Грамматическое представление имен числительных в работе Ш. Б. Ногма «Начальные правила кабардинской грамматики» Текст научной статьи по специальности «Языкознание и литературоведение»

4. Унатлоков В.Х., Унатлокова Л.С. Практическая фонетика современного кабардино-черкесского языка: учебное пособие. - Нальчик: КБГУ 2015. -86 с.

5. Унатлоков В.Х., Фиапшева М.А. Сборник упражнений по фонетике кабардинского языка: учебное пособие. - Нальчик: Изд-во М.и В. Котляро-вых, 2015. - 72 с.

ГРАММАТИЧЕСКОЕ ПРЕДСТАВЛЕНИЕ ИМЕН ЧИСЛИТЕЛЬНЫХ В РАБОТЕ Ш.Б. НОГМА «НАЧАЛЬНЫЕ ПРАВИЛА КАБАРДИНСКОЙ ГРАММАТИКИ»

1 2 © Унатлоков В.Х. , Каскулова А.А.

Кабардино-Балкарский государственный университет, г. Нальчик

Объектом изучения в нашей статье стало отражение лексико-грам-матического разряда имен числительных в работе первого адыгского просветителя Ш.Б. Ногма «Начальные правила кабардинской грамматики» 1843 года. Целью нашего исследования является определение статуса имен числительных в системе частей речи кабардинского языка середины XIX в. на основе их грамматического представления в грамматике Ш.Б. Ногма.

Ключевые слова кабардинская грамматика, имя числительное, адыгская письменность.

Адыгэ щ1эныгъэм и кьежьапЬр XIX л1эщ1ыгъуэм псэуа Нэгумэ Шорэ и деж кьыщыщ1идзэу кьалъытэ ди лъэпкъ тхыдэм тетхыхьа куэдым. Шэч хэ-мылъу, адыгэ тхыбзэми, тхыдэми, 1уэры1уатэми, литературэми, лексикогра-фиеми, этнографиеми, нэгъуэщ1хэми ехьэл1а япэ кьэхутэныгъэхэр епхащ узэщ1ак1уэ Нэгумэ Шорэ и ц1эм. Абы алфавитит1 зэхилъхьауэ щ^1тащ: зым урыс графикэр и лъабжьэу, адрейр хьэрып-перс хьэрфхэм тету. Урыс графи-кэр и лъабжьэу, абы зэхилъхьа адыгэбзэ алфавитымк1э уэрыдыжьхэу, 1уэры-1уатэм щыщ хъыбархэу т1ощ1ым нэс итхыжащ. Нэгумэ Шорэ и 1эдакъэ тхы-гъэ-лэжьыгъэ зыбжани кьыщ1эк1ащ. Абыхэм щыщу «Ижь зэманым адыгэ-хэм я псэук1ар», «Адыгэ лъэпкьым и тхыдэ», «Къэбэрдей грамматикэм и пэщ1эдзэ хабзэхэр», «Къэбэрдей-урыс псалъалъэ», академик А.М. Шегрен и хуитхауэ щыта «Хъуэхъу» усэр, нэгъуэщ1хэри ди зэманым къэсащ. Турчаниновым Г.Ф. Нэгумэ Шорэ и лэжьыгъэхэр, тхылъит1ым щызэхуэхьэсауэ, «Филологические труды» ф1эщыгъэц1эр и1эу, Налшык къ^1щ^1дигъэк1ащ. А

1 Доцент кафедры Кабардинского языка, к.ф.н., доцент.

2 Магистрант кафедры Кабардинского языка.

лэжьыгъэм и ет1уанэ тхылъым ихуа «Къэбэрдей грамматикэм и пэщ1эдзэ хабзэхэр» жыхуи1эм бжыгъэц1эхэр кьызэрыщыгьэлъэгъуа щ1ык1эращ ди тхыгъэ к1эщ1ым и тегьэщ1ап1э хъуари.

