CC BY
18Ученые записки Таврического национального университета имени В. И. Вернадского Серия «Филология. Социальные коммуникации». Том 26 (65). № 1, ч. 1. 2013 г. С. 218-224.
КЪЫРЫМТАТАР ИДЖРЕТ ЭДЕБИЯТЫНДА ПЬЕСА ЖАНРЫНЫНЪ ИЛЕРИЛЕВИ
Куртумеров Е. Е.
Таврический национальный университет имнеи В. И. Вернадского E-mail: enverkurtumer@mail. ru
Ишнинъ актуаллиги. Иджретте яшап иджат эткен къырымтатар языджылары-нынъ эсерлери, шу джумледен пьеса эсерлери бу куньгедже эдебиятшынаслар ве тенкъитчилер тарафындан етерли талиль этильмеди ве огренильмеди. Бу эсерлерде котерильген проблемалар кечкен асырнынъ 30-нджы сенелерине аит олгъанына бакъмадан шимди де актуальдир.
Ишнинъ макъсады. Иджрет ерлеринде яшагъан халкъымыз баба-деде топ-рагъындан узакъта яшагъанына бакъмадан яш несильни ватангъа, миллетке, ана ти-лине севги рухунда тербиелемеге буюк эмиет бердилир. Макъаледе бу мукъаддес ишке языджы ве шаирлернинъ къошкъан иссеси насыл олгъаны айдынлатыла.
Кириш. ХХ асырнынъ 30 сенелерине келип иджреттеки эдебиятымызда пьеса жанры илерилеп башлай. 1933 сенеси «Эмель» меджмуасынынъ басмаханесинде Неджип Аджы Фазылнынъ «Къырым», «Яш фиданлар», «Къудалыкъ», 1934 сенеси Мемет Вани Юртсевернинъ «Къартман джаш арасында», «Байрам», «Оделек» ве 1940 сенеси Исмаил Зиядиннинъ «Чорабатыр» киби пьесаларынынъ дердж этилюви фикримизнинъ делили ола билир.
Булардан гъайыры иджреттеки миллий арекетимизнинъ лидерлеринден бири, «Эмель меджмуасы»на темель къойгъан Мустеджип Улькюсалнынъ «Добруджа ве тюрклер» адлы китабында «Санагъа къоюлгъан эсерлер» болюгинде 1934 сеенси Па-зарчыкъ ве Косьтенджеде (Романия). Фаикъ Абдулла Туранджыогълу тарафындан къалемге алынгъан «Шахин Гирай» адында дёрт пердели бир пьесанынъ, Халиль Аб-ляким Къырымман тарафындан къалемге алынгъан «Бора» киби пьесаларнынъ буюк мувафакъиетнен санагъа къоюлгъаны акъкъында хабер бериле [3, c. 226].
Теэсюфки, Мустеджип Улькюсал бу ерде озюнинъ 1919 сенеси Къырымда Фо-тисала коюнде оджалыкъ япкъан девирде санагъа къоюлгъан «Уч сагъыр» пьесасы акъкъында ич бир тюрлю малюмат бермей. Бу пьеса акъкъында онынъ «Хатыралар» адлы китабындан шойле малюмат эльде этик: «Ахмет эфенди Бахчасарайнынъ та-нынмыш зенгин эшрафындан Мустафа эфендининъ къызы иле эвленди ве буюк ду-гунь япты. Дживар койлерден эшрафы («эшреф»- шереф ве итибар саиби олгъан кимселер.) чагъырды ве топлады. Бу весиле иле беним мусамере («мусамере»- акъ-шам, гедже топлантысы; эглендже.) тертиплемеми уйгъун булды: мемнуниетле къа-бул этим. Буюк бир къалабалыкъ къаршысында тюрк тюрк тарихынынъ буюк хакъ-анларындан Акъсакъ Тимур хакъкъында бир саат сурен конферанс вердим. Аркъа-сындан талебелерим биззат яздыгъым «Учь сагъыр» адындаки пьесимни ойнадылар, шиирлер окъудылар ве маршлар сёйледилер» [3, 228 с. ].
