Из истории крымскотатарского радиовещания Текст научной статьи по специальности «История и археология»

С.Э. Бекиров. E-Mail: niikipu@mail.ru

Къырымтатар радиояйынлар муарриетининъ мейдангъа келюви

УДК: 811.512.19

Бекиров Сервер Энверович.

Из истории крымскотатарского радиовещания

В статье рассматриваются исторические предпосылки возникновения радио, в том числе и крымского радио.

Днём радио принято называть 7 мая 1905 года, но первые же радиопередачи были организованы из Нижегородской радио лаборатории только через 14 лет, а днём крымского радио можно считать 1 мая 1930 года, когда транслировался парад симферопольских трудящихся. До войны на крымском радио работало около 200 сотрудников. Вещание в основном велось на русском и крымскотатарском языках. Во время Великой Отечественной войны передачи для крымчан велись из Всесоюзного радио, где также существовала крымскотатарская редакция, которую возглавлял известный крымскотатарский писатель Юсуф Болат.

Ключевые слова: радио, вещание, солист, хор, радиоточка, репродуктор, режиссёр, радиоверсия.

Bekirov Server Enverovich.

From the history of the Crimean Tatar radio broadcasting

The article examines the historical background for the emergence of radio, including the Crimean radio.

It is customary to call radio day May 7, 1905, but the very first radio broadcasts were organized from the Nizhny Novgorod radio laboratory only 14 years later, and the Crimean radio day can be considered May 1, 1930, when the parade of Simferopol workers was broadcast. Before the war, about 200 employees worked on the Crimean radio. Broadcasting was carried out mainly in Russian and Crimean Tatar languages.During the Great Patriotic War, programs for Crimeans were broadcast from the All-Union Radio, where the Crimean Tatar editorial office headed by the famous Crimean Tatar writer Yusuf Bolat also existed.

Keywords: radio, broadcasting, soloist, choir, radio point, loudspeaker, director, radio version.

Совет Русиесинде биринджи радио-эшиттирюв яйынлары 1919 сенеси Ниже-город радиолабораториясындан, 1920 сенесинден исе Москва, Къазан ве дигер шеэрлернинъ теджрибе радиоэшиттирюв станцияларындан алынып барылды.

1920 сенеси ВЦИКнинъ «РСФСРде радиотелеграф ишлерини тешкилятлан-дырув акъкъында» къарары чыкъты, онынъ нетиджесинде радиостанциялар къуруджы-лыгъы акъкъында къарар къабул этильди, ве шу йылы да Шаболовка сокъагъында, шу вакъытта мемлекетте энъ къоджаман къуруджылыкънынъ ишлерине екюн чекильди.

1921 сенеси январь 27-де РСФСРнинъ

халкъ комиссарлары шурасы къабул эткен «Радиотелефон къуруджылыгъы акъкъында» Декретте джумледен бойле дениле: «...Почта ве телеграф Халкъ Комиссари-атына Москвада ве Джумхуриетнинъ зияде эмиетли пунктларында радиодонат-малар ерлештирильмеси авале этильсин» [Бекиров 2020].

Тамам шу вакъытта кутьлевий аудиториягъа къарарлаштырылгъан биринджи Телли кениш эшиттириджи радиотелефон яйынлары пейда олып башладылар

1921 сенесининъ баарине барып Къазан радиошекиллендирюв базасынынъ (арсенал чешитиндеки арбий-техникий база) муэндислери къуветлештириджи иджат

эттилер, онынъ ярдымынен граммофон борусына бенъзеген сес къуветлештири-джи боразан вастасынен телефондаки лакъырдыны къычыртып трансляция япмакъ мумкюн эди. Майыс 1-де бунъа ошагъан сес къуветлештириджи бора-занлар Къазан шеэрининъ эки мейданында донатылып, олардан газета макъале-лерининъ метинлерини берип башладылар.

Майыс 28-ден июнь 1-ге къадар къычырып лакъырды эткен радиотелефон донатмасы Москвада сынавлардан кечти: Моссовет бинасынынъ балконында сес къуветлештириджи боразанлар ерлешти-рильген эди. Бундан сонъ репродукторлар Москва шеэрининъ алты мейданында ерлештирильди ве июнь 17-де Меркезий радиотелефон станциясында донатылгъан студиядан яйынлар эшиттирилип башл-анды. Оларнынъ мундериджесини сесли радиогазета - РОСТАнынъ телеграм-малары, газета материаллары, бунынъ киби де яйынлар ичюн махсус азырлангъан лекциялар ве докладлар тешкиль эте эдилер. Июнь 22-ден исе яйынлар регуляр тарзда ве эр кунь чыкъып башлады (саат 21-ден - 23-ке къадар, истисна тек булутлы ве ягъмурлы куньлер эди).

Бу кунни регуляр кутьлевий телли эшиттирювлернинъ башланылувы, деп саймакъ мумкюн.

