CC BY
14
УДК 821.352.3
ББК 83.3(2=Ады)
Л 97
Лямова Б.Х.
Кандидат филологических наук, доцент, преподаватель кафедры адыгейской филологии, e-mail: [email protected]
Цей Б.А.
Кандидат филологических наук, доцент, преподаватель кафедры адыгейской филологии, e-mail: [email protected]
Внутренний мир детского писателя Джафара Чуяко Цуекъо Джэхьфар ик1элэц1ык1у Дунай
(Рецензирована)
Аннотация:
Рассматриваются результаты исследования творчества одного из основоположников адыгейской детской литературы Джафара Чуяко. Анализируются особенности умения автора видеть «многие противоречия жизни», способность его лирического героя ценить упорный труд, простота и доступность стиля, предметность и содержательность стихов, дидактическая заостренность и умение сообщать о чем-то новом. Выявляется своеобразие поэтической манеры, заключающееся в отборе художественных средств, форм выражения авторского сознания с учетом возрастных особенностей читателя-ребенка. Установлено, что рассмотрение сведений о его литературном наследии, адресованном детям, определяет значение творчества Дж. Чуяко в воспитании юных и молодых людей.
Ключевые слова:
Авторское сознание, внутренний мир, детская поэзия, формы и приемы художественного средства.
Lyamova B.Kh.
Candidate of Philology, Associate Professor, Teacher of Department of the Adyghe Philology, e-mail: [email protected]
Tsey B.A.
Candidate of Philology, Associate Professor, Teacher of Department of the Adyghe Philology, e-mail: [email protected]
Inner world of the children's writer Jafar Chuyako
Abstract:
The paper deals with the results of research of creativity of Jafar Chuyako, one of the founders of the Adyghe children's literature. The publication analyzes features of ability of the author to see «many contradictions of life», ability of his lyrical hero to appreciate persistent work, simplicity and availability of style, concreteness and pithiness of verses, didactic pointedness and ability to report about something new. The study reveals the originality of a poetic manner consisting in selection of art means, forms of expression of author's consciousness taking into account age of the reader - the child. It is inferred that consideration of data on J.Chuyako's literary heritage addressed to children defines value of creativity of
J. Chuyako in education of young people. Keywords:
Author's consciousness, inner world, children's poetry, forms and techniques of art means.
Адыгэ тхэк1о ц1эры1оу Джэхьфар Бязрыкъо ыкъом тилитературэ и1ахьышхо хиш1ыхьагъ, ар прозаикэу, поэтэу, дра-матургэу, публицистэу щытыгъ. Джэхьфар илитературнэ к1эн икъоу зэхафыгъэу тфэ1ощтэп, ау я ХХ-рэ л1эш1эгъум и 50-рэ илъэсхэм къащегъэжьагъэу ащ итвор-чествэ фэгъэхьыгъэу мак1эп гъэзетхэмрэ журналхэмрэ къахаутыгъэр, письмэхэу, статьяхэу атхыгъэр.
Ащ фэдэу, м итворчествэ фэгъэхьыгъэу Мамый Руслъан мырэущ-тэу ытхыгъ: «Всё, что написано Джафа-ром Чуяко, отличается ясностью мысли, острой публицистичностью, простотой и доступностью стиля». м иусэхэм анахь ш1уагъэу литературоведым ахилъагъорэр купк1ышхо, п1уныгъэ мэхьанэ зэря1эр, к1э горэхэм нэ1уасэ узэрафиш1ырэр ары. Ма-мыим мырэущтэу етхы: « с детьми поэт всегда честен и объективен. Он не любит фальши и натянутости в обращении с текстом и вместе с тем не терпит и чрезмерной упрощенности» [1: 224-244].
Критикхэм зэралъытэрэмк1э, ипо-эзиеу к1элэц1ык1ухэм афэгъэхьыгъэр гуры1огъош1оу, узы1эпищэу, имэхьанэк1э агу нэсэу щыт. Цуекъо Джэхьфар ипоэзие ш1у зык1алъэгъурэр игерой ц1ык1ухэмэ язек1уак1эхэр, агу ихъык1ырэр, япсихоло-гие дэгъоу зэрэзэхиш1ык1ырэр, поэтиче-скэ гупшысэк1э амал дэгъу зэри1эр ары.
