TABIATNING SOG‘LOMLASHTIRUVCHI KUCHLARI VA GIGIYENIK OMILLAR

Nargiza Adilovna Pirimova

Central Asian Research Journal For Interdisciplinary Studies (CARJIS)

www.carjis.org DOI: 10.24412/2181-2454-2022-11-433-439

TABIATNING SOG'LOMLASHTIRUVCHI KUCHLARI VA GIGIYENIK

OMILLAR

Nargiza Adilovna Pirimova

Navoiy davlat pedagogika instituti Jismoniy madaniyat kafedrasi o'qituvchisi

ANNOTATSIYA

Jismoniy tarbiya jarayonida havo, quyosh nuri, suv tabiatning sog'lomlashtaruvchi kuchlaridan vosita sifatida foydalaniladi. Insonning moddiy va ma'naviy hayot sharoiti, turmushi davomidagi moddiy ne'mat yaratish, yashashi jarayoni tashqi muxitning har xil holatiga to'g'ri kelishi mumkin. Bunga ko'nikish, unga tayyor bo'lish muhim ahamiyatga ega. Shuning uchun tabiatning in'omi - havo, suv, quyosh nuri inson ish qobiliyatini oshirish, salomatligini mustaxkamlashning asosiy vositasi, deb qaraladi.

Kalit so'zlar: jismoniy tarbiya, gigiyenik omil, quyosh nuri, chiniqtiruvchi mashqlar, shaxsiy gigiyena.

Jismoniy tarbiya jarayoni mashg'ulotlari ochiq havoda, quyosh nurida va boshqalardan ijobiy foydalanish bilan tashkillansa, jismoniy mashqlarning samaradorligi ortadi. Quyosh nuri, havoning namligi yoki quruqligi, suv-yomg'ir ostida mashqlanish, mehnat qilish, shug'ullanuvchi organizmiga turlicha ta'sir ko'rsatadi. Faqat jismoniy yuklamaning ortishi yoki kamayishi bilangina emas, organizmda kechadigan modda almashinuvi va boshqa funktsional almashinuvlarga ta'sir qilishi amalda isbotlangan.

Cho'milish, oftobda toblanish, havoning issiq-sovug'i organizmni tabiatning yoki tashqi muhitning zararli oqibatlariga bardoshlilikka o'rgatash jismoniy tarbiya jarayonini tashkillashda jonajon diyorimizning geografik, ijtimiy va ekologik holatining turli xilligini xisobga olishning hozirgi kundagi ahamiyati e'tiborga loyiq.

Afsuski, hozirgacha barcha viloyatlar va xududlar uchun tabiatning sog'lomlashtiruvchi kuchlaridan foydalanishning ilmiy asoslangan tizimini yaratish muammosi hal qilinmagan. Masalan, quyosh nuri ostida shug'ullanish, suv yoki havo namligi, quruqligidan foydalanishda soat 10.00 dan 12.00 gacha quyosh nurining organizmga ta'siri Buxoroda, Farg'onadagiga nisbatan boshqacha ta'sir kuchiga ega.

Ultrabinafsha nurlarining yetib kelishi va ta'siri qayd qilingan viloyatlarning geografik o'rni, ekologik muxiti biri-biridan farq qiladi, ta'sir kuchi ham turlicha.

Central Asian Research Journal For Interdisciplinary Studies (CARJIS)

www.carjis.org DOI: 10.24412/2181-2454-2022-11-433-439

Shunga ko'ra oftobda toblanish yoki qanday haroratda necha soat shug'ullanish, havo namligi darajasining necha foyizi organizmning funktsional tayyorgarligiga ijobiy ta'sir ko'rsatishi mumkinligi ilmiy asoslanmagan.

Jismoniy mashqlarning me'yori, yuklamaning umumiy miqdori, mashqning intensivligini e'tibordan chetda qoldirish, yoshi, jinsi va boshqa individual xususiyatlarini xisobga olmasdan suv, havo namligi yoki quruqligi, quyosh nurida toblanish tabiatning sog'lomlashtiruvchi kuchlaridan foydalanishda salbiy natijalarga olib kelishini unutmasligimiz lozim.

Shug'ullanuvchilarga quyosh vannasi, suvda chiniqishning nazariy bilimlari va ulardan tizimli foydalanish, havoning o'zgarishi organizmning issiq-sovuqqa, keskin o'zgarishlarga tez moslashishi individning yoshligidan yo'lga qo'yishning samarasi katta. Har tomonlama chiniqtirish tabiatning sog'lomlashtiruvchi omillarini turli jismoniy mashqlarni bajarish bilan qo'shib olib borilishi tashqi muxitning salbiy ta'sirlariga organizmning qarshilik ko'rsata olish qobiliyatini yanada oshiradi.

