CC BY
40
Литературоведение
УДК 821.352.3
ББК 83.3 (2=Ады)
В 78
Т.М. Востхашева
А.Еутыхым ироманэу «Глоток родниковой воды» зыфи!орэм хэт характерхэм ягьэпсык1
(Рецензирована)
Аннотация:
В статье рассматривается переломный период в истории народа - 10-20-е годы ХХ века, его влияние на адыгейскую прозу на основе анализа романа А.Евтыха «Глоток родниковой воды». Это «новое» направление в творчестве автора, которое характеризует изображение эволюции национального мира адыгейцев в эпоху разрушения его патриархальной цельности, раскрытие автором концепции личности, психологической сути характера в ее действительных связях.
Ключевые слова:
Гупшысак1, общественнэ щы1ак1, совет хабз, шытыгъун, зэхъок1ыныгъ, роман, хъугъэ-ш1агъэхэр, ц1ыф нэшан.
«Интерес А. Евтыха к переломному периоду в истории народа (10 - 20-е годы XX века) не угасал до конца жизни и «вылился» в романы «Глоток родниковой воды», «Баржа» и «Бычья кровь» [1: 80]. Эпическэ стилэу лирическэ мэкъэмэ теубытагъэ зыхэлъыр игъэк1отыгъэу щыгъэфедагъ А.Еутыхым ироманэу «Глоток родниковой воды» зыфи1орэм. Мыщ щы1эк1ак1эм ек1урэ лъагъохэр зэрэмыпсынк1эхэр, ащ ц1ыф шэнхэр, насыпхэр нэмык1 шъыпкъэ ыш1ынхэ зэрилъэк1ыщтыр къегъэлъагъо.
Дунаим зэхъок1ыныгъэу щык1орэр, адыгэмэ ящы1эныгъэ зэблэхъугъ зырэхъугъэр мыщ щытэлъэгъу Джымэ къырык1уагъэмк1э. Ятэш Айтэчыкъо Хьарунэ ащ ч1ып1эшхо щеубыты. Нахьпэм ар къызэрэфыщытгъэр непэ къызэрэпэгъок1ырэм фэдэп. А. Еутыхым етхы: «Но тогда, в то давнее время, Айтеков жил особенной жизнью, она видела его только в дверную щель или когда разрешалось внести к нему воду, тазик, пройти с полотенцем, слить ему на руки, после чего, не сказав ей ни похвального, ни иного слова, он выходил во двор, седлал коня и куда-то уезжал...» [2: 200]. Зы мафэ горэм Джымэ гушхоныгъэ къызхигъафи емыупч1ыжьэу пчъэр 1уихи зехьэм, къыри1уагъ: «Укъызэрэрихьагъэм фэдэу ц1ык1у-ц1ык1оу ик1ыжьыри, пчъэр пытэу къыфэш1».
Ау илъэс пчъагъэ тек1ыгъ, Айтэчыкъо Хьаруни иеплъык1э зэблэхъугъэ хъугъэ. Нахьпэм Джымэ къызихьэк1э къыфызэмыплъэк1ыщтыгъэмэ, джы ышъхьэ къыфигъазэу хъугъэ. А шъхьэгъэзак1эу ятэшым хэлъыми гу лъытагъэу Джымэ лъыплъэщтыгъэ. Хьарунэ зэхъок1ыныгъэу фэхъугъэри къырыпш1эу А. Еутыхым ар къетхы. Айтэчыкъор Джымэ къихьэу пчъэм дэжь къызыуцук1э, шъабэу еплъы, адрэми лъэбэкъуитфэу-хэу азыфагу дэлъыр чъэк1э къызэпечы. Иунэ т1эк1у итынэуи, нэмык1 л1ыхэр зэрисзэ, Хьарунэ ащ фидэу ригъэжьагъ. Пшъэшъэ ц1ык1ум ятэ «Сташ-очкор» а л1ыми агу къэк1ыжьхэзэ тыжьын е тхьэпэ ахъщэхэр къыратыщтыгъэ. Зы мафэ горэм инанэ Щэрифэ к1ыгъоу ахъщэр къызалъытэжьым, зэрыдэхэрэ машинэ къащэфышъугъ.