Нэгумэ Шорэ «Атыхэ грамматикэ к1эщ1ым и хабзэхэр» жи1эу 1840 гъэм итхауэ лэжьыгъэ гъэщ1эгъуэн [2]. Ауэ щ1эныгъэл1 гумызагъэм ар нэгъэса мыхъуауэ къилъытэри 1843 гъэм зэригъэзэхуэжащ, и ф1эщыгъэри «Къэбэр-дей грамматикэ к1эщ1ым и хабзэхэр» [3] жи1эу зэрихъуэк1ыжащ.

Ди жагъуэ зэрыхъущи, Нэгумэ Шорэ «Къэбэрдей грамматикэм и пэщ1-эдзэ хабзэхэр» лэжьыгъэр 1843 гъэм итхами, дунейм къыщытехьар (Г.Ф. Турчаниновым «Филологические труды» лэжьыгъэм и ет1уанэ тхылъыр къы-дигъэк1а нэужь) 1959 гъэр аращ. А зэманым ирихьэл1эу Л.Г Лопатинскэм, Борыкъуей Т1ут1э, Н.Ф. Яковлевым, Г.Ф. Турчаниновымрэ М. Цаговымрэ, нэгъуэщ1хэми я ф1ыгъэк1э адыгэбзэм и грамматикэ зыбжанэ къыдэк1а хъуат [еплъ: 1] ик1и фонетикэми, морфологиеми, уеблэмэ синтаксисми ехьэл1а къэхутэныгъэщ1эхэр традзат. А лэжьыгъэхэм адыгэбзэ бжыгъэц1эхэр зыхуэдэр, абыхэм я1э щхьэхуэныгъэхэр, зэрыгуэша л1эужьыгъуэхэр, бзэщ1эныгъэ лъаб-жьэм тету, джа, къэхута, зэпкърыха щыхъуат, ауэ адыгэбзэм и морфологием елэжьа щ1эныгъэл1хэм я тхылъхэм упхрыплъмэ, гу лъумытэнк1э 1эмал и1экъ-ым абыхэм адыгэ бжыгъэц1эхэм хуа1э бгъэдыхьэк1эр, гуэшык1эр зэрызэпэгъу-нэгъум, ауэ зэрызэтемыхуэм, зэщхьэщык1ыныгъэ гуэрхэр я1эу зэрыщьпым.

Пэжщ, къэхута, зэхуэхьэса хъуа 1уэхугъуэ гуэрхэмк1э зэтемыхуэ еплъык-1э адрей псалъэ лъэпкъыгъуэхэми щы1эхэщ, бзэм и тхыдэр джыныр нэхъ гугъу къащ1у Зэтемыхуэ еплъык1э здэщы1эр автор щхьэхуэхэм я лэжьыгъэ-хэми къыщынэркъым. Грамматикэми щымащ1экъым зэтемыхуэу къэгъэлъ-эгъуа хъуа морфологическэ, синтаксическэ 1уэхугъуэхэр.

Адрей лэжьыгъэхэм къызэрыщхьэщык1, езым и еплъык1эрэ бгъэдыхь-эк1эрэ и1эу зэрыщытар Нэгумэ Шорэ и «Къэбэрдей грамматикэм и пэщ1эдзэ хабзэхэр» лэжьыгъэми хыболъагъуэ. Сыт ат1э апхуэдэ 1уэху еплъык1эр къэ-зышэр? Дэ дызэреплъымк1э, псом япэу ар зэлъытар - бжыгъэц1эхэм къагъ-элъагъуэ мыхьэнэр л1эужьыгъуэ зыбжанэу зэригуэшырщ. Гъэщ1эгъуэныр аракъэ, щ1эныгъэл1хэм къыхагъэк1 разрядхэр зэтехуэми, ахэр къызэзыгъэ-пэщ бжыгъэц1эхэр лэжьыгъэ щхьэхуэхэм щыщызэщхьэщык1 щы1эщ. Аращ бжыгъэц1эхэм теухуауэ, Нэгумэ Шорэ итхахэм щхьэхуэу дыщ1ытепсэлъы-хьын хуей хъуар.

