CC BY
61
Вестник ПСТГУ I: Богословие. Философия
2012. Вып. 2 (40). С. 113—138
Сочинение митрополита Рязанского и Муромского Стефана Яворского «Иго Господне благо и бремя его легко»1
А. Б. Григорьев
Первая полная и комментированная публикация богословского труда митрополита Рязанского и Муромского, местоблюстителя Патриаршего престола преосвященного Стефана (Яворского) «Иго Господне благо и бремя Его легко», ставшего ответом на полемическую работу Феофана (Прокоповича) «Повесть о распре Павла и Варнавы с иудействующими и трудность слова Петра апостола о неудобносимом законном иге» и положившего начало одному из интереснейших богословских диспутов XVIII в.
Иго Господне благо и бремя его легко2 <Ответ на книгу Феофана Прокоповича об Иге Господнем>
Стефан Яворский Митрополит Рязанский и Муромский
Часть вторая Глава четвертая
Пререкания противников самовластие отмещущих разрешаются. /Л. 19°б/ Рекохом уже исперва, яко две ереси суть себе противныя: едина Пелагиева, на самовластии утверждающаяся, благодать же Божию, к деланию душеполезному потребную, отмещущая; другая, ересь нынешних противников, есть первой противная, которая деяния душеполезная из единой благодати Божией утверждает,
1 Продолжение публикации сочинения Стефана Яворского. Начало см.: Вестник ПСТГУ. I: Богословие. Философия. 2011. Вып. 6 (38). С. 101—115; 2012. Вып. 1 (39). С. 87—113.
2 В квадратные скобки помещены дополнения исследователя-редактора. Круглые скобки — оригинальное выделение в рукописях. Листы рукописей указаны в косых чертах. Для удобства восприятия в древних текстах знаки препинания даны в соответствии с современными правилами русского языка. Границы предложений оставлены теми же, что и в оригинале. Цитаты из Священного Писания выделены курсивом. В ссылках на святоотеческие творения приведены цитаты из современных или доступных нам изданий.
113
самовластие же воли человеческия отмещет, научающи, яко человек аще <ли> что-либо <благо и> душеспасительно творит, не по воли то творит, но по нужде, ибо к таковому деянию понуждает его благодать Божия и самовластие ему отъемлет.
Церковь православная посредствия держится: и благодать Божию превозносит, и самовластия не отмещет, но твердо исповедует, яко самовластная воля человеческая ничтоже может без Божия благодати, обаче благодать Божия по-моществующая воли не отъемлет самовластия и укрепляет, а не понуждает, <и сия> убо явственно показахом от Священных Писаний и от свидетельств отец святых в первой и второй книге. Зде же, в сей главе, пререкание <пререкания> противников, самовластие отъемлющих <отмещущих>, предлежит решити.
Пререкание 1
Лука [глава] 10, стих 30: Человек некий исхождаше от Иерусалима во Иерихон и впаде в разбойники, иже совлекша его, и язвы нань <на него> возложиша. Сия притча знаменует Адама, от Иерусалима благодати Божия к греховному Иерихону уклонившагося, иже от разбойников, сиречь демонов, обнажен бысть перво-зданныя красоты, с нею же погуби и самовластие, и язвы прият на уму <уме> и воли и на протчих силах душевных и телесных, на уме убо <бо> невежество, на воли же ко злу преклонство и свободы отъятие.
Отвещаем: Адам грехопадением своим погубил есть, яже бяху преестевенная, но не погубих <погубил>, яже бяху естественная, тем же и свободу благодати погубил есть, но не свободу естества3, аще же <и> самовластие человеческое в первом /Л. 20/ родители и язву восприят, сиречь в силах своих неможение, обаче не весьма погибе и на немощь свою имать врачество: благодать Божию укрепляющую.
Пререкание 2
Иеремия [глава] 18, [стих 6]. Глаголет Бог, се како <яко> брение в руку скудельницу тако вы есте в руку мою, понеже убо брения в руку скудельничу самовластия не имать, то ниже человек.
Отвещаем: Брение в руку скудельничу знаменует род человеческ, грехом адамлим растленный, аще убо от оного брения Бог творит сосуд не в честь, творит сие по должности и приличия <приличию> брения, аще же от онаго брения сотворил <сотворит> сосуд в честь, сие <со>творит по своей милости, а не по должности и приличию брения. В[о]-первых, убо [в] сосудах является правда Божия, во-вторых, милосердие Его. Волю же человеческую уподобляти брению скудельничу отнюдь невозможно есть, понеже брения скудельнику не может быти противно, воля же человеческая множицею противится Богу, по ре-ченному Притч. [глава 1, стих 24]: Звах вы и не послушаете мене. И паки: Деян. [глава]7, [стих 51]: Вы присно противитеся Духу Святому. И паки Матф. [глава]
23, [стих 37]: Восхотех собрати чада твоя, и не восхотесте.
Пререкание 3
Езекииль [глава] 11, [ стих 19—20]4. Дам вам сердце ново и сотворю да в запо-ведех моих ходите. От сих словес таков довод: не имущ сердца новаго, не может в заповедех Божиих ходити, убо не имать самовластия.
3 Брс. 481: «...но не свободу естества. Аще же и самовластие...» (Л. 233).
4 В обоих рукописях: «Иезекииль 36».
Отвещаем: сие Священное Писание являет, яко сердце ново знаменует благодать Божию, ею же человек внутрь обножается <обновляется>. Исповедуем убо твердо, яко без благодати Божия не может человек заповеди Божия хранити. Отвещаем второе: не имущ сердца новаго не может хранити Закона, донележе имать сердце ветхо, обаче, аще послушает звания Божия и благодати Божией со-действовати будет, может отринути сердце ветхо, сиречь волю, к злу преклонну, и восприяти ново, и тако может сохранити все <вся> заповеди Божия. /Л. 20о6/ У того ж <И>Езекииля пророка [глава] 18, [стих 31]. Сотворите себе сердце ново и дух нов. Тамо убо глаголет: дам вам сердце ново, зде же глаголет: сотворите себе сердце ново. Чесо ради тако в первых словесех являет Бог благодать свою, без Него <нея> же не может <можем> хранити заповедей Его, во вторых же словесех являет, яко благодати<ю> Его нам подобает содействовати.
Пререкание 4
Псалом 118, [стих 36]. Приклони сердце мое во свидения твоя, убо сердце чело-веческо власти не имать, но Бог его преклоняет, аможе хощет.
Отвещаем: преклоняет Бог сердца верным <внутренным> благодати Своей <Своея> вдохновением, а не воли понуждением, советует, призывает, на <но> самовластие оставляет. Речеши, что убо ино творит Бог, егда нас прекланяет, разве сие да соизволим? Отвещаем: истинно слово, творит Бог чрез помощь благодати Своея, да призывающему соизволим, но сие творит укрепляющи немо-жение, а не отъемлющи самовластие.
Пререкание 5
Иоанн [глава] 8, [стих 34], Римляном [глава] 6,[ стих 16], Послание 2 Петрово [глава 2, стих 19]. Творяй грех раб есть греху, но никтоже может быти5 купно и рабом, и свободным, аще убо раб есть, убо не имать свободы <свободы не имать> ниже самовластия.
Отвещаем: не всякая работа всякой свободе есть противна, может быть <бо> кто быти раб в некоем разсуждении, купно же может быти <быти может> и свобод в ином разсуждении. Тако пленник есть раб по телу, свобод же по души, тем же убо и раб греху несть свобод от греха, но есть свобод в своем естестве и самовластии, ибо помощию Божию <Божия благодати> может узы греховныя отринути и правде порабощен быти, по глаголу Павла апостола Рим. [глава] 6, стих 20. Егда раби бесте греху, свободни беста правде.
Пререкание 6
Иоанн [глава] 15, стих 4. Якоже розга не может плода творити о себе, аще не пребудет, от сих словес /Л. 21/ таков довод: розга, от лозы разделена, не может неиссохнути, на лозе же пребываяй не может не творити плода, понеже убо че-ловецы подобни суть розгам, Христос же есть подобен лозе, яве есть, яко не имут власти к плодотворению или ко иссохновению.
Отвещаем: право человецы уподобляются розгам, понеже плодотворити не могут, аще не пребудут на лозе, сиречь на Христе, обаче понеже суть розги словес-нии могут самовластием от лозы удалитися и иссохнути или паки тем же самовла-
5 У Брс. 481 слово отсутствует.
стием, помощию Делателя Небеснаго, лозе прицепитися и плод небесный сотворити. Сие убо подобие являет благодати требование, а не отъемлет самовластие.
Пререкание 7
Первое Коринф.[янам глава] 4, стих 7. Что имаши, еже неси приял? Аще убо ничтоже имамы нашего яве, яко не мы <несмы> деяний наших владетелия ниже тая в нашей власти суть.
Отвещаем: тои же апостол в том же послании в главе третией [стих 8] глаголет, яко дела наша суть: всяк, рече, мзду приемлет <приимет> по своему делу, имамы убо дарованием Божиим самовластие. Сей же да приемше, владетелие есмы наших деяний.
Пререкание 8
Езекииль [глава] 36, [стих 26—27]. Отъиму от вас сердцекаменно<е> и дам вам сердце плотяно, дух мой положу в вас: и сотворю, да в заповедех моих ходите. От сих словес таков довод: сердце каменно есть ожесточенная воля человеческая, якоже убо камень не содействует во еже быти ему плотию, тако и сие еже <тако ниже> воля человеческая содействует Божия благодати <благодати Божией>, егда бывает к Богу <к благу> преклонна.
Отвещаем: возражением у того ж<е> пророка в главе 18, [стих 31] повелевает Бог: Сотворите себе сердце ново и дух нов, тамо <тако> убо, глаголет, отъиму от вас сердце каменно и дам вам <сердце>плотяно [глава 11, стих 19]. Зде же глаголет: сотворите себе сердце ново и дух нов, но како сия согласуют изрядно <изрядно согласуют> первым благодати Божия предваряющея движением /Л. 21о6/ и воли человеческия содействием. Воля, донележе в гресех есть, глаголется быти сердце каменно, ибо не имать от себе силы обратитися к Богу и быти плотяна, сиречь преклонна, но сицеву<ю> силу восприемлет от благодати Божия предваряющея, и тако, благодатию Божией движима, силу воприемлет и может содействовати своему еже к Богу обращению. Каменная убо глаголется, егда не имать благодати Божия предваряющея и движущея,6 плотяна же бывает и преклонна, егда благодати Божией содействует и тако обоя Священная Писания изрядно согласуют.
