CC BY
53Ученые записки Таврического национального университета им. В. И. Вернадского Серия «Филология. Социальные коммуникации». Том 25 (64). № 3, ч. 1. 2012 г. С. 94-102.
УДК 821=512.145-34
«ТЕРДЖИМАН» ГАЗЕТАСЫНЫНЪ САИФЕЛЕРИНДЕ НЕШИР ОЛУНГЪАН И. ГАСПРИНСКИЙНИНЪ БЕДИЙ ЭСЕРЛЕРИ. ЭСЕРЛЕРИНДЕ КОТЕРИЛЬГЕН МЕСЕЛЕЛЕР (И. ГАСПРИНСКИЙНИНЪ «ИВАН ВЕ СУЛЕЙМАН» ИКЯЕСИ МИСАЛИНДЕ)
Сеитваниева Г. Ю.
Таврический национальный университет имени В.И. Вернадского, г. Симферополь, Украина,
e-mail: seitnargul@bk.ru
XIX асырнынъ экинджи ярысында ве XX асырнынъ башында къырымтатар та-рихында айдын сыма, улу оджа ве мутефиккир Исмаил Гаспринский айры ерни ту-тмакъта.
Исмаил Мустафа огълу Гаспринский джиханда танылгъан, иджады, фаалиети, мирасы огренильген бир заттыр. Бугуньде-бугунь чешит улькелернинъ алимлери Исмаил Гаспринскийнинъ эдебий мирасыны, тарихий эмиетини, сиясетте ролюни ве тасиль, талим саасында кечирген исляатларыны огренип кельмектелер [1; 2; 3; 4]. Сонъки йыллар девамында о акъкъында къыйметли мальземелер дюнья юзю корь-ди, онъларнен макъале ве китаплар нешир олунды. Мында, Сеитгъазы Гъафаровны «Исмаил Гаспринский - великий просветитель (Ферид Зиядинов тарафындан тертип этильген)» китабы, эдебиятшынас Исмаил Асан огълу Керимовнынъ «Гаспринскийнинъ «Джанлы» тарихы. («Терджиман» газетанынъ мальземелери /материаллары эсасында (1883 -1914 с.)), тарихчы Виктор Юрьевич Ганкевичнинъ «На службе правде и просвещению. Краткий биографический очерк И. Гаспринского (18511914), озьбек алими Зайнабидин Абдирашидовнынъ «Имаил Гаспринский и Турки-стан в начале XX века (Связь - отношения - влияния)» китаплырыны мисаль этип кетирмек мумкюн [5, 6, 7]. Лякин, шуны да къайд этмек керек ки, илериде япыла-джакъ ишлер даа аз дегильдир.
И. Гаспринскийнинъ эдебий мирасына мураджаат этер экенмиз, марузамыз-нынъ серлевасына чыкъарылгъан мевзу («Терджиман» газетасынынъ саифелеринде нешир олунгъан И. Гаспринскийнинъ бедий эсерлери ве эсерлерде котерильген ме-селелер») узеринде айрыджа токъталмакъ истер эдик. Мезкюр мевзу, занымызджа, айры дикъкъаткъа ляйыкъ. Башта бир, И. Гаспринскийнинъ бутюн эсерлери окъ-уйыджылыргъа белли олмагъаны, экинджиден исе, оларнынъ эдебиятымыздаки ерини бельгилемек джеэтинден меракълы олгъаны ичюндир. Базы эсерлери «Терджиман» да басылып чыкъкъан сонъ, текрар башкъа неширлерде басылмайып, олар акъкъында эдебиятымызда малюмат язылмады десек, янълышмамыз. Шу себептен, мезкюр мевзу гъает актуаль. Шимди, И. Гаспринскийнинъ бу эсерлерининъ мейда-нгъа чыкъармакъле, муэллифнинъ иджадий асабалыгъы ве эдебиятымыз тарихында туткъан ерини бельгилемек - тедкъикъатымызнынъ эсас макъсады олду.
Тедкъикъатымызнынъ девамында тенъиштирюв ве бедий талиль усулларыны къуллунып кельдик.
