CC BY
83
НАУЧНЫЙ ВЕСТНИК КРЫМА, 1(1) 2016 УДК 811.512.145. (477.75) 15
Меметова Эдие Шевкетовна - заведующая кафедрой крымскотатарской филологии Таврической академии (структурное подразделение) КФУ имени В.И.Вернадского, к.филол.н., доцент e-mail: [email protected]
ЗЕМАНЕВИЙ КЪЫРЫМТАТАР ТИЛИНДЕ ЛЕКСИК ЭКСПРЕССИВЛИГИНИНЪ МЕСЕЛЕСИНЕ ДАИР
К ВОПРОСУ ЛЕКСИЧЕСКОЙ ЭКСПРЕССИВНОСТИ В СОВРЕМЕННОМ
КРЫМСКОТАТАРСКОМ ЯЗЫКЕ
Аннотация: в данной статье исследованы типы лексической экспрессивности в современном крымскотатарском литературном языке. Принимая во внимание определенную изученность общих проблем крымскотатарской стилистики, следует отметить недостаточно глубокое рассмотрение проблемы лексической экспрессивности, чем и обусловливается актуальность данного исследования. Целью явилось исследование типов лексической экспрессивности в крымскотатарском языке. Согласно поставленной цели были определены следующие задачи: определить типы лексической экспрессивности; описать адгерентную экспрессивность, то есть экспрессивность обусловленная контекстом; описать ингерентную экспрессивность, то есть лексемы, экспрессивность которых не зависит от условий функционирования, связи с ситуацией, контекстом. Рассмотрена семантика экспрессивного слова с двух основных взглядов -ономасиологического и семасиологического. С точки зрения ономасиологического аспекта выделены четыре компонента: номинатор, номинант, номинат, слушатель. Рассмотрены примеры экспрессивной лексики,
НАУЧНЫЙ ВЕСТНИК КРЫМА, 1(1) 2016 являющиеся народными символами крымских татар, такие как: полынь, базилик и т.д.
Ключевые слова: экспрессивность, лексика, крымскотатарский язык, экспрессивное слово.
Memetova Edie Shevketovna - Head of the Crimean Tatar linguistics Tauride National VI Vernadsky University, Candidate of Philology., Associate Professor
e-mail: [email protected]
TYPES OF LEXICAL EXPRESSIVE MODERN CRIMEAN TATAR LITERARY LANGUAGE
In this article the types of lexical expressive modern Crimean Tatar literary language. Investigated: adgerentnaya expressiveness, that is due to the context; ingerentnaya expressiveness, ie tokens, expressiveness which is independent of the operating environment, the situation, the context. Semantics, expressive words with two main views - and onomasiological semasiological.
Keywords: expressiveness, vocabulary, the Crimean Tatar language, expressive word.
Ильмий ишимизнинъ актуаллиги. Къырымтатар тильшынаслыгъында лексика тафсилятлы шекильде огренильсе де [7], лексик экспрессивлиги меселесининъ терен олмагъан огренильмеси [8], мевзумызнынъ актуаллигини акс эттире.
Проблеманынъ огренюв дереджеси. Козьден кечирген тедкъикъатларымызгъа коре лексик экспрессивлигининъ чешитлиги чокъусынен славян тильшынаслыгъында огренильгендир [3; 6; 9; 10; 11]. Экспрессивлик меселеси эмоционаллик меселесине якъындан-якъын тургъан бир проблемдир, шу джеэттен, лексикологиянынъ бир пытагъы олгъан, яни
НАУЧНЫЙ ВЕСТНИК КРЫМА, 1(1) 2016 фразеологиянынъ эмоционаллигине багъышлангъан ишни тюркий менбаларда да къайд этмек мумкюн [15].
Ишимизнинъ макъсады - земаневий къырымтатар тилинде лексик экспрессивлигининъ чешитлерининъ огренильмесидир.
Макъсаткъа коре бойле вазифелер къоюлды:
1. Лексик экспрессивлигининъ чешитлерини айырмакъ.
2. Адгерент экспрессивлигини огренмек.
3. Ингерент экспрессивлигини огренмек.
4. Ономасиологик ве семасиологик джеэтлеринден экспрессив сёзни огренмек.
Тедкъикъатнынъ предмети: къырымтатар тили лексикасы.
Тедкъикъатнынъ объекти: къырымтатар лексикасынынъ экспрессив
къатламы.
Методологик эсас: талиль экспрессив лексиканынъ чешитлери огренильмесининъ нетиджелерине эсаслана.