Пререкание 9
Псалом 50, [стих 12]. Сердце чисто созижди во мне, Боже, и дух прав обнови во утробе моей. От сих словес сицев довод: ничтоже содействует своему творению и созиданию <созданию>, убо ниже сердце человеческо.
Отвещаем: в<о> оправдании человека не сердцо <сердца> существо вновь созидается, но чистота сердца, яже грехом погибла бе, тем же убо сердцу чисту сози-даему быти, ничтоже ино есть, точию сердцу быти чисту, но и само существо сердца духовнаго, сиречь воли человеческия, егда восприемлет семя благодати Божия и тому содействует, плод обращения своего и дела душеполезная возвращает.
Пререкание 10
Иоанн [глава] 6, стих 45. Всяк слышав<ый> и науцивыйся [в синодальном переводе — навык] от Отца, приидет ко мне. Сим словесем последует, яко во власти воли человеческия благодать восприяти <восприимати> или тую отринути
6 В Брс. 481: «...и движущея. Плотяна же бывает...» (Л. 236).
116
<отринути тую>, и ничего <иначе бо> может кто слышати и не прияти, сие же есть противно словесем Христовым вышереченному <вышереченным>.
Отвещаем: всяк слышавый от Отца и тако слышавый, яко слышавшему <слышавше> научитися, без со<у>мнения приходит ко <к> Христу, ибо научитися, /Л. 22/ есть совет и учение воприемшему веровати, иже убо совету и учению соизволяет может не приити, обаче может слышати и не7 научитися, ниже совету и учению соизволити: таков аще и слышит обаче может не приити. Сего ради гласит пророк, псалом 94, [стих 7—8]: Днесь аще глас Его услышите, не ожесточите сердец ваших.
Пререкание 11
Второе Кор. [глава] 3, стих 5. Несмы довольни от себе помыслити что, яко от себе, но довольство наше от Бога, убо никаяже сила воли самовластныя в нас есть происходящая в дело Божиею помощию.
Отвещаем: сии словеса апостольская нам вельми помощна суть. Не отрицает апостол нас быти довольных, но отрицает <нас> быти довольных от себе, ибо абие прилагает довольство наше быти от Бога8. Довольни убо есмы нечто по-мыслити хотети, творите<и>, но, вземше силу от Бога, и аще бы не имели быхом власти в нашей воли, неправо было бы о нас речение, яко несмы довольни от себе, якоже неправо рекл бы кто: конь или камень несут до воли <доволни> от себе помыслити что о Бозе.
Пререкание 12
1 Кор. [глава] 12, стих 6. Бог действуяй вся во всех.
Отвещаем: действует, но содействующем нам Свое спасение, иначе бо всуе глаголах <глаголал> бы Иоанн [глава] 6, [стих 27]. Делайте не брашно гиблющее. И паки Флп. <Филиписием> [глава] 2, стих 12. Со страхом и трепетом свое спасение содевайте. И паки Исаия [глава] 1, [стих 16]. Омыйтеся и чисти будите и прочае <, и прочае>.
Пререкание 13
Филип<исием> [глава] 2, стих 13. Бог есть действуяй в вас <нас> еже хотети и еже деяти по благоволению.
Отвещаем: тако есть, но нам <со>действующим, ибо там же глаголет апостол: Со страхом и трепетом свое спасение содевайте. /Л. 22о6/
Пререкание 14
1 Послание Иоанн [глава] 3, стих 99. Всякрождени<ый> от Бога греха не творит, яко семя его в нем <во мне> пребывает: и не может согрешати, яко от Бога родится <родися>. Зде глаголют противницы, яко Господь Бог тако действительна творит сердца праведников, яко непреклонным усердием тому последствуют <последуют> и не могут не последовати, убо не имут самовластия.
Отвещаем: имя семени не разумеет зде Иоанн святый благодать Божию, аки бы человека понуждающую к делу душеспасительному, якоже мнят противницы,
7 В тексте «не» надписано поверх строки и зачеркнуто.
8 В Брс. 481: «...быти от Бога, довольни убо...» (Л. 327о6).
9 В обоих списках ошибочно «6».
но благодать любве Божия, в сердце излиянную10. Сие же мощно познати от самых словес Иоанна святаго, не бо глаголет, яко грешник не может не обратитися или не верить<и>, яко семя Божие пребывает в нем, но глаголет, яко не может согре-шити той, иже рожден уже есть от Бога, сиречь человек праведны<й>, яко семя Божие пребывает в нем. Тем же убо семя Божие нарицает само рождение от Бога или то, им же человек рожден есть от Бога, несть <есть> сын Божий, сиречь любви Божия. О ней же, иже и Павел апостол к Римляном [глава] 5, стих 5 <глаголет>: Любы <[рече]> Божияразлияся <излияся> в сердцах наших Духом Святым данным нам. Сицеву убо любовь, иже имать, ниже согрешает (сиречь смертно), ниже со-грешити может пребывающим<ей> в нем любви Божией, обаче елико сам в себе есть самовластен, может любовь погубити, паче же и отринути и грешити.
Пререкание 15
Грешницы нарицаются мертви<ы> и погребены<и>, иже не могут разве благодатию Божиею от мертвых востати. Ефес<еом> [глава] 2, стих 5. И вас сущих мертвых прегрешенми и грехи ваше<и>ми востани спяи и восресни от мертвых и освятити <освятит тя>Христос. Иоанн [глава] 5, стих 40. Не хощете приити ко мне да живот имате. Лука [глава] 9, стих 60. Остави мертвым погребсти своя мертвецы<а>. Лука [глава] 15, стих 24. Сын мой /Л. 23/ сей мертв бе, и оживе. 1 Тим<оф>. [глава] 5, стих 5 Вдовица питающаяся пространно жива и11 умерла, понеже убо мертви и погребени не содействуют Богу, воздвизающему их, ниже свободу имать <имут> в мертвых пребывати или от мертвых востати. Убо тожде мудрствовати подобает и о грешниках от смерти духовныя к животу духовному приходящим<их>.
Отвещаем: и мы выше всем <о сем> глаголахом в главе 1 в числе 6: Яко грешник, мертв сый по души, не может собою или своими силами к животу благодатну <благодатному> приити, или инем каким буди образом к животу себе предуготовити, понеже мертв есть, обаче может благодатию Божиею предваряющею воздвижем и укрепляем <укреплен> Богу, от мертвых (сиречь от греха)12 воздвигшемуся содействовати, сего бо не творит, яко мертв, но яко жив и оживи-тельную силу от Бога имущ.
Прилагаем же <зде> и сие, яко подобия единаго з другими не во всех согласуют, отнудуже ниже труп по телу согласует с трупом по души, ибо труп по телу есть свойственне труп, понеже всяким образом лишен есть живота и не может содействовати к своему воздвижению. И какоже подобает рещи о трупе греховном по души? Сицев <сице> бо труп понеже живет животом естественным, аще и мертв есть животом благодати, обаче может не яко мертв, но яко жив по естеству, содействовати к своему оживлению по духу, аще силу содействия от Бога восприимет.
Пререкание 16
Иоанн [глава] 6, стих 44. Никтоже приидет ко Мне, аще не Отец Мой привлечет его, аще убо Отец Небесный влечет человека, како человек есть самовластен?
10 В Брс. 481: «...в сердце излиянную, сие же мощно...» (Л. 238).
11 У Брс. 481 союз «и» отсутствует (Л. 239).
12 В Брс. 481 фраза не выделена скобками (Л. 239).
Отвещаем: влечет Господь Бог не насилие и нужду человеку творя, но сладцы<е> призывая. Им же образом пастырь влечет овцу, показуя /Л. 23°б/ тои траву, или якоже отец влечет отрока, показуя тому овощи, летом его приличныя. В таковых случаях не бывает насилие, но самовластное <самохотное> шествие к призывающему13.
Сия суть противящихся Церкви Святей Православней пререкания, имиже самовластие воли человеческие в деле дущеспасительном истребити поучаются, и, ереси пелагиевы бегающе, в другую ересь противную впадают, якоже бо Пелагий еретик всю силу дел душеспасительных на единых <едином> самовластий<и> воли человеческия полагаше, благодать Божию возбуждающую и содействующую отмещущи <отметающи>, тако тии, вопреки, всю силу дел душеспасительных на единой благодати Божией полагают, самовластие воли человеческия благодатному движению содействующея истребляющее. Церковь Христова православно кафолическая посредствия держится и благодать Божию величает, яко начало всякого душеспасительнаго движения и всех благих дел владычицу, но и самовластие воли человеческия не отметает, ибо тое благодати Божией содей-ствовати благочестно и14 научает, якоже доселе видехом.
От сих, даже доселе глаголанных, всяк разсуди, может ли человек с помо-щию благодати Божия сохранити Закон Божий или не может? Аще может, имамы намеренное, аще не может, вопрошаем, чего ради не может? Откуду сие не-можение, откуду безсилие, аще рекут противницы, яко немощь естества чело-веческаго, грехом поврежденного, безсильных нас творит к сохранению Закона Божия? Мы отвещаем, яко благодать Божия, всяких благих дел начальница, немощь нашу укрепляют по глаголу Павлову к Римл.^ [глава] 4: стих 13. Вся могу о укрепляющем мя Иисусе Христе16, аще же рекут противницы, яко того ради не может человек сохранити Закона Божия, яко не имать самовластия, но ниже /Л. 24/ сим могут извинитися, ибо яве показахом, яко человек имать самовластие, откуду убо неможение глаголют быти в человеце ко исполнению Закона, понеже бо имать благодать Божию поспешествующую <помоществующую>, понеже имать самовластие кое приятие есть к исполнению Закона. Безответнии <безответны> есте противницы, понеже имуще благодать Божию, яко семя дел душеспасительных, имуще самовластную волю благодатному семени содействовати могущую, за едину точию леность лишашеся <лишаетеся> плодов житницы небесныя достойных, не яко не можете, но яко не хощете хранити Божия Закона.
Отвещают противницы: инаго пути емлющеся может <[глаголют]17> человек хранити Закон Божий, обаче небезгрешно, никто же бо без греха, токмо един Бог. Слышим ответ и доброхотне соизволяем, яко никтоже без греха, токмо един Бог. Обаче глаголем, яко Бог безгрешен есть от естества, человек же может быти безгрешен от благодати. Якоже о Бозе глаголется, яко есть един свят18,
13 В Брс. 481 абзац отсутствует.
14 В Брс. 481 союза «и» нет.
15 В Брс. 481 «К Филиппис.».
16 На самом деле: Флп 4. 13.
17 Выделение скобками источника (Л. 240о6).
18 В Брс. 481: «...яко свят есть един...» (Л. 241).
