CC BY
25
ЛИТЕРАТУРОВЕДЕНИЕ
Научная статья
УДК 821.352.3-1"19": 808.1Ханфенов ББК 83.3 (2=Каб)6 Б 19
doi: 10.53598 / 2410-3489-2021-2-277-117-121
Поэзия Алима Ханфенова в потоке времени (Хьэнфэн Алим и усыгъэхэмрэ зэманымрэ)
(Рецензирована)
Х. И. Баков
Кабардино-Балкарский научный центр Российской академии наук, Институт Гуманитарных исследований, Нальчик, Россия, kbigi@mail.ru
Аннотация.
Рассматриваются вопросы эволюции лирики в многогранном творчестве Алима Мазановича Ханфенова (1922-2014) и факты биографии поэта, которые формировали его творческую индивидуальность. Анализ лирики поэта подтверждает мысль о том, что благодаря творческой индивидуальности и таланту Алима Ханфенова лирика в черкесской поэзии приобрела новый художественный уровень. Именно в лирике велико значение субъективного начала, творческого «я» поэта, его интеллекта. А.Ханфенов обладал этими качествами, выработанными жизненным опытом, образованием (участник войны, окончил Литературный институт им.А.М.Горького), которые повлияли на его творчество. Особое внимание уделено вопросам мастерства поэта, анализу новых изобразительно-выразительных средств, использованных А.Ханфеновым в своей лирике. Отмечается богатство мотивов поэзии А.Ханфенова, четкость ритма, хорошая звуковая организация стиха, что позволило композиторам создать песни на стихи поэта, ставшие популярными. Некоторые детские стихи, юмористические рассказы входят в школьную программу, но и лирика востребована как в школе, так и в вузах, в которых изучается адыгская литература. Творчество А.Ханфенова рассмотрено в контексте черкесской литературы. Ключевые слова:
лирика, штампы, эпитет, эстетика, творческая индивидуальность, экология, лирический герой, детская поэзия, жанры литературы
Original Research Paper
Poetry of Alim Khanfenov in the flow of time
K. I. Bakov
Kabardino-Balkarian Scientific Center of the Russian Academy of Sciences,
Research Institute for the Humanities, Nalchik, Russia,
kbigi@mail.ru
Abstract.
This work explores the evolution of lyrics in the multifaceted work of Alim Mazanovich Khanfenov (1922-2014), and the facts of the poet's biography, which formed his creative personality. The analysis of the poet's lyrics confirms the idea that thanks to the creative individuality and talent of Alim Khanfenov, the lyrics in Circassian poetry have acquired a new artistic level. It is in the lyrics that the subjective principle, the creative "I" of the poet, and his intellect are of great importance. A. Khanfenov possessed these qualities, developed by life experience and education (participant in the war, graduated from the A.M.Gorky Literary Institute), which influenced his work. Particular attention is paid to the issues of the poet's mastery, the analysis of new pictorial and expressive means used by A.Khanfenov in his lyrics. The author underlines the richness of the motives of A.Khanfenov's poetry, the clarity of the rhythm, and the good sound organization of the verse, which allowed composers to create songs based on the poet's verses, that have become popular. Some children's poems, humorous stories are included in the school curriculum, but the lyrics are also in demand both at school and in universities where Adyg literature is studied. A.Khanfenov's work is considered in the context of Circassian literature.
Keywords:
Lyrics, cliches, epithet, aesthetics, creative individuality, ecology, lyric hero, children's poetry, genres of literature
Хьэнфэн Алим 1922 гъэм Зеикъуэ къуажэм къыщалъхуащ. Пэщ1эдзэ школым иужь абы Черкесск дэт колхоз щ1алэгъуалэ еджап1эр (ШКМ) къиухащ. И щ1эныгъэм щыпищащ Егъэджак1уэ курсхэм. Илъэсит1к1э (1939-1940) егъэджак1уэу лэжьащ, ауэ Алим летчик хъуну щ1эхъуэпсырти, ар Грознэм дэт еджап1эмщ1ыхьащ. Куэд дэмык1ыузауэр къэхъейри, фронтым яшащ. Л1ыгъэ зэрихьам теухуауэ къыхуагъэфэщащ орденхэмрэ
медалхэмрэ. Фронтым къик1ыжа нэужь Хьэнфэн Алим къиухащ Къэрэшей-Шэрджэс пединститутым и филологие факультетыр, Москва дэт Горький А. М. и ц1эр зезыхьэ Литетарурнэ иснтитутым и курс Ищхьэхэр. Хьэнфэн Алим зэман гуэрк1э щытащ егъэджак1уэу, ауэ и къарур нэхъыбэу зыхилъхьар адыгэ радиомрэ газетымрэ щилэжьа 1уэхуэрщ. 1948 гъэм щыщ1эдзауэ ар пыщ1ащ адыгэ газетым, радиом, тхылътедзап1эм. А псори сэбэп хъуащ Алим и творчествэм зиужьынымк1э.