Шуны къайыд этмелики, Мустеджип Улькюсалнынъ ве юкъарыда адларыны анъып кечтигимиз муэллифлеринъ базы эсерлерини шимдилик эльде этмек имкян-ларымыз олмады.
Иджрет ерлеринде яшагъан ватандашларымыз озь тамырларыны унутмамакъ ве бойлеликле кендилерини миллет оларакъ сакълап къалмагъа, яш несиллерге Къы-рым акъкъында бильги бермеге, оларгъа асретлик дуйгъуларыны ашламгъа буюк итибар бердилер. Бойле муим вазифени беджермек биринджи невбетте зиялилер-нинъ, алельхусус языджы ве шаирлеринъ узериндеки маневий бордждыр. Неджип Аджы Фазылнынъ юкъарыда адлары анъып кечильген эсерлерине дикъкъат этер экенмиз, онынъ бу маневий борджуны не дереджеде одегенининъ шааты оламыз.
Эдип озюнинъ «Къырым» пьесасында Къырым мевзусына, онынъ тарихынен багълы вакъиаларгъа мураджат эте. Халкъымызнынъ фаджиалы такъдирини тасвир-леген дестанлар, йырларнынъ яш несиллер ичюн эмиети буюк олгъаныны, оларны эр бир татар къорантасы бильмеси ве унутмамасы кереклигини хатырлата. Пьеса-нынъ баш къараманларындан бири Къуртвели къызы менсулугъа «Кок козь баярь» дестаныны анълатыр экен, шойле дей: «Я балам! «Кок козь баярь» тюркюси де мы-на бодыр. Боны бугунь татар халкъын джаш, къарт - алайы билмеси керектир. Не ушун десенъ, бондай тюркюлер болып гешкен миллий хикяелер кишиде бирер мил-лий менлигин тувмасына ярдым этер... Бондай эткен тюркюлер ольген аталарымыз-ман бизлерни байлагъан бирер бавдырлар. Бонларын унутылмасы бир вакъытлар копь бир миллетин аягъын, къолун байлагъан татар аркъанын къопмасы, дюнья ус-тюнде ич бир паршасы къалмадан джойтылмасы демектер. Къызым! Сен богъа къыскъаякълы башынман биле разы болма. Бешиктеки баланъгъа биле бонларны айнени этип сал. О масумны боларман юкълат, боларман ят. Тли боларман шыкъ-сын. Джюреги боларман бесленсин. Анджакъ о вакъыт бир миллет болып яшамагъа хакъ къазанаджагъынъдан умютбар болурсынъ...» [1, 65 с. ].
Белли олгъаны киби миллетнинъ темели къорантадан башланыр. Къорантанынъ къавий олмасы - миллетнинъ къавий олмасыдыр. «Къудалыкъ» пьесасында къоран-та къурув, Бойле месулиетли иште асырлар девамында шекилленип кельген урф-адетлернинъ мусбет ве менфий тарафлары къалемге алына. Пьеса дёрт меджлистен ибарет олып, анда тасвирленген вакъиалар Добруджанынъ Азаплар ве Первел (Пир Вели) койлеринде олып кече. Пьесанынъ баш къараманы Алимсейит - 40 яшларын-даки мадий вазиети орта аллы бир койлю. О тарлада чалышмагъа, эв ишлеринен огърашмагъа чокъ вакъыт айырмай. Амма онынъ чокъ бегенген, эр шейден устюн корген башкъа бир иши бар. Бу да олса къудалыкъ япмакъ. О, озь ишинен гъурурла-на ве онъа месулиетнен янаша. Эки яшнынъ къоранта къурмасына ярдымджы ол-макъ - онынъ фикриндже «Кябеге бина къурмакътан даа хайырлы». Алимсейит озь ишининъ устасы. О койдешлерининъ табиатыны яхшы биле. Къайысы эвгекъуда-лыкъкъа бармасын эр кеснинъ гонълюне ёл тапмагъа биле. Эки тарафны да разы этмек ёлларыны къыдыра. Яя акъайнынъ эвине къудалыкъкъа кельгендекъызнынъ ана-бабасы къаршы олгъанларына бакъмадан, оларны кёндирмек ичюн шойле дей: «Авыр, сабырлы, ишкиде, оюнда табылмагъан мына сагъа бир джигит! Там дизман татар, Яякъай.Мен сени суемен, саяман. Сизинъ недай халкъ экенинъизни биле-
219
мен. Узакъ ерге кетмесин дедим де, кельдим. Артыкъ Кене озинъиз биледжексинъ-из...» [1, 128 с. ].
