CC BY
207
УДК
ББК
П
Пшизова А.К.
Кандидат филологических наук, старший преподаватель кафедры русской филологии Адыгейского государственного университета, e-mail: asya_pshizova@mail.ru
Шеуджен Э.Д.
Аспирант кафедры адыгейской филологии Адыгейского государственного университета, e-mail: shed_1982@mail.ru
Новеллы Тембота Керашева и адыгейская проза К1эрэщэ Тембот иновеллэхэр ык1и адыгэ прозэр
(Рец ензирована)
Аннотация:
Рассматривается жанр новеллы в адыгейской литературе 1920-1970-х годов, его становление и развитие, роль новеллистики Т. Керашева во всей национальной прозе. Сделан акцент на текстологическом анализе произведений на языке оригинала. Исследуется фольклорная и литературная основа адыгейской новеллы (И. Цей, А. Хатков, Ю. Тлюстен, Д. Костанов, П. Кошубаев, Ю. Чуяко, С. Панеш). Анализируются исторические новеллы А. Евтыха («Священная река») и Т. Керашева и их влияние на развитие исторической повести и романа в адыгейской литературе. Отмечается, что малая проза Х. Ашинова 1960-1970-х годов - новая ступень развития адыгейской новеллистики, которая дала новые направления: лиро-эпическую (И. Машбаш), лирико-романтическую (Ю. Чуяко), лирико-философскую (Н. Куек).
Ключевые слова:
Фольклор, литература, малая проза, лирика, рассказ, новелла, жанровые особенности, стиль, образ, сюжет, композиция, психологизм.
Pshizova A.K.
Candidate of Philology, Senior Lecturer of the Russian Philology Department, Adyghe State University, e-mail: asya_pshizova@mail.ru
Sheudzhen E.D.
Post-graduate student of the Adyghe Philology Department, Adyghe State University, e-mail: shed_1982@mail.ru
Tembot Kerashev's short stories and the Adyghe prose K1ereshche Tembot иновеллэхэр yk1i адыгэ прозэр
К1эращ Тембот ихудожественнэ прозэ «ц1ык1у» хахьэхэрэр: рассказхэр, новел-лэхэр, повесть к1эк1хэр. Тхак1ом зырегъэжьак1эм уахътэм къыздихьырэ темэхэр къы-1этэу ытхыгъэх рассказхэу «Аркъ», «Мэщыкъо ишъхьак1у», «Сарэт ишъэф» зыфи-1охэрэр, ахэмэ къахэщыгъ новеллэм инэшанэхэри. А уахътэм К1эращым джыри ыт-хыгъэх новеллэхэу романэу «Щамбул» зыфи1орэм ык1и ащ ият1онэрэ тедзэгъоу «На-сыпым игъогу» хэуцуагъэхэр.
Abstract:
The paper deals with genre short story in the Adyghe literature of the 1920-1970s, its formation and development and a role of short stories of T. Kerashev in the national prose. The emphasis is placed on the textual analysis of works in original language. The folklore and literary basis of the Adyghe short story (I. Tsey, A. Khatkov, Yu. Tlyusten, D. Kostanov, P. Koshubayev, Yu. Chuyako, S. Panesh) is investigated. An analysis is made of historical short stories of A. Evtykh («The Sacred River») and T. Kerashev and their influence on development of the historical story and novel in the Adyghe literature. Small prose of Kh. Ashinov of the 1960-1970s is noted to be a new step in development of the Adyghe short stories which gave the new directions: lyric-epic (I. Mashbash), lyric-romantic (Yu. Chuyako) and lyric-philosophical (N. Kuyek).
Keywords:
Folklore, literature, small prose, lyrics, story, short story, genre features, style, image, plot, composition, psychologism.