Jismoniy tarbiya jarayonida erishilgan chiniqishning samarasi "ko'chuvchan" bo'ladi, ya'ni u insonning boshqa faoliyati (asosan, mehnat, harbiy xizmat)da namoyon bo'ladi va jismoniy tarbiya jarayonining hayotiy amaliyligini isbotlaydi. Qolaversa ruhiy irodaviy xislatlarini ham kuchaytiradi. Ayniqsa chayqalish tebranish, me'yorsiz nagruzkaga chidash, vaznsizlik holatiga tez moslashishdek yuqori jismoniy tayyorgarlik vazifalarini oson hal qilishga yordam beradi.

Gigienik omillar jismoniy tarbiya jarayonining umumiy maqsadini, vazifalarini hal qilishning vositalaridan biri. Shug'ullanuvchilar salomatligi profillaktikasini yo'lga qo'yish, organizmning optimal hayotiy faoliyati uchun lozim bo'lgan sharoitlarni yaratish, sog'liqni yaxshilash va uning uzoq umr ko'rishini ta'minlash orqali hayoti davomida yuqori ishchanligini oshirishga yordam berishdan iborat.

Shaxsiy gigiyena tarkibiga o'z vujudining tozaligi, soch, tirnoq, og'iz bo'shlig'ining tozaligi, toza kiyim-bosh (sport formasi) sport anjomlari, jihozlarning, sport inshootlaridagi tozalik, tashqi muhitning zararli faktorlari va boshqalar kiradi. Ulardan jismoniy tarbiya darslari, jismoniy mashqlar bilan mustaqil shug'ullanish mashg'ulotlari, sport trenirovkalari, sog'lomlashtirish trenirovkalarida maqsadli

Central Asian Research Journal For Interdisciplinary Studies (CARJIS)

www.carjis.org DOI: 10.24412/2181-2454-2022-11-433-439

foydalanish jismoniy mashqlarning ta'sirchanligini, jismoniy tarbiya jarayoni samaradorligini oshirishi isbotlagan.

Gigiyenik talab va normalarning hayotiy - amaliyligi, ularni qo'llashga sharoitning yetarli darajadaligi ta'lim, tarbiya jarayonining moddiy-texnik bazasini, sport anjomlari, jihozlar va mavjud kiyimboshlardan belgilangan muddat davomida foydalanishga imkoniyat yaratadi.

Jismoniy tarbiya gigiyenasi- gigiyena fanining bo'limlaridan biridir. Jismoniy tarbiya va sport mashg'ulotlarida odam va salomatligini saqlash va mustahkamlash maqsadida samaraliroq foydalanish uchun o'sha mashg'ulotlar vositalarini, metodlarini hamda shart-sharoitlarini ilmiy jihatdan asoslangan holda normaga solib turish jismoniy tarbiya gigiyenasining mazmunini tashkil etadi. Jismoniy tarbiya gigiyenasi mashg'ulotlarning samaraliroq metodlarini va eng qulay shartsharoitlarini asoslab berish uchun jismoniy mashqlar odam sog'lig'iga qanday ta'sir ko'rsatishini va ular sog'lig'ini mustahkamlashga qay darajada xizmat qilishini o'rganadi.

Jismoniy tarbiya gigiyenasining ahamiyati fan texnika rivojlanish davriga kelib ancha ortdi. Agar 19 asrning oxiri va 20 asrning boshlarida odamlar sog'lig'ini va hayotini saqlashda sanitariya gigiyenaning ommaviy tarzda saqlanadigan yuqumli kasalliklarning oldini olishga qaratilgan tadbirlarni (vodoprovodlar qurish, kanali-zatsiya o'rnatish, shaharlarni toza tutish va boshqalar) asosiy rol o'ynagan bo'lsa, hozirgi vaqtda aholining kasallanishi va o'limi to'g'risida yurak-tomir kasalliklari, modda almashinuv asab tizimi kasalliklari yetakchi o'rin tutadi. Bunday kasalliklarning paydo bo'lishida kasal xafining asosiy omili sifatida gipodinamiya katta rol o'ynaydi. Shuning uchun ham gipodinamiyaning oldini olish maqsadida jismoniy mashqlarning qo'llanilishi gigiyenada yetakchi ahamiyat kasb etadi.