Эсас материал. И. Гаспринскийнинъ эдебий мирасыны йыллар девамында огренип кельген учь алимнинъ тедкъикъатлары ишимизнинъ темели олды. Булар, алим Сеитгъазы Гъафаров тарафындан азырлангъан ве таблица шекилинде теклиф этильген И. Гаспринскийнинъ публицистик ве бедий эсерлерининъ библиографиясы («Исмаил Гаспринский - великий просветитель» китабындан) [8, 206-121], экинджи, алим-эдебиятшынас Исмаил Керимовнынъ «Библиографический указатель печатных книг, статей и призведений на крымскотатарском языке: 1618-1944 гг.» китабындан (И. Гаспринский акъкъында библиографик малюматлар) [9] ве, учюнджиси, турк алими Явуз Акпинарнынъ «2003. Ismail Gaspirali, Se?ilmi§ Eserleri:, Roman ve Hikayeleri» китабындан малюматлар [ 10, 64-72].
Биз исе, мезкюр алимлернинъ берген библиографик малюматларына эсасланып, эльде этильген «Терджиман» газетасынынъ асыл нусхаларыны къулланып, И. Гаспринскийнинъ «Терджиман» газетасынынъ саифелеринде нешир олунгъан бедий эсерлерининъ джедвелини таблица шекилинде теклиф этемиз:
И.Гаспринскийни нъ эсерлери И.Гаспринский къуллангъан тахаллюси Сейтгъазы Гафаров Исмаил Керимов Явуз Акпинар
«Бахтсыз бала». (Театро рисалеси) - - 1882с. айыры китап шекилинде нешир этильген -
«Айше» 1884 с. № 23-23.
«Мейве-и Заман» М.Искендероф (?) _ _ 1885с. № 1-4, 6, 8, 11-13, 15-16, 19.
«Ики бахадыр» - - 1886 с. айыры китап шекилинде нешир этильген -
«Фрэнкистан мектюплери» Молла Аббас Франсови (Французские письма)1887с. №4-9, 11-13, 15, 17, 19, 20, 22, 2429, 31-40. 1887с. январь -ноябрь. 1887с. № 4 баш-лап, 1887с. № 35 къадар
«Фрэнкистан мектюплери» Молла Аббас Франсови девамы 1888с. № 1-4, 6, 7, 9, 11, 12, 14, 15, 24, 28, 30, 33; 36, 38, 40, 42, 44-46. Девамы бар 1888с. № 41 (ри-сале шеклинде басылгъаны акъ-къында малюмат бериле)
«Фрэнкистан мектюплери» нинъ девамы олгъан «Дар уль-Рахат мусуль-манлары» Молла Аббас Франсови - Девамы бар 1887с. №36 баш-лап, 1889с. № 15 къадар
«Французские письма» Молла Аббас Франсови 1889с. № 4,7,8,14. (Африканские письма) № 35, 37, 39, 40, 43, 44, 46. - -
95
«Судан Мектюп-лери» Молла Аббас Франсови -- 1889с. 1889с. №35-37, 40, 41, 43, 44, 46.
«Къадынлар Уль-кеси» Молла Аббас Франсови 1890с. № 28, 29, 36, 38, 42, 44-46 (Страна амазонок) 1890с. 1890с. №28, 29, 36, 38, 42, 44-46.
«Къадынлар уль-кеси» Молла Аббас Франсови девамы 1891с. № 1-3,14,15 (Страна амазонок) 1891с. девамы 1891с. № 1,14-16.
«Истанбул мек-тюплери» _ _ басылмады
«Арслан Къыз» - «Арслан Къыз» (девушка как львица) 1893 № 12, 14, 16, 23, 24 1895 с. Сентябрь 24... 1893с. № 12-24
«Арслан Къыз» девамы «Арслан Къыз» (девушка как львица) 1894 № 1, 2, 4, 6, 7 девамы 1894с. №1-3.