Романэу «Щамбулыр» новеллэк1э зэхэтэу тхак1ом ригъэжюгъагъ, ар тэз-гъа1орэр новеллэ пэпчъ ухыгъэ мэхьа-нэ и1агъ къы1уатэрэмк1и, шъхьэу фи-ш1ыгъэмк1и. К1эращым ытхыгъэ новел-лэхэм къагъэнэфагъ, фольклорнэм нахьи литературнэ новеллэм нахь зызэрэфигъа-зэрэр, 1оры1отэ къэбарым тек1ызэ герой-хэр нахь игъэк1отыгъэу, яшэн-зек1уак1и нахь къызэ1ухыгъэу къыгъэлъагъощ-тыгъэ. Ау ар джыри литературнэ психоло-гизмэм пэчыжьагъ («Тэтэжъ», «Зы бзылъ-фыгъэ икъэбар»). Новеллэ зырызхэу 1оры1отэ къэбарым техыгъэхэм («Джы-нэ фыжьхэмрэ ш1уц1эхэмрэ») къахэнагъ 1оры1отэ къэгъэлъэгъуак1эр.
Романэу «Насыпым игъогу» зыфи-1орэм къыхэбгъэщын плъэк1ыщт купи-т1у хъурэ новеллэхэр: произведением занк1эу хэуцохэрэр ык1и сюжетым емып-хыгъэхэр, нэмык1эу къэп1он хъумэ, литературнэ ык1и 1оры1отэ къэбархэр.
Рассказхэу «Аркъ», «Мэщыкъо ишъхьак1у», «Сарэт ишъэф» зыфи1охэ-рэр ык1и новеллэхэу «Насыпым игъогум» хэтхэр зэрэзэпхыжьыгъэр: а зы уахътэр къызэрагъэлъагъорэр, ятематикэрэ япро-блематикэрэ зэрэзэтефэрэр, геройхэм-рэ зэутэк1ыныгъэу къахафэрэмрэ зэрэзэ-пэблагъэр. К1эращ Тембот 1920-1930-рэ илъэсхэм ихудожественнэ прозэ къыхэ-щыгъэх жанровэ-стилистическэ нэшэ-нэ гъэш1эгъонхэр, ахэмэ аужрэ илъэсхэм
адыгэ литературэм ижанрэмэ рассказым щегъэжьагъэу романым нэс яуцун, яхэхъ-оныгъэ я1ахьыш1у халъхьагъ. Джыри уна1э зытебдзэн фаер нэмык1 литературэ пчъагъэу, анахьэу советскэ литературэу темак1эхэр, героик1эхэр къэзгъэлъэгъу-агъэм - уахътэм илитературэу къежьагъ-эм ищыс.
К1эращ Тембот ипрозэ «ц1ык1у» зыхэуцогъэ адыгэ ык1и урысые литера-турэр зэмышъогъоу щыт. Адыгэ ныбжьы-к1э прозэмк1э 1920-1930-рэ илъэсхэр литературнэ ык1и публицистическэ жан-рэхэм яуцун лъэхъаныгъ, ащ 1оры1отэ къэгъэлъэгъок1э зырызхэри къыгъанэзэ литературнэ психологизмэм ек1уал1эщ-тыгъэ. «Большинство произведений малых жанров испытывало сильнейшее влияние, с одной стороны, очерка и газетной публицистики (рассказы Т.Керашева, И. Цея), с другой - поэтики устного народного сказа» [1: 37]. Зигугъу къэпш1ын фаер Цэй И. итхыгъэхэр ары - аужрэ илъ-эс 20-м игъэк1отыгъэу адыгэ литературнэ наукэм Шъхъэлэхъо А. къыщызэхи-фыгъэр. Цэй И. революцием ыпэрэ ыу-жырэ илъэсхэм итворчествэ къыхэщыгъ-эр лъэпкъш1эныгъэм-гъэсэныгъэм яп-хыгъэ гупшысэхэр, «пробудить в российских мусульманах самосознание и стремление к приобретению культурных ценностей, сохраняя также ценности из своей самобытной культуры» [2: 384].
