет ичюн нетидже ол-сун, меракълы-бильгили олсун, оны чокълукъ танысын ве о файда кетирсин, демеге истейик.

...Онынъ, Авропанынъ бир сыра къыраллары даима зиярет этип тургъан къабиринде: «Здесь покоятся кости знаменитого Мишеля Нострадамуса, единственного из всех смертных, который оказался достоин запечатлеть своим почти божественным пером, благодаря влиянию звёзд, будущие события всего мира», деп язылгъан. О, ольгенде, центурияларында дефаларджа анъыгъан Мухаммед пейгъамберимиз (с.а.в.) киби, 63 яшында эди. Ве даа бу бир кельмек тесадуфийми, аджеба - онынъ «улу Исмаилы», бизим атамыз Исмаил бей Гаспралы, белли олгъаны киби, козьлерини, 63 яшкъа келип, эбедий юмды. Тесадуфийли-клер топланса, олар къаиде, къанунджылыкъкъа, чевириле тургъан.

КЪУЛЛАНЫЛГЪАН ЭДЕБИЯТ

1. Предсказания Нострадамуса. Полный и достоверный текст Центурий до 2099 года. - Харьков-Белгород, 2007. - 336 с. Объяснения и комментарии Сержа Югена и Болдуэна Бонсержана.

2. Гаспринский И. Молла Аббас. Биринджи том / Исмаил Гаспринский; неширге азырлагъан проф. И. Керимов. - Симферополь: Крымучпедгиз, 2001. - 400 с.

3. Пензенский А.А. Нострадамус: миф и реальность [Электронный ресурс] / А.А. Пензенский. - М.: Эксмо, 2003. - Режим доступа: http://www.polz.spb.ru/nos/nos_q_ix.htm.

4. Берзин Э. Нострадамус и его предсказания [Электронный ресурс] / Э. Берзин. - Режим доступа: http://www.nkj .ru/archive/articles/21812/.

5. Светлая Р. Предсказания Нострадамуса. Новое прочтение. Как сбываются пророчества великого провидца [Электронный ресурс] / Р. Светлая, С. Реутов. - Режим доступа: http://www.deir.org/ libr/?go=book&id=499&p=2.