сиречь сам от себе по своему естеству, аще и мнози суть святии не по естеству, но по благодати и причастию, сиречь причастницы суть святыни Божия, якоже, например, железо разженное палим не по своему естеству, но по причастию огня.
Тем же убо паки возобновляем вопрос: может ли кто быти безгрешен по благодати или, яснее рещи, может ли кто благодать Божию оправдающую имущи и праведен сущи безгрешен быти, и безгрешно закон Божий сохранити? Отве-щают противницы, яко не может, ибо Иоанн святый глаголет 1 Иоанн [глава] 1 стих 8: Аще речем, яко греха не имамы себе прельщаем и истины несть в нас; к сим же на всяк день молятся и праведницы, и грешницы: остави нам долги наша19. Како убо могут сия истинствовати, аще человек будет безгрешен? Но мы паки вопрошаем: /Л. 24о6/ о каковых гресех праведницы молятся, глаголюще: остави нам долги наша, и о коих гресех глаголет Иоанн святый, аще речет, яко греха не имамы себе прельщаем, о смертных <ли> гресех или о гресех не к смерти, сиречь о простительных. Аще о гресех смертных, убо Иоанн святый толикий Закона хранитель Божия, толикий отец, имеяше грехи смертныя, и аще имеяше, убо бысть купно <и законохранитель и законопреступник, бысть купно> и праведник, и грешник, бысть купно света сын и сын тьмы, бысть и раб греху, и свобод благодати. И кто же сицевому безместию не посмеются?
Аще же Иоанн святый глаголет о гресех простительных (якоже поистине тако есть)20 убо яве есть, яко грехи простительныя ничтоже вредяны <вредят> святости ниже законотворения разоряют и может Закон цел сохранен быти, аще и примешается порок неких <некий> грехов простительных. Да совершенно вся сия познаваем предлежит видети грехов различие, о нем же сия глава последующая возвещает.
Глава 5
Что есть грех, каково грехов разделение, кое различие, есть ли между всеми грехами равенство сицево, во еже бы всяким грехом человек погубил благодать Божию, любовь Бога и ближняго разорил, Закон преступил, и смерти вечныя
бых <был> повинен.
Сей есть камень претыкания и соблазна, на нем же претыкаются противницы в настоящем деле. Яко /Л. 25/ небщуют <непщуют> и научают вся грехи быти смертныя, например, помысл лукавый, без разсуждения и произволения совершеннаго во ум вползнувши<й>, мнят быти грех смертный, якоже и само-произволение <самопроизвольное> убивство <убийство>. И аще сие мнение их есть истинно, то без всякаго со<у>мнения последствует, яко человек отнюдь не может исполнити Закона безгрешно, понеже бо без таковых помыслов человек не бывает, яве яко ниже закона исполнити может безгрешно.
Зде убо о сем истязание предлежит: все ли грехи суть равны и всяким ли грехом разоряется Закон, всяк ли грех прогонит от человека благодать и любовь Божию и повинна вечной смерти творит.
19 В Брс. 481 слово отсутвует.
20 В Брс. 481 выделение скобками отсутствует (Л. 241о6).
Начнем убо отсюду: что есть грех и колико сугубо <убо> есть греха разделение.
Иоанн святый Богослов в первом21 своем Послании в главе 4, в статье <стиху> 322 глаголет, яко грех есть беззаконие всяк <[рече]23> творяй грех и беззаконие творит и грех есть беззаконие, отнудуже яве есть, яко грешити есть уклоня<и>тися и отступити от Закона, и аще будет закон естества, или художества или гражданства, тако и грес<х>и разсуждаются, но нам не о сих законах зде речь есть, но о Законе Десятословия, от Бога Моисее<о>м на скрыжалех даннаго, христианом же на скрыжалях сердечных писаннаго, его же Христос Спаситель наш сократи и заключи в сих двех <двоих> заповедех: еже любити Бога и любити ближняго.
Увидевше убо, что есть грех, приступим к разделению грехов <греха>.
Грех разделяется
Первое24: на грех плоти и духа по словеси апостола Павла 2 Коринф. [глава] 7, [стих 1] очистим себе от всякия скверны плоти и духа, всякия бо вещи к ним <же> безчинно обращаем волю нашу, согрешающе или суть благочувствами <блага чувствами> телесными постиза<е>ми, якоже ядение, питие, плоти уго-дие или суть блага умом постиза<е>ма, /Л. 25о6/ якоже честе <честь>, власть, богатство, слава. Аще убо безчинно обращаемся к первым, суть грес<х>и плоти, аще к вторым, суть греси духа, первыми человек бывает подобен скотом, вторыми — демоном.
Второе: Грех разделяется на первородны<й>, или праотечески<й>, и на грех самопроизвольны<й>. Грех первородны от перваго родителя нашего Адама плотским рождением непресечено <непресечно> влечется, ибо в Адаме вси согреши-хом. Самопроизвольны<й> грех от нашей <нашея> самовластныя воли бывает.
Третие: грех разделяется на грех деяния и оставления. Грех <оставления> есть, егда кто оставляет то, еже творити должен. Грех деяния, вопреки, егда кто творит то, еже оставити должен.
Четвертое: грех разделяется на грех противу Бога, противу ближняго и про-тиву себе. О сих гресех <грехах> апостол к Титу в главе 2, [стих 12] глаголет и увещает нас да целомудренно и праведно и благочестно поживем в нынешнем веце. Внемли, яко целомудренно жити к25 нам надлежит, праведно к ближнему, благочестно к Богу, тем же и Давид в псалме 50. На тыя же грехи просит Духа Свята, Духа Права, Духа Владычня.
Пятое: разделяется грех на грехи, Духа Святаго хулящии<я> <я>же, неот-пустительныя ни в сем веке, ни в будущем <будущей> именуются, о сем глаголет Матф. [глава]12, стих 31 всяк грех и хула отпустятся человеком, аки <а я>же на Духа хула не отпустится человеком ни в сем век и в будущим <будущей>. Марк [глава] 3, стих [28—]29, вся согрешения отпусти<я>тся человеком и хуления елико<а> аще восхулит, аки же восхулит на Духа Святаго не имать отпущения во веки, но повинен есть вечному суду. Лука глава 12, стих 10: И всяк иже речет слово на Сына
21 В Брс. 481 цифрой.
22 В обоих источниках ошибочно «глава 3, стих 4».
23 Выделение скобками источника.
24 В Брс. 481 здесь и далее цифрой.
25 В Брс. 481 предлог отсутствует.
человеческая <человеческаго> оставится ему: а на Духа Святаго хулящему не оста-вится. К евреом <евреем> 6 стих 4[—8]. невозможно бо просвещенных единою и вкушения <вкусивших> дара небеснаго, и причастники бывшия Духа Святаго /Л. 26/ и добраго вкусившия Божия глагола и силы грядущаго века, и отпадшия, паки обновляти в покаяние, второе распинающия себе Сына Божия и поругающия. Земля бо пившая сходящи<й>на нюмножицею дождь ираждающая былия<е> благо потребное <благопотребное> онем, имиже и делаема бывает, приемлет благословение от Бога: а износящее терние и волчец непотребна есть и клятвы близ, ея же кончина пожжение.
Зде предлежит небезтрудное испытание о сицевом гресе и хуле на Духа Святаго, еже есть неотпустительная. В<о>-первых убо ви<е>дети подобает, яко всем трем Божественным лицам особенныя свойства восписуются: Богу Отцу — всемогущество, Богу Сыну — премудрость, Богу Духу Святому — благостыня. Тем же убо греси, от немощи бываеми<ыи>, суть на Бога Отца, иже есть всемощен; грехи от невежества, суть на Бога Сына, иже есть премудрость; а на Духа Святаго ни <кии> суть грехи, понеже Духу Святому восписуется благостыня. Вси, благо-стыни Божией противляющиися или на зло употребляющи, хулят и согрешают на Духа Святаго.
Первое: тии, иже на благостыню Божию преизлишше уповающе согрешают и о гресех своих отнюдь не радят, благоутробия Божия на зло употребляюще и надеющеся, яко грешащим им не имать удержати Бог благодати Своей<я> ниже имать дух <их> мучити. Суть же нецы<и>, иже продерзливо глаголют: аще хощет Бог, спасусь, аще не хощет, погибну, на таковых гласит апостол К римл<яном>: [глава] 2, стих 4[—5]: Или о богатстве благости Его и кротости и долготерпению нерадиши, не веды<й>, яко благодать Божия <яко благость Его> на покаяние ти ведет?По жестокости же твоей и непокаянному сердцу, собираеши себе гнев в день гнева и откровения праведнаго суда Божия.
Второе: тии грешат на Духа Святаго, иже не имуще упования на благостыню Божию, отчаиваются своего спасения, зле непшующе, яко множество грехов их <их грехов> и тяжесть превосходит /Л. 26о6/ Божие благоутробие. Таков бысть Каин глаголющ Бытия [глава] 4, [стих 13]: вящщая вина моя, еже оставитися <мне>, ныне26 таков бысть и Иуда предатель.
Третие: согрешают на Духа Святаго, иже упорством и непокорством своим противятся познанной и известной истине. Таковыи бяху фарисее, иже видяще толика знамения Христова, чтуще же и видяще исполнение Закона и пророков о Христе, невероваху Его быти истиннаго Мессию в Священных Писаниях обе-щаннаго, паче же и чудеса Его порицаху, глаголюще, яко о вельзевуле князе бе-совстем изгонит бесы [Мф 12. 24], о таковых глаголет27 апостол в Римл. [глава] 1, стих 18: открывается гнев Божий от небесе на всяко нечестие и неправду человеков, истину в неправде содержащих.
Четвертое: грешат на Духа Святаго, елицы веры Христовой отпадают, и о сих истинствуют глаголы Павла апостола к Евреом в главе 6, стих 4, яже выше приве-
26 В Брс. 481 слова «ныне» нет.
27 В Брс. 481 слово отсутствует.
дохом, о сих и сам Христос глаголет28 Матф. [глава] 10, стих 33: иже отвержется Мене пред человеки, отвергуся его и Аз пред Отцем моим небесным, си суть греси и хула на Духа Святаго неотпустительная нам о сих довлеет.