Зигугъу къэтш1ыгъэ гупшысэ лъап-сэр къахэщыгъ Цэим истатьяхэм, очерк-хэм, рассказхэм («Горе - интеллигент», «Автомобиль», «Инженер Хагупов»), ахэ-мэ къахэ1ук1ыгъ публицистическэ макъ-эр ц1ыфмэ я1эшъхьэтетхэм яумысын игъ-усэжьэу. Рассказхэу «Мусса», «Зараза», повестэу «Юсуф» зыфи1охэрэм къащигъ-элъэгъуагъ тхак1ор инэу зыфэгумэк1ырэ ц1ыф лэжьак1ом ищы1ак1э. Революцием ыуж Цэим къыдегъэк1ых очеркэу «Авантюра Келеч-Гиреяр» ык1и лъэхъаныр къизгъэлъэгъук1ырэ рассказхэу «Мула Ибрагим», «По заветам старины», «Фат-мэм игуш1уагъу» зыфи1охэрэр. Цэим ит-ворчествэ куоу къызэхэзыфыгъэ Шъхьэ-лэхъо Абу къэт1огъэ произведениемэ анэ-мык1эу рассказ-новеллэ 13 къыхигъэ-щыгъ, 1оры1отэ къэбар щхэнмэ атехыгъ-эхэу («Ты жъалым», «Пшъхьэ сшхыщт»). Новеллэмэ зэфэдэ нэшанэу я1эхэр - фео-дальнэ псэук1э зыщы1эгъэ л1эш1эгъумэ къахэхыгъэ темэхэр, къэ1отэныр зэрэгъ-эк1эк1ыгъэр, уз1эпызыщырэ зэутэк1ы-ныгъэр, узэмыжэгъэхэ к1эухыр. Цэим темэхэр къызэрэхихрэмк1э, героеу къыгъ-элъагъохэрэмк1э, проблемэхэр къызэрэ-зэ1уихырэмк1э К1эращ Тембот иновеллэ-мэ апэгъунэгъу. Новеллэ зыфа1орэр эпи-ческэ, прозаическэ жанрэу къэ1отэныр зылъапсэу, уз1эпызыщэрэ сюжет зыхэлъ-эу, узэмыжэгъэхэ к1эух зи1эр ары [3].
Тхэк1уит1уми лъэхъанык1эм къыз-дихьырэ темэхэр япроизведениемэ къа-щызэ1уахы. Къэгъэлъэгъуак1эмк1э зэ-тек1хэми, ярассказхэр зэпэблагъэх. Зигугъу къэтш1ырэ лъэхъаным К1эращым-рэ Цэимрэ ныбжьык1э тхак1охэмк1э, ана-хьэу Хьаткъо Ахьмэдк1э щысэтехып1агъ-эх. Хьаткъор усэк1уагъ, ау прозэ шъуа-шэм илъэу, анахьэу рассказым, произведение заулэ ытхыгъ: «Былым фэк1одыр», «Тызэш1ок1одынэп», «Джэджыкъопщым икъэбар» зыфи1охэрэр. Рассказэу «Былым фэк1одыр» (1927) зыфэгъэхьыгъэр адыгэ бзылъфыгъэм ищы1эк1э къин. Мы темэр уахътэм къыздихьыгъэу щытыгъ ык1и К1эращымрэ Цэимрэ ащ икъызэ1у-
хын фэшъыпкъагъэх. Егъэзыгъэу дагъа-к1орэ бзылъфыгъэм - л1ы баим пшъэшъэ ныбжьык1эр зэрэращэрэр къэзгъэлъэгъ-орэ сюжетыр бэмэ агъэфедагъ (К1эращ Тембот ироманэу «Щамбулым» хэуцогъэ новеллэхэр, Цэим иновеллэу «Фатмэм игуш1уагъор»). Къэ1огъэн фае, рассказэу «Фатмэм игуш1уагъом» проблемэр къы-зэрэзэ1уихырэмк1э, художественнэ ш1ы-к1эхэмк1э новеллэм зэрэпэблагъэр.
Ш1эныгъэлэжьэу Щэш1э Казбек къытхырэм бэмэ дырагъаштэ : «Жанровая эволюция молодой прозы зависела от освоения ею идейно-политического конфликта», контуры которого «не выходили за рамки резко отрицательного изображения облика господствующих классов и пафосного воспевания нового... Молодой прозе пока были не ведомы пути и формы освоения многообразного внутреннего мира нового человека, еще труднее для нее изображение сложнейших конфликтов жизни» [4: 36].