«Къызы барнынъ - назы бар» дегенлер. Пьесаны окъур экенмиз бу аталар сё-зюнинъ не себептен айтылгъаны анълашыла. Къыз тарафы киев тарафындан «сют акъкъы», «нишан бокъчасы», той масрафлары ичюн белли мыкъдарда ахча талап эте тургъанлар. Сейитяя акъайнынъ да талапы шойле ола: «Меним озие къалырса, беш кило шекер, ушь яшында семиз бир тане согъымлыкъ. Къашан мынякъта бахшышы, эрмегени гене башкъа. О сизинъ инсафынъызгъа...». Сейитяя акъайнынъ бу сёзлери ХХ асырнынъ башларында иджретте яшагъан халкъымызнынъ маддий вазиети на-сыл олгъаныны косьтерген бир мисаль ола билир.
Алимсейит бойле талапнынъ киев тарафы ичюн агъырлыкъ япаджагъыны яхшы анълай ве шойле дей: «Къой, Сейитяя акъам!.. . Сен бек коп айттынъ бе!Алмасынлар деп тилединъми, къаттынъ асыл?.. . Бо къадар шей бир инсан кушу джетеджек ший тувул да. Беш бешбирлик, йигирми бинъ франк пара, бир къавеси, шекери, согъымы, бильмем неси! Ашагъы юкъары элли-алтмыш бинъ франк. Сонъра той этте астындан шыкъ бакъайым...» [1, 134 с. ].
Бойлеликле, Алимсейит къудалыкъкъа баргъан еринде элинден кельгени къадар эки тарафны да разы этмек ёлларыны къыдыра, эки яшнынъ къоранта къурып, бахт-лы омюр кечирмелерине себепчи бир шахыс олгъанындан ифтихар эте.
Алимсейитнинъ къадыны Гульзаде исе озь акъайынынъ фикирлерине, япкъан ишлерине тамамен къарама-къаршы олгъан бир образдыр. О, акъайынынъ япкъан ишлерини тенкъит эте. Къудалыкъ япмакъ «Къаш къояджам деп козь чыкъармакъ» къабилиндеки бир иш олгъаныны акъайына анълатмакъ истей ве шойле дей: «Озь-озюнъе : «Мен пеляшенинъ къызыны тувеншек улуна айттыраман», -деп раст кель-кенке айта бермесе. Не ушин джабадан-джаба халкъын баласы ушин авзымнынъ татлы дамын ашшы этийим. «Аз ашым-авырсыз башым», - деп отыргъанынъ та арув тувулмы? Уй дегенинъ бир ший та я. Эки джаш мухаббет болсалар, уз кешин-селер джашнынъ анасы, бабасы: «Мынав тылбаз къаншыкъ баламызны бизден айырды. Явурлы явур Алимсейит къайдан себепши болды бильмемки», деп башта сени сёгерлер. Эгер уз кешинмеселер, къашан къызнынъ ягъы: «Къудайгъымыз болгъан джады шектире къызымызгъа Аллахнынъ азабын, арагъа кирген Алимсейит онъмасын да питмесин, я Раббим», -деп гене сени къаргъар. Хасрет къалдынъмы бо къаргъышлардан. Тапмагъанынъ шолармы? Къайсы якъ олса да онъсалар - озьле-ринден, онъмасалар - сенден корирлер...» [1, 204 с. ].
Неджип Аджы Фазыл Гульзаде образы мисалинде ХХ асырнынъ башларында чеши турф-адетлерге къаршы чыкъкъан, янъыджа яшайыш тарафдарлары олгъан къадын ве къызларны тасвирлей ве бойлеликле янъы яшайыш тарзыны халкъ ара-сына яймагъа арекет эте.