Пэжщ, иджырей адыгэ бзэщ1эныгъэл1хэм дращ1ея щ1эныгъэ 1уащхь-эшхуэм къытет гуэрхэм Нэгумэ Шорэ бжыгъэц1эм тритхыхьа къэхутэныгъ-эхэр нобэ мыщ1эщыгъуэжу, ди зэманым къемызэгъыжу къащыхъунк1и хъу-нщ. Апхуэдэу къызыф1эщ1 щы1эми, ар иджырей адыгэ бзэхабзэм и тхыдэм щыщ 1ыхьэу зэрыщытыр зыщыгъэгъупщэн хуейкъым ик1и къэбэрдей-шэр-джэсыбзэ бжыгъэц1эм и джыныр Нэгумэ Шорэ и деж къыщыщ1едзэ жып1-эми ущыуэну къыщ1эк1ынукъым. Турчаниновым Г.Ф. 1959 гъэм къыдигъэ-к1а, Нэгумэ Шорэ и филологие лэжьыгъэхэр щызэхуэхьэса тхылъым зэри-

тымк1э, Нэгумэм къэбэрдей-шэрджэсыбзэ бжыгъэц1эр псалъэ лъэпкъыгъуэ щхьэхуэу къыхегъэк1 ик1и бжыгъэц1эм и определенэр мыпхуэдэу кьехь: «Имя числительное означает число предметов или порядок в коем они один за другим следуют» [3, с. 65].

Щ1эныгъэл1ым бжыгъэц1эм и определенэр ирита къудейкъым, ат1э мыпхуэдэ разрядитхуу игуэшыжащ:

1. Количественнэ бжыгъэц1эхэр.

2. Порядочнэ бжыгъэц1эхэр.

3. Дробнэ бжыгъэц1эхэр.

4. Собирательнэ бжыгъэц1эхэр.

5. Увеличительнэ бжыгъэц1эхэр.

Зи щхьэ хущыт псалъэ лъэпкъыгъуэу бжыгъэпЪр иджк1эрэ Нэгумэ Шорэ къыхигъэк1а разрядхэр и лэжьыгъэм параграф зырызым щызэпкърех ик1и дэтхэнэми определенэт щхьэхуэ ярет, я щапхъэхэр къехь, къызэрыхъуа щ1-ык1эхэр къе1уатэ. Абы разрядхэм хужи1ахэм к1эщ1у дэри дыкъытеувы1энщ.

1. Количественнэ бжыгъэц1эхэр. Мы разрядым и определенэр Нэгумэ Шорэ мыпхуэдэу ирет: «количественные числительные обозначают число предметов, щапхъэ: зы, пщык1ух, тощ1» [еплъ: 3, с. 67]. Ахэр къызэрыхъуам щытепсэлъыхьк1э Нэгумэ Шорэ къыхегъэщыр зым къыщыщ1эдзауэ пщ1ым нэс пычыгъуэ закъуэу зэрыщьпыр, пщ1ым адэк1э щы1э бжыгъэхэр пщ1ы лъабжьэм нэгъуэщ1 лъабжьэхэр къыпыувэу къызэрык1уэр.

Нэгумэ Шорэ жи1ахэм арэзы удэхъуми, къыхэгъэщыпхъэщ пщ1ы (десятка) бжыгъэхэр къызэрыхъум и гугъу зэримыщ 1ыр, абыхэм къэбэр-дей-шэрджэсыбзэм ща1э псалъэ къэхъук1э нэхъыщхьэхэм зэрытемып-сэлъыхьар.

2. Порядочнэ бжыгъэцЬхэр. Абы теухуауэ Нэгумэм мыпхуэдэу етх: «Порядочные числительные обозначают порядок предметов. Порядочные числительные составляются из количественных, переменяя последнюю букву количественных ы на э и прибавлением перед числительным буквы е и окончаний -нэр, -нэрей, -нэрейр, например: ет1уанэр - ет1уанэрейр, епл1-анэр - епл1анэрейр» [3, с. 66].

3. Дробнэ бжыгъэцЬхэр. Бжыгъэц1эм и разряд ещанэу Нэгумэ Шорэ къыхигъэк1а дробнэ бжыгъэц1эм и определенэр мыпхуэдэу етх: «Дробные означающие часть целого числа» ик1и мыпхуэдэ щапхъэ къехь: ныкъ-уэ, щанэ, т1урэ ныкъуэрэ. Адэк1э Нэгумэр тотхыхь а бжыгъэц1эм и разрядыр къызэрыхъу щ1ык1эм ик1и пэжу къегъэлъагъуэр абыхэм я къэхъук1э нэхъыщхьэхэр.