«Арслан Къыз» («Иляве-и Терджиман») - - - 1895с. №37-42
«Ахмет Бей Таш-кесенли ве Бед-рос агъа Къарак-ъашьян» - - -- 1891с. № 29-30.
«Ахмет Бей Таш-кесенли ве Бед-рос агъа Къарак-ъашьян» («Иляве-и Терджиман») - - 1895 с. Ноябрь 12,19 1895с. №43-44.
«Дар уль-Рахат Яхут аджайип Дияр-и Ислям» («Иляве-и Терд-жиман») Нашир - - 1895 с. № 9- 35.
Пек чокъ эхль-и Гар не керчектир не ялан» («Иляве-и Терджиман») - - - 1896с. №6.
«Чобан-къыз» - - 1897 с. айыры китап шекилинде нешир этильген Я да И. Гаспринскийнинъ я да Ю. Акъчуриннынъ эсери оларакъ косьтерильген
«Иван ве Сулей-ман» («Иляве-и Терджиман») - 1897 с. Апрель 20 1897с. №16, 35.
96
« Тикбаш Къыз» («Иляве-и Терджиман») Молла Аббас Франсови - - 1897с. №19-20.
«Драконлар Къы-зы» («Иляве-и Терджиман») Молла Аббас Франсови - - 1897с. № 23-24.
«Дюньяда нелер олмаз» _ _ _ 1900с. № 38.
«Дар уль-Рахат Яхут аджайип Дияр-и Ислям» Молла Аббас Франсови (Таинственная страна) 1902с. №46,47,49,51. - -
«Князь Азамат Бей» («Иляве-и Терджиман») - - - 1903с. №13.
«Дар уль-Рахат Яхут аджайип Дияр-и Ислям» Молла Аббас Франсови (Таинственная страна) 1904 с., № 2, с перерывом до №103. - -
«Дар уль-Рахат Яхут аджайип Дияр-и Ис-лям»(девамы) Молла Аббас Франсови Девамы 1905с. №1. - -
«Беля-и Ислям» Молла Аббас Франсови «Горе Востока» 1905 с. №9, 10-12. 1905 с. Февраль 1. 1905с. №11-12, 102-103.
«Кунь догъды» «Солнце взош-ло»1905 № 92, 93, 103,106 (Миллий роман) 1905 ноябрь 9,11... 1905с. № 92,103,106.
«Кунь догъды» Къарт Акъай Девамы «Солнце взошло» 1906с. №2, 6-10. 1906 январь 11. Девамы 1906с. №2,6-10 .
«Бичаре Фатма» 1905 с. №58
«Юз сене сонъра яхут 2000 сене-и Милядие» -- «Через сто лет» 1905с. №101,104 Терджиме этильген эсер. Муэл-лифы Беллями 1905с. «Проблемли эсерлерден бири; язгъан «Беллями», терджиме эткен «С.М.» оларакъ косьтерильген». №101,104
«Юз сене сонъра яхут 2000 сене-и Милядие» Девамы «Через сто лет» 1906с. №8, с перерывом до № 81. - Девамы 1906с. №8-81.
«Дар уль-Рахат мусульманлары» Молла Аббас Франсови 1906с. №141. 1906 с. (айыры китап шекилинде) _
«Молла Аббас Франсевие Те-саддуф: Гуль Баба Зиярети» Молла Аббас Франсови - 1908 с. июнь 10... 1908с. №42, 44, 49, 51, 65, 67.
97
Таблицанынъ биринджи сырасында И. Гаспринскийнинъ олгъан бедий эсерле-рининъ джедвелини корьмек мумкюн. Экинджи сырасында - бедий эсерлерде къул-лангъан тахаллюслери; учюнджисинде, Сейтгъазы Гафаров берген библиографик малюматлар; дёрдюнджи - Исмаил Керимов азырлагъан библиографиясы ве бешин-джисинде - Явуз Акъпинарнынъ бу саада япылгъан тедкъикъат нетиджелери.
