CC BY
166KICHIK MAKTAB YOSHIDAGI O'QUVCHILAR SHAXSLARARO MUNOSABATLARIDA EMPATIYANI SHAKILLANTIRISH
Yulduzhon Muxiddin qizi Zufarova
Nizomiy nomidagi Toshkent davlat pedagogika unversiteti yulduzkhon1990@mail .ru
ANNOTATSIYA
Ushbu maqolada kichik maktab yosh davri va yoshga doir psixologik xususiyatlar, kichik maktab yoshi shaxslararo munosabatlarida empatiyani shakillantirish va shaxslararo munosabatlarga empatiyani ta'siriy oritib berilgan.
Kalit so'zlar: shaxs, shaxs, kichik maktab yoshi empatiya, emotsiya, ijtimoiy empatiya, muloqot.
FORMATION OF EMPATHY IN INTER-PERSONAL RELATIONSHIPS WITH
PRIMARY SCHOOL STUDENTS
ABSTRACT
This article discusses the psychological characteristics of small school age and age, the formation of empathy in interpersonal relationships in small school age, and the impact of empathy on interpersonal relationships.
Keywords: person, person, small school age empathy, emotion, social empathy, communication.
KIRISH
O'zaro munosabatlarga kirishayotgan tomonlar munosabatdan ko'zlaydigan asosiy maqsadlari - o'zaro til topishish, bir-birini tushunishdir. Bu jarayonning murakkabligi, kerak bo'lsa, "jozibasi", betakrorligi shundaki, o'zaro bir xil til topishish yoki tomonlarning aynan bir xil o'ylashlari va gapirishlari mumkin emas. Agar ana shunday vaziyatni tasavvur qiladigan bo'lsak, bunday muloqot eng samarasiz, eng beta'sir bo'lgan bo'lar edi. Masalan, tasavvur qiling, uzoq vaqt ko'rishmay qolgan do'stingizni ko'rib qoldingiz. Siz undan hol-ahvol so'radingiz, lekin u tashabbusni sizga berib, nimaiki demang, sizni ma'qullab, gapingizni qaytarib turibdi. Bunday muloqot juda bemaza bo'lgan va siz ikkinchi marta o'sha odam bilan iloji boricha rasman salom-alikni bajo keltirib o'tib ketavergan bo'lardingiz. Ya'ni, muloqot faoliyati shunday shart-
sharoit-ki, unda har bir shaxsning individualligi, betakrorligi, bilimlar va tasavvurlarning xilma-xilligi namoyon bo'ladi va shunisi bilan u insoniyatni asrlar davomida o'ziga jalb etadi. Amerikalik olim Uolter Lippman har bir inson qalbining o'ziga xosligi va buning muloqotda namoyon bo'lishiga ishora qilib shunday yozgan edi: "Hamma bir xil fikr yuritgan erda, hech kim ko'p o'ylamaydi", ya'ni, odamlarning muloqotga intilishlarining asosida yotgan birlamchi motiv ham aynan suhbatlar mobaynida turlicha qarashlarga ega bo'lish, o'z fikrlarini takomillashtirishdir.
ADABIYOTLAR TAHLILI VA METODOLOGIYA
Psixologiya ilmiga empatiya terminini birinchi bo'lib E.Titchener kiritgan. Psixologik lug'atda empatiya birovning kechinmalariga kirishish emotsional holatni anglash sifatida talqin qilinadi. Empatiya fenomenini talqin etuvchi yo'nalishlar uning qanchalar ko'p qirraliligini va murakkabligini ko'rsatadi. Empatiya birinchidan idrok etilayotgan odamning kechinmalari ichki olamini modellashtirishga yo'naltirilgan psixik jarayon sifatida tushuniladi. Empatiyaga bo'lgan bunday yondoshuvda uning dinamik protsessual xarakteri e'tirof etiladi. G. Barret-Lennard, V.Aykes psixik jarayon sifatidagi empatiyaga xos 3 ta bosqichlarni farqlagan.
A.P.Sopikov va T.P.Gavrilovalar ham empatik jarayonning bosqichlarini farqlashgan va ularga izoh berishgan. Ularning fikricha:
> Empatiya ob'ektining turfa oshkora o'zgaruvchilarini idrok etish, uning kechinmalari mazmuni va sifatlari to'g'risida ma'lumot olish;
> Ichki loyihada empatiya ob'ektining oshkora va latent faoliyati modelini qurish va o'zining xususiy qadriyatlari va ehtiyojlariga qiyoslash;
> Ikkinchidan, empatiya stimulga nisbatan vujudga kelgan psixik, empatik reaksiya sifatida ko'zdan kechiriladi.
