CC BY
89
НАУЧНЫЙ ВЕСТНИК КРЫМА, № 3 (8) 2017
УДК 811.512.19'373.421
Абляметова Сусанна Марленовна, преподаватель кафедры крымскотатарского и турецкого языкознания ГБОУВО РК «КИПУ», г. Симферополь, Республика Крым, РФ
E-mail: sudilim@ukr.net
АБСОЛЮТНЫЕ СИНОНИМЫ В КРЫМСКОТАТАРСКОМ ЯЗЫКЕ Аннотация: В статье рассматривается явление синонимии в современном крымскотатарском языке. Анализируются основные типы синонимов, в частности лексические дублеты. Определяется характер функционирования абсолютных синонимов в речи.
Ключевые слова: крымскотатарский язык, синонимия, лексические дублеты, абсолютные синонимы. SDC 811.512.19'373.421
Ablyametova Susanna Marlenovna, lecturer of the Crimean Tatar and Turkish Linguistics Chair of the GUPUVO RK "KIPU", Simferopol, the Republic of Crimea, the Russian Federation E-mail: sudilim@ukr.net
ABSOLUTE SYNONYMS IN THE CRIMEAN TATARIAN LANGUAGE Annotation: The appearance of synonymy in modern Crimean Tatar language are exanimated in the article. Primary types of synonymies, in particular linguistics doubletsare analyzed. Determines the character of functioning of the absolute synonyms in speech.
Key words: Crimean Tatar language, synonymy, linguistics doublets, absolute synonyms.
КЪЫРЫМТАТАР ТИЛИНДЕ ТАМ МАНАЛЫ СИНОНИМЛЕР Аннотация: Макъаледе земаневий къырымтатар тилинде синонимия адисеси талиль этиле. Синонимлернинъ эсас типлери бакъыла, хусусан, лексик дублетлер яни там маналы синонимлер. Там маналы синонимлернинъ нутукътаки вазифеси бельгилене.
НАУЧНЫЙ ВЕСТНИК КРЫМА, № 3 (8) 2017 Эсас сёзлер: къырымтатар тили, синонимия, лексик дублетлер, там маналы синонимлер.
Меселенинъ къоюлувы. Къырымтатар тилининъ лексик-семантик къурулышынынъ огренильмеси земаневий тюркшынаслыкънынъ актуаль меселелеринден биридир. Тильнинъ лексик-фразеологик теркиби парадикматик, синтагматик ве эпидигматик джеэттен эр тарафлама талильни талап эте. Шу ёнелиш черчевесинде синонимлер, махсус араштырма объекти оларакъ, айры дикъкъаткъа ляйыкълар.
Тильнинъ бутюн байлыгъыны къулланмакъ ичюн сёзнинъ хусусиетлерини, онынъ маналарыны, башкъа сёзлернен мунасебетке кирмек ве олардан синонимик сыраларыны тешкиль этмек къабилиетлерини тедкъикъ этмек кереклидир. Синонимлернинъ огренилюви эм лакъырды тили, эм эдебий тиль ичюн муимдир.
Эдебиятнынъ талили. Тильшынаслыкъта синонимлер категориясыны озь араштырмаларында Ю.Д. Апресян, О.С. Ахманова, В.В. Виноградов, В.А. Звегинцев, С.Д. Кацнельсон, Е.С. Кубрякова, Е.Р. Курилович, А.И. Смирницкий, А.А. Уфимцева, Н.М. Шанский, Д.Н. Шмелев, Л.В. Щерба киби белли алимлер талиль эттилер.
Къырымтатар тильшынаслыгъында исе синонимиянынъ базы меселелери А.М. Меметовнынъ, А.М. Эмированынъ, Э.Ш. Меметованынъ, У. Куркчининъ, Л. Шабутованынъ, К.А. Усеиновнынъ, Э.С. Ганиеванынъ, Н.С. Сейдаметованынъ, Э.С. Акъмоллаевнинъ, Л.А. Алиеванынъ ильмий макъалелеринде ве окъув къулланмаларында бакъылды [4; 5; 6; 7].