Белли олгъаны киби, урф-адетлер бир миллетнинъ асырлар девамында шекил-ленип кельген медений вариетидир. Бу вариетнинъ эмиети чокъ буюк. Амма шуны да къайд этмелики, базы урф-адетлернинъ менфий тарафлары да бар. Буны инкяр этмек мумкюн дегиль. Неджип Фазыл озюнинъ «Яш фиданлар» пьесасында бу мев-зуны айдынлата. Пьеса бир саналыкъ олып, онынъ къараманлары 25-30 яшларында-ки даа къоранта къурмагъан генчлер. Эсер къараманлары о девирдеки генчликнинъ
220
типик образларыдыр. Пьесанынъ баш къараманларыдан бири Мемет озь аятындаки маддий етишмемезликлер себебинден шимдигедже эвленмек имкяны олмагъаныны буюк яныкънен достларына анълата ве бойле вазиетте эвленмекнинъ файдадан за-рары чокъ деген фикирге келе. Онынъ: «Эй достым, такъат ёкъ, такъат!Коресинъми джокълыкъны?Къаякъкъа тартсанъ джетмий...Хайды, дийик ке ат-арабанъы сатып нишанландым. Борышкъа батып уйлендим. Эртен турып нишлейджекмен?Я, анав агъанынъ, я мынав байнынъ къапысын барып къагъаджакъманмы?.. . Уйленген сонъ меним балам болмазмы?О да къоны-къомшысындай этип джурьмек, окъымакъ ис-темезми?.. . Тышарда тасавырларман яшап, уйге киргенде балабан бир джокълыкъ, къара бир фыкъарелик корьсе къальби ташмазмы?Аят ы сальте аджджы якъларын татып, мойны букульген мени балам тувгъангъа пешман этмезми?.. . Дюньягъа ке-тирген анасына, бабасына, бизлерге ланетлер окъымазмы?.. « [1, 224 с. ], -деген сёз-лери онынъ тюшкюнликке тюшкен, келеджекке умютсизликнен бакъкъан бир генч олгъаныны косьтере. Той ве тойдан эвель олып кечкен «сёз кесим», «нишан» киби мерасимлерде япылгъан арткъач масрафларны тенкъит этерек шойле дей: «Бугунь алай къабахат къызын береджек анада. Онлар да языкъ ке, аиленинъ манасын анъ-ламай. Онлар къыз бермекни тувыл, бир инсанлыкъ, бир къазанш, бир тиджарет би-лелер. Киевни сыйырмакъны - омирде бир кере келир фырсатлардан тутарлар. Мендже, бу зихниетнинъ къурбаны болмакътанса, уйленмегеним хайырлыдыр...».
Пьесадаки экинджи къараман Али исе Меметнинъ акси. О, илимли, келеджекке умютнен бакъкъан бир генч. Алиниъ къоранта къурувнен багълы фикирлери, тю-шюнджелери онынъ янъы девир кишиси олгъаныны косьтере. «Давыллы, дарбакъ-лы той ясамакъ, эркине уйленмек факъыр-фукъаранынъ арджы тувул, о, байгъа, барлыгъа ярашкъан бир шей. Мен уйленмек ушин фазла масраф этмейджегиме, той ушин борышкъа батмаяджагъыма сенинъ къаршынъда ант ве емин этемен...» [1, 256 с. ], -деген сёзлери онынъ къоранта къурувнен багълы меселелерде насыл фи-кирде олгъаныны тасдыкълай.
Пьесанынъ даа бир къараманы Амет - диний тербие алгъан, къоранта къурувда ислям динининъ талапларына коре фикир юрсетькен бир генч. О, эр шейнинъ къа-дерге багълы олгъанына, Танърынынъ эр кеске уйгъун корьген бир аят насип этед-жегине инана.