Адыгэ литературэ къежьэгъак1эр Лъэпц1эрышэ Хъалидэ къызэхиф зыхъ-ук1э къыхегъэщы тхак1омэ хъугъэ-ш1агъэхэр къызэратхыхьэрэ закъор, ге-роим и1эк1оц1 дунай, ипсихологие къа-мыгъэлъагъоу. Ащ мырэущтэу етхы: «Материальным центром первых произведений становилось чаще всего одно событие, один факт, деяние одного человека, описание которого облекалось в форме рассказа, очерка или небольшой повести, по многим своим качествам близких к народному сказу, новелле, притче» [5: 9].
Щэш1э Казбекрэ Пэнэшъу Уцу-жьыкъорэ мы 1офыгъом къыра1уал1э-рэм Лъэпц1эрышэ Хъалидэ игупшысэхэр апэгъунэгъу. Шъыпкъэмк1э, жанрэ ц1ы-к1ухэр адыгэ литературэм щыуцугъэх «... при прямом их следовании образцам фольклора, реже - развитых литератур» [5: 11].
Ш1эныгъэлэжьмэ зигугъу къаш1ы-рэ ек1ол1ак1эр К1эращ Тембот ирассказ-мэ, иновеллэмэ яхьыл1эгъэ шъыпкъ. К1э-ращым иапэрэ тхыгъэхэр рассказ шъуа-шэм илъых. Романэу «Щамбулыр» - прозэ
«иным» хэуцорэр - 1оры1отэ къэгъэлъэгъ-уак1эм ифэмэ-бжьымэ ч1этэу тхыгъэ. Ащ фэд Цэй Ибрахьимэ, Хьаткъо Ахьмэд ятвор-чествэ икъежьап1эк1э атхыгъэ произведе-ниехэр. Цэй Ибрахьимэ и «Фатмэм игуш1у-агъу», Хьаткъо Ахьмэд и «Былым фэк1од» зыфи1охэрэм новеллэ нэшанэхэр къахэщы-ми, повесть гъэпсык1эр нахь зыда1ыгъ
1920-1930-рэ илъэсхэм Цэй Ибрахьимэ ытхыгъэ повестэу «Шъхьэзакъу», Лъэ-устэн Юсыф иповестэу «Гъогур 1ухыгъ», Еутых Аскэр иповестэу «Сшынахьыжъ» зыфи1охэрэр адыгэ литературэ ныбжьы-к1эм щагъэпытагъ прозэ «ц1ык1ури» «гу-рытыри» (Лъэпц1эрышэ Хъ.). Хэгъэгу зэ-ошхом илъэхъан ык1и ащ ыужрэ илъэсхэм тхак1омэ инэу яш1уагъэ къек1ыжьыгъ очерк, рассказ тхынымк1э амалэу къызы-1эк1агъэхьагъэм. Ягугъу къэпш1ын фае, заом ц1ыфмэ л1ыгъэу щызэрахьагъэр къэ-з1отэрэ новеллэхэм: Андырхъое Хъусен «Партизаным ил1ак1», «Пшъэшъэжъыеу Гале» (1942), К1эрэщэ Тембот «Партизаным ышыпхъу», Лъэустэн Юсыф «Нэбгы-рит1ум агу», «Василий ил1ыхъужъныгъ», Кэстэнэ Дмитрий «Ос хъот», «Осыет» зы-фи1охэрэр, нэмык1хэри.