Умумий алгъанда алимлернинъ библиографик джедвеллери бир-бирини тек-миллей. Амма таблицада козьге корюнген фаркълылыкълар да аз дегиль. Меселя,
1. И. Керимов 1882 сенеси айыры китап шекилинде нешир этильген «Бахтсыз бала» (Театро рисалеси) ве 1886 сенесине аит олгъан «Ики бахадыр» эсерилерини толу библиографик малюматыны бере, Сейтгъазы Гафаров ве Явуз Акъпинарнынъ библиографик джедвеллеринде бу китаплар косьтерильмеген.
2. «Дар-урь Рахат мусульманлары» роман- къысымы «Дар уль-Рахат Яхут аджайип Дияр-и Ислям» серлевасы алтында «Иляве-и Терджиманда» * басыла. (Иляве-и Терджиман» - «Терджиман»гъа къошулгъан иляве саифесидир. И. Гаспринскийнинъ базы эсерлери бу саифеде дердж этильгендир).
3. «Юз сене сонъра, яхут 2000сене-и Милядие» эсерине нисбетен, Явуз Акъпи-нар: «Проблемли эсер. Язгъан «Беллями», терджиме эткен «С.М.» оларакъ косьте-рильген» - киби изаат бере, И. Керимов: «Терджиме этильген эсер. Муэллифы «Беллями» -деген фикирини бильдире.
4. «Чобан-къыз» икяесини И. Керимов Гаспринскийнинъ эсери киби берсе, Явуз Акпинар исе, И. Гаспринскийнинъ я да Ю. Акъчуриннынъ эсери оларакъ кось-тере.
5. Сейтгъазы Гафаров ве Исмаил Керимов И. Гаспринскийнинъ «Истанбул мек-тюплери» эсери акъкъында малюмат бермейлер. Явуз Акъпинар исе: ««Терджиман» нускъаларынынъ бирисинде «Истанбул мектюплери» серлевалы Молла Аббас Фра-нсовининъ янъы «мектюплери» дердж этильмеси бекленильди, амма «Истанбул ме-ктюплери» ойле де басылмады»- деп, изаат бере.
6. «Тикбаш Къыз», «Драконлар Къызы», «Дюньяда нелер олмаз», «Князь Аза-мат Бей», «Бичаре Фатма», «Пек чокъ эхль-и Гар не керчектир не ялан» кучюк икя-елери И. Гаспринскийнинъ имзасы олмагъан несир парчалары шекилинде басылгъан ве битирильмийип, яры-ярыда къалгъан эсерлер сырасына кирсетильген.
7. Бедий эсерлерде къуллангъан тахаллюслерге кельгенде, проф. Керим И. А. «Къырымтатарджада къыйын селер: тахаллюслер лугъаты»нда И. Гаспринский «Молла Аббас Франсови», «Маленький Мулла», «Мусульманин" ве "Татарин" киби тахаллюслерини къуллангъаны акъкъында малюмат бере. Шимди исе, «Къарт Акъ-ай», «М. Искендероф», «Нашир» киби лагъаплары мейдангъа чыкъа.
Чыкъарылгъан нетиджелер. Джедвельде косьтерильген И. Гаспринскийнинъ эсерлери несирнинъ буюк шекили олгъан - роман, орта ве уфакъ колемдеки эпик жанрларда язылгъан эсерлердир.
«Юз сене сонъра, яхут 2000 сене-и Милядие» эсерине кельгенде, эсернинъ муэ-ллифи белли олмагъаны ве базы менбааларда Исмаил Гаспринскийге аит бир роман оларакъ косьтерильгени ичюн, бу эсерге нисбетен илериде бир нетидже чыкъарыла-джагъы акъкъында фикир юрютмек мумкюн.
98
«Мейве-и Заман» адлы эсер М. Искендероф имзасынен дердж этильген. Алим Явуз Акпинарнынъ берген малюматы: услюп ве тиль джеэтинден И. Гаспринский-нинъ къалемине чокъ якъын бир эсер олгъаны акъкъында ве «буюк бир ихтимал иле бу имза Исмаил бейге аит олмалыдыр [10.С.72]» - деген фикири, бу меселе илериде огрениледжек меселелер сырасына кирсетиледжеги акъкъында эсас бере.