Неджип Аджы Фазыл «Яш фиданлар» пьесасында ХХ асырнынъ 30 сенелерин-деки генчлернинъ дюньябакъышларыны, о девирде къоранта къурувнен багълы меселелерде огге чыкъкъан проблемаларны ве оларны чезмек ёлларыны айдынлата. Иджретте яшагъан къырымтатарлар ичюн кендилерини миллет оларакъ сакълап къалувда къорантанынъ эмиети буюк олгъаныны текидлей, къоранта къурмагъа, эвлят етиштирмеге тешвикъ эте. Муэллифнинъ фикирлерини пьесанынъ даа бир къараманы олгъан Юсуфнынъ шойле сёзлери тасдыкълай: «Эвленмек, несиль чогъалтмакъ - эм инсаний, эм миллий борджынъны эда этмектир. Бо борджнынъ эдасы махкум миллетлерге, биз татарларгъа бек керектир. Зира бугунь хакимлик копьнинъдир!.. « [ 1, 284 с. ]. Пьеса къараманынынъ бу сёзлери тек о девир генчлери ичюн дегиль, бугуньки генчлигимиз ичюн де буюк огют, буюк ибреттир.
Иджреттеки эдебиятымызда пьеса жанрынынъ илерилемесине буюк иссе къошкъан эдиплеримизден даа бири Мемет Халим Вани (Юртсевер) дир. Онынъ
221
«Къартман джаш арасында» пьесасында кой къартлары ве генчлери арасында олып кечкен субет вастасынен Къырымнынъ шанлы тарихы, Ханлыгъымызнынъ Русие тарафындан басып алынувы, иджретлернинъ башланувы, халкъымызнынъ агъыр вазиети ве бу вазиеттен къуртулмакъ ичюн яш несиллернинъ огюнде тургъан вазифелер нелерден ибарет олгъаны айдынлатыла.
Пьесанынъ баш къараманларындан бири, кой хатиби ве оджасы Исмаил эфенди озюнинъ терен бильгисинен джемаат арасында урьмет ве сайгъы къазангъан бир генч. Онынъ фикриндже, халкъымыз башына кельген бутюн фаджиаларнынъ баш себеи - джаиллик. Бу акъкъында о, шойле дей: «Татарлар да чалышкъан, окъугъан ве юзлермен сене эвель Аврупада баш котерген медениеттен узакъ къалмагъан болсалар, эльбетте душманларына дженильмез эдилер. Ана-бабаларын мезарларын ве татар къаныман суварылгъан мубарек джуртларын руснынъ кирли чызмасынен таптатмаз эдилер. Асырлардан бери дертлилерни Хакъ къатына эзан сесинен чагъыргъан кой ве къасабаларымызда чанъ къакъылмаз, мубарек джамилеримиз кильсеге чевирильмез эди. Демекки, юксек динимизни керегиндий анъламамакъ, къара таасуп (фанатик) ве замангъа коре кошьмемезлик юзюнден ата джуртумыз, ешиль ада Къырым душманнынъ къолына гешкен. Кошьмий онда къалгъанлар да шимди большевикнинъ зулумын чегелер...».
Пьеса сонъунда Исмаил кой генчлерине шойле мураджатта булуна: «Факъат джашлар, миллетке балабан борджымыз болгъанын унутмайыкъ. Чалышмакъ... Ве тырышып чалышмакъ керек! Халкъымызнынъ дертлерине дерман тапмакъ ушун чабаламакъ керек. Бо хусуста чалышмакъ ушин къйсынъыз емин этесинъиз?.. .». Кой генчлери миллет огюндеки борджуны эда этмек ичюн сёз берелер, «Ант эткенмен»ни йырлайлар.
Нетидже. Юкъарыда узеринде къыскъадан токъталып кечкенимиз пьесаларнынъ иджретте яшагъан халкъымызнынъ сиясий, ичтимаий, медений аятына тесири буюк олды. Ич шубе ёкъки, бу пьесаларнынъ яш несиллерге баба-деделери топрагъы олгъан Къырымгъа асретлик дуйгъуларыны ашлав ве оларны миллий рухта тербиелевдеки эмиети буюктир.