MUHOKAMA VA NATIJALAR
Psixologiya fanida keng ko'lamli, ko'p qirrali, majmuaviy xususiyatga ega bo'lgan kategoriyalardan (kognitiv, konativ, affektiv) biri ekanligidan kelib chiqqan holda, shuningdek, affektiv (emotsional-hissiy) holatlarning bir ko'rinishi (shakli, jarayoni) tariqasida empatiya tushunchasiga, definitsiyasiga yondashiladi. Ko'pincha empatiya (hamdardlik, ichdan his qilishlik) deganda aniq shaxsni boshqa odamlarning emotsional-hissiy holatlarini mazkur davrda anglash (tushunish), ularning ichki va tashqi kechinmalarini (favquloddagi vaziyatini) shaxsan o'zida aks ettirish qobiliyati (uquvchanligi), aynan shu voqelikni o'zida sinab ko'rish tushuniladi. Boshqa odamga
hamdardlik bildirish, hissiyotida namoyon etish, shu vaziyatga bevosita kirish (tushish) ijtimoiy-psixologik nuqtai nazaridan shuni o'zida mujassamlashtiradiki, ko'pincha unga (quvonch yoki iztirob sub'ektiga) rahmi kelish yoki uning xatti-harakatlaridan qoniqish bilan cheklanibgina qolmasdan, balki u bilan shaxs emotsiyasining quvonch, azoblanish, g'azab va boshqa hislarini chuqur iztirob chekish bilan umumiy ruhiy kechinmalar orqali birdamlikni namoyish etishning fenomeni sifatida yakunini topadi. Agar shunga o'xshash emotsional-hissiy holatlar, kechinmalar insonni ruhan qiynoqqa solsa (unga ruhan azob bersa), u holda bizda yoki muayyan shaxsda ulardan (iztiroblardan) forig' bo'lishga yordam beruvchi harakatga (vositaga) nisbatan kuchli ehtiyoj uyg'onadi va u haqiqatga aylana boradi.
Shuni alohida ta'kidlash joizki, psixologiya tarixi fanida empatik alturizm nazariyasi bo'lib, u odam (shaxs) altruizmini iztiroblarining ikkiyoqlamaligini (goho salbiy, goho ijobiy ko'rinishini) aks ettiruvchi terminlar orqali tushuntirib keladi. Mazkur psixologik nazariyaga binoan, biz hamdardlik his-tuyg'usi ro'yobga chiqargan shaxsiy (o'z) iztiroblaridan halos bo'lishga muhtojlik sezgan odamlarga ko'mak (yordam) beramiz. Buning uchun esa trening, maxsus mashg'ulotlar, psixoterapevtik seanslar, psixodrama, artterapiya, psixokorreksiya vositalaridan unumli foydalanish maqsadga muvofiq. Bu o'rinda hamdardlik (qayg'udoshlik), quvonchdoshlik (o'zgalar sevinchi yoki quvonchiga sheriklik), xush kechinma (ijobiy), noxush kechinma (salbiy) kabi psixologik terminlarni tatbiq etish ayni muddaodir.
Bundan tashqari, psixologiya fanida "ijtimoiy empatiya" tushunchasi (so'z birikmasi) ham qo'llanilib kelinadi va u o'ziga xos xususiyatlari, mohiyati, ta'rifi bilan boshqa ko'rinishlardan tafovutlanadi. Bizningcha, ijtimoiy empatiya deganda boshqa odamga emotsional kechinmani namoyon etuvchi ijtimoiy idrokning mexanizmi tushuniladi. Empatiya bir odamning boshqa bir shaxs hamdardligiga aks-sado shaklida ro'yobga chiqishidir. Boshqacha so'z bilan aytganda, emotsional-hissiy ichki aks-sado orqali odamlar boshqalarning ichki holatini bilishga intiladilar. Empatiya tevarak-atrofni shaxs qanday baholayotganini o'zida bevosita aks ettirish (his qilish), unda boshqa inson ichki kechinmasining vujudga kelishi, o'zini (o'zligini) to'g'ri tasavvur qilish ko'nikmasiga asoslanadi.