Амма, малюм олгъаны киби, къырымтатар тилинде синонимлерге багъышлангъан терен, мукеммель тедкъикъий ишлер етерли дегиль ве шу сырада огренильген мевзунен багълы давалы меселелер чокъ расткеле.
Юкъарыда къайд эткенимизни козь огюне алып, къырымтатар тилинде там маналы синонимлерни тедкъикъ этмеге макъсад къойдыкъ.
Эсас малюматнынъ ачыкъланмасы. Синонимлер нутукъ байлыгъыны арттырмакъ, тильни зенгинлештирмек ичюн хызмет эткен васталардан
НАУЧНЫЙ ВЕСТНИК КРЫМА, № 3 (8) 2017 биридир. Синонимлер бир де бир предмет, арекетнинъ аляметлер фаркълылыгъындан келип чыкъалар, лякин синонимлернинъ къарарсыз къулланылувы жаргонгъа кечюв ёлуны ача.
У. Куркчи къайд эткени киби, фикирнинъ там бир суретте берильмесини темин эткен васталардан энъ муими синонимлердир. Эдебий тиль синоним васталары системасынен зенгинлеше. Бу чокъ муреккеп бир система олып тильнинъ ифаделилик кучюни арттыра [1, с. 71].
Манаджа бири-бирине пек якъын олмакънен берабер, синонимлер, айны заманда, бир мананынъ тюрлю-тюрлю янларыны, корюнишлерини, бири-биринден башкъаджа ренклерини бильдирирлер. Шунынъ ичюн де синонимик васталардан эр бирининъ фикирге, манагъа нисбетен эльверишлилиги бардыр, олар фикирнинъ ачыкъ-айдын, там ве гузель айтылмасыны темин этерлер.
Мана якъынлыгъынен берабер сёзлер арасындаки фаркъ хусусиетлерине коре синонимлернинъ там маналы, семантик, семантик-стилистик, стилистик киби чешитлери айырыла.
Там маналы синонимлер (тильшынаслыкъта там маналы синонимлер толу синонимлер, абсолют синонимлер, лексик дублетлер киби терминлернен тайин этилелер) тиль байлыгъыны арттырмакъ васталарындан биридир. Тиллернинъ озьара мунасебетлери, тиль ичиндеки олып кечкен денъишмелер ве экстралингвистик факторларнынъ тесири нетиджесинде абсолют синонимлер пейда олалар [2].
Бойле синонимлернинъ маналары арасында фаркъ сезильмей, олар базы алларда бири-бирининъ ерине къулланыла билирлер. Меселя, бет - озь, къол -эль, чамур - балчыкъ, бай - зенгин, сельби - къавакъ, бекяр - бойдакъ, ишлемек - чалышмакъ, бахт - част, къаза - беля, сайгъылы - урьметли ве иляхри. Лексик дублетлернинъ эсас вазифеси - тильни текрарлавлардан сакъламакъ, тиль зенгинлигини арттырмакъ.
Абсолют синонимлерни параллель къулланылгъан ильмий терминлерде расткетирмек мумкюн, меселя: грамматика - имля, аффикс - ялгъама, метафора - меджаз. Синонимик аффикслер ярдымынен япылгъан тамырдаш
НАУЧНЫЙ ВЕСТНИК КРЫМА, № 3 (8) 2017 сёзлер де там маналы синонимлер сырасыны тешкиль этелер: ишкир - ишкузар - ишчен, боямакъ - бояламакъ, болюв - болъме, болюм - болюк, бойледже -бойлеликнен.