И творчествэр Хьэнфэн Алим къызэрыщ1идзар усэ тхынк1эщ, адыгэ газетым щылажьэн ипэк1и усэ зыбжанэ итхагъэхэт. И Тэзагъэм зиужьынымкТэ сэбэп
ин къыхуэхъуащ адыгэ газетыр, абы щылажьэ корреспондентхэм зэрадэлэжьар, псом хуэмыдэу езыгъэблэгъа Гъуэщокъуэ Хъусин. А зэманым езы Гъуэщокъуэ Хъусини адрей усак1уэ нэхъыжьхэри партым и идеологием и бжьым щ1этт, лозунг, къыхуеджэныгъэ, егъэлеяуэ вождхэм ящытхъун гупсысэк1э гъэнщ1ат я усэхэр. Хьэнфэн Алими и япэрей усэхэм а ныкъусаныгъэр щынэрылъагъущ. Апхуэдэхэщ: Псэу, ди адэ лъап1э!; (Адэ лъап1эк1э зэджэр Сталинщ); Октябрь; Икърар щысщ1а махуэм; Нэхур к1ыф1ым тек1уэнщ, н. (Мыхэр итщ 1950 гъэм къыдэк1а сборник «Родинэр догъэлъап1эр» зыф1ащам). Иужьк1э итхахэми (Гъащ1эм и гъуазэ съезд; Ди гъащ1эр мамырщ, 1953); апхуэдэ усэ зырыз къыхэхуащ. Хьэнфэн Алим зыдригъэхьэхакъым ущие гъущэхэм, къэрал унафэщ1хэм щытхъуным. Ар мэхъур шэрджэс лирикэм зезыгъэужь усак1уэ.
Жанрым теухуауэ жы1эпхъэщ: «Лирикэр, адрей литературэм и пкъыгъуэхэм къащхьэщык1ыу усак1уэм и личностым, и 1уэху еплык1эм к1эщ1у пыщ1ащ, ар и творчествэм 1упщ1у къыхощыр.» [1:93].
Псом нэхърэ нэхъыбэу къехъул1ахэр пейзажым,
лъагъуныгъэм теухуа усэхэрщ. Жылагъуэм, хэкум («Граждан лирикэ» жыхуа1эм) хухиха усэхэми «къебжэк1» къудей мыхъуу образ хьэлэмэтхэмк1э къегъэлъагъуэр хэкум, гъащ1эм, ц1ыхубэм хуи1э лъагъуныгъэр.
Хьэнфэн Алим и усэхэр тхущ1 гъэхэм къыщыщ1эдзауэ газетхэм къытрадзэ, радиок1э къатырт, ахэр ирагъэуващ шэрджэс тхак1уэхэм я 1эдакъэщ1эк1хэр зэрыт сборникхэу: Родинэр догъэлъап1э (1950); Насыпыф1агъым и уэрэдхэр (1953); Лъэбакъуэщ1эхэр (1957); Гуф1эгъуэ
(1958); Хэкур мэгъагъэ (1958); Макъыщ1эхэр (1962); Гъуэгу пэж
(1959); Ди пшыналъэ (1964); Зэшхэм я макъ (1974); Зэманым дэхъуу (1977); Лъэужьыф1хэр (1978), н.
Хьэнфэн А. и творчествэм эпиграфу хуэбгъув хъунщ езым и усэ сатырипл1ыр. Къиплъэ си гум: Къиплъэ си гум, зэман, щыпф1эф1 сыхьэтым.
1упщ1у иплъэгъуэнущ абдеж щыхьэ псор:
Дунейишхуэр гуф1эгъуэхэу зыхэтыр,
Мыхъумыщ1агъэхэу дунейр зымыгъэпсэур. [1:67].