Цуекъо Джэхьфар ипроизведение-хэу к1элэц1ык1ухэм апае ытхыгъэхэр мырэущтэу зэтетыутын тлъэк1ыщт:
тхылъеджэхэм аныбжь елъы-тыгъэу (нахьыбэрэмк1э ар зыфатхэрэр к1элэц1ык1у 1ыгъып1эхэм къач1эк1ынэу щытхэмрэ ублэп1э еджап1эм ч1эсхэмрэ ары, загъорэ 1этахъохэм, ныбжьык1эхэми афэтхэ). Гущы1эм пае, усэхэу «Сыина, сыц1ык1уа?», «Ытхьалэнха?» зыфи1охэрэр ык1и нэмык1ыбэхэр к1элэц1ык1у
1ыгъып1эхэр къэзыухыхэрэмрэ ублэп1э еджап1эм ч1эсхэмрэ атегъэпсыхьагъэх;
*жанрэхэмк1э: усэ к1эк1хэр («Сянэ згъэгуш1он», «А зыр щыгъупшагъэп»); поэтическэ рассказхэр («Къушъхьэ»); пьесэхэр («1эшъхьэтет нэпц1», «Шъхьэр нэк1ымэ»); пшысэхэр («Л1ыжъымрэ тыгъужъымрэ»);
*тематикэмк1э (къуаджэм, къалэм, хэгъэгум афэгъэхьыгъэхэр - «Слъэпкъ зы-фэдэр», «Ситэтэжъы къе1отэжьы». Ахэр краеведческэ-географическэ усэхэм ахэп-лъытэхэ хъущтых.
* 1офыгъоу къызытегущы1эрэмк1э (псэушъхьэхэм афэгъэхьыгъэ усэхэр-«Сичэтыу», «Тхьак1умк1ыхь»; джэгуалъ-эхэм афэгъэхьыгъэхэр - «1эгуоу», «Силъ-эрычъ»; зэлэгъухэм афэгъэхьыгъэхэр
- «Тихьэблэ к1алэхэр», пейзаж сурэтхэр
- «Псыхъо 1ушъом», «Илъэсык1эм ты-пэгъок1ы».
Цуекъом итхыгъэ пстэури ш1эныгъэм икъэк1уап1эу зэрэщытхэм емылъытыгъэу, нахьыбэрэмк1э художе-ственнэ амалхэр ахэм ак1ы1у къэхъух. Ащ фэдэ художественнэ гъэпсык1эхэу къы-хэгъэщыгъэхэр:
амалэу къызфигъэфедэхэрэмк1э (ав-торым илирическэ «сэ» -«Унак1э», «Къа-ш1эжьыгъ»; авторскэ монологыр - «Си-ныбджэгъухэр»; упч1э- джэуап ш1ык1эр
- «Хэт ышъхьа анахь дахэр?»; диалогыр
- «Анахь 1азэр», лирическэ героим имо-нолог - «Хьадэпчэмы1у», «Сыина, сы-ц1ык1уа?»).
Цуекъом к1элэц1ык1ухэм упч1эныр зэряк1асэр къыдилъытэзэ, иусэхэм бэрэ упч1э шъуашэхэр ащегъэфедэ. Иусабэмэ упч1э тамыгъэ зыхэт шъхьэхэр афиш1ыгъ «Гъатхэр тыдэ хъугъа?», «Хэт ышъхьа анахь дахэр?» ык1и нэмык1хэр. Усэм ышъ-хьэ загъорэ упч1э тамыгъэ хэмытми, ыпкъ ар хэолъагъо. Гущы1эм пае, усэ к1эк1эу
«Жьыбгъэр къилъыгъ» [2: 16] зыфи1орэм хэт лирическэ героим зизакъоу щыт чъы-гым ыгу фэгъу. «Унэм сихьани, сыгъолъ-ыжьына?// Жьыбгъэр къэбыоу, сыхэчъы-ена?». Ык1и ежь-ежьырэу джэуап къегъ-оты: «...тэтэжъ ик1ак1о чъыгым къес-хъухмэ// Жьыбгъэ тэмабгъом щысэухъу-мэ!...». Ащ гъэсэпэтхыдэу хэлъыр къин хэфагъэм угу фэгъун, уде1эн зэрэфаер ары. Ау ащ фэдэ зэфэхьысыжьым ежь ли-рическэ героир къызэрэфэк1уагъэм сюже-тым ушъые мэхьанэу хэлъыр нахь егъэ-ушъэбы, к1элэц1ык1ум ыгу ихъык1ыхэрэр къызэритхыхьэрэ гущы1эхэу «къэбыу», «ефызы» зыфи1охэрэм къэ1отэным нахь 1упк1агъэ къыхалъхьэ.