Пятое: суть греси, иже воплят к Богу, и аки бы отмщения скораго просят. Таков есть грех: 1) вольное убийство, по реченному в Бытии [глава] 4, глава 10: аз <глас> крове брата твоего вопиет ко мне от земли; 2) дело содомское, по реченному Бытия [глава] 18, [стих 20]: вопль Содомский и Гоморрский умножишися ко мне, и греси их велицы зело; 3) утеснение сирот и вдовиц, лищение мзды наемником, суд неправедны<й>, по Малахиеву пророчеству в главе 3, [стих5]: и прииду к вам на суд, и буду свидетель скор на показатель <проказители> и на прелюбодей-цы, и на кленущияся именем моим во лжу, и на лишающия мзды наемники<а>, и на насильствующия вдовы и пхающия сироты, и науклоняющияся <уклоняющия>на суд <суть>пришельца и не боящиясямене глаголет /Л. 27/ Господь Вседержитель. Иаков апостол [глава] 5, стих 4: Се мзда делателей делавших нивы ваша, удержанная от вас, вопиет и вопиение жавших во уши Господа Саваофа внидоша. К сим можем причислити досаду и неблагодарение родителем, по реченному [Исх 21. 15—16], иже биет отца или матерь, смертию да умрет, злословяй отца или матерь свою смертию да скончается.
Шестое: суть еще грехи чуждыя <чуждии>, иже приобщением нашим бывают. О сих глаголет псаломник. Псалом 18 стих 13[—14]: от таиных моих очисти мя, и от чуждых пощади раба твоего. Сицевыя грехи имут 1) владыки, иже повелевают рабом своим кое-либо <кое ли буди> зло, якоже бити кого неповинного <неповинне>, или убити, или во дни праздничны<и> работати и проча; 2) елицы попущают и соизволяют на зло, якоже отец сыном, мужие женам, учители<е> учеником, господие слугам и рабом; 3) елицы не радят и небрегут от злотворящих <о законотворящих> должни суще попечение имети о их спасении, такови суть пастырие, господствующи<е>, отцы по плоти, отцы духовныи и проча; 4) елицы хранят и заступают татей, разбойников, блудниц и протчих29 злотворцев; 5) елицы не запрещают, ниже сопротивляются злым, должни суще запретити и противу стати беззаконию; 6) елицы утаенное зло не возвещают, ниже явленно творят, тем же о том предлежит должни суще возвестити и сокровенно зло открыти. Сия суть разделения и роди <ради> грехов о нихже несть распри и противоречия. Последует уже грехов разделение, о нем же с противниками распря есть сия <велия с противниками распря и есть сие>:
Седьмое: разделение грехов <грехов разделение> нарочито на грех смертный и на грех не к смерти, сиречь простительный.
Грех смертный есть, иже смерть души наносит, отъемлюще<ий> благодать Бо-жию, яже есть душа души по реченному: Святым Духом всякая душа живится30.
Грех не к смерти, или простительный есть, иже души смерти не наносит, ниже благодати Божия отъемлет, и первых убо грех весма <велми> отвращает от Бога и вечным мукам человека повинна творит; втории же не тако, но токмо
28 В Брс. 481 слово отсутствует.
29 Далее в рукописи Брс. 481 перепутаны страницы и с л. 246 начинается текст, соответствующий л. 32 рукописи Уварова.
30 Степенна 4-го гласа.
в <пути> душеспасительном /Л. 27о6/ препятие некое соделовает, обаче от Бога не отвращает и удобно заглаживаем <заглаждаем> бывает. Первый подобен есть язве смертоносной, яже внезапу человека мертва творит, вторый же подобен есть ударению лехкому, яже кроме беды смертныя бывает и удобно вручается <врачуется>. О сем грехов разделении многая распря, якоже обаче увидим абие, но еще зде положим.
Осьмое: разделение самих грехов простительных без примеру <примесу> смертных, и первое убо бывает грех простительный от своего естества, яко <же> слово праздно или смеху, или иная, тем подобная; второе бывает грех простительный от скудости самовластного и совершенного произволения, такова бывают внезапна движения похоти, гнева, зависти, гордости, таже скверныя помыслы от диавола, нам не хотящим бываемыи. Сия вся понеже разсуждение предваряют и вползают в нас прежде неже разум совершен разсудит, подобает <ли> тыя прияти или отринути. Сего ради не имут совершеннаго и самовластна-го <воли> произволения и суть грехи простительныи, о них же глаголет апостол Римл. [глава] 7, стих 20: аще же <ли> не хощу, аз сие творю уже не аз сие творю, третие бывает грех простительный от скудости вещи, яков <яко> грех был <бы>, аще бы кто украл едину полушку или той нечто подобно, и равно им же не разрушается любовь и дружество ближняго.
Есть еще разсуждение о гресех простительных, бываемых от невежества или от немощи, сицева прегрешения, аще и множицею бывают смертна, обаче иногда суть простительна. Ибо имут <могут> в себе нечто, тяжесть вины облегчающее и прощению близше, а не тако, якоже греси бываемы от злобы. О сем роде грехов глаголет апостол 1 Тимоф. [глава] 1 стих 12[—13]: положив<л>мя <есть> Христос в службу, бывша иногда хульника и гонителя и досадителя: но помилован бых, яко не ведый сотворих в неверствии. Зде воспомяни <вспомни>, еже выше рекохом о своиствах всем трем Божественным лицам приличных, понеже бо Богу Отцу восписуется могутство <могущество>, грехи противныя ему бывают от немощи, Богу Сыну понеже восписуется премудрость, грехи, противныя ему, бывают /Л. 28/ от невежества, и сия суть достоина помилования и прощения, но Богу Духу Святому понеже восписуется благостыня, грехи противныя ему бывают от злобы и не имут сицеваго извинения, якоже имут грехи от немощи и от невежества бываемыя.
Сия тако увидевше <уведавше> уже к решению вопроса, в начале сей главы положеннаго о равенстве грехов, о сем наипаче с иноверными распря (на полях «рцы»).
И Овиан <Овиниан>31 и Пелагий древний еретик научаху вся грехи от естества своего быти смертныя, простительныя же грехи весьма отметаху и глаголаху, аще кий человек в сем житии обретается праведен, таков отнюдь не имать греха и молитву сию «Остави нам долги наша», глаголет не по истине, но от смирения, или молится не за себе, но за иныя, ибо праведник греха не имать, понеже грех с
31 Иовиниан (IV) — римский монах, оппонент блж. Иеронима, отрицавший духовное превосходство воздержания и девства над браком и приснодевство Пресвятой Богородицы. По его учению, все возродившиеся в крещении могут быть безгрешными, что, конечно, роднило его с Пелагием и Целестием.
правдою стати не может, аще же кто грешник есть, того они глаголаху быти грехами смертными отягощенна, греха же простительнаго отнюдь не имущи, ибо по их учению несть грехов простительных, но вси суть смертнии.
Нынешнии иноверцы преклоняются пелагиеву учению, но не во всем исповедают они грех быти простительный, но не от своего естества <разве от единаго милосердия Божия иже не вменяют согрешающему. От своего же естества> греси по их учению вси суть смертнии и вси человека повинна творят гневу Божию и мукам вечным. Не сия ли есть ересь пелагиева? Но и в том еще несогласуют: лютеране научают вся грехи неверных быти смертныя, ибо тем <и от Бога тем> вменяемыя, верных же все грехи глаголют быти простительныя. Разве неверия.
Кальвины инако научают: вся грехи предустановленных в живот вечный глаголют быти простительныя, осужденных же вся грехи глаголят быти смертныя. Мы же что речем?
Догмат православный
Велие есть грехов неравенство. Иныя бо от естества своего суть смертныя, имиже /Л. 28°б/ благодать Божия от грешающаго отъемлется, дружество с Богом и з ближним раздружается <разрушается>, и человек бывает повинен вечной смерти. О таковых гресех глаголет апостол Римл. [глава] 6 стих 23: оброцы греха, смерть и паки Римл. [глава] 8, стих 13: аще по плоти живете, иматеумрети и паки Галат. [глава] 5, стих 21: творящии таковая царствия Божия не наследят. Иныя же грехи суть не к смерти, яже от естества своего, благодати Божия не отъемлют, любве з Богом и з ближним не разоряют, ниже человека творят повинна вечной смерти, разве привременному наказанию. И таковыя грехи суть простительныя, о них же Иоанн Богослов глаголет 1 Иоанн [глава] 1 стих 8: Аще речем, яко греха не имамы, себе прельщаем, и истины несть в нас. Сицевых грехов простительных ни един избежати может, кроме Христа и Девы Марии, тако верует и исповедует Святая Православно-восточная Церковь в книзе православнаго исповедания в третей части в вопросах 17. 18, 4332.
32 См.: Петр (Могила), митр. Православное исповедание веры кафолическия и апостоль-ския церкве восточныя. М., 1769. С. 139, 147: «Вопрос 17. В коликая разделяется грех? Ответ: По Святому Писанию, иный грех есть к смерти, и иный не к смерти: сего ради иныя грехи суть смертныя, и иныя не смертныя. Вопрос 18. Что есть смертный грех? Ответ: Смертный грех есть, егда безчинное похотение человека сотворит яковое любо дело, еже ему возбраняет явленно заповедь Божия, или не восхощет творити самовольно и самопроизвольно, еже повелевает Бог, от сего (яже) к Богу и ближнему любовь и таковое похотение разлучает человека от благодати Божия, и убивает его, на нем же исполняется делом. Сего ради смертный уведехом и глаголем той, яко глаголет Апостол: оброцы бо греха смерть. Но и сосложение едино еже изречет кто содеяти грех, уязвляет душу, но не умерщвляет конечно. ...Вопрос 43. Кий же есть иже не к смерти грех? Ответ: Грех не к смерти иже и простителен у некиих именуется, есть оный: его же и не един человек может избежати, кроме Христа и Девы Марии, но не лишает нас благодати Божия. Ниже нас подвергает вечной смерти. О таковом гресе глаголет писание: Аще речем, яко греха не имамы, себе самыя льстим, и истина несть в нас. Сих грехов число не есть: обаче глаголются господственно таковии, елицы не заключаются в смертных, но и о сих не подобает мало радети, и не исправлятися, наипаче на всяк день приходя на ложе, помышляти нощию. Купно и со иными плакати к Богу, по Псалмопевцу, глаголющему: Яже глаголете в сердцах ваших, на ложах ваших умилитеся. И измыю на всяку нощь ложе мое, слезаит моими постелю мою омочу. И просити прощение молитвами святыя Богородицы, и всех святых, понеже суть ненавистна
Утверждение Православнаго догмата от Священных Писаний
Бывают в человецех святых и праведных грехи таковыя, ими же благодать Божия от них не отъемлется, ниже святость погубляется, ниже дружество с Богом и з ближним разоряется, ниже тех ради человек свят и праведен вечной смерти повинен бывает, разве временному человеческому <отческому> наказанию. И сия грехи мы нарицаем простительныя. О сицевых грехах многия суть от Священных Писаний свидетельства.