«Чобан-къыз» икяесининъ муэллифи аныкъ белли олмагъаны ичюн, эсернинъ тиль ве услюп инджеликлери огренилип, И. Гаспринскийге я да Ю. Акъчуринге аит олгъан-оламагъаны акъкъында фикир бильдирмесини талап эте.
Шимди исе, И. Гаспринскийнинъ «Иван ве Сулейман» икяеси узеринде айыры-джа токъталмакъ истер эдик. Бу уфакъ колемдеки эпик жанрда язылгъан эсердир.
И. Гаспринскийнинъ бу икяесинде къуллангъан эсас усуллардан бири - антитеза. Бу усул икяенинъ озегини тешкиль эте: бир бирине къаршы эки миллет векили, эки къоранта, къоранталарнынъ эв бикелери олгъан ханымлар, оларнынъ баллары къоюлгъан. Къарамакъаршылыкъ усулы къараманларнынъ омюрининъ чешит тара-фларыны акс эте: бакъышлары, идеаллары, маишет ве адетлери (нравы). Эм де къарамакъаршылыкъ, контраст икяенинъ серлевасындан башлай (Иван ве Сулейман).
Муэллиф адындан тариф этильген вакъиалар Къырым шеэрлерининъ биринде олып кече. Эсернинъ баш къараманлары - бир бирине къомшу олып яшагъан, дост-лукъ эткен, койнинъ эки яшы - Иван ве Сулеймандыр. Аналары (Иваннынъ анасы -Мария, Сулейманнынъ анасы-Алиме) олдукъча шевкъатлы, муаббетли ве мераметли аналар олып, «чоджукъларыны бильдиклери къадар гусель бакъаракъ, тербиелерине чалышырлар иди» ве энъ джиддий умютлерини оларгъа багълап, бир къач сенелер-ден булар адам оладжакъларына, кендилерни ве валиделерини раат ве бахтлы эте-джеклерине хош умютлер иле яшай эдилер. «Секизер» яшына кельгенде оларны ип-тидаий мектепке берелер. Мектепте исе: «Иван окъуйып язмакъ ве хесап огренди, Инджиль анъламая муктедир олды (иришти), мектюп язмая, дефтер тутмая тильди». Сулейман исе «бир сене элифбе иле огъраштыкътан сонъра учь сенеде учь дефа Ке-лям-и Къадими хатмедерек: «Бу чоджукъ артыкъ бильди, машаллах!» иле мектептен алынды. Язы бильмезди, хесаптан хич; учь дефа хатм эттиги Къураннынъ биринджи сахифесининъ биле манасындан хабери ёкъ иди». Джумледе «исе» тенъиштирюв багълайыджыны къуллангъан муэллиф, къыяслав усулынен иш тута: Иван ве Су-лейманнынъ мектепте алгъан бильги севиелери, эр бирининъ окъувгъа меракъ де-режелери фаркълы олгъаныны коремиз.
Мезкюр левхада: «Бу чоджукъ артыкъ бильди, машАллах!» иле мектептен алынды» - киби къуллангъан бедиий тафсилят (яни деталь), «Сулейман ким тарафтан алынды?», «не макъсаднен онынъ окъувы токътатылды» киби суаль догъура? Су-лейманнынъ бильгиси етерли деп сайгъанларнынъ ким олгъанлары метинде кон-крет косьтерильмеген олса да, амма окъувгъа бойле месюлиетсиз янашкъан, авеси олмангъан халкъымызнынъ чокъусыдыр деген джевап бермеге делиль бере.
Икяенинъ девамында Мысырда яшагъан франсыз туджджарлардан Мусьё Бардо Къырымгъа сенеде бир-эки кере келип-кеткени, Мысырда буюк магъазлары ве деполары бар олгъаны, саесинде отуз-къыркъ адам чалышып, гузель маашлар алгъ-анлары, Мусьё Бардонынъ Шаркътан буюк тиджарет багъларыны пекитмек ниети ве
99
бу себептен эки генч баланы янына алмакъ истеги бар олгъаны акъкъында киби ма-люматнен таныш оламыз.