Там маналы синонимлер тильде бир къач вазифени беджерелер. Биринджиден, бир сёзнинъ башкъа сёзге денъиштирювини беджере. Бу вазифе тильде айны сёзлернинъ текрарланмаларындан къачынмакъ заруриетинден келип чыкъа: 1. Сабадан акъшамгъадже чалыштым, такъатым къалмады. Энди ич бир шейге кучюм ёкъ. 2. Ола билир, бу бизим ахмакъ да озюне ошагъан бир сюмсюкнинъ артына такъылып кеткендир (Ю.Б.) Экинджиден, айдынлатув, тамамлав вазифеси. Бу функция адисе, предмет, оларнынъ аляметлерини къонушув эснасында даа да айдын, толу косьтермек кереклигинен багълыдыр: Али пек эдепли йигит эди, ана-бабсы тербиели бала осътюргенлери корюне - джумледе тербиели сёзю эдепли сёзюни тамамлай, яни тербиели баладан эдепди йигит етишкени анълатыла.
Тамамлав вазифесинен манадашлыкъ я да мана якъынлыгъынынъ къайд этильмеси ичюн синонимлернинъ бир сырагъа тизилюв усулы багълыдыр [3]: 1. Аначыгъым, осьтюрдинъ, буюттинъ, сагъ ол. 2. Энди барып, фикир эт, бармы сенде юзь ве бет? 3. Бир миллете кереги де ана тиль, ана лисан (Я.Ш.-А.).
Къырымтатар тилинде там маналы синонимлер бир арада къулланылып чифт муреккеп сёзлерни мейдангъа кетирелер. Чифт олып къулланылгъан синонимлер мананы къуветлендирмек, эмоциональ ренкни къошмакъ ве бираз къабартмакъ вазифесини ташыйлар. Меселя, Догъру, кочюрилъгенде омюринде биринджи кере Османны да гъам-къасевет басты (Ю.Б.). Дюнъя юзюнде кечирген отуз йыллыкъ омюринде къаарь-къасевет я коръди де я ёкъ (Ю.Б.). Лякин пек яман ёрулып, кучь-такъаттан кесилъсе де, козюне кене юкъу кирмеди (Ю.Б).
Тиль байлыгъы акъкъында айтылгъанда, биринджиден, онынъ зенгин синонимлер системасы козьде тутула. Халкънынъ, тилининъ тарихы не къадар шанлы ве узун олса, сёзнинъ синонимик имкянлары да о къадар кениш.
НАУЧНЫЙ ВЕСТНИК КРЫМА, № 3 (8) 2017 Синонимлер барлыкътаки предметлер, адиселер, арекетлер акъкъында тюшюнджемизни айдынлатмакъ, тамамламакъ ичюн ярдым этелер.
Список литературы
1. Куркчи У. Фикир инджилери. - Симферополь : КъДжДММ « И. Гаспринский адына медиамеркез», 2016. - 128 с.
2. Голандам А. К., Голами Х. Абсолютные синонимы в диалектах русского и персидского языков в сопоставлении // Молодой ученый. — 2015. — №11. — С. 1589-1593.
3. Курбанова З. З. К разработке классификации лексических
синонимов лакского языка // Известия ДГПУ. - Махачкала, 2014. - №2. - С.81-86.
4. Меметов А. М. Земаневий къырымтатар тили. - Симферополь : Къырымдевокъувпеднешир, 2006. - 320 с.
5. Меметов А. М. Лексикология крымскотатарского языка: Учебное пособие. - Симферополь : Крымское учебно-педагогическое государственное издательство, 2000. - 288 с.
6. Меметова, Э. Ш. Къырымтатар тилининъ услюбиети ве нутукъ медениетининъ эсаслары: Окъув къулланма. - Симферополь : Къырым девлет окъув-педагогика нешрияты, 2002. - 82 с.
7. Усеинов К., Ганиева Э. С, Сейдаметова Н. С. Къырымтатар тили: Фонетика. Лексикология. Фразеология. Лексикография: Алий окъув юртларынынъ студентлери ичюн дерслик. - Симферополь : КъДжИ «Къырымдевокъувпеднешир» нешрияты, 2008. - 208 с.