Псалом 31 стих 5[—6]: рех: исповем на мя беззаконие мое Господеви: и ты отпусти еси нечестия сердца моего. За то помолится к тебе всяк преподобный. За что помолится? За отпущение греха. Кто помолится? Всяк преподобный. За отпущение греха, убо яве есть, яко может быти человек и преподобный, купно же может /Л. 29/ имети и грехи, о них же молится. <Но> Таковыя грехи не могут быть смертныя, тыя бо святыню и преподобие далече прогонят, убо суть грехи простительныя.
Псалом 98 стих 6. Моисей и Аарон во иереех его, и Самуил в призывающих имя его призываху Господа и той послушаши их. В столпе облачне глаголаше к ним: яко храняху свидения его и повеления его, яже даде им. Господи Боже наш, ты послушал еси их: Боже, ты милостив бывал еси им, имшая на вся начинания их. От сего псалма мощно видети, яко Моисей и Арон и Самуил бяху мужие праведнии и святыи и храняху заповеди Божия, обаче имеяху некая прегрешения, их же ради от Господа отечески наказуеми бываху, подобно сим в притчи<ах> Соломон [глава]
24, [стих 16]: Седмижды днем падает праведный и восстает. Еклесиаст [глава] 7, [стих 20]: Несть человек праведен <праведен человек>на земли иже сотворит благое и не согрешит.
В Новом Завете Христос апостолов и всех верных, аще и праведных, научает молитися: Остави нам долги наша! Святый Иоанн Богослов без сумнения бысть муж свят и праведен, обаче и той о себе и о протчих глаголет 1 Иоанн [глава] 1, стих 8: Аще речем яко греха не имамы себе прельщаем и истины несть в нас. Тожде глаголет Иаков апостол о себе и протчих Иаков [глава] 3 стих 2: много согрешаем вси. От сих Священных Писаний яве есть, яко суть некия грехи иже правде и святыне несть <не суть> противныя.
Утверждает православный догмат собором Карфагенским.
Правило 128. Богословцу глаголюще<ю>, аще речем, яко греха в нас несть, <себе прельщаем и истины несть в нас> развращаяй убо яко не по истине, но смиренномудрием речено есть, се да будет проклят33.
Правило 12934. Развращаяй, еже <[есть]35> рещи остави нам долги наша и многим глаголати, а <не> комуждо и свое, да будет проклят36.
и сия пред божественною славою, по писанию глаголющему: Мерзость Господу помысл неправеден. И аще не исправятся и сии покаянием, отверзают путь к смертным грехом и приносят на человека студеность, и небрежение и нерадение, во еже исполнити заповеди Божия».
33 Каноны, или Книга правил святых апостолов святых соборов вселенских и поместных и святых отцов. СПб., 2000. С. 203—204.
34 В обеих рукописях — соответственно 114 и 115.
35 Выделение скобками — источника.
36 Каноны... С. 204.
Со многими бо <виде> и Даниила [глава 9, стих 20], глаголюще<а>, исповедаю грехи моя и грехи людей моих. Толкование: развращаяй, яко святыи, остави нам долги наша /Л. 29 об/ глаголюще, не о себе молящеся, се глаголют, якоже не имущ греха и того ради не требующе таковаго прощения, но о грешницах таковую милость приносят Богу, да будет проклят.
Свят бо и праведен бе Иаков <апостол брат Господень, егда глаголаше много согрешаем вси. И Даниил> пророк в молитве своей во мнозе глаголет: согреши-хом беззаконовахом37 и прочая, и по сем особно наводит исповедан грехи моя и грехи людей моих господеви Богу моему. <Даниил 3> Зри Кормчую книгу лист 16238.
Тойже православный догмат утверждается от свидетельств святых отец
Киприян священномученик в слове о милостыни39 глаголет сице: «Аще же никтоже может быти без греха, и всяк, иже неповинна себя речет <речет неповинна себе>, или горд есть или безумен. О коль потребная блага есть милость Божия, яже ведущи, яко и от неисцелевших <исцелевших> не оскудевают язвы, даде паки к исцелению ран душеполезное <душеспасительное> врачество».
Святый Василий Великий в слове на псалом 11440 глаголет: «Иже в гресе смертном увязе, да глаголет: объяша мя болезни смертныя и беди адовы обрето-ша мя». Зде Василий святый егда нарицает грех смертный, назнаменует, яко есть грех и не к смерти, сиречь простительный, о нем же несть потребно глаголати «обыдоша мя болезни смертныя».
Иоанн Святый Златоустый в беседе 2341 на Матф.42 толкующ сия словеса: что видиши сучец во очеси брата твоего глаголет грехи простительныя быти вины ма-лыя и грехопадения легчая, грехом смертным далече неравная.
Амвросий святый на псалом: 118 в слове 16 толкующ сие: сотвори с рабом твоим по милости твоей не может, рече, сего праведник отрещися, ибо никтоже без греха. /Л. 30/
37 Ирмос 7 песни Великого покаянного канона прп. Андрея Критского.
38 Кормчая. Ч. 1. М. 1912. Л. 162.
39 Сщмч. Киприан Карфагенский. О благотворении и милостынях // Творения святаго свя-щенномученика Киприана епископа Карфагенского. К., 1891. Кн. 2. Ч. 2. С. 270: «Если же никто не может быть без греха и разве только гордец или глупец способен назвать себя невинным; то как необходимо и как спасительно Божественное благоснисхождение, которое, зная, что у исцеленных могут быть впоследствии язвы. Даровало спасительные врачества для новаго лечения и исцеления этих язв».
40 Свт. Василий Великий. Беседа на псалом 114 // Творения иже во святых отца нашего Василия Великаго архиепископа Кесарии Каппадокийския. М., 1991. Ч. 1. С. 341: «Кто впал в какой-нибудь смертный грех, тот должен говорить: объяша мя болезни смертныя...».
41 В текстах рукописей Увар. указано 28, а Брс. 481—24.
42 Невозможно установить, какое место в беседе имеет в виду митр. Стефан. Ближе всего к цитируемому по смыслу: «Именно здесь, как мне кажется, Спаситель не все вообще повелевает не судить и не всем без исключения запрещает это делать, но только тем, которые, сами будучи исполнены бесчисленных грехов, порицают других за маловажные какие-нибудь проступки. ...кто привык нерадеть о своих великих преступлениях и строго судить о малых и незначительных погрешностях других, тот терпит двоякий вред...» (Свт. Иоанн Златоуст. Толкование на Евангелие от Матфея. Беседа 23 // Полное собрание сочинений Св. Иоанна Златоуста: В 12 т. М., 2000. Т. 7 (1). С. 259, 263).
Святий Григорий Назианзин в слове 2 на Иулиана43: «Велие, рече, есть ниже из начала согрешити или понеже в великих преткновенну быти, ибо весьма от греха свободну быти — Бог свыше естества человеческаго положил есть». От сих словес мощно ведети, яко легкая некая прегрешная и во святых и праведных человецех бывают.
Августин в книзе 1 «Противу пелагиев <пелагианов>»44 в главе 14: «Сице никтоже, рече, в церкви право возмогл бы поставлен быти служитель, аще бы рекл апостол, яко тому подобает быти служителем, иже <есть> без греха, но не рече тако, рече же, аще кто есть бес порока [Тит.] глава 1 стих 6, мнози бо вернии суть без порока, без греха в сем житии никтоже.
Той же Августин в книзе 245 «Противу пелагиан» в главе 3: «Аще, рече, диа-вол есть начальник всех грехов, обаче не всяк грех творит быти сына диаволя, ибо и сынове Божии согрешают, понеже аще речем, яко греха не имамы себе прельщаем и истинны несть в нас46.
Семо предлежит <предлежат> и сия словеса Христова Иоанн [глава] 13, стих 10: Измовенный не требует, токмо нозеумыти, есть бо весь чист. Сия словеса
о гресех простительных отцы святии толкуют, иже бо измовен есть от нечестия и грехов смертных требует еще измовения ног, сиречь оставления простительных грехов, яже по подобию праха на пути жития сего к ногам нашим прилипают.
Изрядно о сем Августин в беседе 56 на Иоанна написа: «Сице Господь глаголет, истинна глаголет, яко требует нозе умыти и тои иже измовен есть, что ся вам мнит братие, разве яко человек, иже в святой купели весь омовен бывает не кроме ног, но весь весьма. Обаче егда в мире сем с человеки жительствуем, по земли ходим, самая убо сердец наших преклонение /Л. 30°б/ без них же в сем смертном животе быти не можем. Суть нам аки нозе ими же к житейским и человеческим приближаемся суетствиям, и тако порок к нам прилипает, яко аще речем, яко греха не имамы себе прельщаем и истинны несть в нас, на всяк убо день умывает нозе наши, иже о нас ходатайствует. И нам на всяк день требе есть умывати нозе, сиречь исправляти духовное шествие на спасительныя стези в самыя милости <молитве> Господней исповедающеся и глаголюще: остави нам долги наша, якоже и мы оставляем должником нашим, аще бо исповедуем, яко же есть писано грехи наша поистину тои иже умыл есть нозе учеником Своим, верен есть и праведен, иже отпустит нам грехи наша и очистит нас от всякаго беззакония, сиречь даже до ног имиже сожительствуем на земли»47.
43AmbrosiusMediolanensis. Expositio psalmi CXVIII / M. Petschenig, rec. W., 1913.
44 Свт. Григорий Богослов. Слово 5: Второе обличительное на царя Юлиана // Он же. Собрание творений: В 2 т. М., 2000. Т. 1. С. 23: «Напротив, великое дело — вовсе не грешить, или по крайней мере не согрешит тяжко; потому что быть совершенно безгрешным — Бог поставил выше человеческой природы».
45 На самом деле в третьей.
46 Свт. Григорий Богослов. Слово 5: Второе обличительное на царя Юлиана // Он же. Собрание творений: В 2 т. М., 2000. Т. 1. С. 23: «Напротив, великое дело — вовсе не грешить, или по крайней мере не согрешит тяжко; потому что быть совершенно безгрешным — Бог поставил выше человеческой природы».