Эдебият:
1. Nedret Ali Mahmut. Romanya Türk-Tatar Edebiyati / Nedret Ali Mahmut. - Konstanta, 2000. - 364 c.
2. Müstecip Ülküsal. Kirim Yolunda Bir Ömür / Müstecip Ülküsal. - Ankara, 1999. -213 c.
3. Müstecip Ülküsal. Dobruca ve Türkler / Müstecip Ülküsal. - Ankara, 1989. -243 c.
4. Necip Haci Fazil. Kirim / Necip Haci Fazil. - Pazarcik, 1934. - 28 c.
5. Necip Haci Fazil. Ca§ Fidanlar / Necip Haci Fazil. - Pazarcik, 1934. - 10 c.
6. Necip Haci Fazil. Cav^ilik / Necip Haci Fazil. - Pazarcik, 1934. - 30 c.
7. Mehmet Halim Vani. Kartman cas arasinda / Mehmet Halim Vani. - Pazarcik, 1934. -32 c.
8. Ferit Devellioglu. Osmanlica-Türkfe Ansiklopedik Lugat / Ferit Devellioglu. - Ankara, 2001. -1195 с. ISBN 975-75-19-02-2.
9. Къуртумеров Э. Э. Къырымтатар иджрет эдебияты: Учебное пособие / Къуртумеров Э. Э. -Симферополь, 2002. -240 с. ISBN 966-8025-11-3
222
Куртумеров Э. Э. Развитие жанра пьесы в крымскотатарской эмигрантской литературе /
3. Э. Куртумеров // Ученые записки Таврического национального университета имени В. I. Вернадського. Серия «Филология. Социальные коммуникации». - 2013. - Т. 26 (65), № 1,
4. 1. - С. 218-224.
Статья посвящена освещению пути развития жанра пьесы в крымскотатарской эмигрантской литературе.
Даны сведения из истории написания сценических произведений. Мустеджип Улькюсал в своей книге «Добруджа ве тюрклер» пишет о том, что в 1919 году была поставлена его пьеса «Учь сагъыр». В 1934 году в Пазарчыке и Косьтендже (Румыния) были поставлены пьесы «Шахин Гирей» Фаика Абдуллы Туранджыоглу и «Бора» Халила Аблякима Кырыммана. К сожалению, эти пьесы не сохранились. В 1934 году в издательстве журнала «Эмель» были напечатанны пьесы «Къырым», «Яш фидан-лар», «Къудалыкъ» Аджы Неджипа Фазыла, «Къартман джаш арасында» Мемета Вани Юртсевера. Пьеса «Къырым» и «Къартман джаш арасында» дает нам возможность глубже понять ностальгию, любовь и боль крымских татар, проживающих вдали от Родины. В пьесе «Яш фиданлар» изображается столкновение старого и нового в сознании молодежи 30 - х годов.
В основе пьесы «Къудалыкъ» лежит конфликт серьезного, сложного и острого характера, находящий в финале свое, но отнюдь не трагедийное или комедийное разрешение. Эта пьеса о самой «интересной» и «полезной» профессии - сватовстве. По мнению главного героя пьесы Алимсеита - сватовство лучше, чем построить Кябе - священный дом в Мекке. Потому что он помогает молодежи создать семью. Эти пьесы отличаются большей степенью конкретизации социально-бытовой атмосферы.
В пьесе «Сёнмеген атеш» Мемета Юртсевера рассказывается об эмиграции крымских татар после Крымской войны 1854 года. Из Джанкоя готовятся перехать в Турцию 47 крымскотатарских семей. Среди них семья Керимджана Коркмаза. Керимджан хорошо понимают, что оставить отцовский дом и Родину не правильно. Но у него другого выхода нет, так как его преследует Царское правительство.
Ключевые слова: крымскотатарская, эмиграция, литература, пьеса, ностальгия, Родина, сватовство.
Куртумеров Е. Е. Розвиток жанру п'еси в кримськотатарськш емпрантськш лггератур1 / Е. Е. Куртумеров // Вчет записки Тавршського национального ушверситету 1меш В. I. Вернадського. Сер1я «Фшолопя. Сощальт комунжацп». - 2013. - Т. 26 (65), № 1, ч. 1. - С. 218-224.