Алим и усэхэр, рассказхэр, новеллхэр иту тхылъ щхьэхуэу пщ1ым щ1игъу къыдэк1ащ. И усэхэм темэ нэхъыщхьэу к1уэц1рык1ыр Хэку зауэшхуэм теухуахэрщ. Ахэр итщ и тхылъхэм: Япэ лъэбакъуэ (1955); Ц1ыхугъэ (1963); Гумызагъэ (1970); Усэхэр (1972); Къиплъэ си гум (1982); Гупщысэхэм я хасэ (1988); Усэ къыхэхахэр (2011). Зауэм теухуащ мыхэр: Нэху дыкъок1ри; Бендер быдап1эжьым; Днестр адырыщ1ым; Днестр деж; Индыл, Тек1уэныгъэшхуэ; Кърым; Украинэ анэхэм; Си къуажэгъу бланэ; Зауэ гъуэгухэр; Зауэ гъуэгухэр зык1уа лъакъуэхэм. Иужьрейр лъакъуэхэм, вакъэхэм я балладэу къэлъытапхъэщ. Усак1уэ гъуэгу гугъу куэд зык1уа и лъакъуэхэм я
«тхыдэм» дырегъэдэ1у: лъакъуэхэм щысабийм яшэчар, гуэншэрыкъым, зэрылъапц1эм яшэчахэр,
нэгъуэщ1хэр. Адыгэ шыпсэр щапхъэу къехьыр - бланэр гъуэгу техьамэ, гъущ1 вакъит1ыр лэжьэху «псыхъуэ 1эджэ» зэпиупщ1т». Усэм и к1эм деж авторым же1эр фронтым щы1а лъакъуэхэм шыпсэр ефэгъуэк1ыу. Ахэр«хэку 1эджэм нэху хуахьыу ажал маф1эм пхык1ащ». «Зауэ гъуэгухэр» усэм дежи гъуэгум символ мыхьэнэ ирет. Зауэ гъуэгухэм, уафэм, псым, щ1ылъэм щашэчар къребжэк1ри, усэр еух: «Тек1уэныгъэ гъуэгу! Иджы месыр, мамырыгъэ Шыхулъагъуэу дэник1 фыщалъагъур, сэ си хэку». Мыбы образ гъуэзэджэ хэлъщ.
К1ыщокъуэ Алим и зы усэм деж Шыхулъагъуэр символ хьэлэмэт щищ1ащ, абы къихьащ адыгэ мифым хэт зы къэхъукъащ1э; Дунейр псым щызэщ1ищтам, шууей гуэрым шыхэр уафэм дрихьеящ, абы я лъакъуэм къыщ1эхуа хъуаск1эхэр гъуэгу гъэлъагъуэ хъуащ, аращ шыхулъагъуэр къызэрыхъуар. К1ыщокъуэм и усэм хэт л1ыхъужьри хуейщ шым шэсу щ1ыгум Шыхулъагъуэ щыхишыну! А мотивым зыкъомк1э бгъэдохьэр Хьэнфэн Алими, абы етх: Хэку Зауэшхуэм и тек1уэныгъэ гъуэгур Шыхулъагъуэ хъуауэ, абык1э ди хэкур псоми къыщалъагъу. Апхуэдэ образ къэзыгъэщ1ыфынур усак1уэ нэсырщ.
Хьэнфэн Алим фронтым щек1уэк1 зэхэуэ гуащ1эм тепсэлъыхькъым, абы ц1ыху къызэрыгуэк1хэм къакъуэк1а
ц1ыхугъэр япэ ирегъэщыр, егъэлъап1эр, «халат хужь» зыщыгъ бзылъхугъэхэр, Украинэм деж сэлэтхэм къадэ1эпыкъуахэр.
(Украинэм и анэ). И зы усэ гуэрым (Илъэсхэм нэгум щ1амыхыф) Алим щыже1эр «Шужьей зэманым т1эк1у-т1эк1уу гъащ1эр зэры1эщ1ихыр, ауэ зауэм щилъэгъуахэр «нэгум зэрыщ1имыхыфыр», ар «къэетэжурэ гузэвэгъуэу зэри1ыгъыр»: Апхуэдэщ зауэм хэтам я гъащТэр.
Алим и усэхэм я сюжетыр къыхехыр щалъхуа хэкум, къуажэм, къэралышхуэм, адыгэ тхыдэм. Абы ятеухуа усэ зыбжанэ итщ и тхылъ дэтхэнэми, ауэ псом хуэмыдэу а темэр щыпашэщ усак1уэм и иужьрей тхылъ «Усэ къыхэхахэр» (2011) жыхуи1эм [2:211]. Мыбы итщ «Си хэку, си лъэпкъ» цикл ин хъу усэ гуп, «Адыгэ нэмыс» жыхуи1эмк1э къызэ1уихыр; Анэдэлъхубзэ; Си хэку, уэращ си гъащ1эр; Лъэпкъ гимн; Си гъуэгу къащхъуэ; Си щ1ылъэ жэнэт; Гупщысэ уэрэд; Адыгэ хэку ныбжьырей; Ридадэ; Адэжь лъэпкъ; Адыгэл1; Адыгэ пщащэ; Дахэнагъуэ; Хэкум и нэхулъэ; Си хап1э и мэз.