47Aurelius Augustinus. In Evangelium Ioannis Tractatus 56: «Dominus dicit, veritas loquitur, quod opus habeat pedes lavare etiam ille qui lotus est. Quid, fratres mei, quid putatis? nisi quia homo in sancto quidem Baptismo totus abluitur, non praeter pedes, sed totus omnino: verumtamen cum in rebus
Блюди же здесь опасно, всяк читателю и хранителю сего православного догмата, яко аще и никоже в сем житии без греха быти может, обаче сего по-всемественнаго вреда Христос Бог наш и Пречистая Его Богоматерь далечайши суть. Ибо вина не иная есть, чесо ради мы от грехов простительных в сем житии свободни быти <не> можем, точию похоть, оная плоти яже иподжага греха от богословцев именуется, юже от праотеческаго греха стяжахом. Христос же оныя плоти далечайше бысть той бо силою Духа Святаго зачат<ся>. Дева же Богоматерь в первом своем <[зачатии]48> освящении, еже во утробе матерней, от того вреда свободися, а наипаче, егда при зачатии Бога Слова Дух Святый наиде на Ню и благодати исполни Ю, яко не бяше мощно не созданного света вместилищу мраку греховному причастну быти49. И о Христе убо глаголет Петр апостол
1 Послание [глава] 2, стих 22: Иже греха не сотвори, и обретехся лесть во устех его. О Деве же Богоматери в песнех песней глава 4 глаголет Дух Святый: Вся добра еси ближняя моя и порока несть в тебе, но о сем пространно глаголахом в догмате о призывании святых50.
От сих яве всяк может ве<и>дети, коль великое есть разстояние нашего пра-вославнаго догмата. /Л. 31/ от Пелагиевы ереси. Пелагий научаше, яко может кто Закон Божий сохранити без помощи благодати Божия естественною силою и единым воли самовластием. Православний же догмат вопреки глаголет. Яко без Божия благодати, внутрь человеку бываемыя <даемыя>, ниже помыслити что-либо душеспасительно можем, якоже где в главе первой довольно о сем глаголахом.
Паки Пелагий научаше, яко праведник может сохранити закон кроме вся-каго поползновения. Сие же того ради глаголаше, яко различие грехов смертных от простительных не хотяше знати, но глаголаше вся грехи быти смертныя и аще кто есть51 праведен, тои отнюдь греха не имать, имуще<и> бо грех, не был бы праведен. Догмат же наш православный разделяет грехи, иныя убо глаголет быти смертныя, иныя же простительныя. И без грехов убо смертных могут быти праведницы по Божией благодати, без грехов же простительных отнюдь быти не могут, якоже доселе глаголахом, обаче грехи простительныя святости от сих <от них> не отъемлют, и праведник бывает праведник, аще и впадет <впадает> в грех простительный, по реченному в Притчах <Соломоновых> [глава] 24, [стих 16]: седмижды днем падает праведник и восстает. И паки 1 послание52 Иоанн
humanis postea vivitur, utique terra calcatur. Ipsi igitur humani affectus, sine quibus in hac mortalitate non vivitur, quasi pedes sunt, ubi ex humanis rebus afficimur; et sic afficimur, ut si dixerimus quia peccatum non habemus, nos ipsos decipiamus, et veritas in nobis non sit. Quotidie igitur pedes lavat nobis, qui interpellat pro nobis : et quotidie nos opus habere ut pedes lavemus, id est, vias spiritalium gressuum dirigamus, in ipsa oratione dominica confitemur, cum dicimus: Dimitte nobis debita nostra, sicut et nos dimittimus debitoribus nostris. Si enim confiteamur, sicut scriptum est, peccata nostra, profecto ille qui lavit pedes discipulorum suorum, fidelis est et iustus qui dimittat nobis peccata, et mundet nos ab omni iniquitate, id est, usque ad pedes quibus conversamur in terra».
48 Выделение скобками — источника.
49 Явное влияние католической богословской мысли.
50 См.: Стефан (Яворский), митр. Камень веры. М., 1729. Л. 481—579о0.
51 Далее, вследствие неверной брошюровки, у Брс. 481 текст на л. 248 соответствует л. 31 об. Увар. Здесь же заканчивается оригинальная рукопись Брс. 481.
52 В Брс. 481 слово отсутствует.
[глава] 1, стих 8. Богослов Иоанн о себе и о протчих глаголет: Аще речем яко греха не имамы себе прельщаем и истинны несть в нас. Тожде Иаков, брат Господень, о себе и о прочих глаголет Иаков [глава] 3, [стих 2]: Много согрешаем вси, но о сем выше глаголахом.
Что же нынешним иноверцы о сем грехов разделении научают
О пелагианах рекохом уже, яко никоего <некоего> же разнствия между грехами смертными и простительными не хотяху знати, но всяк грех смертный быти научаху.
Кальвины приемлют разнствие, но каким образом научают они, яко предустановленных <предуставленных> в живот вечный вся грехи суть проститель-ныя, отверженных же от живота вечнаго вся суть смертная. /Л. 31о6/
Сие их учение стати не может, ибо праотец <праотцы> Адам, Давид пророк и Петр апостол и протчии предустановлении быша в живот вечный обаче греху смертному быша причастнии. Кто бо неисповесть, яко преступление заповеди Божия во Адаме, прелюбодеяние, убивство <убийство> в Давиде, отвержение Христа с клятвою в Петре, бяху грехи смертныя, обаче тии бывше грешницы святыми суть и с нами [искали?] Царствия Небеснаго.
К сим же, аще ниже предустановленным <предуставленным>, грехи вменяются ниже осужденным отпущаются <прощаются>, то таина крещения и покаяния суетна будут, сим <силы> бо и действия отнюдь не имут и тыя весьма отринути подобает, яко весьма неполезная.
Лютераны инако научают. Глаголют они всяк грех53 есть смертный обаче егда праведник согрешает, грех его есть простительный, <не> от естества <своего простительный, от естества> бо всяк грех есть смертный, но простительный бывает от невменения, сиречь того ради, яко не вменяется праведнику он грех за дружество с Богом54.
Но и сие учение, якоже и55 первое, стояти не может, ибо есть противное Священным Писаниям, аще бо согрешающему невменяется грех, то почто Христос апостолов, иже праведницы без сумнения бяху, научил есть молитися: остави нам долги наша? Кто просит <о> оставление<и> греха, который не вменяется? Тожде мощно видети <и> от словес Иоанна Богослова. 1 Иоанн [глава] 1, стих 8: И аще речем, яко греха не имамы, себе прельщаем и истинны несть в нас, и абие прилагает там же [стих 9], аще исповедуем грехи наша, верен есть и праведен, да оставит нам грехи и очистит нас от всякия неправды. Но почто исповедати грехи, аще не вменяются <или прикрываются, якоже глаголют противницы>? Что же и псаломник глаголет, яко за отпущение грехов молится всяк преподобный, всуе бо молится о гресех преподобный, аще ему и вменится <не вменяется>, какоже и Моисей и Арон истинствует словеса псаломника <псаломническая> [псалом 98, стих 8]: Боже ты милостив бывал еси им, и мщая на вся начинания их, сиречь грехи угоднику <угодников> своих, не вменяя им грехов? /Л. 32/
53 В Брс. 481 на л. 249 вследствие неправильной брошюровки листов далее идет текст, соответствующий л. 33 Увар.
54 В Брс. 481 абзац отсутствует.
55 В Брс. 481 союз отсутствует.
От сих убо яве есть, яко всяк грех простительный вменяется, связует человека, и повинна творит Отческому наказанию, аще и скоро и удобно оставляется, например, есть язва малая, яже скоро врачуется, не тако, яко <же> рана смертоносная.
Отвергше убо противников учения, паки повторяем наш догмат вышепи-санный и глаголем.
Грех простительный от смертнаго разнствуем <разнствует> не от предуста-новления, ниже от невнимания <невменения>, якоже глаголют противницы, но от своего естества, и достоин есть наказания, но не вечнаго, и бывает не угоден Богу, обаче милости не разоряет.
Сей догмат, кроме вышеписанных доводов утверждается еще <сице> иными Священными Писании.
Первое56 Матф. [глава] 5, стих 22: глаголет Христос: всяк гневайся на брата своего всуе повинен будет суду: иже бо ащеречет брату своему: «рака», повинен будет сонмищу, аще речет «юроде», повинен будет геенне огненной.
Зде Христос не смотрит на предустановление, ниже глаголет о том, елика может милосердие Божие, вменяет ли или не вменяет человеку грех, но само естество и меру грехов разсуждает, и гнев разделяет на три степени, от нихже последний гнев глаголет быти повинен геенне огненной. И тои <Кто> есть от естества <своего> грех смертный, первыя же два степени гнева не тако, и тыи суть простительныя временми <временному> точию наказанию подлежащии.
Глаголют противницы, вси три степени гнева суть грехи смертнии, но не равнии, ибо трети<й> обоих есть больши<й>.
Отвещаем: всяк грех смертный повинен есть57 геене огненной, аще убо вси три степени суть грехи смерныя, вси суть повинни мукам вечным, чего <чесо> ради <убо> Христос трети<й> точию степень гнева причисляет геенне огненной, а о двоих первых того не глаголет? /Л. 32о6./
Второе: Матф. [глава] 23 стих 24: Горе вам, вожди слепи<и>, оцеживающи<и> комара<ы>, велбуда же пожирающи<и>. Зде Христос с<о>равняет некия грехи вещем от естества своего малым, сиречь комарам, иныя же грехи сравняет вещем от естества своего великим, сиречь велбудем. Сия же глаголет, укоряя фарисеев, яко важныя заповеди Закона удобно преступаху, лех<г>кия же опасно храняху. Разсуди всяк, коликое в естестве разстояние комара от велбуда, таково есть и греха простительнаго от смертнаго.
Глаголют противницы: комар есть мал в сравнении с велбудом, сам же собою может быти аки гора, тако и земля вся, аще и велика есть собою, обаче в сравнении кругов небесных есть, аки зерно58.
Отвещаем: несравняем Христос великое з большим, но малое с великим. Сравнити землю с кругами небесными есть сравняти великое з <с> большим, и сицеваго равенства между грехом простительным и смертным Христос не творит, творит же равенство малаго с великим — комара с велбудом, сиречь греха
56 Здесь и далее в Брс. 481 числительные даны цифрами.
57 В Брс. 481 слово отсутствует.
58 Далее, вследствие путаницы страниц и неверной брошюровки, у Брс. 481 следует на л. 248 текст, соответствующий л. 31о6 Уварова.
простительного с смертным. А еже вы глаголете, яко комар <камор> в сравнении точию есть мал сам же собою, аки гора, мы тому смеемся и к микроскопию сию прелесть восписуем, еже и малыя вещи великия быти ложно являет.
Третие. Лука [глава] 6, стих 41 глаголет Христос: что видиши сучец во очеси брата твоего, бервно же еже есть во очеси твоем не чувствуещи. Известно есть, колико разстоит естеством своим сучец от бервна, ибо сучец или стебло удобно носити мощно, бервно же есть неудобь <носимо>, токмо59 и не точию ока<о>, но и все тело человеческое повреждает, аще на кого <него> возложено будет. Тем же убо аще вся грехи <аще> от естества своего суть смертныя, тяжкия и мукам вечным повинныя, то како Христос иже всякое беззаконие ненавидит, некия от них тако умаляет, яко стеблу и комару тыя уподобляет и тыя же з бервном и с велбудом сравнивает <соравняет>?