К1элэц1ык1ухэм дунаир зэтеу-тыгъэу зэралъэгъурэр къыдилъытэ-зэ, Цуекъо Джэхьфар тхылъеджэм ына1э еджэп1э хатэм къыщык1ыхэрэм тыра-регъадзэ а пстэури ежь к1элэц1ык1ухэм къызэрагъэк1ыгъэр гуригъэ1оным фэш1. Джарэущтэу к1элэц1ык1у писателым ип-шъэрылъ шъхьа1э зэш1уехы - къэзыу-цухьэрэ дунаир к1элэц1ык1ухэм дэгъоу аш1эным ык1и 1офыр ш1у алъэгъоу къэ-тэджынхэм афэлажьэ. ... «Природа служит своеобразным термометром, определяя наличие или отсутствие в человеке святости». [3: 300-320]. Американскэ тха-к1оу, философэу Р.У Эмерсон итермин «святости» хеубытэ - шъхьак1ор, ук1ытэр, намысыр пхэлъыныр. Цуекъо Джэхьфар иусэхэм мы джэмакъэр къахэщэу, ренэу ына1э тетэу ш1ур, ер, ш1улъэгъур, джэгъ-огъуныгъэр, хьалэлныгъэр, жъалымыгъэр зыщыщхэм бэрэ к1элэц1ык1ухэр арегъэ-гупшысэх, нахьыбэрэмк1э ащ пае поэтым зэгъэпшэныр (сравнениер), аллегориер, антитезэр, лакъырдыр, сэмэркъэур, загъо-рэ - эпитетымрэ метафорэмрэ егъэфедэх.
К1элэц1ык1ум иакъыл джыри бэ къызэримыубытырэм елъытыгъэу Цу-екъом тхылъеджэм «дэгъумрэ дэимрэ» фызэхифыхэ зыхъук1э амалэу антитезэр егъэфедэ. («А зыр щыгъупшагъэп», «Къушъхьэ»). Тштэн поэтическэ расска-зэу «Къушъхьэ» зыфи1орэр [4: 42]. Мыщ
героит1у щызэпэгъэуцужьыгъ. Апэрэр зек1о к1элэц1ык1оу тыгъужъыр къызыте-бэнэгъэ мышъэщырэу, пчэнхэу псым ыт-хьалэхэрэм аде1эным фэхьазырыр ары. Ар ц1ыфыгъэ шэпхъэ лъагэхэм язехьак1оу щыт, гук1эгъу ин хэлъ, л1ыблан, ыпсэ емы-блэжьэу ч1ып1э къин ифагъэм 1эпы1эгъу ригъэгъотыщт. Адрэ героир - хьэк1э-къуак1эу ем, джэгъогъуным, жъалымыгъ-эм язехьак1ор ары. Мы рассказым поэтым нэмык1 пшъэрылъи щегъэцак1э, ге-ройхэр къэзыуцухьэрэ дунаим идэхагъэ тхылъеджэхэм алъегъэ1эсы. Мыщ дэ-жьым къэ1огъэн фае к1элэц1ык1ухэмк1э гуры1огъош1оу щыт бзэмк1э ч1ыопсым идэхагъэ ащ къызэритырэр.
К1элэц1ык1ухэмк1э гуры1огъош1оу хъуным пае Цуекъом мы поэтическэ рас-сказым к1элэц1ык1у 1уры1упчъэр угу къэзыгъэк1ырэ къык1э1отык1ыжьынхэр: «гъуаргу», «к1амп1» зыфи1охэрэм афэдэ-хэр, загъорэ пшысэм инэшанэхэр: «Тыгъэм ыпэу зытэфапэ, зетэгъэхьы, зэтэнэк1ы...», зыфэп1ощтхэм афэдэхэр щегъэфедэх...
Поэтым бэрэ иусэхэм лъэпкъ нэшанэ ахелъхьэ. Цуекъом ыш1эзэ урыс авторхэм (И. Крыловым, А. Барто, С. Михалковым) япроизведение ц1эры1охэм яхьщыр усэ нэф-хэр етхых. Ахэм гук1одыгъор ащы1эк1ыб, гуш1уагъок1э, мэфэк1к1э ушъагъэх. К1элэц1ык1ухэм ядунэегуры1уак1э ар дештэ. Зэдгъэпшэн И.Крыловым ибас-нэу «Стрекоза и Муравей» зыфи1орэмрэ Цуекъом иусэу «Къамзэгумрэ пк1аум-рэ» [2: 26] зыфи1оу баснэ шъуашэм илъ-эу тхыгъэмрэ. Мы произведениит1ури къамзэгу чаным иобраз зэрепхых, ау пк1ау шъхьанэк1ым, гугъуемыл1ым ио-браз зэфэдэ дэдэу къащытыгъэп. И. Крыловым ипк1ау к1одыным ищынагъо къышъхьарыхьагъ. Цуекъом ипк1ао ыгу ыгъэк1одырэп, «Чъы1эр сэрк1э щтагъо хъуна: Чъэм сыхэтмэ-сигъэл1эна?», - е1о. Джащ фэдэу урыс литературэм пчъагъ-эрэ щагъэфедэгъэ образхэмрэ темэхэм-рэ зафигъазэзэ, Цуекъом тинэ1осэ сюжет-хэм к1эух гъэш1эгъон афеш1ы. К1элэц1ык1у 1ыгъып1эхэм як1уал1эхэрэмрэ ублэп1э
еджап1эхэм ач1эсхэмрэ атегъэпсыхьэгъэ произведением сыдигъуи к1эух дэгъу и1эн фаеу ащ елъытэ.