Шу 1921 сененинъ сентябрь 25-инде Москванынъ Вознесенский сокъагъында (шимди Радио сокъагъы) 12 кВт кудре-тинде лампалы радиотаркъатыджы Ниже-город лабораториясында азырлангъан Русиеде биринджи Меркезий радиотелефон станциясынынъ къуруджылыгъы башланды.

1922 сенеси февраль 14-те Москвада, Шаболовкада мемлекетте энъ юксек 160 метрлик ажур бутюнлей маден кулленинъ къуруджылыгъы екюнленди. Март 19-да исе куллеге радиоэшиттирюв таркъаты-джыларны ерлештирдилер. Къудрети 100 кВт-ны тешкиль этип, узакълыгъы 10.000 километрге бара эди. О заман бу Париж, Нью-Йорк ве Берлин радиостанцияларын-дан къуветли эди.

1925 сенеси ноябрь 7-де Къызыл мейдандан байрам парады акъкъында биринджи джанлы репортаж отькерильди.

1925-1927 сенелери радиостанциялар Минск, Баку, Харьков, Ленинград, Киев,

Тбилиси ве диген шеэрлерде де ишке тюшюрильди.

1927 сенеси февраль 11-де исе Озьбекистаннынъ пайтахты Ташкенте кениш яйынлайыджы радиостанциянынъ тантаналы ачылувы олып кече. (1977 сенеси Озьбекистанда Радионынъ 50 йыллыкъ юбилейи къайд этильгенде Таш-кентте мусафирликте СССР телевидение ве радио комитетининъ реиси Сергей Лапин ве мешур диктор Юрий Левитан булунгъан эдилер.

1930 сенесининъ майыс бирде исе бир байрам даа къошулды. (1931 сенеси сентябрь 10-да СССР НКПТнинъ черчивесинде радиоэшиттирювлер боюн-джа Бутюнсоюз комитети мейдангъа кетирильген эди. Лякин радиоэшиттирюв-лернинъ мундериджеси денъишмеген эди, мундеридже эвелькиси киби газетала-рнынъ радиоверсияларындан ибарет эди) [Бекиров (Ь), 2020]. Бу Къырымда отькерильген биринджи радиояйын эди. Лякин мунтазам суретте Къырым радиосы, бир айдан сонъ - июнь айындан чалышып башлады. Биринджи вакъытлары Къырымда рус ве къырымтатар тилинде чыкъкъан «Ленинский путь» ве «Ленин ёлу» газеталарынынъ материаллары сеслендириле эди. Чокъкъа бармадан, идиш тилинде чыкъкъан «Эмес» («Акъикъат») газетасынынъ обзоры да къошулды. Радио хадимлерине «Янъы дюнья» газетасындан Амет Озенбашлы ве Исмаиль Али ярдым эте эдилер. Олар озь неширинден янъылыкълар окъуй эдилер.

Сонъундан бу ишке Эсире Шемьи-заде, Ильяс Бахшыш, Фатма Аметова ве Амет Мефаев къошулдылар. Солист Эльмаз Алиева йырларымызнынъ иджрасынен мешгъуль эди, Эннан Керменчикли онъа зиль тута эди.

Радиокомитетнинъ эркяны кунь-куньден кенишлегенине бакъмадан, ресмий оларакъ солист вазифесинде чалышкъан Эльмаз Алиева 1932 сенеси иш ерини денъиштире. О вакъыт радиокомитетнинъ реиси Суфьян Бекиров эди.

Сабрие Эреджепованынъ иджрасындаки йырлар шу вакъыттан башлап, ватандашла-рымызнынъ къальплерини эсир этип кельди. Сонъундан кельген Алиме Сулейманова, Муневер Алиева, Зейнеп

Люманова, Эдие Топчи, Мемет Абселямов ве дигерлери мумтаз иджраджылыкълары-нен халкъымызны рухландырып, яшайыш-ларыны енгиллештирип бардылар.

Бираз сонъра комитетнинъ узурында 60 иджраджыдан ибарет хор мейдангъа кетириле.

Бойледже къырымтатар музыка медени-ети кенишлеп башлай. Бунынъ себепчи-лери, эльбетте, Яя Шерфединов, Ильяс Бахшиш, Абибулла Каври, Рустем Амзаев ве дигерлерининъ кунь-куньден япкъан ынтылувлары эди.

Афтада бир кунь радиодинълейи-джилерни Багъчасарай чалгъыджылары да къувандыра эдилер. Бу — кеманеджи Аппаз уста ве онынъ чалгъы такъымы — кларнетчи Исмаил Месджит, Сулейман Мемиш, трубаджы Ахтем ве диг. эдилер. Къырым радиосынынъ биринджи режиссёры драматург ве актёр Гъани Мурад эди [Бекиров, 2019].

Москвадан исе «Сонъки хаберлер» ве концертлер ретрансляция этиле эдилер. Къырымтатарларнынъ анъламасы ичюн 1936 сенеси 17 рус йыры терджиме этильген эди.