Мусьё Бардо Иван ве Сулейманны корип бегене ве аналарындан корюшип ба-лаларыны янына алмакъ истегини бильдире. Башта разы оламагъан аналар, мусьё Бардонынъ ишандырувлардан сонъ: «Бурада олан Дженап -и хакъ, Мысыр къыта-сында да вардыр» - деп, Мария разы ола, Иван мусьё Бардо иле кете.
Сулейманнынъ анасы исе: «Къысметлери вар исе, аякъларына гелир, аз олсун да, бурада олсун!»- деп, баласыны бир ерге йибермейип, Къырымда къалдыра.
Нетиджеде, Иван акъча къазанып, бутюн къорантасына ярдым этип, озю де аякъка турып яшай. Сулейман исе къавеханеде чалышып, бу ерде тек «къаведжи» лагъабына наиль ола. Оны конкрет мисальде козетмек мумкюн: «Сулейман бир иш буламайып Ахмет агъанынъ янында къавеси олмакъ узере бир сене богъаза бедель (богъаз токълугъына) хызмет этмеге гирди...Бундан бойле бир сене сонъра алтмыш къуруш айлыкъ алабиледжекти».
Сыкъынтыда яшап кельген Сулейман Иваннынъ ишлери юрюшкени акъкъында былип, ахыр-сонъу бойле тюшюне: «Валидечигим мусааде буюрмуш олса иди (ана-чыгъым изин берген олса эди), бельки бен де шимди бир туджджар векили олып, куль ве комюр къарыштырмаз идим. Хайыр ола». Эльбетте, Сулейманнынъ амельге кечмеген арзу-ниетлери мезкюр фикирлеринде ачыкъ корюне.
Иван исе досту фукъареликте яшагъаны акъкъында хабер алып, онъы Мы-сыргъа чалышмагъа давет эте. Сулейман теклифни бир фырсат, хош хабер киби ве (метнден) «артыкъ омюринде ени бир девир ачыладжагъана» умютлер багълай ве мемнюниет иле теклифни къабул эте. Амма бу сефер зевджесиннинъ:
«Аман эфендим, сиз шашырдынъызмы недир?! Инсан азыр ишини быракъып да къалкъар, Мысыра гидерми? Бен зан эттим ки, магъазанъыз бурададыр.
- Бурада ойле магъазлар, ишлер не гездирир? (къайдан олсун?)
- Магъазалар ёкъ исе де экмек вар я, ики сенедир гечиниёруз, ачтан ольмедик» сёзлерини эшите.
Бунынънен, Сулейман коюнде омюрини девам этип, къавеханеде чалышып, эвельдеки омюр тарзыны девам эте.
Икяе: «зевджеси денъизе атылмыш демир гиби еринден къымылдамакъ исте-миёрды. Сулейман не къадар талап этти исе де, Мысыргъа гитмек эфкярыны мейда-на гетирмеди. Къадынджагъазын валидеси, хемширеси (къыз къардашы) ве бираде-ри топлашып къыркъ дереден сув, къыркъ тепеден таш гетирип. Мысыр ёлуны къъападылар.Бичаре. Омрю олдукъча чалышты; беш пара арттырамады. Лякин сакъалына хюрметен «Къаведжи Сулейман» исмине агъалыкъ заммедильди (къо-шулды), ахырысы «Къаведжи Селейман агъа» чагърылыёр иди.» сатырларнен екюнлене.
Бойледже, И. Гаспринскийнинъ икяесини козьден кечирген сонъ, невбеттеки нетиджелерге кельдик:
Муэллиф о заман аятынынъ энъ муим тарафлары, актуаль меселелерини акс этмеге тырышты. Эсерде котерильген меселелер булардыр:
Биринджи: окъувгъа джельп этюв ве бильгиге ынтылув меселеси.