Jismoniy tarbiya gigiyenasining vazifalari quyidagilar hisoblanadi: odamning jismoniy holatiga xos bo'lgan mezonlar bo'yicha uning salomatligiga oid model parametrlarini me'yorlashtirib turish (jismoniy rivojlanish, jismoniy tayyorgarlik darajasi, chiniqqanlik), jismoniy yuklamalarni me'yorga solib turish (tuzilishi, hajm, inten-sivlik), faqat gipodinamiyaning oldini olish bilangina cheklanmay, shu bilan birga, sihat-salomatlikning model darajasiga erishish va uni saqlab turish uchun unga optimal darajada mashq ta'siri ko'rsatilishini ta'min etadigan chiniqtiruvchi tadbirlar; mashq va musobaqa yuklamalarini, dam olish, ovqatlanish, katta sportda tiklanish tadbirlarini muayan tartibga solib turish; jismoniy tarbiya va sport mashg'ulotlari shart-sharoitlarini (iqlim va mikroiqlim, sport inshoatlari va jihozlari, kiyim-kechaklar va boshqalar) salomatlikka qulay ta'sir ko'rsatishiga yordam beradigan

Central Asian Research Journal For Interdisciplinary Studies (CARJIS)

www.carjis.org DOI: 10.24412/2181-2454-2022-11-433-439

tarzda normaga solib turish.

Salomatlikni saqlash va mustahkamlashda atrof muhitni ozoda saqlash, ratsional tarzda ovqatlanish, faol ravishda optimal harakatlar qilish hamda asabhayajonlanish haddan oshib ketadigan hayajon holat-larining oldini olish singari tadbirlar bilan bir qatorda, jismoniy tarbiya ham eng muhim va istiqbolli omillardan biriga aylanib bormoqda. Aholining sog'lig'ini mustahkamlashda, shaxsni uyg'un kamol toptirishda, yoshlarni mehnatga Vatan himoyasiga tayyorlashda jismoniy hamda sportning, ularning ko'ndalang hayotga joriy etishning ahamiyati o'sib bormoqda. Ishni shunday yo'lga qo'yish kerakki, har bir kishi yoshligidan o'zining jismoniy barkamol bo'lishi to'g'risida g'amxo'rlik qilsin, gigiyena va meditsina yordami sohasidagi bilimlarni egallab olsin, sog'lom turmush kechirsin. Shu bilan birga, yuksak darajadagi yutuqlarga erishgan sport (katta sport) salomatlik uchun muayan darajada havf tug'diradigan (haddan tashqari zo'riqish va jarohatlar) anchagina intensiv va keng hajmli yuklamalar bilan bog'liq bo'lib, ular puxta shifokorlik-pedagogik nazorati o'rnatilishini hamda mashqlarning gigienik jihatdan to'g'ri tashkil etilishini ta'minlashni talab qiladi. Mana shu qoidadan kelib chiqqan holda sog'lomlashtirish maqsadida o'tkaziladigan jismoniy mashqlar hamda yuqori ko'rsatkichlarga erishishni maqsad qilgan sport mashg'ulotlariga qo'yiladigan gigienik talablarni alohida-alohida qarab chiqish lozim.

Bunda bolalarning sog'lig'iga qarab ish faoliyatini belgilash va astasekin oshira borish hamda charchashning oldini olish tadbirlarini ko'rish asosiy masala hisoblanadi. Shunga asosan yasli, bog'cha, maktab yoshidagi bolalarning yoshiga moye keladigan kun tartibi joriy qilinadi. O'sib kelayotgan organizmning xususiyatlarini hisobga olgan holda, maktab o'quvchilarining mashg'ulot tartibi ularning yoshiga qarab turlicha belgilanadi. Uyda dars tayyorlashga ajratilgan vaqt lsinf o'quvchilari uchun 1— 1,5 soat, 3—4 sinf o'quvchilari uchun 1,5—2 soat, 5—6 sinf o'quvchilari uchun 2 soat, 7—8 sinf o'quvchilari uchun 2,5—3 soat, 9— 10 sinf o'quvchilari uchun 3—4 soat bo'lishi kerak. Bola dars tayyorlagan vaqtda har 40— 45 min.dan keyin 10—15 min. dam olishi zarur. Bolalar dars tayyorlab charchamasligi uchun mashgulotlardan keyin turli o'yin, sport, foydali mehnat bilan shug'ullanishlari yaxshi natija beradi.