Радиодан Асан Рефатовнынъ «Той девам эте» музыкалы комедиясынынъ монтажы бериле. Яйынланмакъ ичюн бестекяр Асан Рефатовнынъ «Арзы къыз» операсы ве Яя Шерфединовнынъ «Ишле-меген тишлемез» музыкалы комедиясы азырланалар. О вакъыт музыка муаррири вазифесинде Асан Рефатовнынъ агъасы Решат Рефатов чалыша эди.

Балалар ичюн яйынлар рус ве къырымтатар тиллеринде алынып барыла эди. Рус, къырымтатар ве эрмени балаларнынъ ана тиллеринде чыкъышлары тешкиль этиле эдилер.

Сиясетнен багълы эшиттирювлер эки девлет тилинде - рус ве къырымтатар тиллеринде алынып барыла эди, бундан гъайры 15 дакъкъалыкъ ТАСС беянат-ларыны ве сиясий информация болюгининъ субетлери бериле эди.

1933 сенеси январь 31-де радиоэшит-тирювлер боюнджа Бутюнсоюз комитети СССР НКПТдан СССР Халкъ Комиссар-лары Шурасы янындаки радиофикация ве радиоэшиттирювлер боюнджа Бутюнсоюз комитети киби айырылды (сонъундан чокъ керелер денъишти). Онынъ бирден шахсий

яйынлар азырлап башламасы СССРде биринджи радиоканал - Бутюнсоюз радиосы пейда олувыны бильдире эди.

1937 сенеси радиоэшиттирювлер Малая Никитскаядаки янъы Москва радиоэвине авуштырылгъан эди.

О девирде, эр анги бир мувафакъиет шахсий киби къабул этиле эди. 1936 сенеси Бутюнсоюз радиофестивалинде иштирак эткен радиокомитетимизнинъ солист йырджысы Сабрие Эреджепова бестекяр Асан Рефатовнынъ виолончель ве пианино ичюн ишлеген «Эки пугъу» адлы халкъ йырыны иджра этти. Онынъ иджрасында «Ногъай бейитлери»мизде янъгъырагъан эдилер. О вакъыт Сабрие Эреджепова энъ яхшы йырджылардан бири оларакъ танылгъан эди.

1939 сенеси Сабрие Эреджепова Москвада, эстраданынъ Бутюнсоюз конкурсында иштирак этип, дипломнен такъдирлене.

1940 сенеси онъа «Къырым АССРде нам къазангъан артист» унваны бериле (1966 сенесинден - Озьбекистан ССРде нам къазангъан артист). Шу сененинъ ноябрь айында, халкъ санатына буюк иссе къошкъанлары ичюн, радиокомитет хадимлери - бестекярларымыз Яя Шерфе-динов ве Ильяс Бахшишкъа, бунынъ киби де, Къырым виляет театрининъ актёрлары Халид Гурджи, Майнур Ишниязова ве Ибраим Халилов «Къырым АССРде нам къазангъан санат эрбабы» киби унваннен такъдирленелер [Бекиров, 2018].

Алман-фашист баскъынджылары Къы-рымгъа якъынлашкъанынен Къырым радиокомитети ВКП(б) Меркезий Комите-тинден Москвагъа кочюв эмирини ала. 1942 сенеси сентябрь 6-де исе саат 18.00-де Бутюнсоюз радиосынынъ далгъаларында зиялыларымызнынъ къырымтатар халкъы-на япкъан мураджааты янъгъырай. Биринджи яйынларнынъ вакъыты 57 дакъикъагъа барса, 1943 сененинъ январь айында 10 дакъикъа даа къошулып, йылнынъ сонъуна барып, эшиттирювлер аджими 77 дакъикъаны тешкиль этти.

Къырым виляет партия комитетининъ тевсиесинен Москвада месуль муаррир вазифесинде Юсуф Болат, эдебий хадим ве диктор оларакъ Къырым виляет партия комитетининъ сабыкъ инструкторы Ваап Османов чалыштылар.

Радиодан эсасен «Совинформбюро»-нынъ бильдирювлери, сиясий макъалелер, Ватан хаберлери, шиирлер бериле эди. Къырымда къалгъан солистлернинъ адлары белли себеплерден анъылмай эди. Улу Ватан дженки йылларында радио-

эшиттирювлер тешвикъатчы, пропаганда-джы, тешкилятчы киби дженкявер рольни эда этти. Даима партизанлар ве вакътынджа окупирленген территориялар-нынъ эалиси ичюн яйынлар алынып барылды...

Эдебият

1. Бекиров С.Э. (а). Къырымтатар радиосы: о насыл башлангъан эди // Янъы дюнья. 2020. № 1.

2. Бекиров С.Э. (Ь). Къырымны радиолаштырув меселеси акъкъында // Янъы дюнья. 2020. № 3.

3. Бекиров С.Э. Чалгъыджы Мемет Абибуллаев // Янъы дюнья. 2019. № 20.

4. Бекиров С.Э. Зейнеп Люманова озь йырларынен эбедий яшар // Янъы дюнья. 2018. № 35.