Битараф лексика фондуна кирген бирлемлер, тюрлю алларда сербест къулланмалары мумкюн. Битараф лексика, адет узьре, номинатив вазифе беджере, мананынъ денотатив-сигнификатив макрокомпонети узеринде классификация япылмалары мумкюн, ве тек махсус алынгъан контекстлерде озь статусларыны денъиштирмелери мумкюн, экспрессив ренкли олмалары мумкюн, яни, битараф лексикагъа кьарама-кьаршы чыкъмалары мумкюн. «Бойле экспрессивлик адгерент сайылыр, яни контекст иле шарт къоюлгъан. Адгерент экспрессивлигине лексик системанынъ аман-аман эр бир бирлеми наиль олмакъ мумкюн» [3, 76с.]. Лякин къырымтатар тилинде лексемаларынынъ бир группасы бар ки, оларнынъ экспрессивлиги не вазиетке, не контекстке багълыдыр. Бойле лексемалар системлы-экспрессив сайылырлар, оларнынъ экспрессивлиги исе - ингерент, ичкидир.
Экспрессив сёзюнинъ семантикасы, адет узьре, эки эсас бакъыштан тедкъикъ этилир - ономасиологик ве семасиологик. Биринджиси экспрессивликни денотат (референт) джеэтинден огрене. Экинджиси лексик
НАУЧНЫЙ ВЕСТНИК КРЫМА, 1(1) 2016 семантикасынынъ аспекти оларакъ огрениле, яни экспрессивлик бельги тарафындан, яни экспрессив адларынынъ семантик хусусиетлеринден огрениле. Бойледже, ономасиологик янашув семасиологик чешитине тадкъикъ этильмесининиъ ёнелишине коре къарама-къаршы къоюлмасы мумкюн: объект я да адиседен башлап олар акъкъында кельген фикиргедже ве оларнынъ тиль васталарынен адландырылмасынадже [5, 345с.].
Сёзнинъ экспрессивлиги ономасиологик аспектке адлав (номинация) объектинен багълы, ве 4 компоненттен ибарет: 1) номинатор (ад берген субъект), 2) номинант (ад), 3) номинат (ад алгъан объект), 4) динълейиджи (ве сёйлешюв шараитлери) [13, 241-242 с.]. Эгер экспрессив сёзнинъ манасыны эки джеэттен талиль этсенъ (ономасиологик ве семасиологик), о заман экспрессив адлавнынъ вазифесини ве лексик экспрессивлигининъ механизмлерини де козьге алмакъ керек, деп сая Н.И. Бойко. [3, 77 с.]. Экспрессив номинациянынъ тюшюнджеси кенъ аспект джеэтинден огрениле, мында адам анининъ акс-седасы да муимдир.
Экспрессив лексиканынъ функциональ муимлиги тильнинъ экспрессив вазифесине багълыдыр, бу вазифе исе деерлик эр анги нутукъта коммуникатив вазифесинен бераберликте кельмекте [5, 564-565 с.]. «Экспрессив вазифе» деген термини эм тар манада (сёйлейиджи интенцияларынынъ ифаде этильмеси), эм де кенъ манада (эр бир фикирнинъ ифаде этюв вастасы) къулланылмасы мумкюн олгъаныны къайд этмек керек [1, 40 с.].
Р. Якобсон нутукъ коммуникациясынынъ алты факторыны айырып (адресант, контекст, бильдирильме, контакт, код, адресат), эр бирине озь хусусий вазифе ляйыкъ деп сая, ве биринджи оларакъ, экспрессив вазифе айырыла, чюнки о «догърудан-догъру адресаткъа багълы» [14, 198 с.]. В.А. Аврорин экспрессив вазифени коммуникатив вазифе иле якъынлаштыра, оларны «бир медальнинъ эки тарафы» деп огрене, эм де экспрессив вазифени, фикири ифаде этильмесини теминлеген вазифе деп сая [1, 36-38 с.]. Бойледже, къайд этильген экспрессив вазифе лингвистлер джеэтинден тиль-система
НАУЧНЫЙ ВЕСТНИК КРЫМА, 1(1) 2016 (коммуникатив вазифесинен бирликте) ичюн темель къойгъан, эстетик ве поэтик вазифелеринен багълы олгъан вазифе деп сайылыр.
Экспрессив вазифе, коммуникатив вазифе киби, ялынъыз тиль системасына дегиль, айры бирлемге, мисаль оларакъ, адлав бирлемине аиттир.
Чокъусы лингвистлернинъ эсерлеринде экспрессив вазифе адамнынъ эмотив-рухий арекети саасынен багълы олып, тиль ве нутукънынъ эмоция, дуйгъу, аффект алыны ифаде этюв къабилиети оларакъ къайд этилир [2; 4; 11]. Чокъусы алларда экспрессив вазифени эмотив вазифесине тенъ къоялар [6, 38 с.].