Речеши: еже есть в сравнении мало, то собою есть велико.
Отвещаем: малая <мало> везде есть /Л. 33/ малое <мало>, отрок есть отрок, аще и на горе его поставиши, исполин же есть исполин, аще и в горе <рове> станет.
Речеши паки: милосердие Божие сие творит, яко и смертныя грехи бывают простительныя и егда стеблу<ю> и комару уподобляются не от своего естества, но от Божия человеколюбия сия имут.
Отвещаем: аще Божие человеколюбие восприимем в помысл, вся грехи будут простительныя, вся бо поистинне кающимся прощаются и несть греха по-беждающаго неизреченное Божие милосердие, но зде разсуждаем грех от внутреннего его естества, а не от внешняго милосердия Божия, в коем разумении и Христос иныя грехи стеблу и комару, иные же бервну и велбуду уподобляет.
Четвертое60: Матф. [глава] 5, стих 25[—26]; Лука [глава] 12, стих 58[—59] глаголет Христос: Судия тя предаст слузе, и слуга тя всадит в темницу, глаголю тебе не изыдеши оттуду донележе <дондеже> воздаси последнюю лепту. Отцы святии толкуют сие: <и> последнюю лепту или медницу и кондрант глаголют быти самый малый и последний долг, сиречь грех простительный, или паче за грех простительный61 наказание ему подобающее привременное, которое воздати предлежит хотящему внити в Царствие Небесное, аможе ничтоже скверно входит. Отонудуже яве есть, кое разнствие сам Христос полагает греха простительнаго от смертнаго, егда того малою и последнею лептою нарицает и привременное наказание тому или в сем житии или по смерти возвещает быти, глаголя, не изыдеши оттуду, дондеже воздати последнюю медницу. О гресех же смертных нелепе есть тако глаголати, ибо грешника непокаяннаго, егда за грехи смертныя ввергнут во ад преисподний, таковому нет избавления оттуду и исхождения.
Пятое: святый Иаков апостол [глава] 1, стих 14[—15] глаголет: киждо искушается, от своей похоти влеком и прельщаем: таже похоть заченши раждает грех, грех же содеян раждает смерть. Зде /Л. 33о6/ апостол трегубое похоти движение разделяет: едино движение невольное, имже кто ко греху влеком бывает кроме всякаго своего соизволения, и о сем апостол глаголет: кождо искушается от
59 В Брс. 481 слово отсутствует.
60 В Брс. 481 слово отсутствует.
61 Подчеркнутая фраза в Брс. 481 отсутствует.
своея похоти влеком и прельщается, и сие движение не глаголет апостол быти грехом, но виннаго <виною> греха, сиречь аще преступит соизволение. Другое движение глаголет быти несовершенно вольное, егда глаголет: похоть заченши рождает грех, сие движение несовершенно быти вольное <вольное быти>, и грех простительны. Яве есть отсюду, яко именуется грех, обаче разделяется от греха содеяннаго, смерть разделяющаго <раждающаго>, и понеже сие другое движение несть грех содеян, совершенно ниже раждает смерть. Того ради несть грех смертный. Третие движение прилагает апостол совершенно вольное и тое глаголет быти грех смертный: грех <[рече]62> же содеян раждает смерть.
Внемли же зде, егда глаголет апостол: грех содеян раждает смерть, да не воз-непшуеши, глаголет <глагол> апостолов быти о едином гресе еже делом внешним и видимо содевается, <ни,> ибо не точию внешнее и видимое дело, но и внутру сия <внутренния> безчинныя помыслы самопроизвольныя, суть грехи раждающия смерть, веси бо яко раздельныя <различныя> суть заповеди Божия сии: не прелюбы сотвориши и не возжелаеши жены ближнего твоего. Первая заповедь запрещает внешняго видимаго дела, вторая же запрещает внутрення-го вожделения, ему же присовокупляется самовластие, вольное <самовластное вольное> соизволение. Таково вожделения, аще и не произыдет в дело внешнее, видимое, раждает смерть, несть <и есть> грех смертный, о чесом Христос глаголет Матф. [глава] 5 стих 28: всяк иже воззрит на жену и еже вожделети ея уже любодейства с нею в сердце своем.
Шестое: суть некия грехи, о них же не с толикою жестокостию глаголет Священное Писание, с толикою жестокостию глаголет и63 о протчих грехах, яже по общему всех разумению суть грехи смертныя, например, Матф. [глава] 12, стих 36: всяко слово праздно, еже аще рекут человецы, воздадят о нем <слово> в день судный. /Л. 34/ Сие Священное Писание не толь жестоко есть, коль жестоко сие: [Мф 25. 41] идите от мене проклятии, во огнь вечный; и паки [Мф 22. 13] связавше руце и нозе вверзите его во тьму кромешную; и паки [Мф 7. 23] отъидите от мене вси делатилие неправды. Отонудуже яве есть, яко первое Священное Писание глаголет о грехах простительных, второе же о грехах <гресех> смертных.
Седьмое: Ефес<еом>. [глава] 5, стих 3[—5]: Блуд и всякая нечистота и лихоимство ни да именуется в вас, якоже подобает святым: и сквернословие, и буесло-вие, и кощун<ы>, яже суть неподобная, но паче благодарение: сие бо да есте ведуще, яко всяк блудник, или нечист, или лихоимец, иже есть идолослужитель, не имать достояния в царствии Христа и Бога.
Зде апостол шесть родов греховных блюстися повелевает, яже у язычников едва в грех вмянухуся: блуд, нечистота, лихоимство, сквернословие, буесловие и кощун<ы>. Внемли же прилежно, яко о триех первых точию глаголет, яко творя-щия таковая, сиречь блуд, нечистоту и лихоимство, чужди суть Царствия Небес-наго. Хотяще бо апостол научити, яко три последнии грехов ради аще и должны суть от уст христианских освященных, далечайшии быти, обаче естеством своим не суть таковыи, во еже с тех ради чужду быти кому Царствия Христа и Бога.
62 Оскобление источника.
63 В Брс. 481 союз отсутствует.
Той же догмат утверждается Собором Карфагенским, который грехи про-стительныя от смертных различает и простительныя убо глаголет быти общия и праведником, паче же ересь Пелагиеву нарицает, аще кто речет, яко праведник без греха всякаго быти может, грехом же смертным праведники не глаголет быти причастныя. Зри яже о сем глаголахом вышше в сей же64 главе.
Тои же догмат утверждается свидетельствы отец святых, яже вышше в сей же главе приведохом /Л. 34°б/. Тои же догмат утверждается исповеданием право-славныя веры, которое собором, бывшем в Молдавии65, запретили <закрепили> святейшии православныи четыре престол<н>и патриархи Парфений Констан-тино Польский <Константинопольский>, Иоанникий Александрийский, Макарий Антиохийский, Паисий Иерусалимский и множество архиереов. В том православном исповедании в третией части в вопросе 17 сице написано: по Святому Писанию иный грех есть к смерти, иный не к смерти66. Сего ради иныя грехи суть смертныя, и иныя <же> не смертныя. Смертный грех есть, егда безчин-ное похотение человека сотворит яковое либо дело, еже ему возбраняет явленно заповедь Божия, или не восхощет творити самовольно и самопроизвольно еже повелевает Бог, и таковое похотение разлучает человека от благодати Божия и убивает его. Сего ради глаголется смертный, по глаголу Римл. [глава] 6, стих 23: оброцы греха, смерть.
И паки в вопросе 43 писано: грех не к смерти, иже <и> простительный у неких именуется, есть оный его же не един человек не67 может избежати, кроме Христа и Девы Марии, но не лишает нас благодати Божия, ниже нас подвергает вечно <вечныя> смерти68. О таковом гресе глаголет писание 1 Иоанн [глава] 1, стих 8: аще речем <яко> греха не имамы, себе прельщаем и истинны несть в нас. Сих грехов число несть, обаче глаголются явственно, таковии елице не заключаются в смертных69.
Той же православный догмат утверждается доводами последствующими
Довод 1
Аще истинну восхощем рещи, не того ради грех бывает простительны, яко Бог того не вменяет в долг вечныя смерти, но во прение, паче рещи достоит. Того ради Бог не вменяет греха в долг вечныя смерти, яко есть /Л. 35/ простительны, ибо простительны того ради тако нарицаются, яко есть достон прощения. Вопрошаю убо: что есть еже творит грех, он быти достоин прощения, или, что есть в гресе оном, его ради не вменяется в долг вечной смерти?
Отвещают противницы разногласно. Первое глаголют: Божие милосердие творит, яко грех аще и к смерти простителен бывает и не вменяется. Зде паки вопрошаю: что есть его же ради ине грех с милосердием Божиим купно стоит и не-
64 В Брс. 481 частица отсутствует.
65 Собор в Яссах 1643 г.
66 См.: Петр (Могила). Цит. соч. С. 139.
67 В Брс. 481 частица отсутствует.
68 См.: Петр (Могила). Цит. соч. С. 147.
69 Далее из-за неверной брошюровки л. 253 рукописи Брс. 481 соответствует л. 27°б Увар.
вменяется несть смертны? Безответен еси человече, аще не исповеси, яко само естество грехов таково есть, яко ин есть достоин прощения и з Божиим милосердием купно стати может, и невменяется в долг от вечныя смерти, ин же грех от естества своего таковы есть, яко и есть достоин прощения и Божие милосердие от человека прогонит, и вменяется в долг вечныя смерти, и есть и нарицается смертны, исче есть правое учение.
Второе: глаголют противницы, яко дружество между Богом и человеком сие творит, яко Бог не вменяет человеку, яко другу своему, греха в долг вечныя смерти. Но зде той же служит вопрос: что есть его же ради ин грех вменяется человеку, аще и друг Божий будет, ин же не вменяется? Дадим пример свята человека и друга Божия, который два грехи сотворит: слово праздно и вольное человекоубийство. Зде вопрошаю: оба ли грехи суть смертныя? Отвещают противницы: оба суть смертныя, аще и неравныя. Паки вопрошаю: чесо ради другу Божию слово праздно не вменяется в долг вечныя смерти, убивство же вменяется, и что есть во обоих его ради ин не вменяется и есть простительный, ин же вменяется и есть смертный? Иныя вины не обрящеши, кроме самаго единаго естества сих двоих грехов. Тожде и о протчих благочестно разумети подобает.