Хьэнфэным нэхъ къехъул1ауэ къэлъытапхъэщ и пейзаж лирикэр. Дунейм, дыкъэзыухъуреихьым, мэзхэм, псыхэм, бгыхэм, гъатхэм, бжьыхьэм я теплъэхэр сурэт щ1ам хуэдэу уи нэгу къыщ1егъэувэр усак1уэм. Абы папщ1э 1эзэу къегъэсэбэпыр зэгъэпщэныгъэ, эпитет, метафорэ щ1эщыгъуэхэр. Абы и усэхэм деж «Гъатхэм и уэрэдыр псыхэм ирахьэх», Хы толъкъунхэр шы гуартэу 1уфэм 1уозэрыгуэ (толъкъунхэр), Гъуэгу лъэтар бгыщхьэм къохутэр (Къущхьэхъум), «Насыпымчэф зрита щ1эблэр» (Л1ыжь 1эпщ1элъапщ1эм), «Гугъуехь мывэ» (Дуней ц1ыхур), «Дыркъуэ гум къинахэр» (Илъэсхэм нэгум щ1амыхыф), «Узэрыщыту уэ ц1ык1ур упоэзиещ» (Поэзие), Къуэмыхьэ дыгъэщ лъагъуныгъэр» (Къуэмыхьэ дыгъэ), «Бгъуэнщ1агъ нэщхъейхэр», н.
Лъагъуэныгъэ лирикэр
щытепщэщ Алим и творчествэм. А темэм теухуа усэ зыбжанэ зэрымыт тхылъ и1экъым Хьэнфэн Алим. «Къиплъэ си гум» тхылъым абы иригъэуващ лъагъуныгъэм теухуа цикл ин. И усэ уэрэд хъуахэми хэтщ лъагъуныгъэ усэ зыбжанэ. Къыжы1эпхъэщ, Хьэнфэн Алим и усэ т1ощ1рэ тхум композиторхэм макъамэ щ1агъэувэри уэрэд хъуахэщ: Си гур хыумыгъэщ1; Лацэ; Адыгэбзэ; Адыгэ намыс;
н. (макъамэр Даур Аслъэн ейщ) уэрэдыр хуабжьу ц1эры1уэ щыхъуащ ди лъэпкъэгъу хэкум щыпсэухэм, хамэкъэралхэм щы1эхэм я деж.
Поэмэ зыбжанэ и 1эдакъэ къыщ1эк1ащ усак1уэм: Къуэш жыжьэ ; Ф1ылъагъуныгъэм
и пшэплъ; н. Ет1уанэрейм къыщыгъэлъэгъуащ иджырей
щ1алэгъуалэм я щы1эк1эр, адрейм (Къуэш жыжьэ) и сюжетыр зытеухуар ди лъэпкъэгъу хамэкъэрал щыпсэухэм я псэук1э хьэлъэрщ. Мы темэр къыхощыр Алим и усэ щхьэхуэхэми.
Сабий литературэм и
гуащ1эшхуэ хилъхьащ Хьэнфэн Алим. Абы итхахэр ц1ык1ухэми инхэми ф1ыуэ ялъагъур нобэр къыздэсым. И 1эдакъэмщ1эк1хэм я 1ыхьэ щанэм нэсыр сабийхэм ятеухуащ: Мей ц1ык1у (Сабий усэхэр, 1960); Мастерица (Урысыбзэк1э, Ставрополь, 1962, Москва, 1962); Пионер сэлам (1962); Балыджэ бзаджэ (1966); Хьэсэн марсым зэрылъэтар (Адыгэбзэк1э, 1964; Урысыбзэк1э 1972); Бгъэ шырымрэ дыгъужьымрэ (1975); Тхьэк1умэк1ыхь шу (1979); Жьы хуабэ ц1ык1у (1986), н.
И 1ыхьэ къару хилъхьащ гушы1эрэ ауанрэ темэм Хьэнфэн А. 1994 гъэм къыдигъэк1а и тхылъ «Хъуэжэ и хъыбарыщ1эхэр» зыф1ищам и закъуэ гушы1э рассказхэу 84-рэ итщ, ахэм я сюжетхэр гъащ1эм къыхэхащ.