Революцием къыздихьыгъэхэ зэхъок1ыныгъэхэм апкъ къик1ык1э, ц1ыф лъэпкъым ищы1эныгъэ т1оу зэтеутыгъэ мэхъу: блэк1ыгъэ уахътэмрэ непэрэ мафэмрэ, жъымрэ к1эмрэ зэпыуцужьхэу хъугъэ Тхьагъэзит Юрэ зэрэк1ыгъэтхъэу, «Романная структура А.Евтыха характеризуется изображением эволюции национального мира адыгейцев в эпоху разрушения его патриархальной цельности» [3: 239].
«Глоток родниковой воды» зыфи1орэм щытэлъэгъу нэмык1 лэпкъ щыщ ц1ыфхэмрэ адыгэ чылэм дэсхэмрэ нэ1уасэ зэрэзэфэхъухэрэр, урыс къутырымрэ адыгэ къуаджэмрэ зэрэзэфыщытхэр. «Тут, на дамбе, незнакомые друг с другом знакомились и как бы даже удивлялись, как же они до сих пор жили, не зная друг про друга; хуторяне, что никогда, кажется, не заглядывали в аул, ходили теперь туда в гости» [2: 199]. Ау арэп анахь мэхьанэ зи1эу тхакіом къыгъэлъагъорэр «Суть дела в новых социальных преобразованиях, которые начали захватывать адыгейскую среду и быт» [3: 258].
Я ХХ-рэ л1эш1эгъум ия 20-рэ илъэсхэр арых «Глоток родниковой воды» зыфи1орэм къыгъэлъагъорэр. Авторым герой шъхьа1эхэм я1эк1оц1 дунайк1э хъугъэ-ш1агъэхэр къе1уатэ. Тыгъок1о сэнэхьатым фэ1азэхэу «Сибир», «Барток», зыфэп1ощт ц1э тетдзэхэр зи1эхэр Ст1ашъу Хьисэр, ахэм анэмык1эу ренэу ягущы1э хэтэу е агу къэк1ыжь зэпытэу Хьарунэу Хьисэрэ Джымэрэ зып1ужьыгъэр, Хьисэ ятэу Ст1ашъу нахьыжъыр гъэш1эгъонэу къызэ1уехых А. Еутыхым. А Ст1ашъу нахьыжъыр, гущы1эм пае, шытыгъуным фэкъаигъагъ, псэгъаоу щытыгъ. Карт еш1ак1эу "Тэк1ищрэ хырэр" зэрик1эсагъэр къырытигъаш1эу тхакіом ащ шытыгъум ыц1э шъыпкъэ къыримы1оу бэрэ ты1ок1э ылъэкъуац1э "Т1ок1ищрэ хырэр" готэу. Ащ дакіоу «Сташ-очко» а1озэ еджэхэуи урехьыл1э.
Ащ ыкъоу Хьарунэ ып1ужьыгъэ Хьисэр ятэ игъогу рык1уагъ. Ащ къехъул1эгъэ пстэуми анахь гъэш1эгъонэу, уз1эпищэу А.Еутыхым къегъэлъагъо Ст1ашъу Хьисэр Алевтинэ нэ1уасэ зэрэфэхъурэр, ахэм к1элэц1ык1у къазэрэфэхъугъэр. Ащ къыхэк1эу шытыгъунымк1э ахъщэ къыгъэхьэнышъ Ст1ашъур Алевтинэ де1энэу пылъ. Мыхэмэ апыщыт шъыпкъ Айтэчыкъо Хьарун. Мыр щы1ак1эм куоу хэгупшысэрэ, к1эмрэ жъымрэ зэпэзыгъэуцун зылъэк1ырэ ц1ыф. Шъыпкъэ, ащ епхыгъэ хъугъэ-ш1агъэхэм щалъымытэнэу щытэп, романыр зэхэзыфыгъэхэми ар к1агъэтхы, « ... его острые диалоги с Сибиром, с аульским эфенди, поджог им обветшалого сташевского дома и другие события, связанные с ним, оживляют внешнюю динамику событий» [1: 192].