100
Экинджи: миллий седжие меселеси. Эки миллет векили Иван ве Сулейман-нынъ мисалинде муэллиф эки милетнинъ табиат чизгилерини косьтере. Башта муэ-ллиф, кенди къараманлары огюнде айны шараитлер яратып, муайен бир меселелер огюнде къоя, бу меселелерге тюрлю, фаркълы янашувларыны къайд эте, эки дюнья-бакъышны ифаделей, къыяслап бакъмакъ имкяныны догъура, сонъ исе халкъымыз-нынъ инкишафыны токътаткъан себеплерини огренмеге имкян ача. Булар:
1. Темелли бильги алмакъ истеклери, окъувгъа ынтылувлары ёкъ олгъаны;
2. Миллет кенди омюрлеринде бирде-бир денъишювлер, яшайышны башкъа-джа къурмакъ, яхшылаштырмакъ киби арекетлерге азыр олмагъанлары;
3. Пассивлик ве ондан келип чыкъкъан азгъа къанаат этмек (довольствоваться малым), арекетсизлик, базы ольчюде тенбеллик киби чизгилер.
Корьгенимиз киби, «Уянув девир»нинъ мешур векили олгъан И. Гаспринский мутхиш «къара девирнинъ» акъибети олгъан, халкъымызны саргъан «юкъунынъ» чизгилерини къайд этмекнен къырымтатар миллетининъ меселелерининъ негизини анълаябилювге якъынлаштырды.
Меселенинъ келеджекте ифаделенюви. Имзасы олмагъан несир парчалары шекилинде басылгъан эсерлери дикъкъатлы окъулмасы, тиль ве услюп хусусиетле-рини инджелеп И. Гаспринскийге аит олгъан-оламагъаны акъкъында бир къарар бильдирильмеси, экинджиден исе, оларнынъ муэллифнинъ иджадий асабалыгъы ве эдебиятымыздаки ерини, эсерлерде котерильген меселелер джеэттинден бельгиле-меси - илеридеки тедкъикъатларгъа земин оладжакътыр.
Эдебият
1. Беннигсен А. А. Исмаил бей Гаспринский (Гаспралы) и происхождение джадидского движения в России. /Гаспринский И. Россия и Восток. Сборник публицистических трудов/. Казань: Фонд Жиен. Татар. Ин-е изд-во, 1993.- С. 79-97
2. Ганкевич В.Ю. Очерки истории крымскотатарского народного образования (реформирование этноконфессиональных учебных заведений Таврической Губернии в XIX - начале XX века) / Виктор Юрьевич Ганкевич. - Симферополь: Таврия, 1998. - С.110-123.
3. Исмаил Гаспринский ва Туркистан. (Исмаил Гаспринский и Туркистан) /Масъул мухаррир Наим Каримов/.- Ташкент: Шарк, 2005.- 288 б.
4. Машкевич А.А. Выдающийся просветитель И. Гаспринский и развитие прогрессивной педагогической мысли народов Востока во второй половине XIX в.: научно-популярная литература.- Алматы: Samsam, 2002.- 320 с.
5. Керимов И. А. Гаспринскийнинъ «Джанлы» тарихы. (По материалам газеты «Терджиман» 1883 -1914 гг. / Исмаил Асанович Керимов.- Симферополь: Тарпан, 1999. - 408 с. - ISBN 966-572-049-Х.
6. Ганкевич В.Ю. На службе правде и просвещению. Краткий биографический очерк И. Гаспринско-го (1851-1914), / Виктор Юрьевич Ганкевич. - Симферополь: Доля, 2000.- 328с. -ISBN 966-7637-39-5.
7. Абдирашидов З. «Имаил Гаспринский и Туркистан в начале XX века (Связь - отношения -влияния)/ Зайнабидин Абдирашидов.-Ташкент: Akademnashr, 2011.-384с.- ISBN 078-9943-373-97-6.
8. Гаспринский Исмаил - великий просветитель. Составитель Зиядинов Ферид. - Симферополь.-Тарпан.-2001.-256c.-ISBN 966-7974-01-4
9. Керим И. А.- Библиографический указатель печатных книг, статей и призведений на крымскотатарском языке: 1618-1944гг. /Исмаил Асанович Керимов.-Симферополь: ОАО «Симферопольская городская типография» (СГТ), 2009.- С. 45-52; С.185-190. - ISBN 978-966-174-084-5.