Экспрессив лексемалар энъ эвеля конкрет референтнинъ хусусиетини айырып ифаде этелер. Яни систем экспрессивлигине саип олгъан сёзлер, номинатив вазифесинден гъайры, озюнинъ - экспрессив вазифесини къулланалар. Экспрессивлер муйаен адиселерни ве нутукъ субъектининъ интенцияларынынъ дуйгъу гаммасыны ифаде этмек кереклер, меселя: дильбаз, олмайджакъ, таз; кочьме манада: меляаке, эзме, маясыл, копек (адам акъкъында).
Лексик бирлемлерининъ къайд этильген экспрессив вазифеси номинатив ве башкъа вазифелернен насылдыр мунасебетлерге кирмеси мумкюн дегиль, чюнки, оларнынъ иерархик системасы муим ве муим олмакъ «алчакъ» чешитлерине болюнмесини козьде тутмай. Эр бир вазифе башкъа вазифелернен къарама-къаршы фаалиеттедир.
Бойледже, экспрессив сёз эки эсас вазифени бирлештире - экспрессив ве номинатив, лякин номинатив вазифе экспрессив лексемаларынынъ специфик чизгилеринен айырылып турмакъта.
Экспрессив номинациялар арасында тиль ве нутукъ ченшитлери айырыла. Оларнынъ фаркъы номинатнынъ табиатына багълыдыр, бу адлав (номинат) умумий тюшюндже (сигнификат) ве конкрет бир объект (референт) иле нисбетлештириле. Экспрессив номинациияда къайд этильген референтлернинъ сынъырлары артыкъ кенълеше: айны номинант бир къач номинант иле нисбетлештирильмеси мумкюн, бу ал исе экспрессив лексик
НАУЧНЫЙ ВЕСТНИК КРЫМА, 1(1) 2016 бирлемлерининъ. Тенъештиринъиз: бир айырыджы ве бир сыра айырылгъан сёзлер - джады - 1) хыянет, 2) ярамаз, 3) киндар, 4) къара юрекли, 5) аджджы в.и. ве, аксине, бир айырылгъан сёз ве бир сыра айырыджылар: будала -тентек, дели, эшек, ахмакъ, зевзек. Джады экспрессиви къайд этильген предикатлардан эр бирини денъиштирмеси мумкюн, онынъ экспрессив манасы сёйлейиджилер тарафындан менфий (гъает сийрек алда - мусбет) эмотив-къыймет кесюв семалар ярдымынен къабул этиле: обюр в.и.
Тиль экспрессив номинацияларда номинант ве номинат арасындаки багъ къавийдир. Номинант, тиль бирлеми оларакъ, озь инвариант (умумийлештирильген) манагъа саип, бу мана айры вариант сыфатында чыкъмасы мумкю. Меселя, баш сёзюнинъ инвариант маналары чокъсайылы вариантларда чыкъмасы мумкюн, бу исе, озь невбетте, экспрессив сёзюнинъ семантик потенциалынынъ кучюни тасвирлей.
Экспрессив сёзюнинъ семантикасы модуль оларакъ огрениле, онынъ теркибинде макрокомпонентлер, компонентлер ве микрокомпонентлер айырыла.
Экспрессивликнинъ тюрлю концепцияларынынъ муэллифлери арасында экспрессив лексик бирлемининъ семантик къурулышына кирген макрокомпонентлернинъ микъдар ве кейфиет теркибине олгъан фикирлеринде бирлик ёкъ. В.Н. Телия алты макрокомпонент айыра - грамматик, денотатив, къыймет кесюв, мотивацион, эмотив ве услюбий [10, 40-41 с.], Н.А. Лукьянова эки - денотатив-сигнификатив ве коннотатив [6, 76 с.], В.И. Шаховский - учь: мантыкъ-предмет, эмотив ве функциональ-услюбий [11, 21 с.]
Д.Н. Шмелев «адисенинъ озюни аныкъ акс этип ифаделеген экспрессив элементлерини» (меселя, кибирлик, чакъув, зайыф в.б. ), «лексик мана»гъа кирсете [12, 252 с.]. Онынъ фикирине коре, экспрессив-услюбий ренк - бу сёзнинъ ренки олмайып, шу сёзнинъ манасына багълы олгъан къабул этювдир.
Контексттен тыш насылдыр услюбий тасавур догъурмакъ къабилиети, олюм, мезарлыкъ, сёзлерини услюбий ренкли сёзлер сырасына кирсетмеге ёл ача.