Empatiyaning ifodalanishi va uning shakllari (his qilish, sezish, hamdardlik, qayg'udoshlik, quvonchga oshnolik, quvonchdoshlik) ko'pincha shaxsning tabiiy (irsiy, genetik) xususiyatlari, jumladan, uning zehniga, iste'dodiga, talantiga, tarbiya (muhit) shart-sharoitlariga, insonning hayot va faoliyatiga, uning emotsional-hissiy tajribasiga
bog'liq. Xuddi shu bois, empatiya o'zaro ta'sir o'tkazish jarayonida muomalada vujudga keladi, kechadi, shakllanadi va rivojlanadi (takomillashadi).
Tinglovchini idrok etish va unga moslashish, empatik tushunish bosqichi, bunda sub'ekt boshqa odamning o'y-fikrlari va hissiyotlariga nisbatan aniq xulosalar chiqaradi.
Ushbu holatni vujudga kelishi to'g'risidagi ekspressiv ma'lumot berish, bunda sub'ekt o'zga birovning kechinmalari xususidagi o'z mulohazalarini ifoda etadi.
Empatik kommunikatsiya bosqichi bunda empatik tushunish dialogik yo'nalishdagi o'zaro muloqot jarayonida shakllanadi va tekshiriladi.
Kichik maktab yoshidagi o'quvchilarning rivojlanishidagi eng muhim vazifalardan biri bu tengdoshlar guruhi bilan ijtimoiy o'zaro ta'sir ko'nikmalarini egallash va do'stlarni orttira olish hisoblanadi. Yangi ijtimoiy vaziyat va yangi xulq-atvor qoidalari shunga olib keladiki, o'qishning birinchi yilida bolalarning konformlik darajasi ortadi.
Bu esa yangi guruhga kirishning qonuniyatli natijasi hisoblanadi. Tengdoshlar bilan muloqot qilish mazkur yoshda muhim rol o'ynaydi. U nafaqat o'z-o'ziga bo'lgan adekvat bahoni beradi, balki bolalarga yangi sharoitlarga ijtimoiylashuviga yordam beradi hamda ularnin go'qishini rag'batlantiradi.
Odatda bolalar simpatiyalarga ko'ra, qandaydir qiziqishlarning umumiyligiga qarab muloqot qila boshlaydilar. Shuningdek, ular yashaydigan turar joy manzili va jins belgilari ham sezilarli ahamiyatga ega. Kichik maktab yoshidagi bolalarning o'zaro munosabatlaridagi o'ziga xos xususiyat shuki, ularning do'stligi odatda tashqi hayotiy shart- sharoitlarga va tasodifiy qiziqishlarning umumiyligiga asoslanadi: masalan, ular bir parta ortida o'tirishadi, yonma-yon yashashadi, o'qish yoki yozishga qiziqishadi. Kichik maktab yoshidagi o'quvchilarning ongi shaxsning biron-bir alohida xislatiga ko'ra do'stlarni tanlay olish darajasiga etmagan bo'ladi. Biroq, umuman olganda 3 -4 sinf bolalari shaxsning, xarakterning u yoki bu xususiyatlarini chuqurroq anglay boshlaydilar. 3- sinfning o'zidayoq bir zarur bo'lib qolganida, o'quvchilarning 75% yaqini o'z tanlovini boshqa bolalardagi ma'lum bir axloqiy xislatlari bilan motivlashadi.
Kichik maktab yoshi - bu bolaning shaxsida yuz beruvchi ijobiy o'zgarishlar va yangiliklar davridir. Shuning uchun ham, mazkur yosh bosqichida har bir bola tomonidan amalga oshiriladigan muvaffaqiyatlar darajasi ancha muhim hisoblanadi. Agarda bola bu davrda yangi qiziqishlarning quvonchini his qilmasa, o'z imkoniyatlari va qobiliyatlarida o'ziga bo'lgan ishonchga ega bo'la olmasa , u holda keyinchalik buni o'z tengdoshlari bilan shaxsiy o'zaro munosabatlar tuzilmasidagi o'rinni to'g'rilash ham qiyin bo'ladi. Bola tomonidan o'zlashtiriladigan va qo'llaniladigan samarali muloqot
vositalari birinchi navbatda atrofdagi insonlarning unga bo'lgan munosabatini belgilaydi. Muloqot ijtimoiy munosabatlarning o'ziga xos maktabi bo'lib boradi. Turli-tuman uslublarini turli xil uslublarini o'rgana boradi.