10. Ismail Gaspirali, Sejilmi§ Eserleri: 1, Roman ve Hikayeleri, Ne§re Haz. Y. Akpinar, N. Muradov, B. Orak, Istanbul: Ötüken Yayinevi, 2003.- 476 s.
101
Сеитваниева Г. Ю. Художественные произведения И. Гаспринского опубликованные на страницах газеты «Терджиман». Проблематика произведений (На примере рассказа И. Гаспринского «Иван и Сулейман») / Г. Ю. Сеитваниева // Ученые записки Таврического национального университета имени В. И. Вернадского. Серия «Филология. Социальные коммуникации». - 2012. - Т. 25 (64), № 3, ч. 1. - С. 94-102.
Как известно, И. Гаспринский, с именем которого связана целая эпоха национального просвещения, пытался осмыслить проблемы современного ему мира и в художественных произведениях.
В статье выявлены и систематизированы художественные произведения И. Гаспринского, опубликованные на страницах газеты «Терджиман» (1883-1914), литературный анализ которых позволит определить их тематику и место в истории крымскотатарской литературы конца XIX - нач. XX века.
Возвращение литературного наследия И. Гаспринского в историю крымскотатарской литературы, детальное изучение его произведений и введение в научный оборот станут шагом вперед в воссоздании панорамы литературной жизни изучаемого периода.
Ключевые слова: И. Гаспринский, газета «Терджиман», национальный роман, жанр, проблема,
тема.
Сеггвашева Г. Ю. Художш твори I. Гаспринського опублжоваш на сторшках газети «Терджиман». Проблематика творiв (На прикладi оповвдання I. Гаспринського «1ван i Сулейман») /
Г. Ю. Сеггвашева // Вчеш записки Тавршського национального ушверситету iменi В. I. Вернадського. Серiя «Фшолопя. Сощальш комушкацп». - 2012. - Т. 25 (64), № 3, ч. 1. - С. 94-102.
Як ввдомо, I. Гаспринський, з iм'ям якого пов'язана цша епоха национального просвпництва, на-магався осмислити проблеми сучасного йому свпу i в художшх творах.
У статп виявлено та систематизовано художт твори I. Гаспринського, що опублжован на сторь нках газети «Терджиман» (1883-1914), лггературний аналiз яких дозволить визначити 1х тематику i мiсце в гстори кримськотатарсько1 лггератури кшця XIX - поч. XX столптя.
Повернення лггературно1 спадщини I. Гаспринського в юторта кримськотатарсько1 лггератури, детальне вивчення його твор1в i введення в науковий об1г стануть кроком вперед у вiдтвореннi пано-рами лiтературного життя дослiджуваного перюду.
Ключовм слова: I. Гаспринський, газета "Терджиман", нацюнальний роман, жанр, проблема, тема.
Seitvanieva G. Н. Artworks LGasprinsky published in the newspaper "Terdzhiman" and their problems (the example of the story LGasprinsky "Ivan and Suleyman") / G. Н. Seitvanieva // Scientific Notes of Taurida V. I. Vernadsky National University. - Series: Philology. Social communications. - 2012. -Vol. 25 (64), No 3, part 1. - P. 94-102.
As you know, I.Gasprinsky, whose name is related with the whole epoch of National Education, tried to understand the problems of contemporary world and fiction.
The article identified and systemized all works of Ismail Gasprinsky, published in the newspaper "Terdzhiman" (1883-1914). The literary analyses of these works will determine their themes and place in the history of the Crimean Tatar literature of the end of XIX and early XX century.
Return to the literary heritage of I.Gasprinsky, deep study his works and introduction to the science will be a step toward in the reconstruction of Crimean Tatar's literature of the studied period.
Key words: I.Gasprinsky, newspaper "Terdzhiman", national novel, a genre, a problem topic.
Поступила в редакцию 03.09.2012 г.
102