Адыгэ литературэ ныбжьык1эм лъэ-ныкъуит1ук1э хэхъоныгъэхэр ыш1ыщ-тыгъэх: щы1эныгъэм хэхъухьэрэ шъып-къэр, хъугъэ-ш1агъэхэр къэгъэлъэгъоным-к1э ык1и герой шъхьа1эм и1эк1оц1 дунай къигъэлъэгъук1ынымк1э. Апэрэ лъэ-ныкъор адыгэ прозэм нахь пытэу хэуцу-агъ ык1и К1эращым, Кэстаным, Лъэустэ-ным ятворчествэ нахь къыхэщыгъ. Мыщ хахьэрэ произведениехэр «теория бесконфликтности» зыфи1орэм иутын нахь къа-нэсыгъ: 1950-рэ илъэсхэм заом къик1ыжь-рэ дзэк1ол1хэм ык1и лэжьак1омэ ящы-1эныгъэ къэзгъэлъэгъорэ произведение-хэм инэу язэрар як1ыгъ. Щысэу къэпхьын плъэк1ыщт, Кэстэнэ Дмитрий новеллит1у-к1э зэхэт иповестэу «1ошъхьит1у» зыфи-1орэр. А лъэхъаным адыгэ литературэм «узэу» и1агъэм зэрэсоветскэ литературэу ыубытыгъагъ ык1и 1960-рэ илъэсхэм щы-1эныгъэр шъхьашъорык1оу, социальнэ-
этическэ зэутэк1ыныгъэхэр гъэпсынк1агъ-эу къэгъэлъэгъогъэныр къахэщыгъ (Еутых А., К1эращ Т., Кэстэнэ Д.).
Еутых Аскэр иповестэу «Сшына-хьыжъыр» (1941) къызыдэк1ым жанровэ-стилевой лъэныкъуак1э зэрэщы1эр къэнэ-фагъ, «лирическэ исповедь» зыфа1орэм икъежьап1эу хъугъэ ык1и Еутых Аскэррэ 1эшъынэ Хьазрэтрэ ятворчествэ психоло-гизмэм икъэгъэлъэгъок1э шъуашэу къэ-нэфагъ. 1эшъынэ Хьазрэт иапэрэ тхылъ-мэ къадэхьэгъэ рассказхэм («Зэгъогогъ-ухэр» (1956), «Нэфын» (1958)) къахэфэ-рэ зэутэк1ыныгъэр шъыпкъэу къыгъэлъ-эгъонэу пылъыгъэми, псынк1эу зэш1о-хын традицием щытек1ышъугъэп. Ау 1955-1960-рэ илъэсхэм 1эшъынэ Хьазрэт къыдигъэк1ыгъэ лирическэ рассказ-хэу, повестхэу «Зэрджаехэр», «Ошъогу-рыз», «Апэрэ маф» зыфи1охэрэр, нэмык-1хэми уахътэм ипроблемэхэр, изэутэк1ы-ныгъэхэр шъыпкъагъэ ахэлъэу къызэ1у-хыгъэх. Ш1эныгъэлэжьхэм (Шибинская Е., Щэш1э К., Лъэпц1эрышэ Хъ.) 1эшъ-ынэм ихудожественнэ 1эпэ1эсэныгъэ осэ ин къыфаш1ыгъ. Щэш1э Казбек тхак1ом истилистическэ нэшанэу апшъэ иуцорэр къыхигъэщыгъ - «сплав лирического начала с иными жанрово-стилистическими структурами», ар инэу агъэфедагъ тхэк1о ныбжьык1эу Кощбэе Пщымафэрэ («Мэ-фибл уай») Пэнэшъу Сэфэррэ («Упык1ын ащ, сиблагъэ»).
1эшъынэ Хьазрэт иновеллэхэм янэ-шанэхэм (ц1ык1ух, ясюжет къызэрык1у, авторым ымакъэ лирическэу зэрэшъабэр, героймэ я1эк1оц1 дунай къызэра1уатэ-рэр; сэмэркъэу зэрахэлъыр) - къагъэнэ-фагъ адыгэ новеллистикэм лъэгэп1э гъэ-нэфагъэ зэриубытыгъэм. 1эшъынэ Хьазрэт иновеллэхэр - литературнэ новеллэх, ахэмэ къахэщы дунэе ык1и урыс литера-турэм ахэт новеллэмэ яфэмэ-бжьымэ, ар къаушыхьатыгъ апэрэеу тхак1ом къыте-гущы1эгъэ ш1эныгъэлэжьмэ (Е. Шибин-ская. Хазрет Ашинов // Вопросы истории адыгейской советской литературы.- Майкоп, 1980, Х. Тлепцерше. На пути к зрело-
сти. - Краснодар, 1981).