Тхак1уэм щ1эщыгъуэу
къегъэлъагъуэр ц1ыхухэм я ныкъусэныгъэхэр, щодэхьэшхыр щхьэхынэхэм, хабзэм
ебакъуэхэм, щэн к1эщ1хэм. (Поэмэ Ф1ылъагъуэныгъэм и пшэплъ). Усак1уэм и поэмэхэм къущыгъэлъэгъуащ иджырей
зэманым и нэщэнэхэр, ц1ыхухэм я хьэлщэныр зэрахъуэжыр.
Хьэнфэн Алим адыгэбзэк1э зэридзэк1ащ СССР-м щыщ тхак1уэ зыбжанэм я 1эдакъэщ1эк1хэр. Критикэм ф1ы дыдэу къилъытащ Соколов-Микитов и рассказ цТэрыТуэ «записки охотника» (1954)
зэрызэридзэк1ар. Апхуэдэхэщ
«Таджик гушы1эхэр» зыф1ища рассказ циклыри (Рассказ т1ощ1ым носыр).
Тхак1уэм и лъэужь хъарзынэ къыхинащ адыгэ лирикэм, сабий литературэм, гушы1э жанрым, очеркым, рассказым. Абы и 1эдакъэщ1эк1хэр ихуахэщ курыт еджап1эхэм хухэха хрестоматиехэм, и тхыгъэ куэд къытехуахэщ урысыбзэк1э зэдзэк1ауэ - «Дружба народов», «Юность», «Звезда», «Нева», «Дон» журналхэм; «Литературная газета», «Известие» газетхэм; томипл1 хъу «60 лет советской поэзии» зыф1аща сборник цикл иным. Фронтым щызэрихьа л1ыгъэм щхьэк1э къыхуагъэфэщащ орденхэу Отечественной войны (I и II степени), Славы 3 степени,
медаль зыбжанэ. И лэжьыгъэм пщ1эшхуэ къыхуищ1ащ къэралым, республикэм: Культурэмк1э
Министерствэм и знак хэха; «Заслуженный деятель культуры Абхазии», «Народный писатель КЧР», «Почетный гражданин г. Черкесска». А псор абы къилэжьащ и гуащ1эдэк1рэ и талантымрэк1э. Хьэнфэн Алим шэрджэс поэзиер лъэгап1эщ1э дришеящ, абы и творчествэм къыщигъэлъэгъуащ зауэ зэманри, совет лъэхъэнэри, иджырей лъэхъэнэр усэбзэ дахэк1э.
Хьэнфэн Алим теухуауэ статья къытрадзахэ газет, журнал зыбжанэм, абы и усэхэр итщ учебникхэм, хрестоматиехэм. Дэри абы и творческэм дытопсэлъэхьыр ди монографиехэм [3:61,67] и [4:57-61].
Примечания:
1. Баков Х.И. Поэтическое своеобразие лирики Бориса Утижева // Вестник Адыгейского государственного университета. Сер.: Филология и искусствоведение. Майкоп, 2016. Вып. 3. С.93.
2. Ханфенов А. Загляни в мое сердце = Хьэнфэн А. Къиплъэ си гумм: стихи. Черкесск, 1982. С.67.
3. Ханфенов А. Избранное = Хьэнфэн А. Усэ къыхэхахэр. Черкесск, 2011. С.211.
4. Баков Х.И. Творческая индивидуальность и эволюция лирики в адыгской поэзии //Национальное своеобразие и творческая индивидуальность в адыгской поэзии. Майкоп, 1994. С.61-67, 146-147.
5. Баков Х.И. Юмор Ханфенова Алима = Хьэнфэн Алим и гушы1эхэр //Баков Х. Адыгэ литературэ = Адыгская литература. Нальчик, 2013. С. 57-61.
References:
1. Bakov Kh.I. Poetic originality of Boris Utizhev's lyrics// Bulletin of the Adyghe State University. Ser.: Philology and the Arts. Maikop, 2016. Iss.3. P. 93.
2. Khanfenov A. Look into my heart. Poems. Cherkessk, 1982. P. 67.
3. Khanfenov A. Selected works. Cherkessk, 2011. P. 211.
4. Bakov Kh.I. Creative individuality and evolution of lyrics in the Adyghe poetry // National identity and creative individuality in the Adyghe poetry. Maikop, 1994. P. 61-67, 146-147.
5. Bakov Kh.I. Humour of Khanfenov Alim //Bakov Kh. Adyghe literature. Nalchik, 2013. P. 57-61.
Статья поступила в редакцию 19.04.21; одобрена после рецензирования 28.05.2021; принята к публикации 30.06.2021.
The paper was submitted 19.04.2021; approved after reviewing 28.05.2021; accepted for publication 30.06.2021.
© Х. И. Баков, 2021