Философскэ - нравственнэ к1оч1э куу зыхэлъ социально - психологическэ романэу «Глоток родниковой воды» зыфи1орэм хъугъэ - ш1агъэхэр зягъэшъомбгъугъэу къыщигъэлъэгъоным авторыр пылъэп. Ащ ына1э нахь зытетыр произведением хэт геройхэм хъугъэ - ш1агъэхэр зэрэзэхаш1ык1ырэ ш1ык1эр ары. Критикым зэри1оу «история дана в романе через сложнейшую диалектику внутренней жизни героев» [3: 239].
Мы произведением щызэпыщытых Айтэчыкъо Хьарунэрэ Ст1ашъу Хьисэрэ.Ет1ани гъэш1эгъоныр Айтэчыкъом Хьисэ зэрип1ужьыгъэр ары. Янэ-ятэхэр зэл1э ужым Айтэчыкъо Хьарунымрэ Щэрифэрэ ап1ужьыгъ сабый ц1ык1ухэр - илъэсий зыныбжь Хьисэмрэ ащ ышыпхъу ц1ык1у Джымэрэ. Пшъэшъэ ц1ык1ур щы1эк1ак1эм фагъэсагъ, Айтэчыкъом игупшысак1эхэр ащ къы1эк1эхьагъэх, ащ къыхэк1эуи Хьэхъурат1эм ош1э-дэмыш1эу нэ1уасэ фэхъугъ, еджэн 1офым фэщагъэ хъугъэ, ари іоф псынк1эп. Романным къыще1о:«Русскому, говоришь, в станице училась, а своей школы в ауле еще нет? Ничего, скоро разошлем культармейцев, научим писать и читать и малых и старых» [2: 124]. Ащ ыуж Джымэ къуаджэм щы1эк1ак1эр щызыгъэпсырэ Мустафа Эшиным, зыфещэи ык1и дырегъаштэ.
Хьисэм хихыгъэ гъогур нэмык1. Ар нэ1уасэ фэхъу ц1э зимы1эу каторгым щы1э «дядя Сибир». «Сибир» - л1ыжъы, ежь-ежьрэу тыгъожьырэп, ау ныбжьык1эхэр тыгъок1о сэнэхьатым фегъасэх, Хьисэ щысэ техып1э фэхъу ык1и игъогу тырещэ.
Нэ1уасэ тызыфэхъурэм щэгъэжьагъэу гу лъытэтэ Хьисэ ишэн зэрэзэхэш1ык1ыгъуаер, гухэк1эу зэрэгъэпсыгъэр. Хъугъэ-ш1эгъэ тхьамык1агъо ыпэ зэрилъыр ыш1эрэм фэдэу иныбджэгъоу «Барток» реіо: «И наше дело, оно такое, друг: вымирающее. Многих уже выловили, и оставшиеся на воле тоже попадутся» [2: 63]. Ар зи1уагъэм охътабэ темыш1эу, шыхэр ытыгъузэ ар хэк1уадэ. «Барток» Айтэчыкъо Хьарунрэ Щэрифэрэ афе1уатэ Хьисэ шъузырэ к1элэц1ык1урэ зэри1эр. Тхьэмэфит1у тек1ыгъэу ахэмэ алъыхъунэу Айтэчыкъо Хьарун ежьэ. Бэдзэрым тетзэ елъэгъу шъуз горэм сурэт ыщэу, сурэтым итеплъэ ыгу
рихьыгъэп. Ащ пэмычыжьу, щыгъын ш1ойхэр щыгъэу, сапэм хэсэу джэгущтыгъэ к1элэц1ык1ур къылъэгъугъ. К1элэц1ык1ур къызэщхым ы1упш1эхэмк1э Хьисэ зэрэфэдэр хилъэгъуагъ ык1и къыгуры1уагъ ащ зэрик1элэц1ык1оу ылъытагъ. Айтэчыкъо Хьарун Евдокие Мефодиевнам дэжь хьэк1ап1э к1уагъэ. Ащ ылъэгъугъэр зыфе1уатэм, Евдокие Алевтинэ дэгущы1энэу макіо. Шъузыр имысэу къыч1эк1ыгъ. Гъунэгъу ныоц1ык1ум къыри1уагъ к1элэц1ык1ур шіу зэрамылъэгъурэр ык1и изакъоу къызэрэранэрэр. Къызэрэхъугъэ ш1ык1эр ымыш1эу, к1элэц1ык1ур унэм къырихи чылэм ыщагъ. Ынэ1у зэхэлъык1э ятэ фэдэу алъытэщтыгъэ. Айтэчыкъо Хьарун к1элэц1ык1ур зитхьак1ынэу, зифэпэнэу, зит1эк1ыжьышъунэуи ригъэсагъ. А пстэуми Айтэчыкъо Хьарун зыфэдэ ц1ыфыр нэрлъэгъу къытфаш1ы.