НАУЧНЫЙ ВЕСТНИК КРЫМА, 1(1) 2016
Грамматик ве денотатив-сигнификатив макрокомпонентлер эр бир толуманалы сёзнинъ семантик къурулышы ичюн меджбурий олурлар, олар бири-биринен багълы компонентлерининъ (семалар) системасыны теркип этелер - категориаль, лексик-грамматик ве лексик. Бутюн башкъа макрокомпонентлер факультатив статусына саиплер.
Экспрессив сёзюнинъ семантикасынынъ талили кетишатында, эр бир макрокомпонентнинъ ролюни ве ерини тайинлемек муимдир, чюнки, шу макрокомпонет лексик экспрессивлигининъ айры чешитининъ темели ве менбасыдыр.
Экспрессив сёзюнинъ семантикасындаки денотатив макрокомпоненти эм орта-эсас ерни, эм четтеки ерни алмакъ мумкюн. Денотатив-коннотатив чешити олгъан экспрессив лексемаларгъа хусусий (онынъ ичюн экспрессив) денотатларны бельгилеген, миллий сёз-темсиллер де кире. Тюрлю сёз чешитлери (типлери) маналарынынъ миллий-медений спецификасы оларнынъ статусына багълыдыр, шунынъ ичюн олар юксек дуйгъуларны ве мусбет эмоцияларны мейдангъа кетирелер. Меселя, «фесильген» лексемасы, лугъатта къайд этильген манасындан гъайры, миллий мундериджеге де саиптир -тувгъан ер, эвнинъ къокъусы, дуа темсили, несиль арды-сыралыгъынынъ бельгиси. Емшан оту, пейгъамбер дёгмеси, ляле, сельбилер; къартал, къарылгъач, акъкъуш, бульбуль киби сёзлер дюньянынъ айры фрагментлерини дегиль де, миллий-медений теджрибе чемберинден кечирильген адиселерни де акс этелер.
Денотатив-коннотатив экспрессивлигининъ менбасы оларакъ конфессия манасына саип олгъан, денотатив макрокомпонентнинъ спецификасы чыкъа. Денотатларнынъ озьлери юксек дуйгъу кергинлигининъ стимуллары олгъан адисе, джерьянлардыр: Къоран, Хадислер, джами, къурбан в.и. Диний дюньянынъ манзарасында материаль джеэттен ифаделенмеген, предмет олмагъан денотатлар да олмакъ мумкюн, меселя, АЛЛА, РАББИ в.и. Бойле чешиттеки лексемалар позитив тюс иле бельгиленгендир, олар джан
НАУЧНЫЙ ВЕСТНИК КРЫМА, 1(1) 2016 къасеветине, хусусий эмоциональ алларгъа чагъыралар, бу исе, озь невбетте, оларны тильнинъ экспрессив фондуна кирсетильмеси ичюн себептир.
Экспрессивликнинъ денотатив-коннотатив чешити эфсане лексикасы ичюн де аиттир: аждерха, дев, сув анасы, джады. Бойледже, экспрессивликнинъ биринджи чешити - бу денотатнынъ сёйлейиджиде мусбет/менфий мунасебетини мейдангъа кетирмек, онынъ эмоциональ-къыймет кесюв хулясаларгъа кельмесине темель къоймакъ, имкяныдыр.
Лексик экспрессивлигининъ экинджи чешити, экспрессивлик эмоциональ-экспрессив къыймет кесювге багълы олгъан сёзлер иле ифаделене. Экспрессив-коннотативлернинъ манасы да денотатив ве коннотатив маналарыны бирлештире, лякин эсас вазифе коннотациягъа тюше. Чюнки коннотация субъектнинъ объектке олгъан къыймет кесювининъ эмоциональ мунасебетини акс эттире: адам акъкъында - къозучыгъым, тосунчыгъым, эшек, мал, хынзыр. Экспрессивликнинъ коннотатив чешитине аит олгъан лексемалар энъ эвеля сёйлейиджининъ къыймет кесюв предметине олгъан субъектив мусбет/менфий мунасебети акъкъында хабер бере. Мында коннотациягъа мусбет къыймет кесюв (мелиоратив) ве менфий къыймет кесюв (пейоратив) кирмектелер, биринджилери - охшав, айранлыкъ, макътавны ифаде этелер; экинджилери исе - къабалыкъны, нефрет, алгъышсызлыкъны ифаде этелер.
Экспрессия - махсус япылгъан нутукъ эффектидир, лексик бирлемининъ хусусий ситуатив-контекстуаль статусыдыр.