Третие глаголют противницы. Вера есть такова в70 верных, ея же ради Бог не вменяет греха верным. Зде паки тои же вопрос предлежит: чесо ради ин грех есть простительный в верных и не вменяется им за их веру, ин же вменяется им и есть смертный, аще и веру имут? /Л. 35о6/
К сим же, аще грехи простительныя от естества своего суть смертныя и токмо веры ради не вменяются верным, якоже глаголют противницы, то неверным вся грехи будут смертныя, зане не имут веры. Ея же ради грех смертный бывает простительный71. Сие же глаголати есть безместие и лжи <лжа>, ибо за равныя грехи в верном и в неверном вящий и тяжчайший гнев Божий и наказание влечет на себе верный, нежели неверный. Верный ибо вящее имать познание Бога и Закона Божия, вящшаго от Бога, восприял есть, благодеяния множайшую противу греха имать от Бога помощь и врачество, отонудуже Христос глаголет: Лука [глава] 12, стих 47: Рабведый волю господина своего и неуготовавый <уготовал>, ниже сотвори <сотворивый> вы72 по воли его, биен будет много: не ведевый <ведый> же и сотворивый достойная ранам, биен будет мало, и паки к Евреем глава 10, стих 29: колико мните горшия сподобится муки Сына Божия поправый, кровь завета, ею же освятися, скверну возмневый и Духа благодати укоривый? Вопреки же, той же апостол научает, яко грехи неверным за невежество суть легчайшия, егда о себе глаголет: 1 Тимоф. глава 1, стих 13: помилован был <бых>, яко не веды сотворих в неведствии <неверствии>.
И поистинне, аще кто речет, яко движения похоти, яже бывают в верных, греси простительныя, тыя в неверных суть грехи смертныя, противно правому разуму речет, честь бо и сан лица вящи <вящший> не умаляет, но паче отягчавает вину73. И кто сему веру имет, яко слово праздно в невернем есть грех смертный,
70 В Брс. 481 Предлог в отсутствует.
71 В Брс. 481: «...простительный бывает, сие же глаголати...» (Л. 216).
72 В Брс. 481 «вы» нет.
73 В Брс. 481: «...но паче отягчавает вину, и кто сему веру...» (Л. 216о6).
в вернем <верном> же простительный, понеже верный чтет или слышет <слышит> от Евангелия словеса Господня. Матф. глаголет [глава] 12, стих 36: всяко слово праздно, еже аще рекут человецы, воздадят о нем в день судный. Неверный же ничтоже сих весть, еще же без всякаго сравнения вернии множае одлжены есть к прилежанию Божия благонравия, нежели невернии. Тем же убо понеже ниже Евангелию, ниже правому разуму согласно есть, дабы грехи верных про-стительныя, в неверных были смертныя. Яве последует, яко и в неверных суть простительныя. Но откуду, не можеши рещи. Яко от веры, /Л. 36/ тыя або не имут верны суще, убо от естества своего суть простительныя. Всуе убо глаголют противницы, яко грехи смерныя верным веры ради бывают простительныя.
Четвертое: глаголют противницы: того им есть грех простительны ин смертный, яко простительный грех есть невольный, смертный же вольный. Аще тако глаголете, друзи, убо хотя не хотя наш догмат утверждаете, егда разнствие греха простительного от смертнаго на самом грехов естестве полагаете, а не на внешних, ибо быти вольну или невольну греху своиство есть естеству греха внутреннее, и елико вяще есть воли толико вяще есть греха, и аще отнюдь воли несть, отнюдь греха несть. И о сем инде пространно речется.
Довод 2
Мука вечная потому есть должна греху, поелику грех человека отвращает от Бога. Грех же простительный по своему естеству не творит в человеце отвращения от Бога, ибо не разоряет з Богом любве, понеже святы имуще грехи прости-тельныя любяху Бога и Богом возлюблении быша, убо грех простительный несть от естества своего таков, во еже бы человека сотворил вечной смерти повинная.
Довод 3
Аще бы всякое прегрешение от естества своего было разорительно любве и дружества людскаго, в человецех бываемаго, еже бо по естеству есть прилично, но между человека не всякое прегрешение разоряет дружество и любве, и много разнствует прогневание тяжкое и легкое, и тобо тако безумен будет, дабы за легкое некое поползновение в слове или в деле враг был главны другу своему, и гонил бы его даже до смерти, убо ниже дружество /Л. 36о6/ между Богом и человеком легкое некое грехопадение от естества своего разоряет. Глаголют противницы: иное есть естество дружества между человека, а иное между Богом и человеком, ибо не только человек человеку должен есть елику Богу, тем же убо аще и не разоряет дружества между человеки легкое некое прегрешение, обаче дружество Божие разоряет.
Отвещаем: вящшая есть и крепльшая любы Божия к человеку, нежели человека к человеку, никтоже бо тако любити может человека, яко Бог: иже и Сына Своего тому дал есть. Отонудуже церковь Христова вопиет: положил еси к нам твердую любовь твою Господи74, аще твердая любовь Божия к нам есть как мало поползновением разоряется, аще паучиная любовь между человеки бываемая не всяким прегрешением разоряется, что речем о тверди и совершенне к нам любви Божией.
74 Ирмос воскресный канона на утрене 3 гласа, песнь 4.
136
Довод 4
Грех простительный и грех смертный, оба суть грехи, и оба имут едино имя греха, обаче самыя вещи, в имени едином содержимыя, многое имут разстояние, якоже, например, имя бытия имать и создатель и создание, обаче самыя вещи в едином имени бытия содержимыя далече разстоят. Кто бо бытие создание з бытием создателя дерзнет и может сравняти? Паки имя животнаго имать и комар, и человек, далече разстоят, тако и грех простительны, аще и едино имя есть з грехом смертным, ибо от Священных Писаний оба грехами именуются, обаче далечайшее между собой имут разстояние, ибо грех смертный разоряет Закон и любовь, грех же простительный не разоряет. Оному должна суть вечная мука, сему же временное наказание.
Довод 5
Аще бы грех простительный был разоряющ закон Божий и дружество з Богом, то последствует, /Л. 37/ яко праведник, содеявши грех простительны, абие был бы законопреступник и всем заповедем Божиим был бы повинен, по глаголу апостола Иакова глава 2 стих 10: Иже весь закон соблюдет, согрешит же во едином, бысть всем повинен. Сие же глаголати есть безместно и ложно, ибо Писание нарицает праведники святыя и Закона Божия хранители многия человеки, аще и не без грехов простительных живяху. Таковых Лука евангелист возвещает быти Захария и Елисавету, Лука [глава] 1, стих 6: Беста, рече, оба праведна пред Богом, ходяща во всех заповедех и опраданиих Господних без порока, яко бяху не без грехов простительных. Свидетель есть Иоанн святый глаголет 1 Иоанн [глава] 1, стих 8: аще речем яко греха не имамы себе прельщаем истинны несть в нас, сообразно глаголет и апостол Иаков [глава] 3, стих 2: много согрешаем вси.
Глаголют противницы: яко святыи они людие, Захария и Елисавет, и сами апостоли, егда согрешаху грехом простительным, быху законопреступницы и неправедни по Закону разве благодати и милосердию Божию.
Отвещаем: дивно поистине и странно, яко един и той же человек есть и законопреступник, купно же и праведник, враг Божий, купно же и друг Божий, в животе, купно же и в смерти, велиару, купно же и Христу работен, свету же, и тме причастник. Веруйте тому, противницы! Мы же не хощем, ибо глаголет апостол Римл. [глава] 8, [стих 1]: ни едино осуждение сущим в Христе Иисусе.
Аще рекут противницы, яко законопреступление святым не вменяется, то паки возвратимся на первый довод вопрашающе: что быть во оном законопре-ступлении, его же ради невменящеся?
Довод 6
Грехи простительныя не прогонят любве, иначе бо не могли бы в праведниках быти, но понеже бывают. /Л. 37о6/ Яве есть, яко любве Божия и ближняго не прогонят, аще же не прогонят любве, то ниже Закона разоряют, ибо любы есть исполнение Закона, а не разорение, по глаголу апостола Павла Римл. [глава] 13, стих 10: исполнение закона любы есть. Тем же убо едины грехи простительныя имея, несть законопреступник, ниже грех простительный есть разоритель любве и Закона.
Довод 7
Грехи, яже не наносит смерти на душу, не суть смертныя, и тыя мы глаголем быти простительныя. Но что есть смерть души? Есть отъятие благодати Бо-жия и любви. Не живет пред Богом, но мертв есть, по глаголу Иоанна Богослова
1 Послан. Иоан. глава 3, стих 14: не любя пребывает в смерти. Но суть некия грехи, яже не отъемлют благодати Божия и любве, но с благодатию и любовию могут стати. Притч. Солом. [глава] 24, [стих 16]: седмижды днем погрешает праведник и паки 1 Иоан. глава 1, стих 8: аще речем греха не имамы себе прельщаем и истинны несть в нас. Иаков глава 3, стих 2: много согрешаем вся. Сия о себе глаголаху апостоли, суще праведницы, еще же и моляхуся по научению Христову остави нам долги наша, понеже убо и в апостолех и в иных праведниках быша согрешение, яве есть, яко быша простительная, а не смертная. Лгут убо противницы, егда научают вся грехи от естества своего быти смертныя.
Богу Единому Безначальному Творцу всея твари, Премудрому и Всемогущему, слава и честь со Единородным Его Сыном и с Пресвятым и Животворящим Его Духом в безконечныя веки.
Аминь. /Л. 38/
Ключевые слова: Стефан (Яворский), Феофан (Прокопович), иго Господне, грехопадение, Закон Божий, свобода воли, Ветхий Завет, любовь Божия, грех, благодать Божия, оправдание, степени совершенства.
A Work of Stefan Javorskij, Metropolitan of Rjazan’ and Murom: «For the Yoke of the Lord is Easy and His Burden Light»
A. Grigorjev
(St Tikhon’s University)
This article contains the first complete and annotated edition of a theological work written by Stefan Javorskij , the Metropolitan of Rjazan’ and Murom and the locum tenens of the patriarchal throne of Moscow and all Rus’. For the Yoke of the Lord is Easy and His Burden Light is written as a kind of answer to Feofan Prokopovic’s polemic disputation The Tale of the Dispute of Paul and Barnabas with the Judaizers and the Difficulty of the Oration of the Apostle Peter Concerning the Unbearable Burden of the Law. It also marks the starting point for one of the most significant theological controversies of the eighteenth century.
Keywords: Stefan Javorskij , Feofan Prokopovic, Yoke of the Lord, Fall of Man, law, Free Will, Old Testament, God’s Love, Sin, Grace, Justification, Degrees of Perfection.