Bolalar va o'smirlarning ovqatlanish gigiyenasi. Bunda oziq-ovqat mahsulotlarining ahamiyati, bolalar muassasalari (bolalar uylari, sanatoriylar, tashkil qilingan sayohat va yurishlar)da ovqatlanish tartibi o'rganiladi hamda o'sish davrida energiya sarfi me'yori ishlab chiqiladi. Bolalarga to'yimli, mazali va xilmaxil ovqat

Central Asian Research Journal For Interdisciplinary Studies (CARJIS)

www.carjis.org DOI: 10.24412/2181-2454-2022-11-433-439

berish, ovqatda oqsil, yog', uglevod, vitamin, mineral tuzlar yetarli bo'lishi kerak. To'g'ri ovqatlanish bolaning turli kasalliklarga chidamini oshiradi, aqliy, jismoniy va mehnat qobiliyati barkamol bo'lishini ta'minlaydi. Maktabgacha tarbiya yoshidagi va maktab yoshidagi bolalar 4 - 4,5 soatda ovqatlanishi kerak. Nonushtada sutkali kaloriyaning taxminan 25%ini beradigan oqsillarga boy sabzavot, guruchdan pishirilgan ovqatlar, tushlik sutkali kaloriyaning 35—40%ni, kechki ovqat sutkali kaloriyaning taxminan 20—25%ini tashkil etishi va birmuncha yengil sutli, sabzavotli hamda yormadan pishirilgan ovqatlardan iborat bo'lishi lozim. Sutkali kaloriyaning qolgan 10—15%ni ikkinchi nonushtadan yoki tushlikdan keyin iste'mol qilgan ma'qul.

Gigiyenaning bu jihatlari M.V.Antropova, M.I.Ismoilov, D.V.Kolesov, S.E.Mansurova, S.S.Solixo'jayev, D.J.Sharipova kabi olimlar tadqiqotlarida aks etgan.Boshlang'ich sinflarda gigiyena bo'yicha ko'pgina olimlar ish olib borganlar. Bulardan S.Solixo'jayevning " Birinchi sinfga olti yoshdan" , Sh.I.Karimovning "Sog'lom avlod uchun" risolasi Ibn Sino nomidagi nashriyot tomonidan 1993- yilda nashr etilgan. "Bolalarga gigiyenik ko'nikmalarni ularni makt5ab ostonasiga qadam qo'ygan kunidan boshlab singdirish uchun oilada va maktabda qulay shart - sharoitlar yaratish zarur" [ S.Solixo'jayev "Bolalarda shaxsiy gigiyena ko'nikmalarining shakllanishi" T. Ibn Sino 1993-y].

Boshlang'ich sinf o'quvchilari odam tanasining tuzulishi haqida birlamchi ma'lumotlarni o'qituvchidan oladilar, ya'ni, suyaklar, mushaklar, hazm qilish a'zolari, nafas a'zolari, qon aylanish, asab sistemasi, sezgi a'zolari haqida, kun tartibiga rioya qilish, badantarbiya, shaxsiy gigiyena qoidalari va hakozo. Amaliy mashg'ulotlarda:

1. O'quvchilar o'zlarini kuzatadilar. Teri qoplamlarini, mushaklarini, suyaklarini ushlab ko'radilar."Odam tanasining tuzilishi"jadvalidan o'qituvchi o'quvchilarga tushuntiradi.

2. O'quvchilar o'zlarini kuzatadilar,ya'ni qo'llari bilan o'zlarining bosh suyaklarini, umurtqalarini, ko'krak qafaslarini, tos suyaklarini ushlab ko'radilar. Noto'g'ri o'tirish oqibatida mana shu suyaklar qiyshayib o'sishi mumkinligini o'qituvchi tushuntiradi.

3. O'quvchilar o'zlarini va o'rtoqlarini pulslarini sanab ko'rishilari, qo'llarini ko'kraklariga qo'yib yurak urushlarini his qilishlari mumkin. Ertalabki badantarbiya mashg'ulotlarini me'yorida o'tkazish kerak, chunki haddan tashqari zo'riqish charchashga, yurak kasalligini kelib chiqishiga sabab bo'ladi. O'qituvchi

Central Asian Research Journal For Interdisciplinary Studies (CARJIS)

www.carjis.org DOI: 10.24412/2181-2454-2022-11-433-439

o'quvchilarga nima sababdan yurakni asrab - avaylash kerakligini, qanday o'zini tutsa yuragi sog'lom va baquvvat bo'lishini bilishlari kerak.