1эшъынэ Хьазрэт иновеллэхэр лъэпкъ хъугъэ-ш1агъэмэ ащыщых, сыда п1омэ ахэм къахэщы тхак1ом 1оры1уатэм щыщ хъишъэхэр, гъэсэпэтхыдэхэр, къэ-бархэр дэгъоу зэриш1эрэр. 1оры1отэ зы-рызмэ ясюжетхэр произведениемэ алъапс («Кушъэ орэд», «Кукуу»), зырызмэ 1оры-1отэ мотивхэр ащегъэфедэх («Шыур псы чъэрым зэпырэк1ы»).
1оры1отэ традициехэр Цуекъо Юныс иновеллэхэм зэращигъэфедэрэр къэ1огъэн фае («Орэдыжъ», «Къушъ-хьэ чыжьэмэ япщыналъэхэр»). Цуекъ-ом 1оры1отэ ык1и мифологическэ мотивхэр зэригъэфедэрэр къащылъэгъуагъ иповестэу «Кинжал танцора», ироман-хэу «Гъуч1 тыгъужъым итаурыхъ», «Унэ плъыжь» зыфи1охэрэм.
1эшъынэ Хьазрэт, Кощбэе Пщы-маф, Пэнэшъу Сэфэр, Цуекъо Юныс яно-веллэхэм, ярассказхэм, яповестхэм къагъ-энэфагъ лирическэ къэгъэлъэгъуак1эм лъэгап1эу ыштагъэр, джырэ лъэхъаным ащ зызэригощыгъэр ык1и ащ Мэщбэш1э Исхьакъ, Цуекъо Юныс, Къуекъо Нал-бый ятворчествэ зызэращигощыгъэр -лиро-эпическэу, лирико-романтическэу, лирико-философскэу.
Урыс историческэ прозэу 1960-1970-рэ илъэсхэм щы1агъэм инэшанэхэр К1э-ращ Тембот ироманэу «Шыу закъу» зыфи-1 орэм ифэмэ-бжьымэ зэрэтехьагъэм фэдэу К1эрэщэ Тембот иисторическэ новелли-стикэ адыгэ историческэ повестымрэ ро-манымрэ яуцун хэлэжьагъ. Ахэмэ къагъ-элъагъорэр революциер, граждан заор (Еутых А., Лъэустэн Ю., 1эшъынэ Хь.) ык1и Хэгъэгу зэошхор, ащ нэмык1эу - блэ-к1ыгъэ л1эш1эгъухэр Кавказ заори зэрахэ-тэу (Еутых А., Мэщбэш1э И., Цуекъо Ю., Къуекъо Н., Пэнэшъу С., нэмык1хэри).
К1эращ Тембот иисторическэ но-веллэхэм къатегущы1эхэ зыхъук1э, тха-к1ом изакъоу а темэр къы1этыгъэу бэмэ алъытэ, ащ дедгъаштэрэп. Еутых Аскэр новеллэ зэхэубытагъэхэр дэтэу тхылъ «Священная река» ыц1эу (1946) [6] къы-
дигъэк1ыгъ. К1эращым фэтхэгъэ литера-туроведхэм мы тхылъыр щаухьагъ - «Вопросы истории советской адыгейской литературы» ( я II-рэ тхылъ), «История адыгейской литературы» (я II-рэ том).
Тхылъэу «Священная река» зы-фи1орэм къыдэхьэгъэ историческэ те-мэр къызэ1узыхрэ новеллэхэр: «Священная река», «Простой подвиг», «Голова раба», «Плачущая скрипка», «Бессмертный» зыфи1охэрэр, нэмык1хэри. Новел-лэ пчъагъэмэ алъапсэ хъугъэр 1оры1отэ хъишъэхэм ясюжет. Новеллэмэ къащызэ-1ухыгъэ хъугъэ-ш1агъэхэр зэпхыгъэхэр я 18-рэ л1эш1эгъум ыгузэгу щ^1хъугъэ-хэр ары, пщыхэмрэ фэкъол1хэмрэ инэу зыщызэпэуцужьыгъэ уахът, ащ къыхэ-к1эу 1оры1отэ къэбархэу пщы-оркъ заом, Мафэкъо Урысбый яхьыл1агъэхэр, адыгэ орэдыжъэу Хьатх Мыхьамэт -гъуазэм фэгъэхьыгъэр ары. Новеллэхэу 1оры1отэ сюжетхэр зыщыгъэфедагъэхэр яхудоже-ственнэ гъэпсык1эк1э хъишъэхэм, тхы-дэхэм апэгъунэгъух. Зигугъу къэтш1ыгъэ новеллэмэ ясюжет къызэрык1у, лъэныкъо пчъагъэ я1эп, героеу ахэтыр игъэк1о-тыгъэу къэгъэлъэгъуагъэп, ащ ипсихоло-гие, изек1уак1э е хъугъэ-ш1эгъэ закъом-к1э къызэ1ухыгъ.