Ар мэкъумэщыш1э унагъом къихъухьагъ, «не хуже других умел и ездить, и выбирать себе коня из табуна, выделывать кожу, нарезать ее и плести всадницкие плетки.» [2: 293]. Ау т1эк1у-т1эк1узэ общественнэ щы1ак1эм къыщыхъухэрэм апкъ къик1ык1э идунэееплъык1э зэхъок1ыныгъэхэр фэхъух, тхылъым пыщагъэ мэхъу. Ащ къыхэк1эуи адыгэ лъэпкъым ищы1эк1э-псэук1э героир нахь егупшысэ. «Это заставляет его задуматься над некоторыми чертами и традициями национального бытия, над необходимостью очищаться от каких-то привычек и склонностей в общественной и бытовой жизни» [1: 195]. Айтэчыкъо Хьарун нахь къыгурэ1о тхылъым к1уач1эу и1эр. «Это новый тип становящейся из крестьянской среды национальной народной интеллигенции, который своими размышлениями, раздумьями приходит к необходимости светского книжного образования и отдается этой идее» [1: 195].
Апэрэ еплъыгъомк1э, Айтэчыкъо Хьарунэрэ Эшин Мустафарэ зы гупшысэ, зы мурад зэдыря1эм фэд. Эшиныр чанэу революцием хэлэжьагъ, совет хабзэр чылэм щызэхещэ. Эшиным иеплъык1э пхъашэхэри тэлъэгъу, Джымэ епсэлъыхъонэуи регъажьэ. Ар Айтэчыкъо Хьарун ыгу рихьырэп. Еутыхым занк1эу къытигъэлъэгъурэп а зэпыщытыныгъэр. Ау Гъомлэшк Чэлэмэтрэ Эшинымрэ язэдэгущы1ак1эк1э ар къыдгурегъа1о. Романым ик1эухым зэк1эри къыщэнафэ. Гъомлэшкэ Чэлэмэт Эшиным реіо 1эсэжьынэу, нахь шъаби хъунэу. «Войны отошли., - говорит Гомлешко. - Хватит нам крови, хочется мира, тишины. Мы, твои земляки, черные, белые, рыжие, всякие, стало быть. И все - люди, и все хотят жить, детей заводить, свадьбы играть. Советская власть, если ее не портить, она на чувстве задумана, на любви к человеку» [2: 292-293].
Зэфэхьысыжь к1эк1 фэпш1ын хъумэ, А.Еутыхым ироманэу «Глоток родниковой воды» зыфи1орэм хэт характерым ягъэпсык1э авторым схемэ теубытагъэк1э къызэ1уихырэп. Ащ фэгъэхьыгъэу Р.Мамыим зэритхырэмк1э,«. концепция личности, психологическая суть характера раскрывается автором не по схеме, не в заданном направлении, а в ее действительных связях с реальной жизнью» [1: 195].
Примечания:
1. Мамий Р.Г. Вровень с веком. Майкоп, 2001. 340 с.
2. Евтых А. Глоток родниковой воды. М.,1977. 320 с.
3. Тхагазитов Ю. Эволюция художественного сознания адыгов. Нальчик,
1996. 280 с.