Boshlang'ich sinf o'quvchilari tez o'sadilar. Ular harakatchanliklari tufayli tanalaridagi moddalar almashinuvi tez kechadi. Sarf energiyalarini qoplashlari uchun oqsil, yog', uglevodlarga boy bo'lgan ovqatlar iste'mol qilishlari, ovqatlanish, uyqu gigiyenik talablar va boshqalarni odat bo'lib qolgan muayyan bir vaqtda o'tkazgan ma'qul. Aniq rejim tufayli organizm me'yoriy og'irlik his etadi, sarflangan kuch tezroq va to'liqroq tiklanadi, organizm kamroq ishdan chiqadi. Faol harakatchanlik organizmni mustahkamlaydi, darsdan so'ng ochiq havoda yurish, cho'milish, safarga chiqish kabi dam olish bola ruhiga ijobiy ta'sir etadi. Sog'liqni zaiflashtiruvchi omillar: rejimga rioya qilmaslik, kam harakat qilish, shaxsiy gigiyena qoidalariga rioya qilmaslik, vaqtida ovqatlanmaslik kabi zararli odatlar sog'liqni zaiflashtiradi. O'quvchilar bilimini kengaytirish, sog'lom turmush tarzini shakllantirish maqsadida o'quvchilar orasida turli tadbirlar o'tkazish tavsiya qilinadi

Uzluksiz ta'lim tizimining dastlabki bosqichida o'quvchilar kun tartibiga amal qilish va gigiyena talablariga rioya qilishga tarbiyalansa, sog'lom tumush tarziga oid bilim va ko'nikmalar bilan shakllantirish aynan boshlang'ich ta'limda ro'yobga chiqishiga amin bo'ldik. Chunki asosiy ko'nikma bu bosqichda hosil bo'ladi.

XULOSA

Xulosa qilib aytganda, o'quvchilarning to'g'ri uyushtirilgan kun tartibiga rioya qilishi natijasida shunday fikrga to'xtaldik, ya'ni:

bolaning organizmi har tomonlama to'g'ri rivojlanadi; o'quvchilar irodasi mustahkamlanadi; turli kasalliklarga chalinish oldi olinadi;

o'quvchilarning o'qishga, mehnatga bo'lgan qiziqishi kuchayadi;

o'quvchining ish qobiliyati ortadi;

har bir ishni o'z vaqtida bajarishga o'rganadi.

REFERENCES

1. Abdullaev. «Jismoniy madaniyat nazariyasi va metodikasi» (1-jild) / Toshkent / «NAVRO'Z» nashriyoti, 2017. - 392 bet.

2. Abdumalikov R. Eshnazarov J. Jismoniy madaniyat va sport tarixi. O'quv qo'llanma Toshkent 1993 y.

3. Yarashev K.D. Jismoniy tarbiya va sportni boshqarish. O'quv qo'llanma Toshkent

Central Asian Research Journal For Interdisciplinary Studies (CARJIS)

www.carjis.org DOI: 10.24412/2181-2454-2022-11-433-439

Abu Ali Ibn Sino nomidagi tibbiyot nashriyoti 2002 yil.

4. Yunusova Yu.M. Teoriya i metodika fizicheskoy kultura. Uchebnoe posobiya Toshkent UzGoslFK 2007 g.

5. Salomov R.S. Sport mashg'ulotning nazariy asoslari - Toshkent., O'quv qo'llanma O'zDJTI, 2005 yil - 238 b.

6. Mahkamdjanov K.M. Jismoniy madaniyat nazariyasi va metodikasi Toshkent., darslik "Iqtisod -moliya" 2008 yil - 300 b.

7. Matveev L.R. Teopii metodika fizicheskogo vospitanie - Uchebnik Mockva «Fizkulbtura i sport» - 2005 g.

9. Sultonov, Akmal."Bolalar va o'smirlar gigiyenasi" O'zME. Bharfi Birinchi jild. Toshkent, 2000-yil

10. Satipov G'. M., Ametov Z. «Jismoniy tarbiya gigiyenasi» (O'quv uslubiy qo'llanma)

TABIATNING SOG‘LOMLASHTIRUVCHI KUCHLARI VA GIGIYENIK OMILLAR Текст научной статьи по специальности «Науки о Земле и смежные экологические науки»

Аннотация научной статьи по наукам о Земле и смежным экологическим наукам, автор научной работы — Nargiza Adilovna Pirimova

Похожие темы научных работ по наукам о Земле и смежным экологическим наукам , автор научной работы — Nargiza Adilovna Pirimova

Текст научной работы на тему «TABIATNING SOG‘LOMLASHTIRUVCHI KUCHLARI VA GIGIYENIK OMILLAR»