Har qanday jamoada bo'lgani kabi, o'quvchilar jamoasida ham jamoa a'zolari ob'ektiv ravishda umumiy jamoaviy maqsad, vazifalar, qiziqish va ehtiyojlardan tashqari mavjud shaxsiy qiziqishlari zamirida jamoada norasmiy munosabatlar tizimini vujudga keltiradilar. Guruhdagi norasmiy munosabatlar guruh kayfiyatiga o 'ta kuchli ta'sir ko'rsatuvchi omillardan biridir. Bunday munosabatlarning ta'sir doirasdan ancha kengdir, ularning barqarorligi ham odatda yuqori bo'ladi. Shuning uchun o'qituvchi o'quvchilar jamoasidagi norasmiy munosabatlarni boshqarish muammosiga alohida e'tibor bilan yondashishi kerak.
O'quvchilar jamoasidagi norasmiy munosabatlarni boshqarishda o'qituvchining asosiy vazifasi bu munosabatlarda ahloqiy me'yorlarning buzilishiga yo'l qo'ymaslikdan iborat. O'qituvchi o'quvchilar jamoasidagi norasmiy munosabatlarda hech qaysi o'quvchining huquqlari kamsitilmasligiga, jamoaning boshqa a'zolari tomonidan qo'pol hazil nishoniga aylantirilmasligiga e'tiborli bo'lmog'i kerak.
Jamoadagi, shu jumladan o'quvchilar jamoasidagi shaxslararo munosabatlar uchun xos bo'lgan ijtimoiy-psixologik hodisalardan biri nizoli vaziyatlardir. Jamoada turlicha nuqtai - nazarga, ideallarga, ehtiyojlarga ega bo'lgan insonlar bor ekan, bu erda nizoli vaziyatlarning vujudga kelishita biiydir. Albatta, o'qituvchi o'quvchilar jamoasidgi ijobiy ijtimoiy - psixologik muhitni saqlab turish uchun bu erda yuzaga keladigan nizoli vaziyatlarni o'z vaqtida bartaraf etishi lozim bo'ladi.
XULOSA
Shunday qilib, empatiya juda murakkab va ko'p qirrali tushuncha bo'lib, juda chuqur qayg'urishni belgilaydi. Empatiya etakchi ijtimoiy tuyg'u bo'lib, individning boshqa odamlar kechinmalariga emotsional javob bera olish qobiliyati sifatida ko'riladi. U boshqa odamni sub'ektiv qabul qilish, uning kechinmalarini, xayollari va tuyg'ularini tushunishni o'zichiga oladi.
Shunga muvofiq, quyidagi xulosalarni keltrib o'tish maqsadga muvofiq:
-shaxsda empatiyaning namoyon bo'lishida atrofdagi insonlar jamoasi muhim ro'l o'ynashi mumkin;
-empatiya insonlarning bir-birini tushunishi va qo'llab-quvvatlashi natijasida yuzaga kelishi kuzatiladi;
-kichik maktab yoshidagi o'quvchilarning ta'limiy faoliyatiarming negizida empatiya hissi qaror topishi mumkin;
-kichik maktab yoshidagi o'quvchilarda jamoa munosabatlarini qaror topishi ularda empatiyaning kuchayishiga olib kelishi ehtimol.
REFERENCES
1. Мясищев В.Н. Психология отношений: Избр. психол. труды. Воронеж, 2005.
2. Немов Р.С. Психология. В 3-х томах. Т.2. -М.: Гуманит. изд. центр ВЛАДОС. 2000г.
3. Коломинский, Я.Л. Социальная психология школьного класса: научно-метод. Пособие для педагогов и психологов / Я.Л. Коломинский. - Минск: ООО «ФУА информ», 2003
4. https://uz.unistica.com/psixologiyada-empatiya-va-uni-qanday-rivoilantirish-mumkin/
5. https://rf-gk.ru/uz/vidy-empatii-v-psihologii-urovni-empatii/
6. Umarova, N. (2020). The Theoretical And Practical Model Of Making A Person Socializing Economically. The American Journal of Social Science and Education Innovations, 2(08), 62-68.
7. Хдйитов, О., & Умарова, Н. (2001). Ёшларда профессионал усишга интилишни ривожлантиришнинг назарий-амалий асослари (шажаралар негизи мисолида). T.:"TURON-IQBOL, 187.