Публицистик услюбинде, бедий жанрларда, лакъырды тильде къулланылгъан терминлер де экспрессив ренклидир. Бедий метинлерде экспрессиянынъ васталары вазифесинде шиве лексикасы чыкъа. Юксек экспрессия къайд этильген лексемаларынынъ битараф, китабий-терминологик, ресмий-иш, публицистик, халкъ агъыз яратыджылыгъы, поэтик ве иляхре лексемаларынынъ контрастынен теминлене.
Экспрессиянынъ хусусий чизгиси - бу онынъ тышкъы табиаты, бу сёзнинъ лексик манасына аит олгъан хусусий вакътынджа ренки, онынъ
НАУЧНЫЙ ВЕСТНИК КРЫМА, 1(1) 2016 къошма малюматы, бу исе, реципиентке тесир этип олгъан, хусусий сёз къулланувынынъ нетиджесидир [9, 8 с.].
Экспрессивлик семантик (ички) категориядыр, экспрессия исе -функциональ (тышкъы) адисе, функциональ адисе исе услюбий категорияларгъа кире.
Нетидже. Экспрессив лексика - бу тиль ве нутукътаки специфик адиседир. Оны ялынъыз эмоция ве дуйгъуларны адландыргъан лексикасынен (севги, беля, къоркъу, нефрет) къарыштырмагъа керекмей. Бойле лексик бирлемлер тек номинатив вазифе беджерелер.
Лексик экспрессивлик - бу тиль ве нутукъта акс олунгъан адам факторыдыр, тильнинъ экспрессив вазифесининъ муайен къошма махсулы, бу дюнья манзарасынынъ эр бир фрагментине экспрессив ренкини къошмакъ ичюн олгъан универсал категориядыр.
Тедкъикъатнынъ перспективалары. Огренип чыкъкъан меселелеримиз, яни лексик экспрессивлигининъ чешитлери, илериде услюбиет фенинен терендже огърашмагъа ярдым этип, изаат лугъаты тизильмесине буюк ярдымджы малюмат оларакъ къулланылмасы мумкюн.
Список литературы:
1. Аврорин В.А. Проблемы изучения функциональной стороны языка/В.А.Аврорин. - Л.: Наука, 1975. - 276с.
2. Ахманова О.С. Словарь лингвистических терминов/О.С.Ахманова. - М.: Изд-во «Сов. энциклопедия». - 1966. - 607 с.
3. Бойко Н.1. Украшська експресивна лексика в словнику, мовi та мовленш: Навчальний по^бник для студенлв фiлологiчних спецiальностей/ Н.1. Бойко. - Нiжин: Редакцiйно-видавничий вщдш НДПУ iм. М.Гоголя, 2002. -217 с.
4. Леонтьев А.А. Общественные функции языка и его функциональные эквиваленты /А.А.Леонтьев// Язык и общество. - М.:Наука, 1968. - С. 99-110
НАУЧНЫЙ ВЕСТНИК КРЫМА, 1(1) 2016
5. Лингвистический энциклопедический словарь. - М.:Сов. энциклопедия, 1990. - 685 с.
6. Лукъянова Н.А. Экспрессивная лексика разговорного употребления/Н.А.Лукьянова. - Новосибирск: Наука, 1986. - 230 с.
7. Меметов А. Лексикология крымскотатарского языка/А.Меметов. -Симферополь: Крымучпедгиз, 2000. - 288 с.
8. Меметова Э.Ш. Основы стилистики и культуры речи / Э.Ш. Меметова. - Симферополь: Тезис, 2014. - 224 с.
9. Телия В.Н. Коннотативный аспект семантики номинативных единиц/В.Н.Телия. - М.: Наука, 1986. - 143 с.
10. Телия В.Н. Механизмы экспрессивной окраски языковых единиц // Человеческий фактор в языке: Языковые механизмы экспрессивности/В.Н.Телия. - М.: Наука, 1991. - С.36-66.
11. Шаховский В.И. Типы значений эмотивной лексики /В.И.Шаховский// Вопросы языкознания. - 1994. - №1. - С.20-25.
12. Шмелев ДН. Русский язык в его функциональных разновидностях/Д.Н.Шмелев. - М.: Наука, 1977. - 272с.
13. Языковая номинация: Общие вопросы. - М.:Наука, 1977. - 359с.
14. Якобсон Р. Лингвистика и поэтика/Р.Якобсон// Структурализм: «за» и «против». - М.: Прогресс, 1975. - С. 193-230.
15. http://www. science-education.ru/ru/article/view?id=21816
Поступила в редакцию: 2016-02-16