4. Собирательнэ бжыгъэц1эхэр. Мыбдеж авторым мыпхуэдэу щетхыр: «собирательные, означающие известное число предметов собирательным образом. Собирательные составляются прибавляя к количественным окончания -гоh (-уэ)» ик1и щапхъэу къехь: т1ууэ, щыуэ.

5. Увеличительнэ бжыгъэц1эхэр. Нэгумэ Шорэ и лэжьыгъэм зэрыщит-хымк1э, увеличительнэ бжыгъэц1эхэм деж собирательнэ бжыгъэцЬмрэ ко-личественнэ бжыгъэцЬмрэ зэщ1ыгъуу къок1уэ: зыуэрэ зы.

1ущагъышхуэ зыбгъэдэлъа Нэгумэ Шорэ адыгэ бжыгъэц1эхэм склоненэ зэра1эм гу лъитауэ щытащ. Пэжщ абы зи гугъу ищ1а склоненэхэр иджырей адыгэбзэм къыщагъэсэбэпкъым, ауэ дэтхэнэ бзэщЬныгъэМым и дежк1и ар мыхьэнэшхуэ зи1э лэжьыгъэщ.

Количествен® бжыгъэпЪхэр щыЪпЬхэм хуэдэу зэхъуэк1а мэхъур. Бжы-гъэц1эр щы1эц1эм и определенэу къэгъэсэбэпамэ, определенэмрэ зи определенэмрэ языхэзу яужь итырщ падеж к 1эухыр зыпыувэр. Нэгумэ Шорэ и лэжьыгъэм къыщыхьащ порядочнэ числительнэм и склоненэр мыпхуэдэу:

И. ет1ощ1анэрей илъэс Р. ет1ощ1анэрей илъэсым и Д. ет1ощ1анэрей илъэсым В. ет1ощ1анэрей илъэсыр Т. ет1ощ1анэрей илъэсымк1э

Турчаниновым Г.Ф. къыдигъэк1ыжа Нэгумэ Шорэ и лэжьыгъэхэр щы-зэхуэхьэсыжа ет1уанэ тхылъым рэ-к1э иух бжыгъэц1эм и склоненэр мыпху-эдэу къыщыгъэлъэгъуащ: И. т1ощ1ырэ ныкъуэрэ Р. т1ощ1ырэ ныкъуэрэм и Д. т1ощ1ырэ ныкъуэрэм В. т1ощ1рэ ныкъуэрэр Т. т1ощ1ырэ ныкъуэремк1э

К1эщ1у къызэщ1эткъужынщи, адыгэ еджагъэшхуэ Нэгумэ Шорэ япэ къэбэрдей грамматикэр и 1эдакъэ къыщ1эк1ащ. Абы фонетикэмрэ морфоло-гиемрэ и 1уэхугъуэ зыбжанэ щызэпкърихащ. Ди лэжьыгъэм къызэрыхэдгъ-эщащи, абы бжыгъэц1эр псалъэ лъэпкъыгъуэу къыхегъэк1, определенэ ирет, ар разрядитхуу егуэш, бжыгъэц1эхэм склоненэ зэра1эр къегъэлъагъуэ. Ны-къусаныгъэншэу щымьп'ми, Нэгумэ Шорэ и дежщ къыщыщ1идзар адыгэбзэ бжыгъэц1эхэм я грамматическэ щхьэхуэныгъэхэр, бзэщ1эныгъэ лъабжьэм тету, джыныр.

Список литературы:

1. Гишев Н.Т., Таов Х.Т., Унатлоков В.Х. Лингвистическая литература по адыгским языкам. - Нальчик, 2005. - 375 с.

2. Ногма Ш.Б. Начальные правила атыхейской грамматики (в вариантах) // Филологические труды. - Нальчик, 1959. - Т. 2. - С. 106-156.

3. Ногма Ш.Б. Начальные правила кабардинской грамматики // Филологические труды. - Нальчик, 1959. - Т. 2. - С. 54-104.