Краеведческэ-географическэ ци-клэм хэхьэрэ усэхэр пштэмэ, Цу-екъом и1эпэ1эсэныгъэ зэрэхэхъуагъ-эр къызыщылъагъорэр п1уныгъэ пшъэ-рылъэу ахэм агъэцак1эрэр ык1ы1у къызэримыш1ырэр, тхылъеджэм авторым цыхьэ зэрэфиш1ырэр, поэтым ч1ыгу гуп-сэм ш1улъэгъоу фыри1эр, ащ ипроизведе-ниехэм къащи1уатэхэрэм авторым гушхо-ныгъэу ахигъуатэрэр зэрэдигощырэр ары.
Цуекъо Джэхьфар ипроизведение-хэу к1элэц1ык1ухэм атемыгъэпсыхьагъэ-хэми тхылъеджэм иныбджэгъу нахьыжъ-эу ащыщыт. Публицистическэ тхылъэу «В долине чудес» [5] зыфи1орэм ышъхьи авторым ч1ыгу гупсэм идэхагъэ ехьыл1эгъэ гупшысэр щыпхырищыгъ. Эстетическэ зэхэш1э куухэр тхылъеджэм зэригъотыхэ-рэм нэмык1эу, адыгэхэм, Адыгеим ич1ыопс (природэм) байныгъэ, итарихъ, ащ ыц1э чыжьэ зыгъэ1угъэ ц1ыфхэм, щы1эныгъэм
илъэныкъо зэфэшъхьафхэм гъэхъагъэу ащаш1ыгъэхэм яхьыл1эгъэ къэбарыбэмэ нэ1уасэ афэхъу. «Его лирический герой -часть природы, через нее он осознает свое место в этом сложном мире...» [6: 14].
Тиш1ош1к1э, мы тхылъхэм литерату-рэм (к1элэц1ык1у литературэ закъор ары-мырэу) ипшъэрылъ шъхьа1эхэр - гъэсэ-ныгъэ, эстетическэ, п1уныгъэ пшъэрылъ-хэр икъоу щызэш1охыгъэ мэхъух.
Ыпшъэк1э зигугъу къэтш1ыгъэхэр зэфэтхьысыжьыхэзэ къэт1он тлъэк1ыщт Цуекъо Джэхьфар к1элэц1ык1у литера-турэм и1ахьышхо зэрэхиш1ыхьагъэр, ащ ипоэтическэ, ипедагогическэ сэна-ущыгъэ зэрэщытэу к1элэц1ык1ухэм зэ-рафигъэлэжьагъэр. Поэтым литератур-нэ к1эн бай къытфигъэнагъ, жанрабэхэм арылъэу тхагъэ, художественнэ амал зэ-фэшъхьафыбэхэр къызфигъэфедэщтыгъэ, к1элэц1ык1ум идунэеезэхаш1э ишъэф-хэм икъоу ащыгъозагъ ык1и тхылъеджэм ыныбжь епэсыгъэ художественнэ амалхэр къыгъотышъугъ.
Примечания:
1. Мамий Р.Г. Джафар Чуяко адыгейский писатель и поэт // История адыгейской литературы в 3 т. Т. 3. Майкоп, 2006. 352 с.
2. Цуекъо Дж. Тихьэблэ к1алэхэр. Мыекъуапэ, I987. 34 с.
3. Emerson R.W. Natura.Selertions. N. Y: Oxford University Press, 1990. 352 p.
4. Цуекъо Дж. Чэтыум иджэмышх. Краснодар, I990. 32 с.
5. Чуяко Дж. В долине чудес. М., I977. 126 с.
6. Даутова А.М. Художественное осмысление философской лирики Нальбия Куёка // Вестник Адыгейского государственного университета. Сер. Филология и искусствоведение. Майкоп, 2011. Вып. 3. С. 13-16.
References:
1. Mamiy R.G. Dzhafar Chuyako: an Adyghe writer and poet // History of the Adyghe literature in 3 vol. Vol. 3. Maikop, 2006. 352 pp.
2. Chuyako Dzh. Guys from our yard. Maikop, I987. 34 pp.
3. Emerson R.W. Natura.Selertions. N.Y.: Oxford University Press, 1990. 352 pp.
4. Chuyako Dzh. Cat's spoon. Krasnodar, I990. 32 pp.
5. Chuyako Dzh. In the valley of miracles. M., I977. 126 pp.
6. Dautova A. Artistic elucidation of the philosophical lyrics by Nalbiy Kuek // Bulletin of Adyghe State University. Ser. Philology and the Arts. 2011. Iss. 3. P. 13-16.