Еутыхым итхылъ къыхэбгъэщын фае рассказэу «Священная река» зы-фи1орэр. Ащ игерой шъхьа1эр Гъук1э Мос. Ащ Кавказ заом къыхьыщт тхьамы-к1агъор къызыгурэ1ом, адыгэ ык1и урыс лъэпкъмэ язэпыш1эныгъэ фэгумэк1ыгъ адыгэмэ ямамыр псэук1эрэ ядунайрэ къызэтригъэнэным пае (К1эращ Тембот и «Абдзэхэ шэк1ожъыр», Мэщбэш1э Исхьакъ и «Мыжъошъхьал», Цуекъо Юныс и «Гъуч1 Тыгъужъым итаурыхъ» зыфи1о-хэрэм а гупшысэ дэдэр къащы1этыгъ).
Къэт1уагъэм къыхэк1эу Еутых Аскэр адыгэмэ яблэк1ыгъэ л1эш1эгъухэр ипоэзие къызэрэщигъэлъэгъуагъэм фэдэу тхак1ом ипрози къыщызэ1ухыгъэх, К1э-ращ Тембот а тематикэм нэмысзэ. Мэщ-бэш1э И., Цуекъо Ю., Къуекъо Н., Пэнэшъу С. историческэ темэр къызща1э-
тыгъэ романхэм къахэщыгъ К1эращ Тембот иисторическэ новеллистикэрэ ирома-нэу «Насыпым игъогурэ» яфэмэ-бжьымэ. Къэт1уагъэм къыхэк1эу, К1эращ
Тембот иновеллэхэр адыгэ литературэм ипрозэ «ц1ык1у» закъоп иш1уагъэ зэ-ригъэк1ыгъэр, зэрэщытэу лъэпкъ эпосым к1эгъэкъон фэхъугъ.
Примечания:
1. Пшизова А.К. Художественные средства создания исторического колорита в новеллистике Тембота Керашева // Вестник Адыгейского государственного университета. Сер. Филология и искусствоведение. 2012. Вып. 2. С. 36 - 39.
2. Схаляхо А.А. Ибрагим Цей // История адыгейской литературы. Майкоп, 1999. Т. 1. С. 384.
3. Astetische Erfharung und das Wessen der Kunst / Red. H. Но^еу J.-P. Loуvrat. Bern; Stuttgart, 1984. S. 110-170.
4. Шаззо К.Г. Избранные труды. Размышления об отечественной литературе 20-21 веков. Т. 1. Майкоп, 2014. С. 36.
5. Тлепцерше, Х.Г. На пути к зрелости. Краснодар, 1991. С. 11.
6. Евтых А.К. Священная река. Майкоп, 1976.
References:
1. Pshizova A.K. Literary means of historical colouring in Tembot Kerashev's short stories // Bulletin of the Adyghe State University. Ser. Philology and the Arts. 2012. Iss. 2. P. 37.
2. Skhalyakho A.A. Ibraghim Tsey // History of the Adyghe literature. Maikop, 1999. V. 1. P. 384.
3. Astetische Erfharung und das Wessen der Kunst/Red. H. Holzheу J. - P. Loуvrat. Bern; Stuttgart, 1984. S. 110-170.
4. Shazzo K.G. Selected works. Reflections on domestic literature of the 20-21 centuries. V. 1. Maikop, 2014. P. 36.
5. Tleptsershe, H.G. On the way to maturity. Krasnodar, 1991. P. 11.
6. Evtykh A.K. A sacred river. Maikop, 1976.