Стаття присвячена висвггаенню шляху розвитку жанра п'еси у кримськотатарськш емпрантськш лггератург Дани вщомосл з юторп написання сцешчних твор1в. Мустеджш Улькюсал у свош книи «Добруджа ве тюрклер» пише про те, що в 1919 рощ була поставлена його п'еса «Учь саг'ир». У 1934 рощ в Пазарчике i Косьтендже (Румушя) були поставлен п'еси «Шахш Гирей» Фажа Абдулли Туран-джиоглу i «Бора» Халiла Абляюмов Кириммана. На жаль, цi п'еси не збереглися. У 1934 рощ у видав-нищш журналу «Емель» були надурковат п'еси «Кирим», «Яш фщанлар», «К'удалик'» Аджи Неджша Фазила, «К'артман джаш арасинда» Мемета Ваш Юртсевер. П'еса «Кирим» дае нам можливють глибше зрозумiти ностальгiю, любов i бшь кримських татар, яю проживають далеко вiд Батькiвшини. У п'еа «Яш фiданлар» зображуеться згжнення старого i нового в свщомосл молодi 30 - х рокв. В основi п'еси «К'удалик'» лежить конфлжт серйозного, складного i гострого характеру, що знаходить у фiналi свое, але аж шяк не трагедiйне або комедiйне ршення. П'еса «К'удалик'» присвячена самоï «цжавоЬ» i «корисноï» професiï - сватанню. На думку головного героя п'еси Алiмсеiта - сватання краще, шж по-будувати Кябе-священний будинок в Мецщ. Тому що в1н допомагае молодi створити сiм'ю. У п'еи «Сенмеген атеш» Мемета Юртсевер розповщаеться про емшрацта кримських татар тсля Кримськоï вшни 1854 року. З Джанкоя готуються 47 сiм'ею переïхати до Туреччини. Серед них родина Керiмджа-на Коркмаза. Керiмджан добре розумтть, що залишити батьювський дiм i Батьювщину не в1рно. Але у нього iншого виходу немае, так як Царський уряд пере^дуе його.
КЛючовi слова: кримськотатарська, емлрацш, лiтература, п'еса, ностальг1я, Батькiвщина, сватання.
Kurtumerov E. E. Development of the genre plays in Crimean Tatar émigré literature / E. E. Kur-tumerov // Scientific Notes of Taurida V. I. Vernadsky National University. - Series: Philology. Social communications. - 2013. - Vol. 26 (65), No 1, part 1. - P. 218-224.
The article is devoted to coverage development genre of the play in Crimean Tatar emigre literature. Mustedzhip Ulkyusal in his book "Dobrogea ve Turkler" writes that in 1919, staged his play "Uch sagyr. " In
223
1934 and Pazarchyke Kostendzhe (Romania) were the plays "Shahin Giray" Fa'iq Abdullah Turandzhyoglu and "Bora" Khalil Ablyakima Kyrymmana. Unfortunately, these pieces have not survived.
In 1934, the publisher of the magazine "Emel" were printed play "Kyrym", "Yash fidanlar", "Kudalyk" Adzhy Necip Fazyla, "Kartman Jashi arasynda" Memet Wani Yurtsevera. The play "Kyrym" gives us the opportunity to understand the nostalgia, love, and the pain of the Crimean Tatars living outside of their homeland. In the play "Yash fidanlar" depicted a clash of old and new in the minds of young people 30 - ies. At the heart of the play "Kudalyk" is a serious conflict, complicated and acute character which in their final, but not tragic or comic resolution. The play "Kudalyk" is dedicated to the most "interesting" and "useful" profession -matchmaking. In the view of the main character plays Alimseita - matchmaking better than building Kyabe-sacred house in Mecca. Because it helps young people to start a family. This piece features subtle psychology and entertaining narrative.
In the play "Senmegen Ates' Memet Yurtsevera describes the emigration of Crimean Tatars after the Crimean War in 1854. Of the 47 family Jankoi preparing to move to Turkey. Among these family Kerimdzhana Korkmaz. Kerimdzhan know's that leave his father's house and home is not correct. But he has not other choice, because tsarist government pursues him.
Keywords: Crimean Tatar, immigration, literature, plays, nostalgia, Motherland, matchmaking.
Поступила в редакцию 01.03.2013 г.
224
